ريلي مايبي عيال مدري شنو قصده بهالسالفه

[جوري 2007]

حبوبة كسبي ريلج قد ماتقدرين ،، مبين انه الريال كان يحب طليقته بس انتي بشطارتج حاولي تنسينه اياها بكل الاساليب الانثويه

مايبي يهال عادي اجلي الحمل وتمتعي معاه واستغلوا هالفتره سفر وروحات وردات ،، لاتهلكين روحج بشغل البيت الحمامات غسليهم

كل يومين ،، غسيل الغساله مرة بالاسبوع ،، ييبي خدامة بيت اهلج اتساعدج مرتين بالاسبوع

 

[شيخه_البيض]

حبيبتي بالهون ع الريال مو جذي تتعاملين معاه

انتي تتضايقين لمن اييب طاري طليقته بس يمكن شاف الفرق بينكم
وانتي عروس المفروض مجهزة عمرج عدل وحاسبة حساب العيد
والصور مو شرط ريلج يطلعها اعرف بنات اهلهم طلعوا صورهم
وخليج من البنات اللي ماوراهم غير المشاكل ولاتصدقين كل شيء ينقالج
ترى في بنات يجذبون مايقولون لج الصج عن حياتهم الزوجية
والله يوفقك ان شاءالله*

 

[شيخه_البيض]

وعلى طاري اليهال أنا صارلي ٤سنين متزوجه وريلي عمره مافكر نروح نعالج
مرة وحده وداني وقالي على شان خاطرج بس
ويقولي مو مهم اليهال ان ياو حياهم الله وان ماياو عاادي
ولا سويت شيء وانا متشفقه ع اليهال
دامه زين ويحبني بس هذا كافي ووايد بالولي تطلقي منه ومادري شنو بس عندي عقل افكر فيه
وان مارضى ع اليهال الحين بيرضي بعدين

 

[قل علها خيره]

آآآآآآآآآآآآآآآآآآآآآآآآآآآآآآآآآآب

 

[Gatwa DaloO3a]

انا مع بدويه وايد .....

الرجااال يكره الحنه والطلبات

اكيد ماشاف فيك اللي كان يشوفه في طليقته ، عشان تكبرين في عينه وينسى طليقته لازم تتعاملين معاه بمعامله احسن من طليقته مو اسوأ ، ولا ماراح ينساها وبيظل يتذكرها ويقارن

لازم تبينين له ان فيك شي غير عن غيررك ..

 

[دندونه@@@]

اممممم وان اقرا الموضوع تذكرت موضوع وحده قبل فتره وطلعتي انتي نفس صاحبة الموضوع وكل مشكله تتكلمين فيها بكل صراحه انتي السبب فيها والله يعين زوجج لان واضح انج ماديه وما سمعتي نصايح البنات بموضوج الاول ودااااااايما طلباااااات من صور لملابس لخادمه لأثاث طيب متى تعطين نفسج مجال تبينين لزوجج انج زوجه صالحه مستعده تصبر معاه وتعيش الحلوه والمره علشانه خليه يثق فيج يحبج يرتاح لج مو عدل اللي تسوينه بتطفشينه وتنهين علاقته فيج حبيبتي ما الومه اذا قال لج ما ابي عيال لعشر سنين لانج عطيتيه مشاكل5 سنين بشهرين انا اعرف العروس ما تجدد اثاثها الا بعد ما يقضون عليه عيالها ويكسروووونه بكثرة اللعب والمطامر والحركه وانتي ما كملتي شهرين وتبين تجددين والخادمه ما يفكرون فيها المتزوجات الا بعد ما يجيبون البيبي الثاني او الثالث وانتي مشتطه عليها من الحين ما تدرين انها مغثه اما الصور قلنا لج من قبل هو مو ملزوم فيها لانه عطاج مهر وما قصر فيج وما قالج صوري وكل العرايس هم اللي يدفعون للصور شكو المعرس والملابس ما اتوقع لبستي كل تجهيزج يعني ليش الاسراف ودامج مسرفه صرفي على نفسج بالشغلات اللي ما لها داعي

بصراحه ما ينلام زوجج مسكين صدمتيه وخليتيه يتحسف على طليقته و هانت بعينه عيوبها بعد ما شاف عيوبج الله يهديج اثقلي شوي ولا تكلمينه في الامور الماديه هالفتره المفروض يكون كل كلامكم حب ورومانسيه وتعارف للي يحبه واللي تحبينه وتتقربون من بعض اكثر لكن اللي اشوفه العكس

راجعي نفسج واسلوب تعاملج مع زوجج واختاري المواضيع اللي تجذبه وتحاوري معاه تقربي منه اكثر ولا تخلين الامور الصغيره تاثر على علاقتكم نظمي وقتج بالعطل سوي شغلج لا تخلين الشغل يتراكم عليج وشوفي لج خدامه من دوامج جيبيها معاج تنظف البيت واتفقي معاها على يومين بالاسبوع مقابل مبلغ يرضيها وريحي نفسج وبنفس الوقت زوجج يرتاح من الحنه


والله يوفقكم ويستر عليكم ويقدر لكم الخير





*

 

[امواج الكويت]

حبيبتي يمكن الريال مل من الحنه وما يحب انج تطلبين واجد

انتي توج عروس استانسي شلج بسالفت الطلبات والاثاث والخدامه

والله اني خاشه من مهري للمصوره وللصالون يوم المسائيه ولا طلبته ولا قلتله وليومج هذا صارلنا 3 سنين ونص ما قلتله ابي مصروف ولا ابي معاش شهري والحمدلله عايشين حياتنا من احلى ما يكون

الحمدلله معاشج عندج ومانتي محتاجه منه شي اصلاً فكري تجيبين له هديه ولا فكري تحطين شموع وتنثرين ورد وتلبسين له هذاك القميص الراقي عشان يستانس وتغيير نفسيته مو تحنين ابي اغير وابي فلوس وابي خدامه

وع يا كرهي للخدم مع انها كله تحت فبيت حمولتي بس هم اتضايق وما احبهم ان شاءالله اذا ربي رزقج بالعيال هذيك الساعه جيبي خدامه
ودايماً بيني له انج تبينه ومستحيل تستغنين عنه وتخلينه عشان تشيلين الخوف من فشل زواجه الاولي

وعسى ربي يوفقج ان شاءالله

 

[جنون الهوى]

الله يسخركم لبعض​

 

[دلوعة صلوح]

الله يهديكم لبعض يارب.

 

[UNICORNA]

العيب كله منك

واشوفه عنده حق لمن اجل موضوع الاطفال

بالنسبه للراتب انتى تشتغلين وبعد تبين منه راتب شهرى وماتبين تدفعين شى بالبيت وتبين

تغيرين الاثاث صراحه الحمدلله انك على ذمته للحين

اشوف كل تفكيرك يبى اعاده نظر وربى يكتبلكم اللى فيه الخير

 

[Beautiful soul]

طولي بالج تو الناس ياااما شباب عسرررررين واخلاقهم لووعه مع زوجاتهم مع الوقت صاروا يحلفون براس حريمهم من كثر مايحبونهم ويقدرونهم
خلي كل الامور الماديه على جنب حاولي تكسبينه وتعلقينه فيج وعقب بتصير طل طلباتج اوامر ولاتنسين تدعين ربي ان يسخره لج ويجملج بعينه
الله يوفقج