ريلي ما يغار؟؟؟؟؟

[البيررق]

رد : رد: ريلي ما يغار؟؟؟؟؟

ادا انتي ماغرتي ع نفسج وحفظتيها تريينه اهو يحفظج ويغار عليج
انا اقول الله يهديج بالاول تالي هالريل

صاجه انا معاها

 

[[[ عيون جابر ]]]

مع رد العضوه كويتيه بروما
والله يهديه لج ويهديج قبله انشالله

 

[امي عائشة]

رد : ريلي ما يغار؟؟؟؟؟

اعوذ بالله هذا ديوث حتى الحيوانات تغار
الله المستعان الله يهديكم كلكم

 

[كميثره]

بخصوص انه ريلج ما يغار عليج تبين نقوله غار على مرتك مثلا

 

[ماني من الناس]

حبوبه اذا انتي ما تغارين على نفسج ما بتلاقين احد يغار عليج ,,,,,,,,,,,وووووصدقيني محد راح يحب احد اكثر من نفسه,,,,,,,,

غاري على نفسج واحتشمي كلامي والله من قلب

 

[كويتيه مذهله 87]

انتي تستري ولبسي شي مستر علشان يحس شويه وليش تصورين معاهم ووتكلمين مع الغريب

 

[أموت برزة عقاله]

رد : ريلي ما يغار؟؟؟؟؟

انه استغربت من سؤالج اختي الغاليه ! وتقبلي كلامي برحب صدر

المفرووض تنبعث الغاريه منج على نفسج وعرضج ... ومن عقبها لج حق تطرحين هالسؤال ليش ريلي ما يغار

بنسبه لج واجب عليج الستر جدام اي رجال اجنبي .. واذا صار بموقف ولا كنتوا مع بعض سولفي معاه انج جفتي وحده بهالموقف

وانصدمتي ليش ريلها ما يغار وان ما عنده غاريه ..ولا قولي له انج تعرفين وحده ريلها ما يغار واذكري المواقف !

ثاني سبب انه كنت بمحاضره وتتكلم عن الغاريه وقالت السبب اكل المطاعم واللحوم الي ما نعرف شنو اصلها ومن وين يايه واذا ذبحها

اسلامي او لا فإذا طلعتي بره ديرتج روحي للمطاعم الإسلامية .. واكيد نقص الوزاع الديني عامل مهم فحاولي تقيميين هالوزاع عندج

وتتقربين من ربج أكثر وتخلين ريلج يقتدي فيج بهشي ..

وعسى الله يخليكم لبعض

 

[فاقده ابوهاااا]

رد : ريلي ما يغار؟؟؟؟؟

مع اني اتضايق من غيره ريلي الزايده عن حدها ووايد اتشكى منها بس يوم قريت موضوعج حمدت ربي ان ربي رزقني بريال بمعنى الكلمه حبيبتي ريلج هذا لا تعليق للدرجه هذي فري والحياه ورديه عنده شنو يعني تصورين مع رياييل ويمسكونج وعادي عنده هذا في خلل برجولته ولا تزعلين من كلامي بس مافي ريال يرضى احد يشوف زوجته هذا ريلج عادي عنده كل شي انا بالسوق اذا رحت مع ريلي وعجبتني شغله اقول حق ريلي اهو يكلم الريال يقوله مقاسي والي ابيه بس اذا انا قلتله ابي مقاس كذا او ابي كذا لا بالله انرديت لي بيت اهلي فناقر

 

[ام زاكي]

الله يعنج مشكله والله

 

[وزيره الخارجيه]

الله يهديكم

 

[منوة القلب]

قبل تفكرين على غارية زوجك فكري ان الي تسوينه حرام

 

[Mi7Tara]

رد : ريلي ما يغار؟؟؟؟؟

مشكورين بنات و انا ادري ان الي اسويه غلط بس ليش اهو ما يتكلم يعني !! مرات تصير مواقف لا اراديا و هم مافي رده فعل
اوكي اهو فري بس ما توقعت جذي يعني شدعوه بعمرع ما علق على لبسي والله ودي مره يقولي لا تلبسين جذي او هذا جذي كلش مااااكو
و الي سالت اذا يصلي اي يصلي بس مو ملتزم وايد يعني يقطع
و عن اللحوم اهو كان يدرس برا و كان ياكل عادي بس من لما تزوجنا انا ما ارضا اكل فاهو هم ما ياكل

 

[ورد]

اذا انتي ما غرتي على نفسك وتسترتي تتوقعين ان هو بيغار عليج ؟
انتي الي جبتي لنفسك

والله يهديكم يا رب

 

[eman12]

يمكن اهو متربي في بيئه حيل متحرره
والله يهديه
تكلمي معاه
لان هلاشئ ماينسكت عنه

 

[<<لمار>>]

الله يهدية ويصلحة

 

[- دنيا الوله -]

رد : ريلي ما يغار؟؟؟؟؟

انزين وانتي ما تغارين على نفسج ؟

 

[بيتي بوب بس كويتيه]

في رياييل ما يبينون غاريتهم لحريمهم عادي مع الايام بتلاحظين انه يغار بس بطريقه مو ملحوظه
انا ريلي كنت استغرب منه بعدين اكتشفت شي ثاني
والصراحه أريح مو مثل هالرياييل الحنه الي بكل شي يدققون

 

[عشق موالي]

الله يهديكم اذا هو ماغار عليج انتي غاري على نفسج

 

[lovely jojo]

المفروض انتي يكون فيج غيره على نفسج وماتلبسين ولا اتصرفين جذي ..
يعني انتي حاسه في شي غلط فيج ...

 

[عزتي مالها حد]

رد : ريلي ما يغار؟؟؟؟؟

يمكن شخصيته وطبيعته جذيه