ريلي نام وهو زعلان سااااعدووووني

[بعيدة الدار]

:eh_s(14):صبحكم بالخير كويتيااااات


ماني عارفة شقوول لكم..
امس ريلي كان معزوم عند ربعه .. ورد من عندهم فرحاااان ويغني.. قالي حبيبتي انا عزمت ربعي الاثنين مع حريمهم عندنا عى العشاء يوم الربوع

وانقلب وجهي من فرحاااان إلى شبح :eh_s(14):
تشان اقوله لاء ما ابيهم يجووون اوووف انا تعباانة وماعندي خدامه وولدك شيطان مااعبر اسوي شي راعني على الاقل

عفس وجهه وقالي على الاقل قولي حياهم الله ..
قلت اووووووووووف مابي انا تعبانه وعندي موعد يوم الربوع مع الدكتورة راعني يا حبيبي شفيك كذا..

مد بوزه شبرين وراح على طول اتصل بأمه


قالها يمه انا عازم ربعي وبجيبهم عندكم .. امه قالت حياهم الله بس انا بطلع من البيت ما احب قعدة البنات ..:dddds:

تشان يجيني معصب وين اعزم ربعي وحريمهم في استراحه ولا شاليه ليه ماعندي بيت ولاحرمه سنعه..
انا ماقلت لج سوي ذبيحه انا قلت عشاء خفيف وبساعدج بتنظيف البيت وبشيل علوووي عنج ..

حسيت ان كسرررر خاااطري
تشان اقوله حبيبي لا تزعل ترا انا ماعندي خدامه وولدك من اعدل شي يعقد يبجي ويبيني .. وأنا آسفه وسامحني..

عقب شوي رضى ..
قلت له منهم ربعك قالي فلان وفلان..

قلت يووووووووووووه فلان الثاني ما اواطن مرته ويع ثجيلة دم ووو ووو ووو وماخليت عذروب ماحطيته

عقبها قالي خلاص خلاص سكتي مب انتي تعبانة .. وولدنا علووي متعبج خلاص روحي بيت اهلج اسبوع وافتكي من ويهي لاني انا اتعبح ابي ريوق الصبح وابي تكوين لي ملابسي وتسوين لي الغدا وعقب ترتبين السرير ياحرام تقطعين قلبي على التعب..

ويروح يكلم امه وقالها العزيمة عندكم مالي شغل ..
وراح يرقد وهو ماد بوزه شبرين ..

بنات والله غصبن عني قلت له جذيه ، شقتي كبيرة واتعب لمى انظفها وولدي الله يحفظه مو مخليني .. وانا تعبانة اللحين ومالي خلق شي..

سااعدوني شلووون ارااضيه مايهووون علي:krkrkr:

 

[جذابه بنت ذيابه]

ام علووووي نصيحه روحي رااااضيه


وجيب لج خداامه نص دوااام على الاقل
بوسي راااسه وقووليله حياااهم الله حبيبي


قدري زوجج عشاان يقدرررج

 

[بعيدة الدار]

جذابه

قلت له ابي خدامه قالي خدامه لالاء لاء لاء

 

[غير كل الناس]

ولدج ماتقدرين تودينه عند الوالده او وحده من خواتج

 

[جذابه بنت ذيابه]

قوووليله بس يوم الاربعااا

 

[بناتي حبيباتي]

كبرتي السالفه واهي صغييييره والله

الله يعافي المطاعم الزينه اللي تطلبين فيها عشا طيب لهم مع طبق ولا طبقين حلو من الخباز او دليس او غيره

وانتي ما عليج الا انج تسوين مطارة الجاي والقهوه

فليش كل هالصيحه وعوار الراس ؟؟؟!!!

اذا على الغثيثه اللي ما تواطنينها تراها مو نايمه عندج ترى كلها ساعه ولا ساعتين وفي امان الله يعني استحمليها عشان رضا ريلج بس

و مو حلوه جدام امه تطلعين كسوله ومالج خلق لأبسط العزايم

طردي الشيطان من بيتج وطيبي خاطر ريلج وسوي العزيمه في بيتج عشان ينسى انه زعل عليج ليله كاااامله

الله يوفقج حبوبه​

 

[بعيدة الدار]

غير كل الناس

اهلي ساكنين بعيد ..

 

[بعيدة الدار]

جذابه

شكلي بقوله

 

[بعيدة الدار]

كبرتي السالفه واهي صغييييره والله

الله يعافي المطاعم الزينه اللي تطلبين فيها عشا طيب لهم مع طبق ولا طبقين حلو من الخباز او دليس او غيره

وانتي ما عليج الا انج تسوين مطارة الجاي والقهوه

فليش كل هالصيحه وعوار الراس ؟؟؟!!!

اذا على الغثيثه اللي ما تواطنينها تراها مو نايمه عندج ترى كلها ساعه ولا ساعتين وفي امان الله يعني استحمليها عشان رضا ريلج بس

و مو حلوه جدام امه تطلعين كسوله ومالج خلق لأبسط العزايم

طردي الشيطان من بيتج وطيبي خاطر ريلج وسوي العزيمه في بيتج عشان ينسى انه زعل عليج ليله كاااامله

الله يوفقج حبوبه​

الله يسلمج حبيبتي والله كلامج حسسني اني مالي داااعي

 

[زوجة-القمر]

راضي يا بنت الحلال وحرام وعليه يكسر الخاطر ،، اهو خايف من الفشيله جدام ربعه ميخالف كله يووووووووم ويررروح تحملي قلبي ميخالف

 

[رفرف]

ييبي عشا من مطعم وسوي اللي تقدرين عليه سلطة وحلو او طبق جانبي وريلج عارض انه يساعدج خلاص هانت انشالله كلها عزيمة صغيرونة على قدكم ويوم واحد لا تكبرينها وهي صغيرة ..

 

[بعيدة الدار]

راضي يا بنت الحلال وحرام وعليه يكسر الخاطر ،، اهو خايف من الفشيله جدام ربعه ميخالف كله يووووووووم ويررروح تحملي قلبي ميخالف

مشكورة حبيبتي

 

[بعيدة الدار]

ييبي عشا من مطعم وسوي اللي تقدرين عليه سلطة وحلو او طبق جانبي وريلج عارض انه يساعدج خلاص هانت انشالله كلها عزيمة صغيرونة على قدكم ويوم واحد لا تكبرينها وهي صغيرة ..

الف شكر لج حبيبتي

 

[ام مضاوي]

ليه ماعندي بيت ولاحرمه سنعه

اكبر غلط انج حسستيه بهالشي

اختي انا كلللش ماعرف اطبخ ويوم تعلمت يدوب شي لي وله عالخفيف
ويوم قالي بعزم ربعي صج من داخل انصدمت
بس شقيت الحلج وانا مبتسمه

وقلتله ولا يهمك ان شاءالله ابيض الويه

رحت سويت انواع سلطات وجم حلى قهوه على طبق بارد>>>يعتبر انجاز مني

والطبخه الرئيسيه لحم وعيش
مع ملفوف وورق عنب طلبتهم من مره >>>لان شغل الحريم يصير جنه شغل بيت احسن من المطاعم

وبجذي رفعت راس ريلي
وطلعت بالزينه

وانتي سوي شغلج مبجر والطبخ الرئيسي طلبيه من برا
لان وراج قعدة حريم مو معقوله كل شوي بدشين المطبخ وتتركينهم

تسامحي من ريلج وقوليله انا غلطت وحقك علي انا الي بسوي مو امك
واذا تمونين على خالتج خلي ولدج عندها

 

[غلاي غير]

الله يهديييييييييييج ويصلح بينكم

ماتسوى والله ماتسوى

سوي مطارتين شاي ومطارتين قهوه للحريم وللرجاجيل

وحلو وفطاير وتمر

وسوي حلو بارد وسلطه والله يسلم العصير الجاهز من الجمعيه
والماي الصحه والبيبسي ووزعيه وخلي شغلج جاهز

واطلبي من مطعم ثقه ورق عنب ووملفوف وعيش ولحم ولا تعب ولاشي شنو يبي

وولدج حطيه عند اهلج او خالتج

 

[الشهد كله]

كبرتي السالفة وهي مو مستاهلة !!!!!
بالعكس من صالحج تصير عندج العزايم عشان تتعرفين على ربعه وحريمهم أحسن من ما يقولج آنا طالع مع ربعي وما تعرفين الزين من الشين ..........

وبعدين انتي شنو بتسوين غير الشاي والقهوة والباجي أهو اللي يطلبه من المطعم انتي مجرد مضياف
رتبي الصالة وضيفيهم ، بس إنج تردينه وأمه ترده حرام راح ينحرج جدام ربعه ، وبعدين أخذي مرتجعة من أي مكتب ولو إن الموضوع مو مستاهل دام كله من المطعم ......​

يا بنت الناس قولي له آنا ماعندي مانع بس ساعدني على الأقل بعلاوي خله عندك حركي اسم الله عليه ويأذيني وكان الله غفور رحيم ، ​

 

[الست اصيله]

اسمحيلي ماعندج سالفه انا مكانج اقوم قومه وافنتك واسويلهم احسن عشا يبيض الوجهه غلط اللي سويتيه مو جذي

 

[ودي بطفل احضنه]

الله يسلم هالمطاعم

ارتاحي حبيبتي ولا تحاتين

وروحي عند ريلج وراضيه ترى ماتسوى السالفه

وكنت وقتها تعبانه عشان جذي قلت كلام زعلك...


وموفقه

 

[ScarletteO'Hara]

يا حبيبتي ليش كبرتي الموضوع و اهو صغير و ما يسوى؟؟ الله يسلم فريج صويلح, احلى الاكل الكويتي جنه شغل بيت من ناحية المجابيس و القبوط و اليريش, و اذا ما يعجبج جذي في مليون مرة بالكويت ممكن تسويلج بوفيه يبيض ويه الريال, ريلج لما طلب منج هذا الطلب المفروض تستانسين انه شايفج كفو انج تشيلين عزيمة بوحج, و الريال ما قصر قاللج بينظف معاج, وين الريال الي يساعد المرة بشغل البيت؟؟ روحي راضيه و بوسي راسه, عيب يعزم ربعه ببيت امه و اهو عنده مرة, صورته ماراح تكون حلوة جدام حمولتج و لا ربعه
الله يهديج انشالله

 

[بتبوتااا]

البنات ماقصروو