ريلي نام وهو زعلان سااااعدووووني

[بعيدة الدار]

الف شكر لكم حبيبااااتي

 

[bintq8]

الله يهديج كبرتي السالفه واهي بسيطه ومايستاهل تسوين جذي فيه روحي راضيه ومو زين زوجج ينام واهو زعلان عليج اذا الزوج نام واهو زعلان على مرته الملائكه تلعنها لين تصبح

 

[hello!]

والله حرام عليج.. صج صج حرام عليج

ليه ماعندي بيت ولاحرمه سنعه

بصراحه مادري شقولج! يعني هذول ربعه! وياي مستانس وخربتي عليه موده وعفستيه
البنات ماقصروا بس بصراحه غلطانه الله يهداج

لو تبين نصيحتي ؟ زهبيله مفاجأه قبل لا يقعد من النوم وقعده رومانسيه وقوليله حبيبي من عيوني هذي قبل هذي الي تبيه انا حاضر فيه
صدقيني ترى هذي الأشياء الي تخليج تخسرين رجلج

 

[بناتي حبيباتي]

الله يسلمج حبيبتي والله كلامج حسسني اني مالي داااعي

زعلتي ؟؟؟؟!!!!

الله يشهد ان قصدي مصلحتج وأن نيتي صاااافيه

عموما انا اسفه يالحبيبه وحقج علي

 

[Nanoosa]

الصراحة آنا مع البنات كلهم قريت كلامهم وحدة وحدة
و الله يصلح بينكم يارب

 

[bint_looda]

لاتسوين شغلج كله الاربعا !!! قسمي الاشياء على جم يوم كلشي زهبيه وسويه يومها مايبقا الا تسلفطين هذا على هذا وتكشخين ترتزين !!!

الله يهداج بس تزعلين ريلج وتقصين ويهه جدام ربعه عشان يوم واحد ؟

هونيها وتهون والله ماكثر المطاعم اذا مالج خلق لي هالدرجه ... موزين ينام زعلان عليج روحي راضيه .. الله يهديكم

 

[ام دودو المزيونه]

حبيبتي الله يعافي المطاعم ويكثرهم وانتي حياتي مثل ما قلتي شقتك كبيرة تساعد علي العزايم عيل شلون الي شقة نتفه ونتداعم بالممر وخاطره بعيد ميلاد اولاده بالبيت وما يقدر من الضيق اتسامحي من زوجك وزهبي الحلو من الليل ومثل ما قالو البنات الورق عنب والمعجنات من مكان يكون شغله ثقة ( ورق عنب سابليه روعة كل يسألوني عنه ) والعشاء عندج انواع المطاعم في الكويت شرقي وغربي طبي وتخيري والولد خليه عند زوجك مو اهو عرض المساعده وكلها بالكثير ساعتين او ثلاث وتعدي

 

[بعيدة الدار]

زعلتي ؟؟؟؟!!!!

الله يشهد ان قصدي مصلحتج وأن نيتي صاااافيه

عموما انا اسفه يالحبيبه وحقج علي

لا بالعكس كلامج حسسني اني مو حرمة سنعه .. رحت له وراضيته وقالي خلاص حبيبتي بسوي العزيمة ببيت اهلي بس انتي عليج الطباااخ ووافقت

 

[بعيدة الدار]

الف شكر لكم حبيباااتي والله صج اقنعتوني بكلامكم

 

[فروحة البطوطة]

حبيبتي اهو عازمهم ما يصير تقوليلا لأ فشله بحق زوجج لو مو عازمهم واخذ رايج تقدرين تقولين لأ بس الحين راضي زوجج وسوي الي يطلبه عشان تكبرين بعينه

 

[% إماراتيه %]

صح انتي كبرتي الموضوع
مع ان الموضوع هين
اتري حلويات جاهزه او كيك
واطلبي من الطعم
وانتي سوي كذا شي من الخفايف كسمبوسه جاهزه من الجمعيه ..والخ

 

[شــــــوق~]

اذا رضى الحمدلله بس يكون احسن لو في شقتج احسن واريح لج واذا تبين رقم وحده طباخه شغل بيت دشي علي بالخاص
وحلاها البارد يجنن

 

[.. مـــلاكـ ..]

كبرتي السالفة حدج
عادي سوي اللي تقدرين عليه
والله يعافي المطاعم
لا تزعلين ريلج على سالفة ما تسوى
حاولي تراضينه و قولي له حياهم الله
رتبي كل شي قبلها بيوم علشان ماتتعبين وبس

 

[موت الحمر]

لاجل عين يكرم مرج عيوووووون

تحملي علشان ريلج و لا تقصين ويهه جدام ضيوفه و مو سنعه يروح لامه و اهوا عنده مراة

 

[رومنسيه بس دلوعه]

صراحه ماعندج سالفه سوري بس لاتزعلين مني اخلي زوجي يزعل مني عشان هالسبب
بعدين هو بيساعدج......والمطاعم شكثرها روحي روحي بس راضيه وسوي الللي تقدرين عليه
ترا بس عشان زوجج

 

[زينانه]

عادي تحملي عشانه
واطلبو عشا من مطعم حلو كانه شغل بيت
وهم بيعذرونج لانج من غير خدامه
لا حرام تكسرين فيه

 

[الفرعونيه]

بعدماعزم الرياييل تبينة يرجع بكلمتة واللة غلطانة----سوى عشاء ريلج وخلى خدامة امج او امة تساعدج كلة ساعات

 

[سيدة الذوق]

بنات شفيكم عليها انتوا مو حاسين فيها يمكن اهي تنرفزت شوي وبعدين تحسفت


سويي اي شي اهو موقال عزيمة خلاص بوجهه سوي اللي تقدرين عليه مالا داعي تتفنتكين اي شي المهم اكل

 

[الشاهينه]

اسمحيلي شدعوه مكبره الموضوع جذي راح تحسسينه انج مو ست بيت بالعكس روحي راضيه وسوي ا لعزيمه

 

[MaZyOoOoNa]

كبرتي السالفه واهي صغييييره والله

الله يعافي المطاعم الزينه اللي تطلبين فيها عشا طيب لهم مع طبق ولا طبقين حلو من الخباز او دليس او غيره

وانتي ما عليج الا انج تسوين مطارة الجاي والقهوه

فليش كل هالصيحه وعوار الراس ؟؟؟!!!

اذا على الغثيثه اللي ما تواطنينها تراها مو نايمه عندج ترى كلها ساعه ولا ساعتين وفي امان الله يعني استحمليها عشان رضا ريلج بس

و مو حلوه جدام امه تطلعين كسوله ومالج خلق لأبسط العزايم

طردي الشيطان من بيتج وطيبي خاطر ريلج وسوي العزيمه في بيتج عشان ينسى انه زعل عليج ليله كاااامله

الله يوفقج حبوبه​

اوافقها الراي :tek: