ريلي والنقاب ............................شرايكم

[لبيك وسعديك]

:krkrkr:شلونكم كويتيات ياحبايبي
انا ريلي من النوع اللي اهله فري امه خواته خالاته عماته يسوقون ويلبسون بدل وملافع
بس انا كنت معاة بمجمع نتعشا ونتمشا كان الكل يخز فيني بس من اهنيه قام يقول شرايج وانا احب ليمن لبسني النقاب واي انا مابي بس عشانه بس انا الحين ودي اقنعه افصخة شلون؟؟؟؟؟؟:eh_s(4):


عفيه اهو بعد مادري غيرة مادري ............شرايكم

للمعلوميه اذا سافرت افصخة وبالمطاعم الكويتيه بعد....بس موحلوة احس فشله:eh_s(2)::krkrkr:

 

[لبيك وسعديك]

وووووووووووووووووووووووينكم

 

[لبيك وسعديك]

اب اب

 

[*الشيـــهـانـة*]

بالعكس النقاب ستر لج مو حلوة تكونين حاطه مكياج وطالعه والكل يشووفج

 

[منو انا]

تفاهمي وياه وقوليله الناس تخز لو غطيت نفسي من فوق لي تحت
قوليله انج مو مقتنعه وحالات االنقاب يكون ع اقتناع
وبعد مو حلوه انج تلبسين النقاب ولا تحترمينه يعني انج تقطينه اذا سافرتي او مطاعم

 

[نحوله عسوله]

حتى انا ريلي يقوولي لابسي نقاااب بس انا فيني ضيق بالتنفس ما يصلحلي النقاااب

واهل ريلي كلهم ما يلبسووون وقلتله خل امك تلبس بعدين افكررر البس >>>>>>> 

 

[cat-girlq8]

وليش النقاب يعني ؟
يعني لو تفصخينه وايد احسن استغرب من الريايل اللي ينقبوون حريمهم
قوليله بصراحه انا بلشت اتضايق من النقاب وحاسه نفسي بختنق والله
الله يعينج بهالجو ونقاب شلون متحمله ؟؟

 

[يا حلاتكمـ]

المراه عووووووووره ..... في انصحك تلبسينه وترضين ربك ثممم زوجك

 

[قانون كـيفي]

هههههه مشاء الله عليك

عبالي نزلتي الموضوع عشان اقنعك تستمرين تلبسين النقاب


زين بقول لك قصه والباقي عليك

اختي الصغيره عمرها 11 سنه ( من ذوي الاحتياجات الخاصه)

طلبوا منا المركز الي تدرس فيه اختي عبايه وسجادة صلاه

عشان يعلمونها الحجاب ويعلمونها الصلاه

بعدين شلت العبايه حقتها احس ماله داعي تلبسها

وبيوم جيت بطلع برا البيت بس بروح السوبر ماركت

والله العظيم اقول لها اطلعي معاي ورافضه تبغا العبايه

قلت لها عادي انتي صغيره ونحن مشوارنا قريب بس السوبر

والله رفضت وماطلعت الا بعد ماجبت لها عبايتها

هذا واهي من فئة داون سندروم ( منغوليه )

ولو علموها على النقاب كان رفضت الا بالنقاب


عرفتي شنو معنى النعمه الي عندك وشنو معنى النعمه الي عندها


نصيحه حاولي تدورين طرق تتقبلين فيها النقاب مو تخلعينه​

 

[ملكة الغيد]

ما اقول الا الله يهديج


الحجاب عباااااااااده و ليس عاده

اقصد الحجاب الاسلامي الكااااااامل ​

 

[ملكة الغيد]

وليش النقاب يعني ؟
يعني لو تفصخينه وايد احسن استغرب من الريايل اللي ينقبوون حريمهم
قوليله بصراحه انا بلشت اتضايق من النقاب وحاسه نفسي بختنق والله
الله يعينج بهالجو ونقاب شلون متحمله ؟؟

حبيبتي اختي حر الدنيا ولا حر جهنم الله يهديج :eh_s(7):​

 

[Eva-SS]

انا منقبه ومقتنعه فيه .. بس عندي قناعة مافيه شي يجي بالاجبار اذا انتي بقرارة نفسج مو مقتنعه ما ينفع


اهو الظاهر نقبج لانه يغار عليج مو لقناعة دينيه .. تقدرين تقعدين معاه وتتقفين انه لبسج ماراح يكون ملفت وتطلعين بدون ميك اب وبعباية شوفي شنو يقول

بس الغلط منج من قبل يوم انج مو مقتنعه بالنقاب جان ما تنقبتي الحين موقفج صعب تقطينه كلش مو حلوة

انا اشوف النقاب مايضايق يمكن لاني تعودت عليه

 

[قانون كـيفي]

حبيبتي اختي حر الدنيا ولا حر جهنم الله يهديج :eh_s(7):​

اي والله:eh_s(2):​

 

[دريم]

اللبسيه اخذي رضا ربك ثم رضا زوجك

استري نفسك وخلي زوجك بس اللي يناظررك

واتقي الله

 

[درر2008]

هههههههههاي يعني بتقنعينا ان كل المجمع قعد يخز فيج شدعووووووووه الحين الناس شبعوا من المكشفات بس ملوا والله شباب ملوا ماكاموا يغازلون وبعدين موضوعج مو شئ يعني احنا شنبي نقولج البسي النقاب بطيعينا ولا بنقولج لا تلبسينه والله عقلج براسج وتعرفين دينج

 

[malte]

حاولي تتقبلين الوضع مو علشان ريلج علشان ربج باجر حساب ياقلبي
جددي نيتج واحتسبيه لويه الله
وسالفة انج اتقطينه بالمطاعم هذي سالفة تخصج ماتخص ريلج المفروض انتي ماتقطينه
بس شلي غير رايج شحقه قررتي تقطينه اكيد مومني والطريج

 

[بنفسج البحرين]

رضا الله من رضا الزوج

وثاني شي بلبسج النقاب اكيد راح يزيد من سترج وراح ترضين ربج قبل كل شي ، وما في احسن من رضا رب العالمين ..

احنمدي الله على نعمة الايمان والاسلام وطاعة الزوج والستر .. واذا زوجك الحين مرتاح من نقابج فالتزمي فيه وحبيه اكثر واكثر ،، لان اذا شفتي زوجك مرتاح منك ومن تصرفاتك راح ترتاحين واااااااااااااايد .. وتشعرين بالسعادة ..

والله يوفقج ، فأنتي سعيدة باذن الله ...في الدنيا والاخرة ...

 

[! هُوْ وِينِه !]

لآ تقطينه نصيحة
آنتي جوهرة مو كل وآحد يطل بوجهج

 

[جلكسي بالمكسرات]

يعني النقاب قمه في الستر والحشيمه
ألبسيه اقتداء بالصحابيات رضي الله عنهم
يعني بسألج سوال
ما تسمعين عنهم الي يتحبجون وريايلهم يفصخونهم الحجاب !
قولي اللهم لك الحمد .. عطاج واحد يزيد في سترج

 

[جوانا2010]

الله يهديك المفروض تلبسين النقاب عشان ترضين ربك قبل زوجك
حبيبتي اخلصي النيه وتوبي لربي وتمسكي بحجابك عشان ترضين ربي ثم زوجك..
ترى الحجاب الكامل واجب على المسلمات وربي بيعاقبك على تركه...
حبيبتي فكري في اخرتك قبل دنيتك......
وبصراحه استغرب من بعض الردود اللي يايدون على خلع الحجاب...
مو خايفين من يوم الحساب يعني مو كفايه ذنبهم انهم كاشفين تتحملون وزر غيركم ليه ؟؟؟؟!!!!
(((قل خيرا او اصمت)))