ريلي والنقاب ............................شرايكم

[~ FOOSY ~]

انا من رايي انا المفروض قبل لا تلبسينا تكون مقتنعه فيه يعني مو عقب ما لبستيه تفصخينه بس دامج لبستيه خليه الستر زين

مــوفــقــه

 

[shak!shoka]

النقاب مو فرض شرعي ولحد يناقشني بهالنقطه اوكي ! هذا اولا

ثانيا الريال ما قالها لبسي من باب الديانه الزايده لأ من باب الغيره !
ثالثا البنت مو مقتنعه و تقول بالسفر اقطه وبالمطاعم "الكويتيه" ههههه يعني لعب ب لعب شفايدته تكفا ؟!

وناااااااااااااااااااااادرا ما اشوف وحده لابسه نقاب سنع والنقاب الاسلامي ! <<< اذا في نقاب اسلامي

الغالبيه مو حلو نقابهم و ملفت ولو تقطه وايد احسن واستر !


انا اقول اقنعيه واقنعيه وهم اقنعييييييه وخلج وراه لمن تلوع جبده ويبطل من هالسالفه هههههههه
خاصتا انه اهله ما يلبسون يعني اتوقع عنده قابليه


والله يهديكم ويوفقكم ويبعد عنكم المشاكل

 

[shak!shoka]

وهذا مو تحريض على الفسق والفجور وانج تخلعين الحجاب ترا ههههههه النقاب شييييي والحجاب شي

لا تتبرجين وعلي قولت الاخت الي فوووق مشنقحه الحواجب ولا تحطين برج خليفه على راسج وخدودج ناطه من النقاب وانتي ما تحتاجين النقاب ؟!!!!

انا البس البوشه اذا حطيت مكياج سواء مناسبه عائليه او عرس بس بالطلعه ما احط مكياج بس حجابي محترم والبس عبايه وعبايتي وسيعه لان زوجي ما يرضا <<< هل اكون انسانه ضاااله واحرض علي خلع الحجاب ؟؟

هذا رد مسبق علي هجوم البنات لانكم بتطبون فيني ادري هههههه

عموما هاذي مجرد وجهة نظر و قناعه وكل واحد حر وانا احترم كل الردود الي قبلي سواء مأيدين او معارضين النقاب

 

[رومــآ]

حبيبتي اهم شي ارضااء ربك بعدين زوجج

وبالعكس انا ما اشوف النقااب فيه شي

الحمدالله

 

[قصاصه ورق]

وجه المراه اجمل مافيها يعني كيف تحكمين على وحده جميله اولا الا بوجها
يعني اغطي شوشتي واخلي وجهي واصير متحجبه وكله كوم والعبايات المسخره كوم ثاني نصيحه لكي لوجه الله الدنيا فانيه التزمي بالحجاب الشرعي الكامل
ترا منتي ميته اذ غطيتي وجهك من الحر او الكتمه كان متنا حنا

 

[العامريه]

بالعكس انا اتفق مع الخوآت ..النقاب حيييل ستر ووقار للمراه بس حلاته يكون بإقتناع وترى ياما وياما فيه منقبات فتنة اكثر من السفور .. ف انتي قول لزوجج انا انا بلبس عباية وما راح احط مكياج صدقيني راح يتفهم ..وقولي بعد ان فيه منقبه تحط مكياج وعباية ضيجه وفيه اللي يلبسون بدل فضفاضه واسعة وما يحطون مكياج اكثر حشمة من المنقبات ..الله وياج حييياتي

 

[(كويتيه عسل)]

الحجاب ولبس متسور كافي

ياما منقبات يلفتون النظر اكثر من السفور

 

[ميسااااء]

مداخله بسيطه أعجبتني مقوله قــال لهــاأنا رجل لا أسمح لزوجتي
​

أن تختلط بالرجال فيتغزل الرجال في جمالها
دمي لا يحتمل و لا هكذا علمني ديني
لا أحتمل أن تراها العيون وتشتهيها
أو تكون سهلة المنال سواء بنظرة أو كلمة
أنا رجل يقاتل من أجل أميرته
ويقتل كل من يقترب من حصنها وحدودها
فأنا فارسها وحاميها الوحيد
ومن يحاول فلن يرى صبحاً جديد

أختي النقاب نعمه وليس نقمه وراحه حتى لاينضر لك كجسد
صدقيني وزوجك قال لك هذا الكلام من غيرته لك
ومن حبه لك وحرصه عليك وهذا أفضل لك وشئ ايجابي ولك الخيار :eh_s(17)::eh_s(17)::eh_s(17):​

 

[♥ SWeeRa ♥]

انا اقول لو تقطين الحجاب وتلبسين ضيق نفس بنات الوقت هذا احسسسن


يعني الواحد اذا بيقط روحه بالنار تقطين نفسج وراه


اقول احمدي ربج ع النعمه ووالسسستر
وزوجج ماقال جذي الال لانه يغار ويبيج ملكه
مايبي احد يشاركه فيج



امشي على راييه وبدال فلانه شلبست البس نفسها

 

[نسمه صباح]

بنات من جدكم ؟؟

الله يهديكم والله لو يذبحوني مااوخر نقابي وعباتي لين اخر يوم بعمري هذا امر الله مو امر زوجك

 

[mf6nt el3lat]

لعبه هو تلبسين بعدين تقطين
مفروووض من الااول لج موقف انج ما تبييين مو الحين
ع العموم الله يهنيكم

 

[آبــي قربـك ..]

آنآ عمري 16 وقصيره نوعآ مآ وآتمممممممممنى النقآآب

والله آحسد كل المتنقبآت والنقآآب ستر

وآتمنى آنج ما تقطينه

تقبلي مروري

 

[جديده 1]

اختصار لألف كلمه في الموضوع

 

[امل الأمه]

اتقي الله في تكشفك حجابك حجابك عن النار ولاتنظري الى من تكشفت ونزعت ثوب الحياء

(لاشيء في الوجود يرفع قدر المرأه مثل العفه)

 

[فيمتو.]

النقاب ستر لكن انتي غير ملزومة فيه شرعاً.

دام متحجبة ولبسج معتدل بتكونين كفيتي ووفيتي لدينج.

 

[هاناا]

دام زوجج يبيج منقبه


لازم ترضينه


و الله يوفقج

 

[مارياq8]

الستر زين

 

[عالمي انا غير]

ماادري بس انتي متزوجه وضعج يختلف عن البنت وزوجج هو كل حياتج اذا هشئ يبيه نصيحه لا تطلبين العكس .

 

[شغفـ]

زين تخيلي بس تخيلي اليوم الي تفكينه فيه وانتي طالعه يصيرلك حادث وتموتين .. بالله مو قهر؟
مو حسافه ؟
ماتخافين ؟
يحبك زود لاطعتيه ويحترمك ..وفوقها دين واجر ونووور لوجهك دنيا واخره ..
ادري موضوعك ماحطيتيه عشان نقنعك تستمرين فيه ..بس حبيت ارد بالي يمليه علي ضميري
وانتي بكيفك

 

[حـلـمي الجـنهـ]

البسيهـ عاادي هذا ستر لكـ
رضا ربك ثم رضا زوجكـ