السلام عليكم
حبيباتي لحظه لحظه
و الله اللي قريته اهني من بعض الردود خلتني اطق بريييييييييييييييك و اسجل دخول و ادرعم بسرعه 200 ع الموضوع ههههههههه
اول شي
(( يعني شنو اذا ما سويتي له يروح برا ؟؟))
يعني اللي راحوا برا كل حريمهم ما سووا لهم جذي ؟؟ ايباه ؟؟؟
يعني عشان اخاف ريلي يروح برا لو يبيني ادوس ع المصحف ادوس ؟؟؟
اول شي
الاخوات اللي قالوا هالشي فطري بين الرجل و المرأه
من وين عرفتوا انه فطري ؟؟
الرسول و الصحابه و ال البيت كانوا يسوون جذي ؟؟؟
في مره - ولو اعتراضيا - سمعتوا او قريتوا قصه او حادثه جذي ؟؟؟
المسار الطبيعي للعلاقه الزوجيه بين الرجل و المرأه يصير شلون ؟؟ عن طريق الفم و الا عن طريق اعضاء خاصه ربي خلقها ؟؟
سؤال ثاني مهم :
من وين رياييلنا يابوا هالخياس ؟؟
الاجابه
1- افلام وصخه
2- ربع قذرين علموهم
3- بارات و سوالف بطاليه
و مو شرط ان هم اللي راحوا و سووا , لا , في وايد شباب زينين بس اللي حوالينهم زباله و اوهموهم ان هالشي واو و حلو و ممتع !!
و في الحقيقة هالممارسات ما يسوونها الا البهايم اعزكم الله , و الغرب و الفاجرين يقلدونهم بالصور و الافلام اللي توصل بالنهايه
لعيالنا و شبابنا اللي ما يصدقون على الله يشوفون شي الا و يهبون فيه ..
صح و الا لا ؟؟؟
لو كان هالشي ممتع و فعلا حلو و مفيد جان ربي كتبه
و خلا مسار المتعه الحقيقي بين الزوجين , عبر السبيل هذا , و ما خلق اعضاء خاصه و حط فيها اعصاب حسيه تشعر بالمتعه
الحركه هذي اولا عكس الفطره
ثانيا مستقذره , لا تقولين لي يغسل و يتنظف مادري شنو , هذا مجري البول عزكم الله !!! تعرفون شنو مجرى بول ؟؟
ثالثا لا ممتعه و لا شي , هي مجرد اوهام يتناقلونها الشباب لان الفئه الوصخه فيهم شافوا بنات الــ ؟؟ يسوونها و انتشر بينهم انها حلوه
اذا بالاكل , و هو الاكل ,, ديننا قال لنا اكلوا باليمين
اذا بالوضوء , قال الاستنشاق باليمين و الاستنثار ( نطلع ماي الاستنشاق ) باليسار , ليش ؟ عشان يمكن يمكن الخشم فيه قاذورات و تلصق باليد و يمكن تنتقل للفم ,, فلأن الايد اليسار للتنظيف و الاستنجاء , خلاها للاستنثار
و هذيلي يبون هالسالفه ؟؟؟
ديننا دين النظافه , و الطهاره ,,
ما في شي اسمه هالخرابيط ,,
هالخرابيط عند الكفار النجسين ,, اللي ما عندهم وضوء و لا طهاره و كل شي عندهم عادي , خصوصا تحت تأثير البلاوي اللي يشربونها
في حريم من كثر حبهم لازواجهم مستعدين يسوون اي شي
بس هل هذا هو الصح ؟؟
انتي شرعا مطالبه تلبين له حاجاته الطبيعية ( وفق الشرع و الطهارة و العفه و الدين )
مو مطالبه تسوين سواة بنات الــغرب عشان ترضينه .
في بنات من بناتنا يسوون جذي , و هم خوش بنات و النعم فيهم , بس ما يدرون .
و في بنات علبونه ( ما يطالع غيري )
و الله يا حبيبتي الزاني زاني لو تاكلينه كله اكل .
و اللي عينه زايغه عينه زايغه لو تدورين فيه السند و الهند
و اللي بيتزوج بيلاقي الف عذر و عذر عشان يتزوج
لذلك
انا انصح اختي صاحبه الموضوع و اسفه على النصيحه المحرجه بس لازم اعطيها حل
انها تقول لزوجها انها تحب تبوس خده الحلو
تحب ويهه الحلو
هالسوالف فيها جراثيم , و ديننا ما امر فيها
هالسوالف سوالف الكفار , و ان ما يشرفها تقلدهم , لو هالسالفه عاديه و طبيعية جان سووها الانبياء و الصحابه وال البيت
و جان ربي كتبها للناس ,,
و ان رب العالمين خلق لكل عضو في اجسامنا وظيفه ,,
و ان هالشي عنده شي مقابل يحس معاه بالسعاده
وان اللي يتناقلونه الشباب ان هالسالفه ممتعه , مجرد وهم ! لان ربي يوم خلق اعضائنا خلقها صح و كل عضو حسب وظيفته
و انها حتى هي ما ترضى يقرب لها بنفس الاسلوب , لان هالشي مستقذر في ديننا
تقول له عن الاستنشاق و الاستنثار
و ان حتى الاستنجاء ( ان نغسل عقب قضاء الحاجة ) ما يصير باليد اليمني , فما بالك بتقريب الفم الى هذي المنطقه .
و ان هو مسلم و طاهر
و اشدعوا يا فلان انا مو عاجبتك كلي على بعضي و مو مالي عينك الا هالشي ؟؟
و تقول له الصج ان جبدها تلوع من هالسالفه لان هالعضو مخصص للبول اكرمكم الله .
و سامحوني على جرأتي في الرد , بس لازم اكلمها
و استخيري قبل كل شي
و عسى الله يوفقج
