ريلي يمدح الخدامة جدامي...وبعد ماسافرت,,قالي شنو كانت تطلب منه..و هو للاسف مايقصر معا

[no0ona_100]

السلام عليكم

بناااااااااااااات تكفوووووووون حدي حدي خاايفه
ماعرف شلون اتصرف.....

(ملخص عن زوجي) كلهم صبيان ماكو بنااات ...وخالتي تسولف مع عيالها كل شي ..علىاساس ان عيالها وتسولف مع منو اذا ما سولفت وياهم...
وكله تمدح طبخ فلانه...نظافة فلانة..:rgewrg: شعر فلانه...

ازعل واطنقر محد يحس فيني......

وغي جذي ...واااايد مطيحين الميانه بينهم وبين الخدامة...
كل يوم ريلي يقول للخدامة..شلونج شخبارج....شنو الغدا...

المهم وااايد تظايقت....وصارحته...طبعا خلاني انا الغلطانة اللي اقارن بين نفسي وبين الخدامة...
والخدامة احسن مني تفهم فالطباخ و شغل البيت ..........والخ

المهم ...خلصت مدتها وسافرت...

تدروون شنو قالي .......

يحليلها واايد طيبة ومحترمة ونشيطة و نفسها حلو على الطبخ....وعمري ماشفت شعرها...

بعد فترة طلعت كل سلبياتها...انها وصخة ام صنان ..ماتعرف شنو ديورنت ..ووو كله اسب فيها و انتقدها...........

جان يقولي :eh_s(2): قبل لاتسافر طلبت مني شريط اغاني عربية...لانها واايد استانست على دي جي عرسنا....

على كلامه ان سوالها طااف و مااياب لها..............والله اعلم:eh_s(14): لانه واايد يكذب
وماخفي اعظم.........ريلي من النووع اللي يخبي علي ...وايد نتهاوش على هالموضوع..

وكانت تطلب فازلين وشامبو ديتول و صابون لوكس وووالخ حتى ,,وانتو بكرامة فوط صحية اييب لها.......ماكان يخبرني

قلت ليش ماخبرتني بحزتها...جان يقول ....خفت تسوي سحر وووو الخ

المهم ريلي..وااايد يحن على الخدااماات حده يقهرني...

وانا مخططة اييب خدامة ....ماعرف شلون بتصرف وياااه...

واحنا عايشين بشقة...وحدي خايفه

 

[زوجة عزيز]

وي بعد اشوه يات على جذي انا مره لم خدامة اخته جدامنا كلنا اول ماعرست يازعم انه يتغشمر وانه مطيح الميانه معاها لانها عندهم من سنين كان يوم العيد انا حدي اقتهرت بس ماقلت له شي بس دام زوجج قالج يمكن مو قصده شي ويمكن اهو اللي اييب اغراض بيتهم من جذي كانت تطلب منه

 

[انا لحبيبي .]

انتي عارفه كيف تفكيرك زوجك ، لشو الخدامه اذن ؟؟

ليش بتحطي البانزين جنب النار ؟؟ لاتجيبي خدامه ونظمي وقتك انتي لبيتك

 

[Perfect J]

ما فهمت الموضوع وايد

بس الله يهديج بس يعني مستحيل يفكر بخدامة !!
ولا ممكن يسوي مقارنة أصلا

يمكن مر عليهم كذا خدامة وكان من ضمنهم المهملة واللي اكلها مو حلو
وهالخدامة كانت احسنهم عشان جذي يمدحها

والاغراض اللي يشتريها لها يمكن من باب حسن المعاملة
او خلاص يعتبرها فرد من العايلة

واذا هالموضوع مضايقج

روحي لها وكلميها قوليلها أي شي يخصج طلبيه مني أنااا
ونبهي عليها بخصوص الفوط الصحية قوليلها عيب خليها تستحي ع ويهها شوي
وين قاعدين !!
يعني كلميها بنبرة حادة

وبين فترة والثانية سوي لزوجج طبخة من ايدج اكيد بيستانس

الله يخليكم لبعض

 

[الدلوعه2008]

شوفي حبوبه انا ابي لقط كلام لج من للي تقولينه عشان تعرفين ان اهو يقط عليج نغزه يبيج تفهمين واذا انتي ما تبين الخدامه سوي للي عليج اكيد بيمدحج مو يمدحها


والخدامة احسن مني تفهم فالطباخ و شغل البيت ..........والخ

هذا انتي قلتي انها احسن منج وانتي ليش ما تصيرين احسن من الخدامه شنو خسرانه ادام المره لها بيتها واهي مسئوله واذا ما صرتي مسئوله خلي الخدامه تصير بدلج وخليه يمدحها هذي مشكلتج يا تحلينها يا تقعدين تنقهرين زيده


يحليلها واايد طيبة ومحترمة ونشيطة و نفسها حلو على الطبخ....وعمري ماشفت شعرها...


شوفي النقطه للي اهو يبيها فيج يبيج طيبه ومحترمه ونشيطه ما يبيج كسوال

ويقولن نفسها حلوو علي طبخ وانتي شلون نفسج بالطبخ اكيد علي مزاجج واهو يبي يذوق من طبخج

يا انج تقومين وتنسينه الخدامه من نفسج يا تقعدين جذي وخليه يمدحها وانتي للي بتنقهرين وتنهرين قومي بواجباتج


واذا شقتج صغيره مو ضروري خدامه انتي شتغلي فيها حتي لو عندج ياهل

واذا علي انتي موظفه

شيء سهل اذا ريالج دوامه مو صباح خلي اهو يقعد مع الياهل ويدبر اموره يعني يكون مشترك معج بمسئوليه الياهل

واذا لا يا انج تحطين الياهل عند اهلج يا عند ام ريالج واحد من الاثنين

واذا مو موظفه خليه عندج وش لج بالخدامه

 

[zaina alotibi]

زوجج مبين عطوووف وحنون علي الخدم بس اذا جبتي خدامة بينفتح علييج باب مشاكل لانه المرة تغااار من المرة

 

[نور الضحى]

اختي لا يضيق صدرج
ان شاء الله ماكو الا الخير

انتي يبي خدامه كبيره بالعمر
و من اول ما اتييبينها قولي لها و علميها انها تطلب منج مو من زوجج

الله ايسر امورج يارب

 

[صمت المرافئ]

خليج شاطرة ونشيطة في شغل البيت
وحاولي بين فترة وثانية تطبخين له اللي يحبه
ترى الرياييل يحبون ياكلون من ايد حريمهم
يحبون هالحركة
يحسون لهم قدر عند حريمهم
وشي ثاني لراحة قلبج
إذا يبت خدامة اختاريها كبيرة بالعمر وحدها جيكرة
علشان لما يمدحها ريلج
ما تحترين <<< ترى من صجي أتكلم
​

 

[الأماكن]

وانتي ليش فاهمة الموضوع انه معجب بالخدامة ولا بينهم علاقة ولا يحبها أكثرمنج

يمكن هو معاملته زينة مع الخدم ... أحسن من اللي يطق و يكفخ

لو تشوفين زوجي يهاوشني لا زفيت خدامتي مع انها باردة و جذابة عيني عينك ... وهو يشوف عيونه بس يقول لو تقول الخدامة

بروح المكتب والله والله ما أدور لج وحدة ثانية

ودايما قبل لا نطلع الجمعية يسألها شنو تبين شنو ناقصج ... بس ما يخالف عادي

خدم ها الايام لازم تدلعينهم

لا تصيرين حساااااااســــة

 

[ام زهقانه]

والله مشكله استغفر الله اني وعندج خخير

 

[فاقده ابوهاااا]

كبري عقلج ولا تحطين هالشي بمخ ريلج اشدعوه حبيبتي لا تسوين مقارنه او تهتمين اقصاها خدامه .. للعلم انا عندي ثنتين ووحده منهم فلبينيه وتلبس جنزات وتكشخ ولا جنها خدامه بس لا يمكن ايي يوم واقول لريلي مابيها تلبس جذي او لا تسوي جذي هذي خدامه ما انزل نفسي ومستواي لها واذا اهو بيطالع الخدامه كفوه اهو معاها بفنقر واحد بره البيت انتي بتصرفج هذا تحطين افكار مو زينه بمخ ريلج واذا ماكان يفكر بالخدم راح يفكر من كثر كلامج وحنتج طنشي واهم شي خلي ثقتج بعمرج كبيره لا خدامه ولا اي بنت تهز شعره منج

 

[dantella]

يبيج تغارين مو اكثر

 

[Gifts&Occaions]

ليش تحطين نفسج بمجال مقارنه مع خدامة احد يغار من خدامته خلج واثقة من نفسج .. بس شكو ايبلب اغراض الخدامه واهيا تطلب منه تمسكين اي خدامه بتيلج وتقوليلها ماتتكلم مع ريلج واذا تبي شي تقولج وانتي يبيلها

 

[أحلى البشر]

ماشوف ريلج سوا شي غلط بالعكس حيل طيب ورحوم وهالشي حلو عاد تغارين من خادمه فقيره مسكينه والله يكسرون الخاطر المفروض ماتغارين منها اذا انتي اللي ماعليج قاصر في بيتج ومع زوجج وعيالج معززه مكرمه تغارين من هالفقيره اهي شتقول المفروض اهي اللي تغار مو انتي كسرت خاطري والله

 

[عزة وكبرياء]

الصراحة ما ألومج شحقه يمدح الخدامة والله شي يقهر وعندي مثل هالحالة والشغلة مواننا نقارن نفسنا بالخدامة لأأكيد لأ بس ليش المدح الزايد خلي العلاقة رسمية انت يالزوج المفروض ما تطيح الميانة بينك وبين الخدامة وكلامك معاها ما يتعدى حدود عملها ولما تنظف وتسوي زين هاذذا واجب عليها اهي قاعدة تاخذ معاش على هالشي هذا مايمنع اننا نكافئهاكل فترة والثانية ونعطيها زيادة شوي على معاشها بالاضافة للأشياء اللي تحتاجهاوبسسسس .وأنا كانت حياتي كله مهاوش مع ريلي والسبة المدح جدامها ولا تقوليلها جذي ولا تخليها تسوي هذا حتى مرة طلبت منها تنظف الصالة واهو قالها لاء لا تنظفين والأخت ما صدقت وتركت من ايدها وبدت تدلع علي وتنافخ لما اقولها نظفي أومشي وكانت النهاية اني عفت الخدم وقاعدة بدون خدامة عشان اريح راسي ​

 

[رق رق]

والله لو انا ملكه جمال ريلي ينأرف من الخدم ، استغفرالله ، الحمدالله واثقه فيه ، وعلا فكره ترا حتا اهوه طيب مع الخدم ومايزفهم ولا شي ، لان بنتي صبح عندها اتكون ، فشيلي من اببالج مو لهدرجه ريلج ينزل مستواه حق خدامه ، وانتي اتعرفينه

 

[رق رق]

اووووله يابدليه ، لو اييب فليبينيه ملكه جمال مايفكر اصلا انه يقرب صوبها ، هذا قصدي 

 

[سكوتي بذوقي]

غلط تقارنين نفسك معاها

لاتجيبين خدامه

انتي سوي كل شي

ترى الطباخ والتنظيف سهل مايبي له شي

 

[what's up]

جيبي خدامه من مقدشقر

 

[صعب أسامح]

حبيبتي لا تقولين ان ماكو وجه مقارنه بينج وبين الخدامه
الخدامه مهما يكون مره غريبه ولا ليش نشوف رياجيل يتزوجون خادماتهم ويخلون حريمهم
وبعدين شهالميانه اللي تخليه يجيب للخدامه فوط صحيه
حتي لو اهو نيته طيبه اهي ممكن الشيطان يوسوس لها وتحبه من معاملته الحلوه معاها
ومابي اخوفج بس ممكن تفكر باشياء ثانية وتبلش سحور ودبور وحركات اغراء
وعلي فكره الرجال مو حديد وممكن تاثر عليه بحركاتها
انا مره حماتي طردت خادمتها لانها حبت حماي كل ماتشوفه تجيب له الجاهل عشان يبوسه وهي تتلزق
ومره سوت روحها دايخه جدامه عشان تطيح عليه ويشيلها بس الحمد لله الله فكه منها
انتي فتحي عيونج وجيبي وحده مو حلوه نبهي زوجج ان هذولا بشر حتي لو اهو نيته سليمه ممكن اهي تكون نيتها مو سليمه وخوفيه بموضوع السحر
وخل تكون علاقته رسميه مع الخدامات مايزفها بس مايعطيها وجه تاخذ وتعطي معاه