ريلي يمدح الخدامة جدامي...وبعد ماسافرت,,قالي شنو كانت تطلب منه..و هو للاسف مايقصر معا

[زوجي توأم روحي]

خليج شاطرة ونشيطة في شغل البيت

وحاولي بين فترة وثانية تطبخين له اللي يحبه
ترى الرياييل يحبون ياكلون من ايد حريمهم
يحبون هالحركة
يحسون لهم قدر عند حريمهم
وشي ثاني لراحة قلبج
إذا يبت خدامة اختاريها كبيرة بالعمر وحدها جيكرة
علشان لما يمدحها ريلج
ما تحترين <<< ترى من صجي أتكلم
​

معاها

 

[bal8es]

انا ما اشوف فيها شي عادي
وقت الي بتيبين خدامه طلبها عوده شوي وانتهى الموضوع
بعدين الخدامه هم بشر احنا ما نيبها عشان نستعبدها وما فيها شي وقت الى ريلج يحن عليها بس بحدود
والله كا خداامتنا شحليلاتها تموت علينا نسولف معاها نعطيها ريج حلو

 

[ترف بابا]

لاااااااازم تنبهينه ان الخادمه اختصاصج

وتعلمين الخدامه اي شي تبي تقولج - وهو بعد قولي له اذا طلبت منك شي قولها قولي حق مدام نبهي عليه مو بهواش ..

 

[مشتاقة الى الله]

الله يجيرنا شر الخدامات رغم انهم شر لابد منهم بس عسى الفارج الله

 

[دلوعة حمني]

شوفي حبيبتي لي يبتي الخدامة اول شي تفهين زوجج انه ماله شغل فيها و لا يطلب منها شيء... انت تكفلي بشغل زوجج كله

و تفهمين الخادمة و تقولين لها بالحرف ... تبين شيء تقولين لي انا بابا ماله شغل بشي في البيت!

و سلامتج ... انت ست البيت مثل ما يقولون و انت مشين البيت على طريقتج

 

[ديانا سبنسر]

نصيحتي لج اطلبي وحدة جيكرة مرة وحدة من طقة الاثيوبيات والسيلانيات واول ماتجي قولي لها ان الاوامر تاخذها منج واي شي تبيه تطلبه منج وخصيها للتنظيف وبس بس الاكل وتربية اليهال مسئوليتج ماحب الريال يتدخل بالخدم واللي يقولون هذولا خدم والله هالخدم ياما سو مصايب ببيوتنا لها حق تضايق

 

[بسوين]

شوفي حبوبه انا ابي لقط كلام لج من للي تقولينه عشان تعرفين ان اهو يقط عليج نغزه يبيج تفهمين واذا انتي ما تبين الخدامه سوي للي عليج اكيد بيمدحج مو يمدحها


والخدامة احسن مني تفهم فالطباخ و شغل البيت ..........والخ

هذا انتي قلتي انها احسن منج وانتي ليش ما تصيرين احسن من الخدامه شنو خسرانه ادام المره لها بيتها واهي مسئوله واذا ما صرتي مسئوله خلي الخدامه تصير بدلج وخليه يمدحها هذي مشكلتج يا تحلينها يا تقعدين تنقهرين زيده


يحليلها واايد طيبة ومحترمة ونشيطة و نفسها حلو على الطبخ....وعمري ماشفت شعرها...


شوفي النقطه للي اهو يبيها فيج يبيج طيبه ومحترمه ونشيطه ما يبيج كسوال

ويقولن نفسها حلوو علي طبخ وانتي شلون نفسج بالطبخ اكيد علي مزاجج واهو يبي يذوق من طبخج

يا انج تقومين وتنسينه الخدامه من نفسج يا تقعدين جذي وخليه يمدحها وانتي للي بتنقهرين وتنهرين قومي بواجباتج


واذا شقتج صغيره مو ضروري خدامه انتي شتغلي فيها حتي لو عندج ياهل

واذا علي انتي موظفه

شيء سهل اذا ريالج دوامه مو صباح خلي اهو يقعد مع الياهل ويدبر اموره يعني يكون مشترك معج بمسئوليه الياهل

واذا لا يا انج تحطين الياهل عند اهلج يا عند ام ريالج واحد من الاثنين

واذا مو موظفه خليه عندج وش لج بالخدامه

:eh_s(15)::eh_s(15):
كفت ووفت الدلوعه

 

[om.aboodi]

والله قوليله اذا يبت طباخ والا طباخ ريال مال اهلي واسولف معاه وات غشمر عادي عندك عيل عادي سولف معاها

 

[Tom ♥ Jerry]

,


ريلج نوعه دقيق يلاحظ النظافه الشخصيه الطبخ الستايل نظآفه البيت ,,, آلخ !
فـ ديري بآلج ,، حتى لو اتييبين خدآمه لا تسمحين لها تطلب من زوجج شي
من أول شي قوليلها انتي تبين شي ناقصج شي .,، تعالي عندي انا قوليلي مآمآ انا يبي جي وجي ! .،
و بس آنتهت السالفه آنتي بآيدج تخلينهآ تميلج و ترتاحلج آكثر من زوجج
الخدم ( البعض ) يحبون الي يعطيهم وي و يبتسم بـ ويههم ,،
من جي ساعات يحبون بابا آكثر من مامآ
لانه بابا مآ يتشرط وآيد لمآ يدخل يبتسم و يقول السلام عليكم ,،
مآمآ أول مآ تقعد سويتي جي ؟! نظفتي جي ؟! و تزفها على الشغل
و تنسى آنهآ آنسان يحتاج ابتسامه طيبه و معامله حسنه .,، !

الي لازم تسوينه الحين آنج ,، اتييبين خدآمه سيلانيه مو حلوة كلش و متينه و قزمه و كل عيوب الدنيا فيها
مآ دآم ريلج عيونه عالخدم و سوري عالكلمه بس هاذا الي حسيته صج من كلآمج ,!
و من أول مآ آتيي ابتسمي بـ ويههآ و قوليلها بهدوء انتي اي شي تبينه تعالي قوليلي
انا اروح اييبلج .، و بس !
مو معناته يبتي خدآمه تقعدين تاكلين و تمشين ايدج بالطوفه على قولتهم .،
لا حبيبتي ريلج نوعه يحب الأكل و يقيم الأكل و يحس فيه مو مثل باجي الرياييل ياكل و السلام عليكم ,،
دآم ريلج من هالنوع انتي روحي دخلي المطبخ و خلي الخدآمه عليها التنظيف و بس !


موفقه :*** و ديري بآلج
خلج حكيمه !

 

[Tom ♥ Jerry]

,

بعدين يمكن زوجج يقول هالحجي عشان يبيج تحسين و تتغيرين !
عآد فهميها انتي ، :|
يمكن يبيج تصيرين خوووشششش وحده و آحسن و أحسن من الف خدآمه
ماشالله مو نآقصج شي يعني .! :/ شكو تسمحين له
يقارن بينج و بين خدآمه !

 

[غلاي 89]

اذا يبتي شغالة مرة ثانية خلي حدود بينها وبينه وخليها تتعلم من اول يوم ان اذا تبي شي تقولج انتي الريايل مالهم شغل

 

[آجمل نسآء آلدنيآ]

مشاءالله حتى فوط اهوا يشتريلها مايدري بعد .... منتظمه ولا لَا ..!

والله اللي يقولون مو غلطان الااا غلطان من ساسه لراسه و الغلط الاكبر

انتي

ولا شكو الخدامه تطبخ لريلي ..؟ وملابسه تغسلهم ..! و فراشه تنظفه ..!

عيل اهوا ماخذني حق شنو اسلاً انا شلون احس اني زوجته اذا ما اهتميت بأدق التفاصيل معاه

والله الحل بإيدج يا انج تهتمين بهالمقرود اللي قاعد يتحسر ع الخدامه اللي راحت

ولا انج انتي تسوين لها اقامه وتييبينها تقوم بواجبات بيتج

 

[نعم نعم شنو]

خليج شاطرة ونشيطة في شغل البيت​

وحاولي بين فترة وثانية تطبخين له اللي يحبه
ترى الرياييل يحبون ياكلون من ايد حريمهم
يحبون هالحركة
يحسون لهم قدر عند حريمهم
وشي ثاني لراحة قلبج
إذا يبت خدامة اختاريها كبيرة بالعمر وحدها جيكرة
علشان لما يمدحها ريلج
ما تحترين <<< ترى من صجي أتكلم ​

مو شرط ترى مرات الخدامه من كثر ما اهيا مهتمه فيه وتطبخ له يشوفها بعينا جميله حتى لو كانت مو ذاك الجمال و حتى اذا كبيره بالعمر يا ما ناس تزوجوا خدم كبار بالسن لانه يحس فيها انها حنونه اكثر من مرته

 

[غرق بالماي]

اب اب

 

[نعم نعم شنو]

خلاص دام انتي مو عاجبج الوضع

فهميه قوليله لا تتعدى هالحدود وخل كل شي علي انا اكلمها

بس حبيبتي انتو ملزومين تييون احتياجاتها الخاصه مافيها شي اذا اهو ياب لها بس خل يعطيج وانتي تعطينها

وانتهت المشكله لا تكبرينها عشان لا تفتحين عيونه

 

[Zaina-al-zaina]

ماااالومج يشتري للخدامه ومايقولي ،،،،


اوووووو هذي حدهاااا قويه ،،،

حطي خط احمر ع هالشي ،،،

وخلي اغارضهااا عليج مو عليه

شيليلها كل شهر شنو تبي

طبعا انتي مرا وعارفه لازم غيارات

اذا مايبتيلها بتطلب من غيرج

واهوا حده راهي شكو يبلها غيارات اي شي

لازم تطبخين لريلج ومو كل شي عليها ،،

اطبخي لو مرا بالاسبوع واذا كلش كلش

روحي انتي يبي الاكل من المطبخ ونجبيه ولا تطلع وايد من المطبخ

يبيله اغراضه قبل يطلبهم

وخلج واضحه بالحجي مع ريلج انج ماتحبين اللي يسويه .