ميمي الكويتيه
New member
انا قعدت اقرا موضوعج مره ثانيه و ردودج عشان اعرف اجاوبج على هالسؤال ، ماقدرت اعرف اهوا ليش يتصرف جذي لان مهما كتبتي ماراح نقدر نعرف حياتج معاه لان مو عايشينها ولا عايشين ظروفها او حتى شكثر صارلكم متزوجين ،، لكني لمست شي واحد !! انج واااااايد متنشنه و شااده و مشاعرج سلبيه ديري بالج الحياه ماراح تمشي جذي .. خلينا من ليش اهوا قال و ليش اهوا سوا و ليش مايراضيني و ترا مو شرط يقولج ليش ... خلج من الاسباب و دوري على حلول تريحج .
1- سالفه يفرض شخصيته "انا ولي امرج" و "ماحب طلعات البنات" ماعتقد هالصفه منطبقه على زوجج لان من الاساس مو مانعج عن الطلعه و حاكرج اهو مخليج تطلعين بس بشويه ضوابط و هذا شي زين انه معطيج مساحتج بس كان يبي يحرج حتى لو سواها اكثر من مره و وهقج انتي عاااد سايريه فهمي طبعه ، اهوا صح زوجج ولازم تستأذنين منه حتى لو انتي قبل ماكنتي تستاذنين من اهلج اهوا يتم غير ، لما يقولج اوكي قوليله عاد احنا ودنا نروح المطعم الفلاني شرايك بهالمكان او مادري وين نروح حتى لو انتي عارفه وين بتروحون استعبطي حسسيه ان رايه مهم عندج و تبينه يشاركج و اذا قال شيشه ومادري شنو قوليله اوكي بنغير المكان عشان خاطرك مهم عندي ، تفرق لما تغيرين المكان قبل لاتتفقين مع البنات او عقب و بجذي ماتحرجين نفسج و منها تحطين زوجج بالصورة و حتى اذا طلعتي تحرشي فيه بمسج حلو .
2- انتي قلتي ان اهوا عنده مشاكل مع اهله ، هذي نقطه لااااازم تستغلينها لان الريال مولاقي راحته مع اهله ومايلقاها معاج اكيد بيستخف ؟ حتى لو طلع مع ربعه بالنهايه مرده لج و لبيته استغلي هالشي و احتووووويه و دلعيه و شديه ناحيتج شوفي شلون بصير معاج و بيرضيج حتى ربعه بينساهم لان لقى راحته و ماراح يقدر يستغني عنج و وايد مواضيع هني ماراح يقصرون معاج بالافكار الحلوة .
3- اللي فهمته من ردودج انج تبينه يراضيج و تبينه يمشي على كلمتج و تبينه يرضى بطبيعه حياتج و مو ملزومه تغيرين شي عشانه ... لاحظي كلامج دايما انتي اللي تبين منه ، بس اهوا شنو يبي منج ؟ اهوا صح كلامج من حقج يراضيج و من حقج يحققلج اللي تبينه و من حقج يكون لج مساحه خاصه فيج وماتتنازلين عن اشياء انتي تحبينها بس عشان ترضينه و تسمعين كلامه ، ترا كل هذا تقدرين تحققينه لما تتعاملين مع الامور بمرونه و تقربي منه اكثر لان في مقوله تقول "افهمني تملكني " .
4- قلتي طلعاتكم جامده ومافيها اكشن و مو نفس قبل و مليتي و تبين تطلعين مع البنات انتي سوي اكشن لاتنطرينه اهوووو يسوي شي المبادره حلوة ساعات و اشتري كتاب "رومانسيات زوجيه" تلقينه بجرير و مركز سلطان و وايد مكتبات فيه وايد اكشنات مو اكشن واحد ههههه و ريلج بيستانس و يتفاعل معاج و اهو مبين عليه يحبج و يغار عليج وكان يبي يراضيج لما قالج امشي نطلع لانه حس و كلمج عقب ماطلع مو شرط يتأسف مبادرته هذي كافيه و انتي تغلي عليه بس لاتنامون و انتوا زعلانين حاولي كثر ماتقدرين .
و سامحيني طولت عليج بالقرقه .
