ريلي يين وقعد خلاااص مامنه رجااا

[دلووعه وحلووه]

هاي بنات شوونكم؟؟ انشاءالله طيبييييييين؟؟

الصراحه من زمان عنكم واشتقتلكم هل <-------------------> كثر :eh_s(9):

بقولكم شغله حيل مضايقتني هل ايام

"ريليييييييي"

ييين وعد! :eh_s(4):

ما كان جذي ومادري اشفيه استخف؟!

الصراحه صاير شي لايطاق

اول كان يغار علي بس الحين صار بينون ومن غير سبب

مادري هل اهوا "لعانه" وبيفرض شخصيته بس

ولا "تشيش" احد مشيشه علي من اهله

ولا "فارين مخه" ربعه كل يوم واحد طالع لنا بقصه يطيرون صواريخ عليه وايني مصدق ويحرص علي!
استغفرالله مادري شفيه

طبعا انا كنت طلعات مع خواتي ورفيجاتي بنات خالتي قبل وبعد ماتزوجت

وطبعا قبل كنت انام عند رفيجاتي وبنات خالتي عادي وكنت عوده مو تقولون كنتي ياهل
وحتى سفر مع بنت خالتي كنا نسافر بروحنا

بس يوم تزوجت طبعا لا بس طلعات معاهم اوك
بهل مطاعم والكافيها ولسوقه والسينما

بس الحين لا تغير هل شي!
نعم شكوو؟

انا ماكنت جذي
ولما خذاني في شغلات تغيرت بحياتي

بس انا مو ملزومه اغير كل شي بحياتي عشانه!

انا من يوم صبغت شعري طبعا تدرون كان اشقر صبغته بني غامج
واصرت احلا بمليون مره لان العامج احلا علي معروف
بس اهوا ولا مره شافني بالغامج

انا من صبغته واهوا ستخف؟!
مادري من الصبغه
تغيرت بعينه وحليويت زياده

طبعا اول كان يغااار علي بس مو مثل الحين
الحين غيرت ميانين الحمدالله والشكر
ولا مادري صار مينون من مشاكل اهله بعد

المهم ماعلينا
صارت بينا مشكلتين

قبل سبوعين جذي كنت مواعده رفيجتي وبنطلع

وخلاص لابسه وبطلع ولا يطنقر بروووحه من غير سبب

شفيك؟

ماتطلعين

ليش؟

بس كيفي . انا ولي امرج

شكووووو! بفهم الحين البنت تنطرني وهذا يقولي انا ولي امرج

مع اني ماكنت كاشخه حدي بس مادري شفيه

وبعدها بسبوع وشوي يعني قبل جم يوم

هم جذي بطلع مع خواتي وبنات خالتي وحده منهم عازمتنا توها متوظفه ومستانسه عازمتنا على مطعم

كنا بنروح المطعم بمجمع اولمبيا

ولا يقولي في شيشه بالمطعم هذا

قتله ايه ولا يقولي لا لا كنسلي طلعتج معاهم

!!!!!!!!!!!!!!!! قتله لا مابي شكو
خلاص اكلمهم نغير المطعم

ولا يقولي لا لا انا ماحب طلعت بنات جذي يمعه وايد

يدور اعذار غصب ماعنده سبب

عاد تهاوشت معاه هوشه سنعه وكالعاده يطنقر ويطلع

عاد تالي طرشلي مسج امشي اطلع

قتله اطلع مع ربعك
بعد ماتزعلني وتخرب علي و مو اول مره تخلني اكنسل والبنات ناطريني
وتقولي امشي اطلعج

عاد طرشلي مسج كبر ويهه

وطنشته ونمت

عباله بيأثر فيني
دام اهوا مافيه احساس بعامله بالمثل
وليلحين مايكلمني بس ليي بغا شي ولا ضايعله شي

حرنيييييييييييييييييييييييييييي
صج صج حرني
والله تفشلت شقول حق البنت
مايستحي

لول اهوا مايكنسل ربعه
لو شيصير
:eh_s(14):​

 

[شادن33]

يا دلوعه ياحلوه حياتي لازم تاخذين اذنه قبل لاتعطين رفيجتج خبر ان بتروحين معاها
والريال له كلمه على زوجته ولا مايطلع رياااال
شنو حياتي موملزومه اتغيرين حياتج عشان ريلج بالله هاي كلام
الظاهر ريلج صج. ين من الصبغه ههههه غيريها

 

[ام الدرر]

ياحليلج دلوووعة
حبوبة عادي كل الرياييل تييهم هالعرة
طنشي مرده بيمل اذا شافج ماتعاندينه ​

 

[سلطانه العتيبي]

الله يهديك ... اهم شي بيتك وزوجك .... وبالتوفيق

 

[نزغه كويتيه]

الله يهدي سركم

 

[مارشميلو..]

يحليلك وين هالغيبه اشتقنالك
وبالنسبه لزوجك في رياجيل واجد مثله بس مابيدك حل الا اتحاولين فيه باسلوب حلو مو هواااش
واذا ماوافق وعند ماعليه تحملي بس قولي له هو يطلك متى مابغيتي
واكيييد مع الوقت بيتغير خصوصا لاجبتو بيبي
والله يوفقك

 

[الجوهرا]

الزواج التزام ومدام انج وافقتي اتزوجين يعني وافقتي تلتزمين بكلام زوجج

 

[dandrma]

اهو يحبج عشان جذي يغار عليج

الريال بطبعه يخاف على زوجته من الناس بره خصوصا اذا كنتو بنات بروحكم طالعين فاهو من خوفه عليج ما وده تطلعين

 

[shak!shoka]

اووووه صرااااحه لج وحشه


ميخالف تحمليه يمكن ام العبيد طاقه اقامه عنده هالجم اسبوع !
انشالله يطخ
وانتي قللي طلعات علشان يحس انج مقدره

 

[طنيانه]

ترا الغيره مطلب اساسي بين الزوجين

وانا اشوف غيرته جدا طبيعيه .. انتي اللي لازم تنسين الطلعات اللي ماله معنى لان خلاص
صرتي عند واحد يفرض امره عليج بعد ابوج الله يخليه لج

شي ثاني لو مايغااار جان كتبتي مووووضوع زوجي انجن مايغار علي

الله يهديكم ان شاء الله :eh_s(17):

 

[جلكسيه اس 3]

الرياييل بس يتزوجون عشان يقولون حق حريمهم ماكو طلعه وانا ولي امرج
ليش شايفني ياهل و لا شنو ويع
المهم نرجع لموضوعج لازم اتحطين حل للموضوع و لا باجر بيكبر عموما الله يهديه

 

[عنزروته]

يا اختي معرووووف الزوج باول الخطبة وببدايت الزواج يرخي لزوجه وللخطيبة لمن يصديها وتدخل القفص الذهبي او بعضهم يطول شوي يعني بعد سنة او بعد اول مولود يبداء بصياغه دستورة وقوانينة والزوجه تنصدم وتتحلطم وتزعل ويجيها سكر وضغظ ....تراة شي طبيعي الي تمرين فية ومرت فية اكثرية البنات مالج الا المساااااااااااااااااحل وتودد لمن تلحسين مخه برضاااااة بجذي تكسبين

 

[Cute mama]

شنو يعني يزعلون رفيجاتج وله خواتج ؟؟
هذا ريلج
كلمته تمشي عليج
انا ماشوف تصرفه غط
يحبج الريال ومن حبه يغار عليج
انا اعرف بنات رياييلهم مايخلونهم يروحون بيوت رفيجاتهم مو بس يطلعون معاهم
لو مو حاس بالذنب وله مايبي وناستج جان ماقالج خلنطلع
يبي يونسج
بصراحه مادري شلون تفكرين بوناستج وبس
وبعدييين حلوه انه مو لازم تغيرين حياتج عشانه لا حبيبتي امبلى غيري حياتج عشانه هذا الزواج حياه يديده
يعني اذا كان قبل لايتزوج يكلم بنات ويروح يسهر بره تبينه مايغير هالشي عقب مايتزوج ؟؟
سمعي كلام ريلج ترا محد راح يفيدج من رفيجاتج وله خواتج بعدين

 

[روح مووود]

لا حبيبتى نصيحه من اخت لى اختها
اسمعى كلام زوجك وطعى اومره هذا امر الله والرسول قال فيما معناه لو امرت احد ان يسجد لى احد لأمرت الزوجه ان تسجد لزوجها والله ماااااااااااااااااارح احد ينفعك غير زوجك احرصى على رضاه
وشئ زين انه يغااااااار عليك
بالعكس هذا يدل على حبه لك

 

[ام كوثر2007]

وين المشكله الحين ؟


اي ريلج وولي امرج وتاج راسج بعد ..


وحبوبه بسكم لا تقارنون بعيشتكم قبل مع عيشتكم عقب الزواج لانها توتلي دفرنت مثل ما يقولوون ..


بعدين الحين شاريه زعل رفيجاتج وما ا دري منو ومو هامج زعله ؟

صراحه من طريقه كلامج وكتابتج واسلوبج حسيت انج مو هينه ..


وعسى الله يستر عليج صراحه دام هذا لسانج ما راح تعمرين مع رياال .


وذيج الساع عاد خلي ينفعونج ربعج وخواتج وخالاتج ..


لا تزعلين من كلامي حبيبتي .. انتي شكلج طايشه ومو عارفه وين الله قاطج .. ولا تعرفين اتعاملين مع الريال

عشان جذى عطيتج هالكلام جوود تحسين .. ,واذا ما تبين تحسين وتعتبرينه تجريح .. انا اقول انج حطيتي هالمووضوع عشان ترضين بكل الردود سواء كانت معاج او ضدج

موفقه .

 

[tbola]

ماعليه يمكن في ظروف وماقالج اياها اهيا الي ماثره على نفسيته

 

[الحــــــلا كله]

مبين عليج مو متحجبه ويمكن الصبغه خلتج ملفته بعينه فزاد معدل الغيره حبتين
لاتزعلين هذا دليل حبه لج
نطري خليه يتعود ع النيو لوك تالي بيطخ

 

[شرغوفة]

ربي يهديكم لبعض حبيبتي حياتي كل الرياييل جذي بس الوااحد يمل من المشااااكل موفقة

 

[صب القفشه]

دلوعه و حلوه شنو برجج ؟

 

[گـحِـلْ |~]

اعرف بنات يتمنون هالغيره من رياجيلهم

حلوه الغيره

لو مايحبج ما غار » يعني قايله شيء