ريوق الدوام !

[برونزية رشيقة]

قوة .. بنات شلونكم ؟

ودي أسأل الموظفات أللي يسوون ريجيم أو يمشون على نظام غذائي ..

شنو تتريقون بالدوام ؟؟؟؟؟؟؟

أنا دوامي منفصل يعني مافي عندنا مطاعم أو يمنا بقالات ..

فالبنات عندنا يااااا يطلبون من المطاعم البعيدة أللي توصل ..
ونظام التوصيل يوصلون لنا إذا الطلب كان فوق 5 دنانير
فيطلبون أكل زايد !!!

وكنت أجامل وآكل معاهم :eh_s(22):


أو وحدة من البنات أتييب ريوق وهي بطريجها للدوام لكل موظفات المراقبة ..

طبعا أتييب يا فطاير أو سندويشات صاج أو سندويشات من الخباز وسابليه أو صينية كبيرة فيها فطاير صغار ( مالوت التقديم)
تحطها عالطاولة بوسط الغرفة وتاكلين بدون ما تحسين بنفسج

ألحين أنا بعرف البنات أللي نظام دوامهم نفسي .. يعني مافي يمهم أو حواليهم مطاعم أو بقالات أو أي شيء ..


1- شلون نظام ريوقكم إذا كنتوا مسوين ريجيم؟
2- شنو تاكلون بالريوق؟
3- شنو تاكلون بالسناك؟
4- جم وجبة حزة الدوامات؟


أنا حاولت أسوي ريجيم وما آكل معاهم .. قمت بس أشرب قهوة أو حليب أو شاي لنهاية الدوام واااااااااااااااااي مت من اليوع

وأرد البيت أخرب ريجيمي وآكل دبل من اليووووووووع:eh_s(2):


5- يا ليت تعطوني أفكار شنو آكل؟

وخلونا نتناقش ونشجع بعض يزاكم الله خير ..
وأحنا قدها وراح نضعف أن شاءالله

 

[CuTe KuwaiTia]

ريوق الدوام وما ادراك ما ريوق الدوام

محد مخرب علي الرجيم الا هالريوق على قولتج يحطونه بالمكتتب ورايحة رادة تاكلين وماتحسين بروحج

انا خطرت على بالي فكرة اني اشتريلي شابورة و جبنة لايت علشان اتريق واقصص خيار

واشرب قهوة تسدني

الريوق خلصنا منه ... بس شلون اقاوم الكاكاو والحلو ؟؟؟ ابي شي سويت وما يسمن شسوي

مشكورة على الموضوع وايد مهم صراحة بالنسبة لي

بنات تكفون نبي ريوقات رجيمية

 

[جروح ودموع]

انا اقوم الصبح مبجر واسوي لي توست اسمر مع جبنه لايت ومرتديلا لايت مع شرايح خيار ومرات تونه مع مايونيز لايت وشوية ليمون وفلفل اسود واسوي لي عصيير برتقال فرش مع جريب فروت ونص الدوام اشرب ميراميه وحاطه عندي بالدرج كاكاوات ملوت مرضى السكر والريجيم اخذهم من صيدلية بووتس

 

[amoOoNA Al_mazyoNa]

إذا كنتي اتسوين رجيم نصيحة اشتركي بشركات التغذية مثل : دايت كير، هيلث كومباني ، دايت سنتر ...الخ

اشتركي بس ريوق مع سناكها وارتاااحي ، أما إذا مو رجيم اكلي مرات معاهم بس خففي و مرات إيبي معاج من

البيت سندويجات لايت و خفيفه و سناك لايت و خفيف

 

[brat]

آنا لما أسوي رجيم أودي معاي mug فيه لاتيه (حليب خالي الدسم مع قهوة وشكر تروبيكانا)
مع تمر و يوز

أو ساندوج فيها تيركي وخس وبصحن صغير زيتون أسود أو أخضر (توست أسمر بالحبوب) وإذا تبين خيار

أو ساندوج جبن أبيض خالي أو قليل الدسم مع رشة زعتر (توست أسمر بالحبوب)

أو بران فليكس (أسمر) مع يوز أحط الحليب عليه لما أروح الدوام

أو أكون الليلة اللي قبلها مسوية بيض مفيوح أحطه بالثلاجة وأسويه ساندوج الصبح مع بقدونس

أو شوفان مع حليب دافي بس أول ما توصلين اكليه على طول عشان لا يبرد

أو تقدرين تاخذينلج من ساندويجات أمريكانا، تيركي، مرتديلا، جبن أبيض...

وإذا بجمعيتكم فيه دايت كير اخذيلج منهم إذا ودج تغيرين

أما السناك آخذلي فاكهة: تفاحة أو موزة أو رمان
ولازم أشرب ماي وايد

 

[فجر_الكويت]

أنا الصراحه مو موظفه فأن شاء الله الموظفات يفيدونج اكثر

 

[zaina alotibi]

سويلج ريوق بالبيت بنظام الريجيم الي يناسبج واخذيه معاج الدوام ....جذي احسن واخذيلج حبة فاكهة معاج عشان اذا حسيتي يالجوع ماتلجئين للكاكاو والشيبس

 

[زهره الجلنار]

انا والله بالدوام اخرب رجيمي مااقدر اقاوم نفسج

 

[كويت الاناقه]

بالتووفيق وان شاء الله الكل يقول تجربته

موفقات خير ياارب

 

[ba6boo6ah]

انا جامعة مرات يصير عندي ظغط مارد البيت الا ٢ ونص جذي فا اموووت يوع اذا ماكليت
شريت لي بوكس وصرت احط لي فية ساندوتش وخيار وهالسوالف واخذة معاي احطة بجنطتي
ومن الجامعه بس اشتري عصير فرش او اخذ معاي زبادي حساافة اخرب الرجيم 

 

[وحدة كويتية]

اي والله محد خرب علينا الا ريوق هالدوامات
انا احيانا اتريق بسكوت مع قهوه او سلطه تبوله مع عصير برتقال
واحيانا اخربها مع البنات مقالي وقدسيه وهالسوالف اللي تزيد الوزن
الله يعيننا

 

[ام حمد 85]

تقدرين تاخذين حليب خالي الدسم + اب كيس صغر نايلون ملوت الفريزر تحطين لج كم حبه عنب او برتقاله او تفاحه او كيوي او اي فاكهه تحبينها + توست امريكانا الجاهز او اتسوين لج توست اسمر وتحشينه لبنه وزعتر وطماط او جبن كرافت وطماط ومرتديلا او جبن كرافت وعسل او اخذيلج شابوره وككاو رجيم وعصير كيدي دي وحطي اكلج باللنش بوكس وفي اكياس اب سوق بو100 مثل الخام صغار خليه حق اكلج مال الدوام

 

[برونزية رشيقة]

إهداء لكم

ولي عودة للموضووووووووووووووووووع

ريوق مكدوووونالدز

هالصورة ما قدرت أقاومها

 

[وحيدة امى]

قطعت الريوق بالمره اشرب جاي بالحليب وقهوه

 

[ام سعود ديكسون]

نسكافيه ٣ في ١
نسكويك
عصير كي دي دي
كورن فليكس نستله الاسمر- علب صغيرونه
توست أمريكانا البارد -نسخنه مايكرويف
سلطة دايت سنتر او دايت كير
سلطة فواكه
بسكوت بتي بور او نايس
كراكرز مالح
جاي حليب
جاي أعشاب
زبيب
مكسرات

والحل انج تشترين ثلاجة صغيرة او تحطين العدة بالدرج و تحضرين ريوقج من بليل
منتي مضطرة تجاملين كلمن يشيل عمره
وانتي لي حاشج ضغط و سكر و مفاصل منو بيشيلج اسم الله عليج بعيد الشر عنج

هذا اكل إحنا نطلبه حق المناسبات و اليمعات
اذا هذا ريوقكم اليومي عيل بالمناسبات من وين بتطلبون ؟ من فندق الشيراتون؟ اول شي مصاريف و ثاني شي يصير ماكو استمتاع و تذوق بالاكل

 

[ام عفاف الكويت]

الريوق دماااااااااااااااااااااااااااااااااااااااااااااااااااااااار

والله دمااار

فلافل بطاط
وبيبسي ومرات حلو ومرات صمون مشكل بيض وخضره
واي انا ناويه ان ولدت خلاص اوقف