ريوق العيد حياااااااااج وصفات للريوق تناسب كل الاذواق ( متجدد )

[:: Diva ::]

عيدك مبارك مقدما
جمعت لكم وصفات روعه حق الريوق
و هم في اطباق من المنتدى
يمعتها بهالموضوع




***

المقادير:

بيض
توست
جبنه شرائح
زبده
فلفل
بقدونس مجفف

الطــــريقــــه :

نأخذ قطعتين توست
وحده تكون القاعده
و الثانيه تكون الوجه
نفرغ قطعه التوست اللي في الوجه بشكل مربع على قد حجم شريحه الجبنه
نضع القطعتين فوق بعض مع دهن الزبد بينهما في الفراغ
نضع شريحة الجبنه
وفوق شريحة الجبنه نضع البيضه
ورشه ملح وفلفل..

او عنون @@

ندخلها تتحمص .. ونرش عليها بقدونس مجفف او نعناع مجفف..

بيض العنون @@

مرحبا بنوتات
حبايبي عندي صينيه موووو صج .. طعم .. وشكل .. لا يعلى عليه وتصلح تسوينها لريوقات المدرسه بما انها على الابواب :eh_s(16):

اولا نبدا بالمقادير :

حمستج الدجاج المعتمده .. جبن قلاص .. توست .. لبنه .. بقدونس .. وسماق للزينه

أولا نزيل أطراف التوست ونصفه بالبايركس ..

ندهن التوست بشوي جبن قلاص ..

تحطين حمسة الدجاج الي تفضلينها وتقدرين تستبدلين الدجاج بحمسة خضرا أو أجبان كيفج

تحطين طبقة ثانيه من التوست .. وبالخلاط تحطين شدة بقدونس . ولبنه . وفص ثوم . وزيت زيتون وتخلطيييييييييييييين لين يطلع معاج صوص أخضر ثقيل .. سوري ما صورت هالخطوه

تدهنين التوست بالصوص الاخضر بهالشكل

وتزينين الصينيه بالسماق او الي تحبين وهذا الشكل النهائي يمييييي يميييييييييييي

وهني للتعذيب

كرات البطاط بالباشميل
وهي عباره عن ثلاث طبقات ​

نبدأ أول شئ بـ
الطبقه الاولى:

​

بصلة مفرومة متوسطة الحجم
جزر مفروم متوسطة الحجم
دجاج (صدرين دجاج نسلقهم وبعدها نفتتها يعني نسحبها )​

اول شي نحمس البصل بالزيت
و نضيف عليه الجزر ونقلبهم شوي
وبعدها ربع ماجي لما تذوب وتتوزع عدل​

الحين نحط الديايه اللي كنتي من قبل سالقته ومفتفتته وتحطين وياه البهارات اللي تفضلينها وبدون ملح لان الماجي بروحه مااااالح​

نحرك شوي ونخلينه على النار مع التقليب المستمر لمن تحسين أنها تجانست مع بعض​

بعدين نجيب الفايركس ونوزع الطبقه الاولى فيه
http://[/size][/font][url="http://www.almlf.com​

الطبقة الثانيه بطاط مسلوق و مهروس مع رشة ملح
نكور البطاط المهروس ونصفه فوق الطبقه الاولى​

​

الطبقه الثالثة عباره عن البشاميل
قدر فيه= 2كوب ماي + 5ملاعق حليب بودر + ملعقتين طحين
نحركهم على نار هاديه لما تصير شوي ثقيله وتبقبق <<~ تشبيه بليغ:d​

عقب ماتبرد البشاميل نضيف فوقها
ملعقتين كبار جبنة المراعي + ملعقتين كبار لبنه + ملعقه كبيره مايونيز ​

http://[/size][/font][url="http://www.almlf.com​

و عقب نصب طبقة البشاميل فوق البطاط المدور
​

وآخر شي نرش فوقهم جبنة بارميزان
انا من اللويه نسيت احط الجبن المبشور موتسوون نفسي وتنسون
لانها بالجبن احلا واطعم​

وندخلها الفرن من فوق لما تتحمر شوي ومن تحت بدرجة حراره 160
​

وبالعاااااااااافيه​

حمسة نقانق بالمشروم
هذه حمسه تهبل للعشاء خصوصا اذا جاء زوجك بالليل ومالك خلق تطبخين وقالك جوعان مالك الا حمستي ​

خذي بصل شرايح وحمسيه بالزبده وحطي عليه كسبره مقطعه وبازيلا خضرا وماشروم وبعدين قطعي نقانق دجاج حلقات وحطيه عليه وتبليه بالفلفل الاسود وملح ورشيه جبن كرافت وعطيه خبز وحطيله على جنب جبن مالح وزيتون وعصير وفكي نفسك عسى الطبق عجبكم​

حمسة البيرغر قدميها مع خبز​

المقاديرررر:​

همبرغر انا استخدمت 8 قطع
طماط مقطوع صغر صغار
بصل شرايح
فلفل بارد شرايح
صلصلة طماط
في مله صغيره تعصرين نص ليمونه مع ملعقه زعتر وزيت زيتون شويه وتخلطينهم
بهارات
مااي على حسب ​

الطريقه :
تحمسين البصل لين مايذوب تحطين الفلفل البارد وعقب الطماط وعقب صلصلة الطماط والبهارات وماي تحطين على حسب
يعني علشان يستوي عندنا حمسه حلوه وتحطين عصير اليمون والزعتر
وعقب تغطينهم وتخلينهم على نار هاااااااديه علشان الخضروات تذووب اكثر واكثر وتتغطى بالصلصله عدل مدل (( طبعا انتي بتشوفين اذا تحتاج بعد ماي ولا لاء واذا احتاجت الحمسه زيديهااا ))​

وبعدهاااا تشيلين من الحمسه النص ​

وتضيفين الهمبرغر على الخلطه
وعقب تحطين فوقه باقي الحمسه ​

وتغطينهم عقب ماتضيفين شوية ماي ​

وخليهم على نااااااااار هاديه علشان الحمسه ماتحترق والهمبرغر يستوي على مهله عدل مدل ​

وبين فتره وفتره اقلبي الهمبرغر لين ماتحسينه انه استوي
وبس​

وتكونين مسويه العيش سوى لحاله او تضيفين معاه الشعيريه او بصل اللي تحبينه ​

وبس
وبالهناء والعافيه​

واشكر الاخت روني على هالاكله الطيبه ​

​

 

[:: Diva ::]

في مرة كنا مسوين كبة بطاط ، ورولات محشوة بالخضار

ف زاد بطاط مسلوق من طبق كبة البطاط


و زاد حمسة خضار من طبق رولات الخضار


وتمت اضافتهم فوق بعض

فنتج مايلي

كان أول طبق خلص من السفرة

المقادير

:-

- 3 بطاط كبير مسلوق سلق جيد ومملحة قليلا

- جزر-زهرة - باذنجان-فلفل أخضر (يقطع الجميع مكعبات صغيرة )

- بهارات



الطريقة :-

بعد سلق البطاط يصف في صينية بايركس زجاجي المخصص للفرن
ويخلط معه قليل من الماء بمقدار نصف فنجال ونجعله طبقة سميكه نوعا ما

ثم نضيف فوقه حمسة الخضار
وطريقتها كأي حمسة عادية

نضع في القدر قليل من الزيت ثم نضع الجزر ونحركه قليلا ثم نضيف عليه الزهرة ونحركها ونضيف الباذنجان والفلفل البارد ، ونضع البهارات وقطعة مكعبات ماجي صغيرة.


ونصف هذا الخليط فوق البطاط المسلوق
ثم نضع الصلصة فوقه خليط الخضار

مقادير الصلصة

مايونيز علبة صغيرة
3 ملاعق ماسترد
قليل من الشبنث

تخلط جيدا وتضاف فوقها


وتوجد طريقة أخرى للصلصة العلوية

عبارة علبة جبن كاسات حجم صغير + قشطة
تخلط مع بعض وتصب على الطبق ، ثم توضع طبقة خفيفة من جبنة الموزاريلا

جربتها بالصلصتين


لما تذوقونها راح تدعون لي

السلام عليكم



حمسة الحلوم اكله كلمة رووعه شويه عليها,,

لذيذه وسريعه وتصلح لـ عشاق الاجبان مثلي


المقادير:



حلوم مُقطع شرائح متوسطة الحجم - فلفل اخضر بارد - طماطم شرائح - جزر مبشور - زيتون شرائح - زعتر - قليل من الزيت


الطريقه :



- نسخن الزيت بالمقلاة وبعدها نضيف الحلوم ونشوحه على النار وبعدها نضيف الفلفل الاخضر
والطماطم والجزر والزيتون ونشوحهم على النار..

- بعد الانتهاء نضع الحمسة بصحن التقديم ونرش على الوجه الزعتر



وهذي صورة الطبق من قريب

و بعد في اكيد حمسااااااااااااات

 

[:: Diva ::]

فريتاتا

4 بطاطات مقشره و مقطعه مكعبات
نص بصله مقصصه شرايح
8 بيضات مخفوقه
3\4 كوب مكعبات مرتديلا لحم او بيكن ( شرائح الافطار )
ملح و فلفل
3\4 كوب جبنة تشدر مبشوره
مشروم شرايح
و مكعبات فلفل اخضر

الطريقه :

نسلق مكعبات البطاط بماي و ملح و نتركه يبرد
الفرن نولعه على درجة 175
على النار نشوح البصل + مشروم + الفلفل
في البايركس نحط البيض + البطاط + المرتديلا ( لو تبين شرايح الافطار لازم تقلينها قبل مع البصل ) و نضيف عليهم
الخضروات المشوحه و نضيف الملح و الفلفل
بالفرن نشغل النار الي تحت 5 دقايق
عقب نضيف الجبن على الويه و نشغل النار الي فوق تقريبا 10 دقايق و بالعاااافيه






بيض بالاجبان

المقادير :
بيكن مكعبات او مرتديلا
بصله مفرومه
6 بيضات مخفوقه
4 شرايح هاش براون
كوبين تشدر مبشور
كوب و نص جبن قريش
كوب و ربع جبنه سويسريه

المقادير :
نطبخ البيكن و البصل بعدها نصبهم ببايركس
نضيف البيض و الاجبان كلها
نخبز البيض على الاقل نص ساعه او الى ان يستوي






شوفي اشكال التقديم

بيض بالباربيكيو


4 بيضات
قفشتين و نص صلصة باربيكيو
ملعقتين حليب
خردل
فص و نص ثوم مفروم
زبده
نص كوب جبن تشدر مبشور


الطريقه

البيض + باربيكيو + حليب + خردل + ثوم
نضيف عليهم الزبده السايحه
و على النار
جريب يستوي نرش الجبن و نرتكه دقيقه لين يذوب

حمسة اللحم بالبطاط من مطبخي ( بالصور )

السلام عليكم حبيباتي

نبدأ بسم الله ؛؛؛؛؛


المقادير :

كمية لحم بتلو او غنم مقطع مكعبات صغيرة والكمية حسب الرغبة
بصل مفرومة متوسط ولكن بكمية كبيرة
3 فصوص ثوم مهروس
بطاطس مكعبات ومقلية مسبقاً
توابل ( فلفل اسود ؛ كمون ؛ كزبرة ؛ كركم ؛ لومي اسود ؛ ملح ؛ )يعني حسب الرغبة ...



الطريقة :

اولاً هذا شكل اللحم وهو مقطع

1- جدر وبه زيت ونضع علية كمية البصل والثوم ونقلبه الى ان يشقر لونه

2- بعدها نضع اللحم ونقلبه ( نحمس ) جيداً جيداً الى ان ينشف ماؤه

3- بعدها نضيف توابلنا

4- نقلبه جيداً ونضيف كمية من الماء ما يغطي اللحم ونتركه الى ان يستوي اللحم تقريباً نص ساعة

5- بعد ما يستوي اللحم نضع الملح وكذلك نضيف البطاطس المقلية مكعبات صغيرة على اللحم ونقلبه قليلاً وبعدها نطفي النار ونتركها ترتاح مع البطاط لانه سوف يجعل الصوص يثخن

وهذا شكله النهائي وممكن يؤكل مع الارز بالشعرية وكذلك بالخبز

​

​

 

[:: Diva ::]

المقادير :


بصله مقطعه مربعات

2 فص ثوم صغير مهروس

بقدونس طازج مفروم

مكعب ماجي

بهارات

فلفل اخضر بارد

2 طماط مربعات صغار

شويه كركم نتفه

بهارات يابسه للفوح

الطريقه



حطي جدر وفي ماي حار وبهارات يابسه هيل - دارسين - مسمار - كمون - فلفل اسود - ورق غار وحده كافي

كله صحيح طبعا

تحطين الجبده وتخلينها تفوح 10 دقايق يصير لونها فاتح بعدين تشخلينها

تحطين بجدر ثاني دهن وبصل وتحمسينه والثوم وتقطين الجبده وتحمسينها وياهم عدل والماجي والفلفل البارد

والطماط والبهارات المطحونه الي عندج وحمسيهم عدل راح يطلع ماي عادي خليه وسكري الغطا شويه

ورشي البقدونس على الوجه وردي سكري لمه تشوفينها استوت نجبيها بصحن

حمسة البطاطا الحارة )

المقادير :
4 بطاطات مقشرة أصابع رفيعة ومغسولة ومملحة ومقلية بالزيت ومتروكة على جنب .
3 بصلات مقطعة جوانح
2 طماطم مقطعة جوانح
1 قرن فلفل أخضر كبير مقطع شرايح رفيعة
البهارات ( الكركم ــ كارى أبوغزالة ــ فلفل أحمر بودر )
ملح + القليل من السكر

الطريقة :
ــ يحمر البصل بالزيت لغاية الأحمرار ثم نضيف الكركم والكارى والفلفل الأحمر ونقلب ، ثم نضيف الطماطم والبطاطا المقلية والملح والسكر ونقلب جيدا ونتركه على النار قليلا ، أصبح جاهزا عند التقديم نضيف شرايح الفلفل الأخضر الطازج ونقلبه مع الخليط جيدا ويأكل مع الخبز الحار .

​

( حمسة الباذنجان الحار )

المقادير :
4 حبات باذنجان كبير مقشر مكعبات ومغسول ومملح ومقلى بالزيت الغزير ومتروك جانبا .
2 طماطم مفرومة
2 ملعقة وسط صلصة طماطم
4 قرون فلفل أخضر مقلية
3 بصلات مفرومة ناعم
2 فص ثوم مفروم
البهارات ( كركم ــ كارى أبوغزالة ــ فلفل أحمر بودر )
ملح + القليل من السكر

الطريقة :
يحمر البصل ثم نضيف الكركم والكارى والفلفل الأحمر والثوم ونقلب ثم نضيف صلصة الطماطم ونقلب جيدا ثم نضيف الطماطم المفرومة الطازجة والملح والسكر ثم الباذنجان والفلفل المقلى ويقلب جيدا ومن ثم يقدم ويؤكل بالخبز الحار والخضرة الورقية والبصل الأخضر .

وبالعااااااااااافية .

 

[:: Diva ::]

هلا بنوتات

في حميسة قدييييييييمة

بطاط ومعجون جان تذكرونها ريلي يموت عليهااااا

سويتها وقلت الا اخلي الجيل اليديد يشوفها >>>يعني انا من جيل الفراعنه

خنوريكم الصورة أول

المقادير:

بطاط مكعبات مقلي
بصل شرايح
معجون طماط
مكعب ماجي
ملح ، فلفل أسود


الطريقة:

تحمسين البصل والمعجون وتحطين شوية ماي علشان لايلزق المعجون بالبطاط
وتحطين الماجي والملح والفلفل الاسود

وفوقهم البطاط وتقصرين عليه شويه

وبالعافيه

وهذي صورة ثانية للحبايب >>> ترى حلاته مع خبز ايراني محمش

 

[:: Diva ::]

[SIZE=+0]حميسة التونه:-
___________

المقادير:
______
1- تونه ( بالزيت ) اذا لشخصين 2 كبار
2- بهارات مشكله
3- بهارات الكاري
4- بهارات ( هيل ناعم )
5- كويكر (اذا ماتبون مولازم)
6-فلفل اسود
7- بصل 1 كبيره
8- 3 فصات ثوم
9-ليمونه وحده
10- خل... الشفاف جنه ماي (ماركة كريستال)


الطريقه:
_______
نحط زيت السمك التونه بالمقلاه ونحط البصل والثوم ( ندقه )
ونحمسهم عدل عدل ونحط عليهم البهارات كلها ونحمس عدل
ونحط التونه ونرعص ليمونه كلها ونصب الخل بمغطة البطل ماله مره وحده بس وبالعافيه

حميسة لحم المفروم :-
________________

المقادير:
______
1-بصل 1 كبيره
2-ثوم 3 فصات
3-ليمونه وحده
4- خل ( كريستال)
5-معجون طماطم
6-بهارات كاري وبهارات مشكله
7-بهارات هيل ناعم وبهارات لحم
8-ماجي وحده
9- ملح
10-كويكر وفلفل اسود

الطريقه:
______
نحط دهن بالمقلاه ونحمس البصل والثوم ونحط البهارات كلها مع الماجي وملح شويه ونحط اللحم ونحمسه عدل ونرعص ليمونه ونحط خل بمغطاة بطلها وحده بس ونحرك لما يستوي اللحم ونحط معجون طماط نص قوطي وبالعافيه

ملاحظه:-
____________________
جميع البهارات والفلفل الاسود والملح نحط ملعقه وحده بملعقة الابهارات الصغيره واذا بالملعقه العاديه نحط ملعقه اللي اصغر من الكبيره بشوي نصها وشكرا [/SIZE]​

حمسة النقانق
حمسي بصل وثوم و بعدين حطي طمام وشوية معجون طمام مع فلفل بارد ومكعبات بطاط تكونين فايحته من قبل وضيفي بهارات فلفل اسود وكمون واخر شي النقانق تكونين مقصصته دوائر صغار

___________________________
صمون بريوش
وسوي الحمسه هذي ... دجاج منتف جزر شرايح وبصل و ثوم و فلفل بارد ... حطي بالصمون
وحطي معاه كتشب و مايونيز و زيتون شرايح
وادعيلي
_________________________________
حمسة الذرة:
تحمسين شوية بصل ناعم مع ماجي وبعدين تضيفين علبة ذرة وتحركينة شوية عشان يحتر وظيفي علية اخر شي ملعقة كبيرة جبن كلاس وحركية
حمسة المشروم :
تحمسين شوية بصل ناعم مع ماجي بعدين تظيفين مشروم شرايح .لمن ينضج تضيفينشوية كزبر طازج مفروم وتحركينة لمن شوي يذبل ويشرب الطعم بعدين تضيفين علية جبن موزاريلا وتحركينة...واذا منتى ماكلتة بنفس الوقت استبدلي الموزاريلا بجبن كلاس
وبالعافية
______________________
اذا تحبين البيديان

الممقادير :

بيديان مقطع مكعبات ( مقلي)

طماط مقطع مكعبات

بصل مقطع مكعبات

معجون طمام

ثوم

ملح

بهارات مشكله

مكعب مجي

كركم شويه

لوز مقطع ( اللي يستخدمونه حق الطباخ لونه ابيض و مقطع طوال ) تقلينه بالزيت بس يحمر و تشيلينه بسرعه


الطريقه :

حمسي البصل بالزيت لين يحمر و ضيفي الثوم عليه و بعدين حطي الطماط فوقه و مكعب ماجي و بهاراتج
و بعدين حطي البيديان ( طبعا تكونين مقليته من قبل )

و خلطيهم مع بعض و اخر شي حطي اللوز و بس سلامتج

و عليكم بالعافيه
__________________________________
لحمسة الهوت دوج

تحمسين الهوت دوج مع صلصه مكونه من كتشب و اتش بي و صويا سوس و مسترد و اذا تحبين حطي فلفل بارد




و ممكن مو حمسة تنطبخ يعني ممكن تخلطين جبن و قطع صغيرة طماط و خيار و زيتون و تحشينهم بصمون صغار



حمسة خضار:
كل الخضار اللي عندج جزر مبشور+ ملفوف ابيض+ بطاط + ذرة + بصل
تحمسينهم بشوي زيت و معاهم ماجي أو كاري



بطاطا حرة
عبارة عن حمسة مكعبات البطاط المقلي مع الثوم و الكزبرة


طبعا دام انه ريوق تفنني بالبيض

و في خلطة البيض المسلوق تتحشى بالصمون الضغار


____________________________
حمسة شاورما هامبرجر


1- ندخل الهامبرجر بالفرن ( او تقلونه على حسب طريقتكم المعتاده )



2- بعد ما يستوي تقصصونه شرايح وتصففونه بالبايركس

3- نصب فوقها الصلصة الطحينة وعباره عن مايونيز + روب + هردة + ليمون + شوي ثوم + ملح + فلفل اسود



4- وللتزين : بقدونس مقطع + طماط مكعبات + بصل شرائح + سماق




جربوها حدهـــــــــــا سهــــــــلــــــة وسريعــــــــــــــــة ولـــــــــذيـــــــــــــــــــذة

_________________________________
البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه _
_________________________

المشروم بالذره
3اكواب بصل مفروم
علبتين مشروم شرايح ومفروم خشن
كوب ذره مسلوقه
نص كوب كزبره خضره مفرومه
5 فصوص ثوم مفرومه
مكعبين ماجي
ملعقة صغيره كزبره ناشفه مطحونه
حمري البصل مع الماجي والكزبره الناشفه وبس تطلع ريحتها اضيفي المشروم وقلبيه جيدا اضيفي الثوم وقلبي وبس تنشف اضيفي الذره والكزبره وسكري عليها
_____________________________________
لبطاط والبزاليا
كوبين مكعبات صغيره من البطاط تسلق دقيقتين وترفع
كوبين بزاليا مسلوقه
بصل مفروم ناعم
كمون حب
كزبره خضراء مفرومه كميه كوب
ماجي مكعبين
حبة فلفل اخضر حار مفروم
نتفة زنجبيل اخضر مبشوره
نص ملعقة اكل كاري ا
البصل تقريبا 7 بصلات
حمريه بشوية زيت ومعاه ملعقة اكل كمون حب وحطي البطاط وقلبي وحطي الماجي والبزاليا والفلفل والزنجبيل وقلبيه لحد ما يتشرب من بعض
اخر شي حطي الكاري والكزبره وذوقي الملح والفلفل برديها واحشي
سمبوسة الخضار بالشبنت
كيس كيلو خضار مشكله (جزر-بزاليا-فاصوليا-ذره)
5 بصلات مفرومه معاها 5 فصوص ثوم مفرومه
شده شبنت
مكعبين ماجي
ملعقة مشكله من الهارات ( كمون-كزبره-كمون-فلفل اسود -كركم)
اسلقي الخضار شوي لحد ما تنضج الا شوي
احمسي البصل جيدا مع الماجي والبهارات والشبنت اضيفي الخضار وقلبيه يشرب من بعضه
________________________---
كيس هوت دوق مقطع دوائر - بصلة مقطعة شرائح - 2 أو 3 طماطات مقشرة و مقطعة - 1/2 ملعقة كبيرة بهار الفاهيتا - 2 ملعقة كبيرة معجون طماط.

الطريقة:
1- نحمس البصل بالزيت ثم نضع الطماطم ، ثم الهوت دوق حتى ينضج.
2- نضيف معجون الطماط مع بهار الفاهيتا و نحمسهم.
و بس

_____________________________________
حمسة البازاليا

نحمس البصل والثوم

وبعدين نحط الطماط والبهارات عباره عن القوطى الاخضر الكارى وفلفل اسود وشويه كتشب وفلفل كرستال

ومكعب ماجى


وشويه معجون طمام

وبعدين تحطون بازليا

تقدرون تغيرون مكان البزاليا بطاط ام مشروم او فطر ..الخ من الاختيارات

________________________
حمسة البطاط والبديان




المقادير :

- بطاط مقطع مكعبات صغيرة ( مقلي ) .

- بديان مقطع مكعبات صغيرة ( مقلي ) .

- بصل مقطع شرائح .

- معجون طماطم .

- مكعب ماجي .


الطريقة :

- نحط الزيت بالجدر ونضيف شرايح البصل ونقلب لحد ما يتحمر .

- نضيف مكعب الماجي ونضيف معجون الطماطم ونقلب لحد ما تطلع ريحته .

- نضيف البطاط وبعدها البديان ونقلب بحذر .

- يوضع بطبق التقديم وبجانبه الليمون وخبز التنور .


حمسة الفطر ( المشروم )






(( نفس الطريقة بس بدال البطاط والبديان انضيف فطر ))
________________________________
حمسة الحلوم

المقادير:

باكيت جبن حلوم مقطع مربعات صغار<<<<احسن نوع جربته اسمه pallas حلو مافيه زفره

فلفل اخضر + بصل + طماط مقصصين شرايح طوال

كركم + كمون

الطريقه:

# تحمسين البصل والفلفل الاخضر بزيت زيتون لما يذبلون شوي

# تضيفين الطماط وتنطرين لما يذبل شوي

# تضيفين مكعبات جبن الحلوم وترشين عليه الكمون والكركم والكميه حسب ذوقج بالبهارات
ملاحظه:لا تحطين ملح ترى كفايه الملح الي بالحلوم
وتحمسينه عدل وخليه على نار هااااااديه مسكره عليه غطا المقلا ليما يذبل الحلوم

# قدميه على العشا حار او ممكن تحشينه بصمون هم يطلع روعه ولذيذ


_____________________________
العدس الاحمر
فوحي عدس احمر بس لا ينهري ما يطول
بصل مفروم
ثوم
ماجي
جزر مبشور
احمسي البصل بالماجي - مون-فلفل -بهارات لحم- ملح
لازم يستوي اضيفي له الجزر وحمسي شوي اخيرا اضيفي له العدس الاحمر المسلوق ورشة فلفل اخضر خليه يتسبك 3 دق وهو متغطي
-----------------------------------------------
الباذنجان
قصيه مكعبات وافرديه بصينيه ورشيه زيت واشويه لازم الفرن حار جدا عشان بسرعه يتلون
حمري بصل شوي وقبل النضج اضيفي له ثوم وفلفل حار وقلبيه اضيفي البذنجان وقلبي عشان يشرب النكهه ملحيه زين سكري عليه ورشيه شوي بقدونس مفروم للتعطير
\\\\\\\\\\\\\\\\\\\\\\\\\\\\\\\\\\\\\\\\
سبانخ بالجبن
بكت سبانخ مثلجه تعصرينه الى ان ينزل مايه كله ويكون ناشف
جبن ابيض خشن مو الكريمي ممكن الفرنسي الخشن يتفتت ويخلط مع السبانخ بعد ما نفرمها
نرش عليها بس شوي زيت زيتون وفلفل اسود
-----------------------------------------------------
حشوة السبانخ العادي
نفس حشوتك الخاصه بالفطاير بس انا اضفت لها الزركش الايراني للحموضه كبديل للسماق
-----------------------------------------------------


البطاط المهروس
اشوي بطاط بالفرن الى النضج وقشريه وبرديه واهرسيه

حمري بصله مفرومه ناعم مع ماجي وثوم وفلفل اخضر حار وكمون حب وبس يذبلوا اضيف له كزبره خضرا واضيفيهم للبطاط وقلبي بالشكوه وملحيها

--------------------------
ذره وبس
ذره مسلوقه واول ما تطلع من السلق بس اضيفي لها رشة فلفل اسود وفلفل اخضر بارد مفروم
كل كيلو ملعقة فلفل مفرومه بس للنكهه وملحيها اثناء السلق


-----------------
سمبوسة البروكلي
بسيطه ومفيده اطبخي البروكلي على البخار حتى 3/4 استواء لا ينهري برديه زين افرميه خشن شوي
حمري بصله مع مكعب ماجي حتى تذبل اخلطيها مع البروكلي ومعاهم نص كوب جبن شيدر مبشور
البروكلي 4 اكواب بعد الفرم الخشن تقيسينه وملحي وتبلي بالفلفل الاسود بس

 

[:: Diva ::]

حميسة الطماط حدها سهله ...



المقادير :
طماط مقطع مكعبات صغيره

بصل مفروم خشن او بصل جواااااااااااانح ههههههه

فلفل اخضر حار حسب رغبتك

ملح / كركم / فلفل اسود / 1م سكر لكسر حدة حموضة

الطماط ...



الطريقه :
حمس البصل اول - الطماط - الفلفل - البهارات واديلوا حمسه




الحمسه الثانيه :

حميسة الباذنجان ....


المقادير : مكعبات باذنجان

بصل مفروم

طماط مكعبات

1م ماجي

فلفل اخضر بارد

فلفل اخضر حار

ملح قليل / فلفل / بهارات / باربيكا / 1م سكر

4م معجون طماط


الطريقه :
حميسه عادية بس اول شيء نحط الباذنجان ونحط عليه كوب ماء ونغطي الجدر ... ابي اسويه بالبخار ... يعني ماابي دهن اقليه .... راح ينشف الماء مع الحمس ... بس يستوي شوي

اضيف الطماط والبصل .... الخ

احطهم بصحن او بايركس فخار ...للفرن

واصب فوقهم بشميل ... وارشه جبن .... وذوقيه مع الخبر واااااااااااااااااااااااو




​

 

[جارة القمر]

رد : ريوق العيد حياااااااااج وصفات للريوق تناسب كل الاذواق ( متجدد )

مشكوووووووووووووره

 

[البسمه العذبه]

الله يعطيج العافيه ................وكل عام وانتي بخير وانتي والبنات كلهم .........فديتكم والله

 

[:: Diva ::]

حمسة الربيان

المقادير:

4 او 5 بصلات مقطع ناعم

4 حبات طماط مقطع صغير

عدد 2 حبات (بطاطس) مقطع مربعات


ملعقه بهارات مشكله

نص علبه طماط معجون

ربيان ( ربع كيلو)



الطريقه:


نقطع البصل

نحطه في الجدر .... ونحط اشوي زيت (مقدار فنجان ) يعتمد على الكميه



ونحركة ... لحد ما يصير لونه بني

اذا صار لون البصل بني ... نحط عليه الربيان


واذا صار لون الربيان مثل لون البصل يعني مثل المقلي (( طبعا نحركه )) حتى ينشف الماء شوي ...




نحط ..البهارات ... ونحركه ونقلبه ووشوي اشوي لا تخلوا النار عاليه ... يحترق

بعدين ..نحط الطماط المقطع .... ونحركه

بعدين نحط الطماط معجون ...

وتصب مقدار كاس ونص ماء (( حسب المقدار ))




ونحط البطاطس المقطع

وبعدين .... نحط الملح المناسب للذوق

وبعدين ... غطي الجدر ... ولا تخلين النار عاليه


وكل خمس دقايق ... تعالي وحركي الحمسة ... علشان لا يحترق الجدر والربيان

واذا نشف الماء .... تصير الحمسه ..... جاهزه

_______________________\
زهرة مغسولة وامقطعة قطع صغيرة
بصل
بيض
ملح
فلفل أسود

انحط الزهرة في جدر البخار مدة ربع ساعة ( انا عندي جدر مع مشخالة أحط بالجدر اشوية ماي وأحط الزهرة بالمشخالة )
نحمس البصل بالمقلى وقبل لايتحمر انضيف الزهرة على البصل والملح ليمن تتحمر وبعدين انضيف البيض ورشة الفلفل
هني وعافية
_________________________
شاورما دجاج امريكانا الجاهر


شورما دجاج امريكانا الجاهز حمسه مع بصل فلفل اخضر وبقدونس وشويه بهارات

وجيبى عجينه الطباخ مالت السمبوسه عرفتيها ولفى فيها الحمسه على شكل اصابع اما تدخلينها الفرن او انج تقلينها اذا تحبينها مقرمشه

او تحشينها فى عجينه البيف باسترى بالفرن تطلع تهبببببببببببببل ولذيذه وسريعه
__________________________
حمسه مكسيكيه ولامنها بس عاد ها مايطلعها الا البها رات المكسيكيه مالت التورتيلا او الكاجين cajin يكون لونها اورانج اشوى
طبعا الحلو فى الحمسات من غير مكيال انتى ومعرفتج

انيييب البصل الاحمر نفرمه خشن + فلفل اخضر مفروم خشن+ 5 فصوص ثوم بس نحطها فى مالت الثوم اللى طلعه ناعم مانبى يصير قطع لان يكون مثل المعجون تالى ملعقتين كبار كزبرة نحمسهم + معجون طماط + طماط مفروم خشن+ كمون + علب من pento beans
حمس الكل بلا ستثناء وبالهنا والشفا

نفس الصلصه ضيفى عليها لحم مفروم وضيفينها الى الهوت دوج اتصير الساندويتش LOADED وبتنفجر من السوالف اللى عليها
يالله طبقوا وقولولى
__________________________
حمسة بطاط وجزر بالكريمه(رهيبه وعالميه)

بطاط مكعبات(يفضل اللبناني بسرعه يلين بالحمسه)
بصل صغار
جزر مبشور

تحمسين المكونات السابقه مع بهاراتج المعهوده او مكعب ماجي الي تبين

ولاتنسين تضيفين الكركم يعطي نكهه ولون

وآخر شي ضيفي الكريمه الحمرا حسب المقياس الي تبين تبينها دسمه ولا ناشفه على راحتج

وتعالي اكلي عاد ما تشبعين منها
_________________________________

​

 

[:: Diva ::]

حمسة الزهره والباذنجان
زهره مقطعه وسط
باذنجان مقطع مكعبات
بصل مقطع جوانح
الطريقه :
نضع أولا البصل بالمقلاة ثم نضيف فوقه الزيت ثم نضع الكركم والفلفل الأسود والملح ثم نضع فوقه الزهره ثم الباذنجان ونحركهم جميعا عالنار ثم نضيف معجون طماط ثم نغطي الحمسة بكوبين ماء ونغطيها ونتركها حتى تنضج.
____________________
عندج حمست الحلوم بشري الحلومه ونقعيه بماي حار بعدين صفي الماي وحمسيها بشوية زيت زيتون مع طماط واذا ذاب الطماط شيليها من على النار وضيفي عليها زيت وزعتر وزيتون

عندج حمست البيديان قشري البيديان وقليه بعدين صفيه من الزيت وحمسيه مع بصل وطماط وفلفل رومي وقفشة مجون طماط وملح وفلفلا اسود وكمون وكزبره مطحونه وروزماري مطحون (الروزماري=اكليل الجبل)وقفشة صغيره شكر وقفشه كبيرة دبس الرمان
ونثري عليه بقدونس

عندج حمست المشروم حمسي المشروم مع البصل وفلفل رومي وبهاراتج

عندج جبن موزوريلا دهني المقلاة بشوية زبدة وذوبي الموزوريلا مع حلوم منقعته بماي حار وباشرته وشيليه من النار
وخلطيهم مع جبن كرافت وجبن برمزان وجبن شيدر

عندج بزاليا حمسيها مع بصل وطماط وقفشتين معجون طماط وقفشة كتشب مع بيضه وملح وفلفل اسود
او بزاليا مع خضار احسن شي العلالي حطي عليها بصل وكوسا مبشوره مع قفشتين معجون طماط وقفشتين كتشب وفلفل علوب وقفشت شكر وصويا صوص ودبس الرمان

عندج بطاط مهروس مع اشبنت وملح وفلفل اسود

عندج حمست نقانق مع بصل وفلفل رومي وكريمة كي دي دي

فول معلبات مكتوب عليه فول مقشر حطيه على النار مع ليمون
وزينيه في بصل ابيض مفروم (خلطي البصل بقفشة خل وقفشتين سماق وقفشة كمون) وضيفي عليه زيت الزيتون مع خلطة البصل
________________________

​

 

[أم@الحلوين]

تسلم الايااادي

 

[نهى الأحمد]

تسلم هالايادي ياقلبي


وعليكم بألف عافيه وعيدكم مبارك

 

[الجــادل]

رد : ريوق العيد حياااااااااج وصفات للريوق تناسب كل الاذواق ( متجدد )

تسلم الايادي

وعيدج مبارك

 

[طاسه حنا]

شوكرن
وكل عااام وانتوا بخييير

 

[kuwaitya_zoGaa]

واى يوعانه ....................
مشكوره وتسلم الايادي

 

[Maryomah_q8]

مشكورة
وعيدج مبارك

 

[لوازم العائلة]

رد : ريوق العيد حياااااااااج وصفات للريوق تناسب كل الاذواق ( متجدد )

لا يوقف
لايوقف
لايوقف

 

[ريح النرجس]

يسلموووووو

 

[miss_sugar sugar]

يعطيج الف الف عافية