زرتي مكان مسكون بالكويت او خارج الكويت ؟! تكلمي لنا عن تجربتك ..

[**ام نايف**]

اختي انا اتوقعً ان القطوة فيها يني
بسم الله تخرع السالفة هههههه الحين بتخليني ما اقرب يم اي قطوة
بس يليت تقولين لنا شنو صار بعدين ما شفتيها مرة ثانية ؟

و يعطيج العافية عالمشاركة شكرا

يسعدج اختي..نعم فيها يني..شفتها مرة ثانية وثالثة وعاشرة بس ماصارت تجي عندنا ولاصارت تتودد بس تمشي على الطوفة..
عموما اي حيوان تخافين منه او تشعرين ان فيه شي ترددين عليه
((حرجت عليك بالله ثلاثا ان تذهب والاقتلتك))
اذا حيوان طبيعي مايهتم ..واذا مسكون وربي تشوفينه مثل الطلقة يسرع لانه يخاف..

وربي يبعد عنا شر كل من فيه شر..
​

 

[Zinab BH]

اتذكر قبل 18 سنة وقتها ماتزوجت ..وكانت تجينا كل يوم قطوة بيضا عين زرقة وعين خضرا..وتعطيها امي رزقتها..في يوم امي ماكانت موجودة وجات هالقطوة وقمت وحطيت لها الأكل ووقفت اتفرج عليها الا هي تجي عند رجولي تتلصق..قلت خل اكلمها يمكن تفهم..قلت شوفي اكلج هناك روحي اكليه وشبعي وبعدها تعالي عند رجلي..وربي ماكذبت راحت مسرعة وكلت اكلها وردت مسرعة عند رجلي تتلصق مرة ثانية..انا ماستوعبت هالشي قلت يمكن صدفه..
في يوم البيت مافي احد غيري وشغالتنا ..والدنيا مقفلة لادرايش ولا بيبان..وطلعت من غرفتي مارة على الصالة ابي المطبخ..الا المحها تتمشى داخل البيت استغربت شلون دخلت والحقها ابي اعرف من وين دشت..مالقيتها قلت يمكن بابا مفتوح ولادريشة..كلشي مسكر..قلت خل اطل برا الحوش يمكن اشوفها..ماطلعت الا هي واقفة على الطوفة واطالعني شلون دشت شلون طلعت مادري...​

.

يممممى خفت شهالقطوة الغريبة شكلها اعوذ بالله مسكونة او شي

 

[Horror Lady]

يسعدج اختي..نعم فيها يني..شفتها مرة ثانية وثالثة وعاشرة بس ماصارت تجي عندنا ولاصارت تتودد بس تمشي على الطوفة..
عموما اي حيوان تخافين منه او تشعرين ان فيه شي ترددين عليه
((حرجت عليك بالله ثلاثا ان تذهب والاقتلتك))
اذا حيوان طبيعي مايهتم ..واذا مسكون وربي تشوفينه مثل الطلقة يسرع لانه يخاف..

وربي يبعد عنا شر كل من فيه شر..
​

الله يستر بس ما تأذيكم
مشكورة اختي على الرد و المعلومة الطيبة


و شكرا لمشاركاتكم

:eh_s(17):

 

[alm_jewels]

عندج فيلجا روحي واخترعي على كيف كيفج... اغلبها مسكونة حسافة عليها

 

[Horror Lady]

^

مشكورة اختي
ان شاء الله لي زيارة
شكرا على المشاركة

 

[مزيونة الخبر]

شوقتوني اروح فيلكا كيف شكلها

 

[أميرة-]

بسم الله الرحمن الرحيم سمعنا وسلمنا @@


أنا اتذكر ببيتنا القديم انا عادتي اذا نمت احب الظلمه بس اذا بروحي ماسكر الباب أخاف فأخلي الباب نص يعني سبحان الله اذا صار شي الحق انحاش ههههههههههههههه المهم مرات كنت اقوم من النوم بالليل اشوف عجوز واقفه عند الباب تخزني والله اتذكر حتى شكلها وشنو تلبس شعرها ابيض ومعاها عصى ههههههههه

وببيتنا هذا الحمد لله ماشوفها بس مره وحده اتذكر صليت الفجر وبعدها نمت يمكن غطيت دقايق جان احس بصوت عند راس السرير يوم فتحت عيوني ولا واحد قاعد قصير ولونه اسود وحاط عمامه حمره وماسك رجلي اليسار ويخزني ههههههههههه استغفر الله بس مادري يمكن جاثوم لاني حسيت اني انشليت ماقدر اتحرك وقعدت اخزه بركز بشكله عدل بعدين ماتذكر شصار المهم اني رجعت وكملت نومتي

 

[احساس أنثى 85]

أعوذ بالله من شيطان الرجيم طقتني الجمدة من الخرعة ما صار معاي موقف ربي لك الحمد ولاجان رحت فيها

 

[miss_7sawiya]

اعوذ بالله من الشيطاان الرجيم >> مو زين نقرااا الموضووع بليل بس حق الخرعه

 

[N.o.d]

انا ما شفت اشياء غريبه بس مره حماتي نايمه عندنا ورفيجتها هما ويانا وسهرانين بالصاله اللي بالدور الثاني وفوقنا دور حماي ومرته
نسمع صوت دبجه جنه احد يركض وايد للعلم ان لما نسالهم يقولون مو ق نسوي شي والله نبي ننام !
المهم طنشنا الاصوات بس عقبها مع السوالف
فجاه رفيجة حماتي قالت ترا بيتكم مسكون تو لمحت احد بلبس ابيض صاعد لي فوق @@
احنا ماشفنا للامانه بس ماجذبناها والسبه الاصوات اللي تمر علينا !


***


السالفه الثانيه
يمكن تكونون سامعين فيها بفيلجا صارت ويا ربع ريلي
نايمين ببيت من البيوت المهجوره
وشب فيهم البيت من غير سبب وفي منهم واحد توفى ،،

 

[برنسس أوراق]

موضوع يخرع ههه الله يكافينا الشر
ولا مرة زرت وان شاء الله ما انحط بموقف جذي

 

[Horror Lady]

Thanks all على الردوود
بانتظار مزيد من المشاركات
اب

 

[الـكـاديـي]

آآآآآآآب

 

[امـ خــزامـى]

انا ماصارلي مووقف الحمدالله

بس اختي صارلها


راحت البحرين هي وزوجها وسكنوا بشقه رووووعه ونظيفه بس استغربوا سعررها مررا رخيصه


تقول يوم دخلتها فيها ريحه غريبه ومكتوب على باب غرفة النوم كلام رومانسي العشق والهوى

المهم تقول تهاوشنا وكل واحد نام بغرفه

تقول سكررت النور وانا منقهره
حاولت تنام بس ماجاها نوم فجأه احد فتح الباب تقول مغمضه عيووني وسويت نفسي نايمه
ومالتفت

المهم تقول زوجي نام بجنبي وضمني
وارتاحت ونامت


تقول صحيت من نومي ومافي احد بجنبي تقول استغربت زوجي مايصحى بدري

طلعت من الغرفه وراحت تدور على زوجها لقته نايم بنفس الغرفه اللي امس نام فيها

تقول صحيته من نوومه قلت له وش رجعك للفراشك ليش مارتحت بنومتك
قال الا نمت احلى نوومه من يوم جيتيني وانسدحتي بجنبي

تقول انا هنا انهرررت وقمت اركض مثل المجنوونه واشيل عفشي والبس عباتي
وطلعنا من الشقه وحنا وجيهنا صفرا من الروووعه




وبس

 

[Horror Lady]

^

امبيه تخوف القصة بسم الله !!

مشكورة عالمشاركة
اظن الشقة فيها سحررر

 

[برنسس كاتي]

يووووماااا
انا ايش طيحني على هل موضوع أقراه بأنصاف الليول
الحمد الله ما صادفتني مواقف زي جذي بس مرتين جاني جاثوم بسم الله الرحمن الرحيم
اتذكر من زماااان قبل كم سنة
كنت زي نايمة ومو نايمة واحس ماني قادرة اتحرك واطالع على يميني الا اشوف زي القرد الاسود ماسك يدي ومكشر وعنده انياب
مت خووووف وقريت المغوذات وقمت من النوم مدري ولا قمت من الي انا فيه بسم الله كان مرعب
ومره نفس الشي كنت بين النوم وبين قاعده واحس شي ماسك عند رجولي
وانا خاايفة وابي اقوم ما اشوفه بس احس يبي يمسكني يتحرش وتوه بيقرب الا بسرعه اقرى المعوذات واقوم ويروح عني
بسم الله الرحمن الرحيم
الواحد لازم يحصن نفسه قبل النوم

وان شاء الله ما اشوووف شي بحياتي كلها ولا كان اطق اموووت انتحر مدري شبيصير فيني +_+

 

[Horror Lady]

^


شكرا لج على المشاركة

 

[.:lady bug :.]

اااااممم للاسف صارلي هالموقف بس مو بصووووره مباااشره



انا اقووولكم شلووووووون؟؟؟!!!



رحنا عطله الربيع اللي فات الوفره وكنا بالمزرعه عاااادي
فجأه نوينا كشته حق مدرسه قددديمه متكسره رايحه فيها بالوفره



طبعااا دشينها بكل جنووون ومغامره ودوجنا واستانسنا وصورنا واستعبطناااااا
كنا شله بنااات بحدود 15 جذي <<< اذكروا الله :)



تدرووووون وين المفاجئه ؟؟؟؟


ردينا للمزرعه انشوف تصورينا فجاااااء سوووووويت زووووووم


اقسم بالله اني اقوووول الصج


ولا اشوووف بواحد من الكلاسااات صوره بيبي بعمر 8 شهور جذي لابس لبس مشمشي برتقالي جذي

اقسم بالله كلنا طقتنا الرررررروعه والذعره

والصوره الثانيه بنات عمي يمثلون كانهم يحيووون العلم << تاثير المدرسه ههههه

ولا طلع بالصوره من بعييييييد صوره واحد مار باين ظهره بس ولابس كاب


واحنا متاكدين مليووون بالميه ماكو احد بالمدرسه غيرنا


والصوره الاخيره وهذي مشكوك فيها ان نتوهم بس مانستبعد

بواحد من الكلاسات البعيده عنا طبعاااا زوول واااحد جنه صعيدي عرفتو لبسه


نحمد الله ان ماشفناهم الا يوم ردينا ولا كان شاااب راسنا بوقتها


عقب حلفنا ماندشها بعد


بس مغااامره حلوووه

شهالصدف


شفت صور تحيه العلم وتخرعت هههههههعههه

وحده منكم اتصير لي

 

[نكتار 2010]

الصبح باقرا قصصكم مو الحين

 

[Horror Lady]

شكرا على مشاركاتكم