زري زري زري .. مكياج مثير .. مارس 2012

[ZoOoZz]

حبيبتي شنو كحلك

 

[شوشو ..]

مشاءالله تبارك الرحمن ، الله يحفظك عيوني

وان شاءالله تكونين بخيرر .. وتردين على اسئلة البنات : )

 

[معلمة شيسمونه]

اممممم في وحده انا ضايفتها بتوتر وحطت الطريقه


لا يكون انتي حتى حاطتها صورتها الشخصيه وحطت الادوات وبالتفصيل شلون تحط



يهبببببببببببببببببببببببببببببببببببببببببببببببببببببببببببببببببببببببببل اتعب وانا اقول يهبل

 

[سوسو حبيبتى]

كلك على بعضك حلووو



والاحلي الزري الى بعيوونك

:sfg:

 

[amami al-kuwai]

حلو هاللوك

وين الطريقة والادوات شوقتينا واختفيتي

 

[نصف فراوله]

وينك عاد يكفي تغلي. اتغشمر

 

[ام هلال]

مكياجج حلو .........بس ليش تذليننا بالادوات وااايد تاخرتي

 

[انسكابة عطر]

بأنتظار الادوات



زوووغه مشاءالله

 

[حنين 24]

فينك. ايوووووه. تبغى الادوات

 

[ليدي23]

نااعم وحلو يسلمو

 

[بنت اجا وسلمى]

شايفته بتوتير :eh_s(15):
بنات صبروا يمكن عندها ظروف ​

 

[امل جديد]

الله يحفظك من العين مافيك حيله
روعه كالعاده

 

[Norah.a]

ماشاء الله شغلك حلو..
بس شلون عدساتك و مي اي ماركة

 

[اينااس]

ابي طر يقه تكفين حلوو للمنااسباات

 

[N.o.L]

زوووغه يجنن اتعب وانا اقووول يهههبل<< تراعيني بارد لاتحاتين هع


اشحلاته مرتب ومظبوط المهم لاتطولين علينا


والله حدي متشوقه ابي طريقته ​

 

[{..الجــازي..!]

ماشاءالله ماشاءالله ..عيونج تحطيم >> تقول ماشاءالله عشان لا تتوهق خخخ

ماشاءالله جداً جميل

 

[brettey]

ماشاء الله روووعه بس متى بتحطين الخطوات والادوات حدنا تحمسنا

 

[a7la sara]

ماشالله ماشالله ماشالله كييييوت

 

[arrooma-]

اسفه على التأخير .. حاولت ارد بعد الموضوع بدقايق مثل ما وعدتكم وما ضبط .. والحين تجربتي الثانيه ..

مشكورين عالتشجييييييييع :eh_s(9):

نبدي بالخطوات

نحط فاونديشن - كونسيلر - نثبته - نحط مثبت الشدو .. مثل ما ذكرت بمواضيعي السابقه


1- كحل سلفر من الهنود .. بعد شوي اوريكم صورته

2- نحط شدو بني عالكسره مالت الجفن .. انا احب تحطون بفرشة بشكل كثيف .. وبفرشة نظيفه توزعونه

3- نحط الشدو السلفر .. على الكحل السلفر .. كخطوه من خطوات التثبيت والا الكحل كافي لمعته ^.^

4- احدد عيني بشدو بني من تحت العين .. لاحظو اني خليت مسافه ما لزقت بالرموش من الطرف اللي بره .. قاعده اخلق نظرة ناعسه

5- احط كحل اسود داخل عيني .. احب هالخطوه تكون مبجره عشان تعرفين شلون تكملين رسمة العين ..

6-احدد عيني من جدام بالشدو البني .. قررت احطه بعد ما حطيت الكحل .. ابي رسمة عيني تكون مموهه اكثر

7- احط شدو ابيض مطفي تحت حواجبي #مطفي لاني ابي احط قليترز ومو حلو لمعه عالجفن ولمعه تحت الحاجب .. حطيت الشدو تحت حواجبي ونظفت فيه الرسمه كما ترون بالصورة p;

8- حان وقت الغليترز .. في صمغ خاص للغليترز .. بس ليش تشترينه دامج بتستخدمينه مره مرتين .. تاخذين صمغ الرموش الابيض اللي راح يتحول شفاف .. تحطينه على ظهر ايدج او اي مكان كيفج ..

وتوزعين الصمغ على الشدو السلفر بالضبط .. مانبي يطلع الغليترز بره الحدود ..

9- حطيت الغليترز .. غمست فرشة نظيفه بالغليترز .. واضغط على الصمغ بهدوء عشان ما نبي ننثر الغليترز على كل الويه

10 - اخذت الكحل الكريمي .. حددت عيني من فوق .. مفروض هالنقطه الكل يعرف يسويها .. بشوويييش وعلى رواء .. نبيه عريض بس لما تفتحين عينج ما يغطي على الغليترز كله .. يعني لما تفتحين عينج يبين الايلاينر ويبين الغليترز حلو

11- ناخذ منظره صغيره نحطها بمستوي الحنج ( الفك ) ونطالعها وويهنا مستقيم .. بهالحركه تقدرين ترسمين السحبه

نبي السحبه بمستوي واحد مع زاوية جفنج اللي تحت .. عشان يعطينا انسيابية ورسمة كلاسيكيه ..

12- السحبه لا تخلينها جريئه وطويله الا اذا تدربتي .. يعني اتوقع لو اسويها اطول احلى بس ما ابالغ فيها ..

 

[arrooma-]

الحواجب .. احب ارسمهم نصهم اللي جدام بشدو .. عشان يبينون طبيعييين ومو مصطنعين ..

النص اللي ورا من حاجبي .. احبه يكون مرسوم بتاتو - جل - اي شي ثقيل عشان احب رفعة كسرة حواجبي واضحه محدده .. مو باهته .. تساعد ترفع عيني بالايحاء ..

وبس ..

الادوات ..

من اليمين لليسار من فوق لي تحت ..

1- الشدو السلفر من ماركة Gosh .. البدايل وايد ومو شرط الالتزام بهالشدو
2-القلم السلفر من الهنود .. انا شريته من السالميه اللي صوب وكالة مرسيدس محل هنود عادي يبيعه .. حتي كان اغلى من باجي الاقلام بدينارين جنه بس صج يسوى - اسم الماركة golden lady اذا ما خاب ظني
3- الزري من ميك اب فور ايفر الافنيوز بس .. ماشفته بباجي افرع ميك اب فور ايفر .. وب 3.5 دك فقط ! رقمه 13
4- شدو بني من ميك اب فور ايفر .. ممسوح رقمه للاسف .. بس اهوه غامج حيل ومايل للاحمر نتفه مو للرمادي
5-كحل كريمي اسود من شارمل .. ما انصح كلش .. يسيح يعفس الدنيا .. انا خلطته مع قطرة ميك اب فور ايفر عشان لا يسيح
6- شدو ابيض مطفي من ميك اب فور ايفر مادري شنو رقمه .. بس ماكو ابيض مطفي غيره
7-كحل كريمي بني من ماك .. عشان ارسم النص الاخير من حاجبي
8- كحل برجوا ضد الماي وسواده فحمي و يرسم بسرعه .. انصح فيه بشششششششدة .. والماسكره من اركانسل من المنصور او محل وجوه عجيبه


وسلامتكم .. واسفه مره ثانيه عالتأخير