زززوجي مااايبي عيااال شسوووووووووي

[M!ss soso]

حبيبتي من وجهه نظري احس الزوج و الزوجه المفروض ينطرون سنه و نص على الاقل قبل ما يبون اول بيبي لان صج بتزيد المسؤوليه و بتغير حيآتكم فوق تحت .. انآ صراحه اتمنى اجيب اول بيبي عقب سنتين لان بكون فالجامعه ولاني صغيره عرفتي .. الله يعينج حبيبه قلبي

 

[كـ غلا ــلي]

شوفي طالما انج قلتي له انج تبين تحملين معناته صار عنده خبر فمو كل مره تشوفينه تقوليله بحمل

ترا اكره ما علا الريال الحنه مع انه هالشي من حقج وانا حاسه فيج والله في ناس تتمنى ظفر ياهل بس ما عليه

نبي نجرب شي ثاني ونخلي الحنه بصوب اهوا يعتقد بانه لين صار ياهل انتي ما بتهتمين فيه فانتي اشتغلي عليه

من لبس ودلع وانسي سالفه الحمال مؤقت لي حد ما تعلقينه فيج ويتأكد بانه هالشي حقه فاللي راح يصير معاج

شيين مالهم ثالث يا اما بتحملين طالما انج ما تخذين ولا تسوين موانع واهوا مو حاس بالطبخه والتخطيط او انه

بتعلق فيج وبصير ما يرد لج طلب وبحس على حاله بانه خلاص انتي قايمه في

وكثري من الدعاء والاستغفار وربي يسخر لج زوجج

 

[منار البربرية]

استغفراللهروياربي ههههههه

حملي احد رادج هههه

 

[الجو رايق ~]

طيب قالك حملي خلاص لاتعقدينها ..
​

 

[hatoona]

الله يهديه انشالله ويسخرله له​

 

[q8 83]

اول شي توج عروس ما صار لج زكت متزوجه الي شايله هم الموضوع جذي

الشي الثاني مبين ان اهو مستانس معاج يعني مو متملل الي يحن على الاولاد فلا تحنين مو زين

و بعد فترة اذا انفتح الموضوع قوليلة انا مو مثل حريم ربعك الي ما يهتمون بريايلهم انا غيييييييييييير و بيني له انج واثقة من نفسج

و الله يسخره لج

 

[سيلينا]

عادي هذي موضه جديده عند الشباب مايبي عيال الا بعد 5 سنين
ولا بس واحد كاااافي ربع زوجي كلهم جذيه

الحياة عندهم سفر ووناسه الحياه ماتصير بس ان يكون عندج عيال لا !! هذا تخلف الحياه
انج تسافرين وتصرفين !!

وهالشي بدى يتاثر فيه الي عندي بس الحمدالله اول حياتي معاه دبسته ببنت وولد

بالاخير اقولج لا تناقشينه وتعورين راسج وتقولين له ابي ولا متى يعني نجيب عيال متى ما انتي تبين خلي العمليه تتم كامل
من غير لا تطرين سالفه الحمل والله يكتب لج الحمل يارب

 

[ساااارونه]

استانسي بدون يهال والله العيال مسؤليه كبيره

 

[غارقة بأحزانها]

يامعودة شلج بالحمال واليهال
أنا حملت عقب زواجي ب3 شهور
والله مامداني استانس
الحين عندي 2 لاعارفة أسافر والطبعة مع زوجي علي
بالحسرة لازم احطهم عند اهلي وأهلي مو كل مرة
فاضين
واذا طلعنا معاهم يتنرفز من ازعاجهم يسوونا مسخرة
بالمطعم
والسفر واااااي
لا وابشرج ريلي اهو اللي تغير علي عقب مايبت
اليهال صار كله طالع مايتحمل ازعاج اليهال يرد
بس يأكل وينام
الحمدلله على كل حال
*

 

[غـرامـي أنـت]

حبيبتي لاحقه على عووووار الراس انبسطي

 

[يارب تخليه لي]

جم عمره وعمرج؟؟؟
اتوقع زوجج صغير مايتعدى 23 سنة واذا فعلا صغير معاه حق
استانسوا روحوا وتعالوا سافروا لاحقة
قعدي سنة بعد لا تيبين وبعدها هو بنفسه بيقولج ييبي عيال
شيصير لو اتيبين عيال بعد سنتين
هذا انتو نبي عيال ونبي عيال واخرتها تقطونهم على الخدم ووظيفتي اهم وراحتي اهم هذا انتو

انا عمري 19وهووو 25...

 

[يارب تخليه لي]

حبيبتي
انتي تاكلين حبوب مانع او تسون طريقه انتي وزوجج عشان ماتحملين؟؟

او انه اهو اللي يمنع هالشي وحارص انج ماتحملين!!!

اذا تاكلين حبوب معاه حق الريال احملي شنو اللي رادج

واذا يسوي عزل او طريقه تمنع الحمل فما معاه حق انه يتخذ قرار من طرف واحد

لكن اذا مافي سبب يمنع مو حلوه تقولين له ابي احمل!! نطري سنه وعقبها قرروا اذا محتاجين تشوفون دكتور او لاء وانتي روحي وسوي تحاليل وشوفي اذا في سبب يمنع مرات يكون هرمون الحليب مرتفع ويمنع الحمل حتى لو كانت العروس ماحملت من قبل وهالشي عادي وعلاجه بسسسسسسسسسيط

لاحبيبتي لو استخدم حبووب جان وقفت بس هوو يعززززل...
​

 

[ام عثمانو]

انتي نفس حالتي بالضبط .. انا ريلي عمره 25 وانا 22 ويعزل .. واقوله يالله متى نيب بيبي يقول بعد تو الناس .. بعد 10 سنين ليش مستعيله .. المشكله مو جذي .. المشكله اللي حواليني امي واهلي وربعي كل مايشوفوني ماحملتي .. ماحملتي .. ساعات اتنرفز ودي اقولهم .. بس خلاااااااااااااااص مالكم شغل .. ع فكره انا صارلي متزوجه سنه و5 شهور .. بس قاع احن الحين مو ع كيفه .. بس لي متى يعني بسافر وبطلع وبستانس بالعكس وناستي باجر تصير من وناسه عيالي .. ومصره وبحن وبحن وبحن مو ع كيفه ..

 

[dectora 7elwa]

سكتي فتره وردي حاولي معاه
قوليله نجرب شهرين صار صار
ما حملت ناجل شهرين وجذي بينج وبينه

 

[جوري 2007]

نفس ريلي بالضبط قعدني سنة بدون يهال مايبي ،، وبصراحة وناسه

طلعات وروحات وردات وسفرات وسهر والحمدلله الله رزقنا عقب

استانسي انتي وياه

 

[هيبة ملك]

صبري عليه

وسنة مو كثير استانسي إذا أنتم صغار بالعمر

 

[đeɱɛɼɑ™]

:
.

اعرف وَحدة جذي ريلها كان ما يَبيها تحمِل بس اهي بِ كل حَملة تسوي له مَناااااااااااحة
تَبجي وتقولَه باجر منو يشيلنا ليه طِحنا باجر منو يداريننا ما تَبي عِزوة وعيال ما تَبي ولدك يكون طولِك تطلع وتروح معاه ومِن هَ الكلام وكِل مَره يليييييين وتجيب راسسسَه
عاد انتي وشِطارتِج حَبيبتِي - و تِذكري الدُعااااااااااااء لا تنسينَه
​

 

[دلوعة حمني]

عاد حبيبتي لاحقة على اليهال انا يبت بجري بعد سنتين زواج تقريبا

والصراحة كنت مرتاحة ...

الله يرزقكم بالذرية الصالحة

 

[جادل سبيع]

الله يرزقج بالذريه الصالحه ..
خلاص اهو مو طالب شيء حرام ي حبيبتي لاتحملين اللحين استانسي معاه ولااااااااااااااااااااحقه ع المميات والصراخ والسهر ..
والله نصيحه لاتطوفين هالفتره الحلوه واستانسي ابكل شيء عقب اذا جوج والله تتمنين الهدوء والحضات الحلوه هذي..
الله ايخليه لج وايسخره يارب ويسعدج وياه..

 

[الزين 85]

حاولي تقنعينه بهدووووووء


اقنعيه ياقلبي وربي يرزقج باحلى العيال يارب