زميلتي ملابسها فاضحة ؟؟؟؟

[غير عنهم]

أنصحيها قصدي أنصحوها عيب وين أهلها هذي ماتخاف من النار والقبر هذي الله يستر علينا

 

[( المـلاك )]

دام علاقتج فيها سطحيه
طاف يختي ما عليج منها
ليش حارقه دمج عليها

 

[لمعة سراب]

خذي ورقة وكتبي عليها هذا الحديث

وحطيه ع مكتبها ولحد يشوفج إذا انتي ماعندج الجرأة تكلمينها وتنصحينها
قال رسول الله صلى الله عليه وسلم
صنفان من أهل المار لم أرهما
وذكر منهما
ونساء كاسيات عاريات
مميلات مائلات
رءؤسهن كأسمنة البخت المائلة
لا يدخلن الجنة ولا يجدن ريحها
وإن ريحها ليوجد من مسيرة كذا وكذا
رواه مسلم


كاسيات - معناه لبسهم ضيج جنهم مو لابسين شيء

 

[غير كل الناس]

الله يهديها

 

[أحبه موت]

استغفراللة العظيم
المشكلة حتى لو تبين تنصحينها الحين محد يتقبل النصيحة من أحد
ليش ماتعطينها بروشورات ولا شريط عن الملابس المحتشمة
ويمكن الله يهديها

 

[غلا ستايل]

خليج منها شتوين بعد يمكن تفشلج وتطول لسانها
اشلي انا من الناس واشعلا الناس مني

 

[nono93]

شرايج تكتبين لها ورقه وتحطين ع مكتبها

واكتبي كلام حلو يعني ان هذا الكلام من وحده تحبججج وتعزج وعشان جذي قاعد تقولين لها هالكلام

ووتعرفين هالاشياء والسوالف واخذيها بالين والعطف وحطي الورقه ولا تكتين اسمج وانشالله راح تفهم وتعدل لبسها

 

[خالده الفارس]

حبيبتي ,,,
طالما أنج بالدوام .. في قرارات تطلع من الوزارات أو الهيئات حسب المكان اللي أنتي فيه .. عن اللبس المحتشم وضرورة الالتظام فيه ...
أذكر في بدوامي نفس هالشغله صارت ... دشيت على مدير البنت وكلمته وقلت له ان في قرار بهالخصوص بس هذي كانت سورية مسيحية ...(حدث ولا حرج عاللبس)

 

[يوآش يوآش]

الله يهديها : )

 

[يمة يادلبي]

نصيحة مالج شغل فيها ان قلتيلها حرف هبت بويهج مالج الا انج تقولين الله يهديها

 

[(الامل بالله)]

سوري والله عبالي مسوية موقف بايخ معاج ، بس دام انتي ماحاشج شي منها غريبة تتكلمين عنها حرام مايجوز
دع الخلق للخالق

 

[Lemon Juice]

ذكرتيني بسالفه قالت لي إياها رفيجتي

تقولي دشيت دوره مدتها 9 شهور .. وهالدوره خلط

معاها وحده الله يهديها ويسترها لبسها غير محتشم وتلفت الانتباه , ولاحظتها من يأذن سيده تروح تتيدد وتصلي ما تفوت صلاتها

رفيجتي مع الأيام قامت تقعد يمها بالقاعة وتسولف معاها .. ارتاحت لها وخوش بنيه بس لبسها مخرب عليها

مرّت الشهور وعلاقتهم صارت قويه , صارحتها عن لبسها والبنيه ما ازعلت أو كشّت لا بالعكس اسمعت نصيحتها برحابة صدر

يوم عن يوم بدت تلبس وسيع وطويل

مثل ما يقولون "الصاحب ساحب"

هالبنيه زينه بس غافله و يت اللي تنصحها وتصحيها للي يحبه ويرضاه رب العالمين

ما تدرين اللي معاج يمكن فيها خصال خير ومهي عارفه اشلون تبدي أو خايفه من محيطها وبيئتها إذا البيت كان ماشي على الحريه حتى باللبس

لا شفتيها سلمي عليها وسأليها اشلونج وتوددي لها .. اذا حسيتيها لينه وسمحه قوي علاقتج فيها ونصحيها بطرق غير مباشره

الله يهديها ويسترها دنيا وآخره أجمعين يا رب العالمين

 

["اسطورة العشق"]

انا اقول ابعد عن الشر و غنيلو
ما لج شغل فيها باجر تقول انتي محتره منها

 

[miss.lol]

دام لبسها مضايقج شكو تمشين معاها ؟؟؟؟


و انتي شكو فيها كيفها اهيا الي بتتعذب مو انتي و اذا تبين تنصحينها انصحيها بينج و بينها و بحجي حلو

و اذا كان جسمها حلو و لا مو حلو انتي شكو فيها ترى بحد انج يايه و تكتبين ان جسمها مو حلو و لبسها فاضح فهذا عيب و اكيد عليه ذنوب شدراج يمكن البنيه مسجله بالمنتدى ؟؟؟


شدعوة !!! لي هالدرجة ما تعرفين تتصرفين مو عاجبج لبسها لا تماشينها تحاشيها ترى مافيها شي

و لا نصحيها عدل نفس الاوادم ماله داعي تيين المنتدى و تكتبين

وجهة نظري مو شرط تقتنعين فيها

 

[(الامل بالله)]

واااي بنات صج تحبون الفتنة !!! اللي تقول كلمي المسؤول واللي تقول سووا تعميم على اللبس المحتشم !
لا حول ولا قوة الا بالله ! وصفج لها بهالموضوع اكبر غلط و اكبر حرام ، و يمكن خذيتي ذنب اكبر من ذنب لبسها الغير محتشم ، استغفر الله ، اللي حاب ينصح ينصحها بدون لا يكتب مواضيع و تشهر ببنات خلق الله

 

[حامل يديدة]

حطي لها ورقة

تنصحينها كانج شاب زميل لها

وتبينين لها انج خايفة عليها وتغارين من نظرة باقي الشباب لهاا

اممممممم لاتنيسن اكتبي بصيغة رجل ... يغار عليهاااا


وووواحس النوعية هذي مايفيد معاها احاديث وايات هذي اكيد عايشة بغفلة





وبشرينا شصار معاااج

 

[أسيرة_أحزاني]

الله يهديها

 

['Basma']

الله يهديها

 

[صعبة المنال :~]

::

حبيبتي انتي مسلمه واذا شفتي شيء غلط وقادره انج تغيرينه لو بشيء بسيط ليش لا ؟؟

ما في شيء اسمه خليها تولي اهي اولا اختج بلاسلام وبنت ديرتج ...يعني منج وفيج ..

تدرين اذا انتي سكتي عن هالشيء وغيرج سكت وغيرج وغيرج وغيرج ..... الخ راح يزيدون هالفئه من البنات .!!

وبالنهايه ترا انتي بتضررين من هالشيء ... الشر يعم والخير يخص ....!!

لنفرض الحين ؟. نصحيتهاا وقالت لج انتي شكوو ..!! شبيصير يعني بالعكسسس احتسبي الاجر انتي مو خسرانه شيء..

سويتي الي عليج ونصحتيهاا عدل ولالا ..

وبعدين بنات شلون تقولون اهي طلعت من بيتها جذي يعني اهي رااضيه ..! بالعكس بنات والله العظيم في بنات واااااااجد


جذي غااافلات ... تعرفون يعني شنو غفله يعني البنت اهي تربيتهاا وبيئتهاا جذي عايشه حياتها بالطريقه يعني يمكن ما تدري حتى !!

ما تدرين لكل انساان حياته بس ما تدرين يمكن تتقبل النصيحه وتفائلي ليش لا بالعكس تراا الدنيا بخير ليش متشائمين انه البنت تتقبل !

ومثل ما قالت وحده من خواتي فكرتهاا حلوه الي قالت لج اخذي شريط ووزعيه على البنات هذي طريقه غير مباشره وحلوه للنصيحه

عموماا الله يجازيج على الي راح تسوينه ويهدي البنت وكل بنات المسلمين ...

 

[gogona]

كتبولها رسالللللله وحطوها بمكتبها