زواج البنت الثلاثينيه من الشاب العشريني.. حيرة رفيجتي وتخوفها

[قفشة سكر]

ترا الايباد مسويلي كووووومة بدليات مؤ صج طوفو طوفو

 

[أحلى البشر]

عادي جدا بالعكس فرصه ماتتطوف ولو طوفته تطلع غبيه!

 

[L A T T E]

والله شوفي

خلينا نكون واقعيين شوي، اهيا رفيجتج بين خيارين:

الخيار الأول: زوج شاب، يحبها وتحبه، لم يسبق له الزواج.

الخيار الثاني: زوج شايب، متزوج، ماتعرف عنه شي.

بدون تفكير تختار الأول، وبصراحة ماعندها سالفة لو رفضت، كلام الناس يوم يومين وبينسون، ولو تكلموا يعني شبيقولون؟ خذت واحد اصغر منها؟ وخير ياطير؟

ولا ان يقولون صارت زوجة ثانية وهدمت حياة أسرة؟ صح ولا لا ؟

العمر مو مشكلة صدقيني.

لكن أنصحها اذا ان شاء الله وافقت وتمت الخطبة، انها تراجع دكتورة نسائية قبل الزواج علشان مسألة الحمال، من الحين وايد احسن من بعدين. لان في مقويات عامة وفيتامينات تهيئ جسم المرأة للحمل السليم.

وكل التوفيق

 

[ام غمازهـ]

تستخير والله يوفقها

 

[انا لها شمس]

الحب يابنات مووووكل شي قبل الزواج
توقعت تفكيركم اووووعى بكثير

آوؤوؤ?وؤوكي يحبها تحبه العافيه

بس انتو ماتشوفون فارق العمر الكبيييييير

لو اهوا الاكبر ب10 سنين نص مصيبه بس اهيا الكبيره والله
باجر راح تتندم وتكتشف ان هذا موحب صحيح لكن تعويض عن فقدانها لابوها ووحدتها

التفكير بين ال25 وال35 يختلف وااااايد

الوعي وطريقة التفكير راح تكون مختلفه عند الصوبين

غير انها راح تكبر بسسسسسرعه وممكن تصير هيا الزوجه الاولى وتيي وراها وحده



مادري موحابه واسفه اذا ردي قاسي بس هذا العقل وبعيد عن العاطفه

 

[الاستاذة نونو]

هي مطلقة وكبيرة وهو شاب صغير واعزب

طبعا من الظاهر لنا اكيد بنقول الزواجة هذي لا تطوفها لكن مانعلم بالدواخل

مسألة الحب والغرام وكلام العشق بين العاشقين انا ما أأيده ولا اايد وحده تاخذ عن حب لكن شنقول بعد كل شي نصيب

اذا هو ملتزم وهذا اهم شي يعني خلوق وملتزم ويخاف الله واهله مو معارضين وبينهم تفاهم كبير اقول تتوكل على الله ولا تخلي العمر عائق وايد اربعينيات وكأنهم بنات من الاهتمام بأنفسهم والاطفال بيد الله وحده

 

[متفائله ب2012]

أولا خلها تستخير ,, بصراحه موقف صعب بس أذا هو يحبها ليش لا خلها توافق وتتوكل على الله .. بس المشكله ما توثقي بالرجال وعيارتهم بعدين .. أنا أعرف من حوالي بنات أزواجهن أصغر منهن بس بسنتين أو ثلاث .. وعايشات عادي ومرتاحات .. الله يوفقها

 

[رتو الكيوت]

اقولج الصج !
انا ضد زواج الحب لوجهه نظر انا مقتنعه فيها واشوف الي حولي الي عرسوو عن حب الزواج لو ماقام على تكفئ وقناعه قبل الحب يندمر بعدين

ترا الحب شعله فتررررررررررررررررررررره عقب الزواج والمسؤليات والروتين يصير موده ورحمه وتبدا العيوب تنشاف : )


نبهيها انها بتكون زوجه اولى وعليها ضره ! لو وافقت اوكي حابها الحين بس ضامنه باجر ؟

نصيحه الي تحب احد وتقدم لها خل تنسا انه تحبه وتشوف لو صار زواج تقليدي بتوافق او لا ؟ مايبقا الا الصفات بعدين والقناعه الحب شييييييييييييييي يروح ويرد مو ثابت

 

[نور^^]

مابيهه شي اذا تزوجته مافي شي حرام عله سنة الله ورسوله متزوجه
لكن مجتمعنه هوه الظالم ويحرم الحلال
خلي تستخير وتتوكل عله ربهه

 

[القصيدة]

السلام عليكم و رحمة الله و بركاته

إذا مناسب لها و بينهم عاطفة و قناعة و تفهّم تتوكل على الله و توافق حتى لو كان أصغر منها ،، أهم شئ تستخير أولاً

الله يوفقها و يسعدها :eh_s(17):



​

 

[الملاك الروحي]

العمر عمره ماكان عائق
اهم شي التوافق والتفاهم

والبنت كلما صبرت ..كان نصيبها اكبر عند الله

والله يسعدهم ويبعد عنهم عيون خلق الله

 

[Shinexo]

بآلعكس فرصة ماتتعوض لآن آحتمآل كبير مآيجي وآحد آعزب ويحبهآ ويبيهآآ , تآخذ وآحد تبيه ولآ تخرب بيت عشآن سعآدتههآ ! .. وكلآم آلنآس ( بآلطقآآآآق فييهه ) مآيعجبهم آلعجب آصلآ وآلي قآلوآ بتيهآ ضره على رآسهآ .. حبيبتي لو هي متزوجه وهي صغيره آحتمآل تجيهآ ضره وآحتمآل لآ و لي تزوجت متزوج آو مطلق آلرجآل لي تعود ع آلزوآج يتزوج 3 و 4 مآعنده مشآكل يعني مستحيل تجيهآ ضره آلآ لي خذت صغير ؟ .. آلله يوفقهآ ويسعدهآ آنشآلله

 

[(حكاية قلب )]

مادري يعني هي من جيل وهو من جيل بس الله يوفقهم

 

[سارووونه22]

ساااااارووونه واي فديتووش وفديت امش اللي تحب لولدها الراحه والاستقرار مع اللي اختارها شريكة لحياته وربي فرحني ردش وصورتا ودزيتا لرفيجتي على الواتس اب من الوناسه ابيها تعرف انه اكو نفسها وايد ناس يعيشون هالحاله ومرتاحين وماهمهم الا راحتهم واختيارهم..
والله يتمم على اخوش وزوجتا العمر كله ويسعدهم.
ويسعدش ويحقق لش اللي في بالش
وربي وناسا حداا كلامش

فداج الكون حبيبتي الله يتمم عليها وقولي لها كل شي بدنيا نصيب ورب العالمين كاتبه لنه وان شاء الله يطلع الولد زين ويستاهلها وكافي اهيه كانت باره في ابوها تستاهل كل خير والله يوفقها ويتمم عليها

 

[بنوتة ذهبية]

اول شي انصحهابالاستخاره لان الخيرة فيما اختاره الله
بعد الاستخارة اذا أرتاحت. وشايفه انه يحبها وهي كمان تحبه ليش لا
العمر مؤ مهم انا اعرف كثير البنت اكبر من الولد وبعمر طويل وماشاءالله
سعيدين ان شاءالله وعندهم اولاد وعايشين مثل الناس مافيه ايً مشكله
والله يوقفها ويسعدها يارب ويكتب لها الي فيه الخير

 

[شندوخه]

حبيبتي لاهو عيب ولاحرام
الرسول عليه الصلاه والسلام كان متزوج السيده خديجه واهي اكبر منه ب 15 سنه

وانا رايي اذا اهله موافقين وراضين تتوكل على الله وتستخير وتوافق

 

[دنيا الصدمات]

هيا بتتزوج
راي الناس ليش يهمها
هل كلام الناس بيحقق لها السعاده اللي تبيها
والا الناس بيعيشون عنها حياتها

 

[Bloom]

خل تستخير والله يوفقها

 

[نونه المنكوشه]

خل تستخير وتوكل ع الله اهم شي اهوا يبيها ومتقبل سالفة العمر خلاص خل تتزوج وتعيش حياتها والله يوفقها ولاتهتم ابكلام الناس اهم شي سعادتها

 

[بكيزة هانم]

توافق بس الله يعينها اذا اهل الشاب مو موافقين وبيولعون بحياتها