زواج البنت بالمحكمه

[q82]

وبعدين انا مو شايفه لا دعايه ولا شي ... واضح انج شايله على صاحبت الموضوع او في شي ثاني ... ؟
وبعدين لو في دعايه او ان صاحبة الموضوع تبي تستفيد جان ما ردت على كل الاسئله اللي قاعدين يسئلونها البنات .. بالعكس جزاها الله الف خير ويجلعه في ميزان حسناتها انها قاعده اتفيد البنات وتثقفهم قانونيا ... مو مثل الباجي بس يشوفون وينتقدون بدون لا يفيدون ... غيرها ياخذون على الاستشاره فلوس !

MaHoYa

حبيبتي إميبن عليج إصغيرونه ومتحمسه حق إختج المحاميه ترى حتى أنا إختج ويشرفني تدافعين عني لأني والله ما أشيل في قلبي على أي شخص ينصحني أو ينقدني وزميلتي المحاميه تدري إن في المحكمه المحامين يبدون وجهات نظرهم ويناقشون وقد يرفعون أصواته للدفاع عن الشي إللي يشوفونه حق وبعدين يطلعوون من القاعه وأهم صديقات وزملاء لأن كل واحد هدفه الوصول لمبتغاه وإللي يشوفه في مصلحته دون المساس بشخص زميله أو إحترامه ترى لا تصدقين إن محاميه كويتيه إزعلت مني لأنها إذا كانت محاميه قديمه راح تتفهم معنى كلامي

ثانيا : أنا أقول كلامي على نقاط عشان أبعد عن الملل وعشان يكون واضح بقدر الإمكان وآسفه محاميه كويتيه على الصراح الزايده وأتمنالج مكاسب مو بس بالدنيا وبعد بالآخره

وأوعدج إذا كان ردي يزعجج أو نقدي يزعلج إني راح أخفف منه بقدر تفهمج له

باي:eh_s(17):

 

[المحامية هبة السهلي]

عموما الزميله العزيزه وضيوف الموضوع ليس بودي ان يأخذ الموضوع اتجاه غير ما وضع له

الموضوع يهدف الى تسليط الضوء على هذه الظاهره الموجوده في مجتمعنا وبيان الاراء فيها بالسلب او بالايجاب

نعم انها موجوده واخذه بالكثره وان اردنا ان نحل مشاكلنا يجب ان نتعرف عليها اولا ونبحث اسبابها والظروف التي ساعدت على انتشارها ثم نحكم

ودمتم

 

[MaHoYa]

q82
اولا : انا لاني معاج ولاني معاها
ثانيا : انا قلت رايي واللي انا شايفته ومقتنعه فيه
ثالثا : انا مو قاعده ادافع عن احد لان اححنا مو بمحكمه هني .. هذي شغلتكم انتوا
رابعا : واضح انج مو محاميه قديمه لانج ما تفهمتي كلامي مثل ما انتي قلتي المحامي القديم يتفهم الكلام !
خامسا:انتي قاعده تتهمينها بشي اهي ماسوته ! "الدعايه" !
خامسا: ان بعض الضن اثم !
سادسا : باي !

 

[q82]

q82
اولا : انا لاني معاج ولاني معاها
ثانيا : انا قلت رايي واللي انا شايفته ومقتنعه فيه
ثالثا : انا مو قاعده ادافع عن احد لان اححنا مو بمحكمه هني .. هذي شغلتكم انتوا
رابعا : واضح انج مو محاميه قديمه لانج ما تفهمتي كلامي مثل ما انتي قلتي المحامي القديم يتفهم الكلام !
خامسا:انتي قاعده تتهمينها بشي اهي ماسوته ! "الدعايه" !
خامسا: ان بعض الضن اثم !
سادسا : باي !

خلاص حبوبتي MaHoYa أنا صاحبتج وأتمنى ما تحرميني من ردودج إللي تنقط عسل ....وعلى فكره يبين من ردودج إن دمج خفيف ويشرفني مناقشتج حق ردودي وتركج حق الموضوع الأساسي لأني وبكل صراحه أنا ناقشت الموضوع المطروح وحضرتج ناقشتي ردودي وغصتي فيها ونبهتيني لأسلوبي إللي مو عاجبج مشكوره حبوبتي وياليت كل مره أرد على أي موضوع تردين على ردي وتناقشينه عشان أستفيد منج ومن خبرتج ....:eh_s(15):

 

[BlackRose]

هدوا بالكم بنات

ليش كل موضوع ينكتب في المنتدى بنقلب ويصير ان كل واحد تنتقد الثانية وهذي تقول انتي وهذيج تقول مااقصد انا آسفة بس انتي

هدوا بالكم شوي ووسعوا صدركم

احم احم

انا بقول رايي

بصراحة في بعض الاهل يكونون متعسفين برايهم

مثلا انا اعرف واحدة عمرها 36 سنة وفي واحد يبيها من زمان بس في اختلاف بالمذهب وكل اخوانها وخواتها تزوجوا الا اهيا وامها وابوها كبار بالسن وموراضين يزوجونها علشان هالسبب شتسوي البنت

واذا صار شي بامها والا ابوها وين تروح عند مرت الاخو والا عند النسيب ؟؟؟؟؟
موحرام

وواحدة ثانية من صديقاتي توها متزوجة وعمرها 33 سنة اهيا جامعية وكان في واحد متقدم لها من 8 سنوات بس اهلها موراضين علشان ماعنده شهادة ولمن كبرت بالعمر وصار عمرها 33 زوجوها لنفس الشخص عقب مارفضوه 100 مرة مو\حرام بالله

وآخر قصة صايرة حق واحد من اهلنا هالايام تقدم حق بنت ابوها مطلق امها ومايدري عنهم وموشايف بنته اللي متقدمين لها من يوم ماكانت البنت بالابتدائي ومايدري عنهم بالمرة ومتزوج عراقية وكاتبة كل حلاله باسنها مايدري عن زوجته الاولية وعيالها من الغزو

ولمن تقدم لها اللي الشخص قال اسوي بالاصول واروح حق ابوها تتوقعون شنو رد عليه الابو
قاله انت اشتبي تبي تتزوج البنت علشان يقصون الخمسين دينار مني اذا تبي انطرني لمن اتقاعد بعدين تقدم لها وبعد فترة قام يصارخ ويقوله ماتتزوج بنتي ومادري شنو ومسوي لهم مشاكل

على فكرة ترى هالشخص متقدم حق البنت خطبة اهل ماكان يعرفها ولا شي

اشرايكم الحين تقعد البنت وتعنس علشان خاطر ابو موشايفها من يوم ماكانت صغيرة والا ترفع عليه قضية وتتيسر البنت وتتزوج بالحلال؟؟؟؟؟

حبيباتي ترى البيوت اسرار

ومافي واحدة تبي تفضح اهلها وتبيعهم علشان ريال ماتعرفه ولا يعرفها

شوفوا الظروف اللي انحطت فيها البنت والولد وبعدين نحكم

انا ام ومااتمنى ان ربي يحطني بهالموقف في يوم من الايام
وانا اتمنى كل الزين حق عيالي

والله لا يراوي اي احد هالموقف

بس ظروف الحياة مرات تحكم باشياء ماتكون لا على البال ولا على الخاطر

 

[الغاليه نونو]

قبل علي ايامنا بالاول الريال كان يحب ويكافح ويذبح عمره بس علشان يقدر يخطب البنت اللي حبها واله كان حب شريف لاطلعات ولاهياته ولاخرابيط يشوفها من بعيد لي بعيد ويعشقها ويدز اهله يخطبون بس الحين تغيرت الصوره بعض الشباب والبنات مايعرفون الحب علبالهم الحب شقق وليالي حمرا وطلعات يزينها لهم ابليس بالحرام وسهر عالموبايلات وتالي قال لامه شوفيلي بنت ناس خطبيها لي انزين وهاللي طلعت معاها وخربطت وياها موبنت ناس يقول لا هذى لوفيها خير ماسوت اللي سوته معاي يرفسها مثل الجلبه حشاكم ويخلي اهله يخطبوله
وبعض البنات مطيحات الحظ مايهمهم شى اسمه عزوه ورفعة راس تطلع من بيت ابوها معززه مكرمه لا ماااااااتبي هالنمونه تبي محاكم وغصبن عليك يابابا وياماما بعرس اللي ابيه وكيفي وماتدري باجر شبيصير فيها بيويها نجوم القايله وماتقدر تقول له ثلث الثلاثه جم

عسا ربي يستر علينا وعلي بناتنا وعلي كل من تبي الستر ولاااااااايبلانا مابلا غيرنا امين يارب العالمين

 

[MaHoYa]

BlackRose من جذي قاعدين نقول ان الاصابع مو سوا ... في الزين وفي الشين ... فلازم يكون في قانون يحمي الناس الضعفاء اللي لا لهم حول ولا قوه مثل اللي ذكرتيهم ... والله يعينهم ويصبرهم على بلواهم ...
وهني ايي دور " القانون" اللي لازم يحميهم ... ودور المحاميين اللي نبيهم لنا "عون" وليس "فرعون" :eh_s(20):

 

[noty]

كل شي قسمة ونصيب بالنهاية

بس انه توصل محاكم الله لا يورينا

شي يضيق الخلق في ابهات ماتوا من الصدمة

و اعرف ناس اتزوجوا قصب و اطلقوا و ردت عند ابوها اللي عاندته

كل شي بالتفاهم حلو .. اما العناد و الحدة واالله ما توصل نتيجة طيبة

واحس الوضع قاعد يطور و ماكو هالتعقيدات بالزواج صار اسهل من الاول


الله لا يبلينا يارب لانها صج اتحر و اتنزل راس اهلها مهما كان الام و الابو ما يتعوضون

 

[mrmr mrmora]

رايي يعتمد على حسب الحاله يعني إذا الابو كان رافض الخطيب عناد بس ولا في سبب صجي تلجـأ لأعمامها وخوالها وأخوانها أول شي

وحاله إنه الاهل كلهم شايفين إنه الريال مايصلح وفي سبب قوي فهذي شي ثاني

وبعدين أكيد القاضي ماراح يوافق على الخطيب إللي مومناسب للمره لأن أهو أصلا محاسب عليها جدام رب العالمين