زواج ثاني

[ام زهقانه]

يمكن مو اكيد معليج الي يقول ابي ازوج بعدين ما يعرس الله يستر من المطوع

 

[كنوشة 2009]

شوفي يا عزيزتي في ريايل يبون يجسون النبض ويشوف شنو ردج عليه
والمفروض تقولين له مو على كفيك انت زوجي وانا لا يمكن اني اتنازل عنك
حق وحدة ثانية وزوجك الظاهر بيشوف شكثر غلاته عندج
ونصيحة خليج واثقة من نفسك ولا على كل وقت تسألينه اذا راح يتزوج او لأ
ولان مثل ما قالوا البنات اللي يبي يتزوج ما يتكلم
انا خالي صار له 40 سنة وكل يوم يقول حق زوجته راح اتزوج بس حجي
الوحدة الحين تخاف ما الساكت

 

[!الجادل الصعب!]

ههههههه .. آنا يقولي مآرآح اتزوج عليج الا اذا صرتي عجووز ..
يلحقنآ خير من هني لين نعجز ..
يآختي كلآآم عآآدي .. لو في بآله العرس مآرآح ينطر هـ السنين كلهآ صدقيني ..
آنتي عآد قولي .. انت غير وانا بعد بغير .. بس هآآ .. اذا يتحمل غشمره ..
مو يكون عصبي وتتوهقين فيهآ ..!

 

[سوسن1980]

زوجي احيانا يقول لي هالكلام بس على غشمرة يرتفع ضغطي شلون لاصار حقيقه بس انسى ومااحط ببالي واعيش يومي ليش انكد على عمري

 

[الغاليه ام احمد]

حبيبتي ما عليج من اللي يبعبع ما ينخاف منه اللي تخافين منه السكوتي

وبعدين عقب عشر سنين ما يندرى منو اللي بيعيش

بس انتي قوليله وفهميه انج ما تستغنين عنه وانج تموتين عليه وما تقدرين تعيشين بدونه

وانه اليوم اللي بيتزوج عليج فيه اهو اخر يوم بزواجج منه لانج راح تموتين من القهر والحره

بالعكس حبيبتي بينيله انج تموتين عليه خليه يحس فيج وبالشي اللي راح يصير فيج لو تزوج

واذا يحبج ويخاف عليج ما راح يسويها ووايد رياييل يقولون هالكلام عشان يشوفون ردة فعل حريمهم

 

[الزيييين]

حبيبتى عادى لاتحاتين رفيجتى بيوم عرسها تخيلى قالها زوجها ترى بتزوج عليج


تخيلى عروس والمعرس يقول بتزوج عليج شوفى كسر قلبها اشلون



والحين صار لها 13 سنه معاه وماتزوج يمكن بس يقول جذي بيشوف غلاته



لاتضيعين حياتج بالترقب والخوف اذا الله كاتب بيتزوج بيتزوج واذا الله مو كاتب صدقينى مايتزوج توكلى على ربج وان شاء الله مايتزوج غيرج حبيبتى

 

[ضحكه طفل]

الله يسخره لج

 

[خالف تعرف]

عطيتيه ايحاء الزواج
يعني المفروض لمن يقول تقوليله حامض على بوزك اصلا ماتقدر لانك تموت علي
وصكر الموضوع عشان ما انكد عيشتك وبعدين ظحكي وجنه شي ماصار
هههههههههه
يعني شديتي وجعمتيه بطريقه غير مباشره بنفس الوقت بينتيله انج ماراح ترظين وغيرتي الموضوع عشان يتصكر وبس