زوجة حماي تشوه صورتي عند زوجها و خالتي شسوي فيها

[Sisyphus]

بنات لو تذكرون موضوعي هذا
http://www.q8yat.com/t1024984.html
حماتي حقوودة وحسوودة شسوي معاها


انا حدي مصدومة
وربي بستخف من القهر
انا سمعت كلامكم و طنشت فيها
قلت كلام البنات بالمنتدى صح
هي بحياتها وانا بحياتي
انا قلتلكم من عقب سفرتي قاطعتني ولا تكلمني كلش
تخيلوا امس شفتها عند خالتي
اهي قبل تعلمني اذا زارت حاليا طنااااش
طبعا بالطقاق ماهمتني جان اسلم عليها وامشي
تخيلوا يوم دخلت على خالتي جان ترحب فيها و انا ترحيب باااااارد
اوووول مره يصير معاي جذي
حدي مصدومة
ماني مصدقة ان خالتي الطيبة جذي تعاملني
قلت يمكن صدفة
ثاني يوم سلمت على خالتي الصبح كانت طبيعية و ترحب و كله تمام
لما صار الليل و زوجة حماي جت
جان ترجع خالتي تكلمني من طرف خشمها وربي حيييل واضح

قلت مابي اظلم البنت يمكن من خالتي

عاد استأذنت وطلعت جان القى حماي ( زوجها) عند الباب
انا كالعادة رحبت فيه و سلمت
جان يخزني من فوق لي تحت وقال (وعليكم)
حتى ما قال وعليكم السلام

المصيبة هذا مو طبع حماي
حماي هذا بالذات مثل اخوي دايما يسلم و يحترمني حيل وكبيرة بعينه


قلت شصاير معقولة قاعده تحرشهم والا انا اوسوس
قلت يمكن صدفة ما ودي اظلمها
اول ما رديت لقيته يدخن بالحوش
جان يطالع فيني بنظرة اللي شام ريحة خايسة عرفتوه؟ و يرفع حاجبه و يطالع فيني
و يحذف الزقارة عالارض و يدوس عليها و اهو يخزني و مطير عيونه

انا من الخوف بغيت ابجي
قلت مستحيل صدفة

تكفون بنات شسوي انا حدي مسالمة و اكره المشاكل
اقروا موضوعي الاول اللي حطيته فوق وبتفهمون شقصد
تكفون ساعدوني والله متضايفة انا حيل احب خالتي و حماي مثل اخوي مابي اخسرهم بسبب وحدة مثل هذي
يا ليتني غلطت بحقها عشان اقول استاهل بس والله كنت معتبرتها مثل اختي

 

[granted]

انتي لا تسألينهم عن شي بعدين بيعتقدون انج حاسه انج مسويه شي غلط
خلهم لاتصغرين عقلج مثلها اهي حاسه بالنقص من جذي بتنقص من قدرج
وحتى ريلها ابكيفه انتي شكو فيه ولاتطالعينه اصلاً
بس انتي ممكن اتحاجين ريلج قولي حاسه ان خالتي متغيره علي جنه
بس مو تاكدين على الموضوع بس عطيه خبر عشان لو وصله حجي ولا طشار يدافع عنج ويكون عنده فكره عن الموضوع
لو خوات ريلج زينين بعد قوليلهم خالتي خاطرها متغير علي
واهي عطيها طاف وحرقيها زود صغيرة عقل حمدلله والشكر

 

[العنووووود]

صااارحي زوووجج لااااااااااااااتستكتيين

 

[Q 8 Y A t]

قولي

اللهم اكفنيهم بما شئت

 

[العنووووود]

داااام انتي وواثقه انج ماسوويتي شي صااارحيييه وشوفي شنو يبي يرد عليييج وخالتج انقزيها قولي انا حلمت حلم ان شخص جاني وقالي ابشرج خذييتي حسناتتتها لانها كله تحش فيج وتجذب علي حمولتج ولاتتقووولين انها مرت حمااج لااااا اسكتي فولي مادري منو هاذي ودي اعرفها

 

[popa]

يعني زوجج ماراح يقولج الي سمعه عنج؟ شي غريب
وثاني شي سالي قوليله اشصاير وفهميه الي عندج
نصحناج ان لاتطيحين مع مرت حماج لان لابد يحوشج شي

 

[رنيم الروح]

مثل ماقالوا البنات لا زم تتركين خبر عند زوجك

 

[دلوعة أبوهآ]

إن شاءالله يفيدوننك البنآت

 

[Gifts&Occaions]

قولي حق زوجج

 

[بنت السلطآإآن]

آآآآب ان شاء الله البنات يفيدونج

 

[ماتغير شي]

حبيبتــي لا تقولين لريلج ولا شي حماج مو لازم يرضى عنج
خالتج عامليهااا بطيب وبنيه صافيه وراح الايام تكشف لهاا خبث زوجة حماج
الحمدلله ريلج زيــن معااج وهذا اهم شي
اتركيها بحالها ولا تعورين راسج ولا ادورين رضى الناااس اقصد حمااج
والله يوفقج إنشالله

 

[lemonda]

قولي لزوجك على الموضوع وحاولي تتوددين لام زوجك وقدام ام زوجك كلمي زوجة حماك حاولي تضحكين معها وهي رح تطنشك قدام ام زوجك وام زوجك رح تكتشف انها متحالمه عليك وانتي كمان حرضي زوجك على مرة اخوه علشان الكفات تستوي والسحر ينقلب على الساحر

 

[الدنيا لحظه**]

قوولي حق ريلج لاتسكتين ولايهمج شي دامج ماشيه صح خل يقولون ويسوون اللي يبونه اهم شي رضا ريلج وامه هم كلميه طيحي عليها قوليلها خاله انا نفس بنتج شنو مضايقج مني احسج متضايقه وجذي كسبيها عرفتي

 

[بيلسسان]

حبيبتي واضح انهم حاشيه مخهم بكلام
المطلوب منج شي واحد
تبيقين مثل ما انتي مع خالتج وزوجج وحمواتج دام انج ماضريتيهم ولا ضروج
واذا على النظرات اهي قايله لهم كلام اتوقع مغيره نظرتهم لج
خلج مثل ما انتي علشان بعدين يعرفون معدنج شنو ومعدنها شنو
واهي عطيها اكبر "سكب"

 

[++MesK++]

وايد تعطين المواضيع اكبر من حجمها..!

دامج واثقه من نفسج ليش خايفه و تحاتين اللي قالو و اللي يفكرون فيه واللي واللي ..!


مادري بس لو أنا مكانج بعطيهم طاف ..! اعاملهم عادي نفس كل مره و خلاص..!

ما راح ادخل مخ كل واحد و اشوف شنو رأيه فيني..!

 

[فوفو22]

حبيبتي اللي واثق من نفسه.... ما يهمه ايش ما قالوا عنه

والعرب يقولون ......الشمس ما تتغطى بمنخل

زيدي جرعه الثقه بنفسج فقط لا غير

واحسني الظن بالجميع

فوفو

 

[هيفاء 966]

خليها تولي. ومصيرهم بيعرفونها على حقيقتها وسوالف السلايف والغيره بينهم ما تخلص.

 

[amami al-kuwai]

الاخوان بينهم يتفاهمون اذا كلمتي زوجج وفهمتيه عن اللي بقلبج راح يروح ويسحب من اخوه حجي او من امه

 

[ام زهقانه]

خالتج نزلي لها ايام وا وقات ما فيها مرت حماج اما حماج بطقاق

 

[Dlôô3tãh]

لازم زوجج يكون عند خبر
الله يعينج على كيد الحررررريم العوووب