زوجج يعطي حق امه ؟؟ ليش امه جذي تسوي!!

[om_3azoz]

انا ريلي بعض المرات مثلا خالتي تحتاج فلوس اقوله عط خالتي يقول انا شكو فيها اقوله امك حمدالله وشكر هههه بس طبعا على غشمره اذا صار عنده فلوس يعطيها مايقصر الحمدالله

وحتى جم مره حمواني بيسافرون ومثلا ناقصهم ولاشي اذا عنده يعطيهم مايقصر معاهم والحمدالله انه ريلي جذي الصراحه لان لو مافيه خير باهله مافيه خير بمرته وعياله وبيته

 

[صمت المرافئ]

آنا رايي غير شوي عنكم
شوفي حياتي آنا أشوف ماله داعي يعطي أمه فلوس كل شهر
مو عن بخل لا والله ...
خاصة مثل ما تقولين انها موظفة وما عليها قاصر
وعندها زوجها يعطيها ...
يعني مو محتاجه لفلوس ولدها ...
آنا أقول ما دام ساكن عند أهله وياكل ويشرب من كيسهم
كل ما نزل معاشه يعطي أبوه مبلغ معين كمساهمة منه للمصرف والأكل والشرب
مثلا 100 أو 150 دينار للأبو مو للأم
وهذا الحق والواجب
عاد أبوه يتصرف فيهم ... يبي يحطهم للبيت كيفه
وبعدين آنا أشوف إن الأم لازم تحترم ولدها الله يهديها
خاصة جدام مرته وبنته
​

 

[كات 511]

ترى هي حملت فيه 9 شهور

وجاها الطلق وولدت

وسهرت بالليل عليه ورضعته

وياما مرض .وياما ارتفعت درجه حرارته

وشكثر مرض

وياما بجت عليه ........

ودخل الروضة والابتدائي وعقب المتوسطه ووصل الثانوي

وكل عيد تشتري له بدله

وتبوسه وتحضنه كل يوم

ويوم كبر .......وبقا يتزوج

زوجته اسنع البنات

عشان تكمل معاه المسيره

عاد الحين تصرخ عليه

تطقه

تزفه

تشيل النعال وتحذفها بوجها

انتي تطلعين منها

ما تدخلين بين معامله الام بولدها

هم يعرفون يتفاهمون مع بعض

<<<<<فوفو بس معصبه

حبيت ردج هههههههههههههههه
فديت اللي معصبين والله
بس اهي موقصدها انا حاسه فيها تبي الاهتمام بضروف زوجها وان أمه تقدر هالشي
لان فيه أمهات جذيه بصراحه بس الاجابه فعلا لو شنو أهو المديون يعني منه لأمه انتي لي كبرو عيالج بتعرفين وتحسين في أمه .

 

[مناير ...!]

ترى هي حملت فيه 9 شهور

وجاها الطلق وولدت

وسهرت بالليل عليه ورضعته

وياما مرض .وياما ارتفعت درجه حرارته

وشكثر مرض

وياما بجت عليه ........

ودخل الروضة والابتدائي وعقب المتوسطه ووصل الثانوي

وكل عيد تشتري له بدله

وتبوسه وتحضنه كل يوم

ويوم كبر .......وبقا يتزوج

زوجته اسنع البنات

عشان تكمل معاه المسيره

عاد الحين تصرخ عليه

تطقه

تزفه

تشيل النعال وتحذفها بوجها

انتي تطلعين منها

ما تدخلين بين معامله الام بولدها

هم يعرفون يتفاهمون مع بعض

<<<<<فوفو بس معصبه

حدها بردت جبدي
شنو انا مرته اتضايق مدري شنو
ماما هذي امه منو انتي عشان تعلمينها شلون تعامل ولدها مع احترامي الشديد لج

 

[سلمى الدلوعه]

مع فـــــــوفــــــــــو طبعآ كلامه عين العقل هذي امـّه الام مافي بداله ام ثانيه وزوجه بداله عشرين زوجه

والله يوفق الجمييع

 

[om.googi]

انا معاج انا مو عن سالفة فلوس حلالها بس انا قصدي ان تصرخ عليه جدامي وانا الصراحه ماحب جذي يعني صار ابو و بنتي لما تكبر بتصرخ عليه جدامها؟؟؟

آنا مادري ليش يردون علي ( البعض ) طالما اهم مو أصحاب الموضوع !!
البنت حطت موضوع وتبي الرد وهذا ردي من ناحيتي وكل واحد حر بالموقف شلون يتصرف فيه ! الحمدلله ,,

شوفي اذا كان اهو غلطان ومعاها حق خليها تزفه ولا تلومينها حرمة عوده ,,

بس اذا كانت تزف واهي مو بعدالها لا يبا عادي قومي وردي عليها وقوليلها كيت وكيت
واذا قالت انتي شكو وبدت بالشراره قوليلها مثل ما اهو ولدج هم اهو ريلي ادافع عنه اذا كان مو غلطان واذا غلطان راح اوقف وياج عليه وانا مارضى بالغلط لأي أحد ,,

والأم مو ملاك اللي محد ينبهها ع تصرفاتها سواء كانت غلط أو صح ..
( محد ما يغلط ) :eh_s(8):
​

 

[dandooosh]

وووووووووويع كليتو البنية
اغلب الردود تمشي على اول رد اذا الرد كان فيه هواش قلبو الموضوع هواش واذا الرد كان زين كتبتو ردود مثل الاوادم
اعتقد كلام البنت واضح البنت ماقالت مابيه يعطي امه البنت متضايقه ان امه ليش تصارخ عليه ومعاها حق البنت موحلوة ان تشوف زوجها ينزف جدامها مهما كان هذا ريال وله احترامه وامه تهاوشه وفوق هذا امه عندها خير عندها معاش وزوجها قاعد يعطيها عيل شحقه مناشبه الريال مسكين بمعاشه واهوة متزوج وعنده بنت !!!
تبي تشتري هديه حق بنت اختها خل تشتري من معاشها مو من معاش ولدها شنو ولدها موملزوم يصرف على الغرب
قلنا ان امه ولها حق عليه بس دام ان عندها معاش وفوق هذا زوجها يعطيها خلاص خل تحمد ربها وتكيف نفسها على المبلغ اللي عندها مو تروح وتحط عينها على معاش ولدها وتنقص عليه خصوصا مرته ماتشتغل وفوق هذا يبي يبني له شقه يعني المفروض تراعي ولدها وماتاخذ منه
وكثر الله خيره الريال قاعد يعطي امه واخوانه من نفسه المفروض امه تحس شوي

اقرووو الموضوع عدل @@

صح كلامج
أنا معاها 100 % :eh_s(15):

 

[مسؤولة تعيين]

مع احترامي حق الكل بس انا ضد ان الام تاخذ من عيالها
اولا صح هي ربت وتعبت وسهرت بس من قال ان الامومه سلف ولازم الابن يرده لمن يكبر ؟؟؟لا والف لا
هي مفروض تعيينه على بيته وبنيانه مو تاخذ منه
ليش اخذ من ولدي وانا عندي راتب وريلي مو مقصر علي
هي نحاسه والسلام؟؟؟
شنو يعني ربته وتعبت كللللللللل الامهات حملوا وربوا وتعبوا ومسكين الولد بار بأمه مو عاق
وعمره ماكان بر الوالدين ان اعطيهم فلوس حتى لو كنت قعد امر بظروف واهلي عندهم
الرسول قال كلكم راع وكلكم مسؤول عن رعيته
وام زوجج عندها ريال مسؤول عنها مثل ماانتي ريلج مسؤول عنج

 

[فوفو22]

مع احترامي حق الكل بس انا ضد ان الام تاخذ من عيالها

اولا صح هي ربت وتعبت وسهرت بس من قال ان الامومه سلف ولازم الابن يرده لمن يكبر ؟؟؟لا والف لا
هي مفروض تعيينه على بيته وبنيانه مو تاخذ منه
ليش اخذ من ولدي وانا عندي راتب وريلي مو مقصر علي
هي نحاسه والسلام؟؟؟
شنو يعني ربته وتعبت كللللللللل الامهات حملوا وربوا وتعبوا ومسكين الولد بار بأمه مو عاق
وعمره ماكان بر الوالدين ان اعطيهم فلوس حتى لو كنت قعد امر بظروف واهلي عندهم
الرسول قال كلكم راع وكلكم مسؤول عن رعيته
وام زوجج عندها ريال مسؤول عنها مثل ماانتي ريلج مسؤول عنج

اجل اذا هذا مبدأج يا عزيزتي

1- اذا مرضت لا تعالجينها بخاص لانه عندها راتب
2- اذا احتاجب لا تعطينها لانه عندها زوج
3-اذا يا الجناين تاكلون تحت غذا من لحم وددجاج وسمج ...لا تشاركون لانه من خير عمكم
4- اذا الام من العوايل الميسوره ما يصير نعطيها اي شي لانه قادره تشتري كل شي


ممكن سؤال لج خاص

شنو بر الوالدين بنظرج

قبل جوابج سألي هالسؤال ل يتيمه الام

ووقتها تعرفين شنو ام ..عايشه ...

الام مجرد ما ترفع يدها للسما تدعي للعيالها ربي يتقبل منها الدعاءخيره وشره

الام مجرد ما يصيبج اي مكروه ...هي الوحيده التي لن تتخلى عنج مهما كانت الظروف

الام هي اللي لو تعطينها كل معاشج ووقتج ماردي جزء من حقها

انتي اصلا لازم تسوين لها

تساعدينها على الأكل والشرب والنوم والاستيقاظ ، والنهوض والجلوس ، واللبس والخلع ، والخروج والدخول ، بل حتى لو احتاج الأمر إلى أن تدخلها المرحاض وتزيلين الأذى عنها



يا ماما هاذي ام تعرفين شنو ام

ابصم بالعشر انك ما جربتي الامومه .........او علاقنج ناشفه مع امج

فوفو

 

[غلاتي غلا]

لوليتا خخخخخخ عجبتيني ع اول رد انشهد انج صاجه يتاثرون باول رد البعض وليس الكل البببببعض عشان مايقلبون علي

حبيبتي صاحبه الموضوع انا فاهمه عليج انا هم ماحب اشوف زوجي ينهان قدامي
بس عاد من امه ما افكر فيها اهانه لان عمر الام ماتهين ولدها
بالعكس جزاه الله خير باجر تشوفين ولدج يعطيج ان شالله دامج حاثه زوجج يبر بامه
وكلللش شي الا الام
الله يخليه لها ويخليج له ان شالله

 

[غلاتي غلا]

وعلي فكره عمري مااسالته تعطي امك او لا لان مالي شغل علاقته باهله مالي شغل فيها لامن بعيد ولا قريب

 

[مسؤولة تعيين]

اخت فوفو اولا انا ام ثانيا علاقتي بامي واايد ارقى من الفلوس
اذا انتي فسرتي كلامي بكيفج اقريه للمره الثانيه انا قلت اذا الام مو محتاجه ليش تاخذ من ولدها وهو محتاج
الامومه شي ثاني
الظاهر انتي من الامهات الي يتعاملون مع عيالهم كأنهم جزء من ممتلكاتهم
بر الوالدين هو اني اشيل عيوني واعطيها امي بس اذا اذا امي مو محتاجه عيون شنو راح تستفيد من عيوني غير انها عمتني؟؟؟؟
وعلى فكره وااااايد اشوفها عيب ان الام تاخذ من ولدها وهي مو محتاجه
واذا على قولتج امي مرضت لا سمح الله اشيلها فوق راسي بس استوعبي كلامي
اذا الام موووووو محتاجه و مع هذا تاخذ من ولدها المحتاج ... هالشي اسمه طمع
اتمنى تتقبلين وجهات النظر بدون ماتفرضين رايج او تقولينه بتعصب

 

[!! دلوعته !!]

اب اب

 

[@شمس الضحى@]

ترى هي حملت فيه 9 شهور

وجاها الطلق وولدت

وسهرت بالليل عليه ورضعته

وياما مرض .وياما ارتفعت درجه حرارته

وشكثر مرض

وياما بجت عليه ........

ودخل الروضة والابتدائي وعقب المتوسطه ووصل الثانوي

وكل عيد تشتري له بدله

وتبوسه وتحضنه كل يوم

ويوم كبر .......وبقا يتزوج

زوجته اسنع البنات

عشان تكمل معاه المسيره

عاد الحين تصرخ عليه

تطقه

تزفه

تشيل النعال وتحذفها بوجها

انتي تطلعين منها

ما تدخلين بين معامله الام بولدها

هم يعرفون يتفاهمون مع بعض

<<<<<فوفو بس معصبه

:ggdw::ggdw::ggdw:عااااااااااااااااااااشت فوووفوووو
كفيتي ووفيتي ماعندي شي اضيفه على كلامج :eh_s(7):

 

[قطرية من قلب]

فديتج الحريم الكبار حتى حبهم بالصراخ كذا اسلوبهم ماتقدرين تغيرينه انتي شوفي اليوم ولا بكرة بتطلعين لشقتج يعني خلاص هي مسألة وقت و حماتج ما بتشوفينه بس لا تمنعين ولدها يصرف عليها

 

[حبوبة الأطفال]

استغفر الله واتوبوا اليه

فاهمين سالفة انها ماتحب تشوف زوجها ينهان او امه تاخذ فلوس مهي محتاجتله

ومثلا بكل ادب ولدها كلم امه من هالناحية وقالها كيت وكيت وكيت

لكن

الام مااقتنعت ومصرة على هالشغله

شنو حلكم معاها اللحين؟؟

طبعا ماكو حل غير السكووووت والخضوع التام لها ... واذا حيييل شاغلتكم سالفة الفلوس هالخمسييين دينار

الرزاق ربي سبحانه

ويرزقكم من حيث لاتعلمون ...

فالشخص يصفي نيته لله ... الشخص شنو يبي من الدنيا كثر الآخره

فكروا بهالموضوع خواتي

و سالفة بر الوالدين لا تستهينوا فيه

وربي يجعل كل ام في الدنيا راضية عن اعيالها

وسلامتكم

 

[مسؤولة تعيين]

حبيبتي صاحبة الموضوع انا انصحج لا ادخلين نفسج بين ريلج وامه مهما يكون هي امه مع اني ضد مبدأ الطمع و التملك بس ترا عادي كلل الامهات يصارخون ههه
مثل ما انتي ماتحبين ان ريلج يدخل بينج وبين امج انتي بعد لاتدخلين بين الام وولدها

 

[نـعـومـه]

اكثر شي لفت انتباهي كلمتج لما قلتي ليش تصرخ عليه !!!

عشتووو ماترضين !!

كل الامهات يصرخون على عيالهم طبيعي وجذي اسلوبهم ليش تعامله برسميه !!؟؟

وسالفه الفلوس عادي ليش مايعطي !!

قلتيها بلسانج انتي ساكنه عندهم يعني ابوه قط شكثر فلوس عشان يبني حق عياله وانتي خسرانه يعطيهم فلوس !! اعتبريه اجار !!!

وانا اشوف اذا الولد مقتدر عادي يعطي لكن اذا منتف وديون لي الراس هنيه يعتذر منها ويفهمها وضعه المادي

انا زوجي اول ايام الزواج يعطي اهله بس عقب لا لانه عنده ديون ومومقتدر ماديا اذا الله يسرله هنيه ان شاءالله يعطي

 

[مناير ...!]

مع احترامي حق الكل بس انا ضد ان الام تاخذ من عيالها
اولا صح هي ربت وتعبت وسهرت بس من قال ان الامومه سلف ولازم الابن يرده لمن يكبر ؟؟؟لا والف لا
هي مفروض تعيينه على بيته وبنيانه مو تاخذ منه
ليش اخذ من ولدي وانا عندي راتب وريلي مو مقصر علي
هي نحاسه والسلام؟؟؟
شنو يعني ربته وتعبت كللللللللل الامهات حملوا وربوا وتعبوا ومسكين الولد بار بأمه مو عاق
وعمره ماكان بر الوالدين ان اعطيهم فلوس حتى لو كنت قعد امر بظروف واهلي عندهم
الرسول قال كلكم راع وكلكم مسؤول عن رعيته
وام زوجج عندها ريال مسؤول عنها مثل ماانتي ريلج مسؤول عنج

انت ومالك لاابيك
امك ثم امك ثم امك
مقال زوجتك قال امك
زوجته تروح وياخذ بدالها اربع
امه جنته تحت اقدامها
كم بيزه قمتوا تسمونها نحاسه !!!
ياما شلعت قلبها وعطته بيضره يعطيها يوم كبرت

الحين لو المره متهاوشه مع زوجها
جان عرفتو تقولون قولي وسوي وفعلي
وتشيشونها
ولمن صارت الفقيره امه تهاوشه كلكم سبحان الله صرتوا متفتحين وتشوفونها اهانه @@
اي اهانه !!
بالضبط شنو الي يجرح مشاعرج ياصاحبه الموضوع
مااتحملين سبع البرومبا اتهاوشه امه بس انتي لوتهاوشتي معاه ترفعين صوتج وجنه العيد !!

سأليه جم مره رفع صوته عليها واهو مراهق
سأليه جم طلب من طلباته جان اوامر
سأليه شنو كانت تسوي له
عقب تعالي حاسبيها
صدقيني بتصغيرين بعين نفسج !!

لو كل وحده لمن اتيي اتكلم عن خالتها تحط امها بمكان خالتها واتخيل اخوها اهو ريلها
واهي مرت الولد صدقوني كل هالحجي بيتغير

اول مره ارد جذي
حرتني بعض الردود

 

[مسؤولة تعيين]

ابي افهم شي واااااااحد لمن ادشووون موضوع ليش ماتقولون رايكم وتتقبلو الراي الاااااااخر
يااخي الي روحه مو رياضيه لا يدخل منتديات لا يتكلم ويعطي راي
خربتوا موضوع البنت لمجرد اختلاف بالاراء
كبروا عقولقكم شوي شنو هذا
داشين موضوع كتبوا رايكم وبسسسس
لا تعلقون على الاراء الثانيه
افففف شالعقليات نص المواضيع بالمنتدى اختربت والسبه اشكالكم
والله زين تحركم ردود غيركم بس ماتشوفون ردودكم
الصراحه قمنا نكره نرد والسبه ان في ناااس كلش ماتتقبل الرأي الاخر
احنا بمنتدى يعني مو لازم رايج يكون هو الصح
كل وحده ولها رايها
والي يبط الجبد ان يردون على الردود الي بالموضوع وينسون الموضوع الاساسي وفوق هذا يهينون
نعم؟؟؟خير؟؟؟ كل وحده صايره شرطيه على الردود
يا طالعوا روحكم مالكم شغل بردود غيركم