زوجــــة أخــــــــــوي طيوووبه .. بس هذا عيبهــــــــــا !!

[مصلعه وناعمه]

مرحبااااا كويتيات

بدخل بالموضوع على طوول

ياطويلات العمر عندنا زوجة أخوي تصير بنت خالتي يعني متربيين مع بعض من إحنا صغاار وعارفينها وأعزها وأعتبرها مثل اختي ..

هي تسكن فووق ولها غرفة وصاله ودورة مياه عزكم الله بس المطبخ مشتررك بيننا يعني اكلنا أحيانا مع بعض واحيانا تاخذ أكلهم وتصعد فيه فووق وهذا من حقها وإحنا مخلينها براحتها ..
لأنها طيبه وعلى نياتها ..

بس فيه كذا شغله تسويها متضااايقه منها حييل وماني عاارفه وشلون أقولها .. طبعاا نظامنا انا واختي في المطبخ كل وحده تمسك المطبخ يووم من غسييل وتنظيف وأمي الله يحفظها مسؤوله عن الغدااء وتسوي لنا ولهم الغدااء عن طيب خااطر ... وطبعا مرت اخووي تجي وتغرف غداهم وتمشي وشايله إيدها من شغل البيت نهاائيا وماتساعد إلا بالنادر وعلشان ماأظلمها فكرت فيها بعدين قلت ماهي ملزومه فينا تشيل معنا وتنظف أمي وأبوي واخواني إحنا اللي ملزومين فيهم وهي مسؤوله عن زوجها وبنتها وبس...
بس الشي اللي ضايقنا منها يابنااات إنها حتى مواعين أكلهم ماتغسلها وتجي بعد ماننظف المطبخ من المواعين والحوسه وتحط مواعينها وتمشي ويلا إحنا صرنا زي الشغالات نجي نغسل عقبهم .. هذا غيير الأكلات الثانيه اللي تسويها من حلى وغيره ونفس الشي تخلي مواعينها وحوستها ماتنظفها بعدها ..
يابنااات حتى ألعاب بنت اخوي اللي هي بنتها طبعاا نخليها في الصاله تكوون تلعب فيها طوول اليووم وحزت النووم تشيل بنتها وتخلي الصاااله مقلوبه فوق تحت عقب بنتها ماتكلف نفسها ترتب وتنظف وكانها ماهي مسؤوله عن شي :eh_s(14):
هذا غيير إنها الله يهديها إذا شبعت نووم هي وبنتها تنزل آخر الليل الصاله وكلنا نايمين وتشغل التلفزيون بصوت عاالي او تخلي بنتها تصييح وتصرخ بدون ماتسكتها وإحنا غرفتنا قريبه من الصاله وكل شي مسموع (( علماا إنه عندها فوق بصالتهم تلفزيون وماهي بحاجه إنها تنزل تحت عندنا علشان تشوفه ))
حااولنا نلمح لها إنه ترى تضايقنا من صوت بنتها آخر الليل وما قدرنا نكمل نومتنا بس عمك أصمخ ..
بتقولون لي قولي لها وصارحيها وحاولت ألمح لها ,, بس والله ماقدرت أقولها وخفت تزعل وتفهمنا إننا متضايقين من قعدتهم معنا في البيت او تسوي مشكله مع اخووي بسبب هالموضوع ..

وش رايكم فيها هل هالشي عاادي ؟؟ وعطوني طرييقه اقدر ألمح لها وانبهها إن اللي تسويه غللط .. بإنتـــــــــــظاركم ..

 

[Tom ♥ Jerry]

.


هلا وغلا حياتي :eh_s(22):

لا الصراحه الي تسويه شي مو طبيعي و مو عادي
و من حقكم تتضايقون منها و من تصرفاتها

يعني بيت كبير و مآلكم خدامه و تاكل و اتيي تحط الاكل
حتى ما تغسل على الاقل اكلها
وغير بنتها مآلها خلق تشيل اغراض بنتها من وراها
تخليكم انتو تشيلون !
لو عندكم خدامه جآن قلت الوضع عادي و اوكي
بس انتو ما عندكم خدامه و اهيه اكيد تدري بهالشي و تدري الوضع الي انتو فيه !
يعني على الاقل تشيل الي تقدر عليه أكلها و اكل ريلها و بنتها ..

قولي حق أمج تكلمها و اكيد اهيه خالتها قبل لا تكون ام ريلها
يعني اتمنى تتقبل الكلام منها
و الصراحه هاذا حقكم و ماراح تقولوون الا الصج !
بس انتي وأختج لا تتدخلون بالموضوع
يعني امج و اهيه لمآ يكونون بروحكم خل امج تكلمها بالموضوع !

أو انه تكلمون ريلها باسلوب حلو و اهوة يوصل لها الحجي
و يعلمها الي تبونه بطريقه حلوة
اهم شي يكون الموضوع بشكل هادي و حلو و ذوق
بعيد عن الصراخ و الهواش و الاسلوب الي ينرفز و جنه اتهامات ؛$

 

[still-Dreaming]

اللي يستحي ما يعيش و انا اختج
صارحيها و اذا فهمت غلط كيفها ! و مادام انكم مثل خوات ان شاءالله ماراح تفهم غلط .
بعدين اهي ماستحت منكم و لا قالت ( فشله اخليهم ينظفون صحووني ) او ( فشله ازعجعهم و اهم نايمين )
اشحقه انتي تستحين منها ؟؟!

 

[ام الدرر]

حبوبة
حاولي بطريق غير مباشر
يعني سوي سالفة بينج وبين اختج يعني تهاوشو عالتنظيف وهي موجودة وخلي اختج تروح تشتكي لها منج
انج ماتنظفين وراج وان شغل المطبخ متعب ولازم كل واحد ينظف وراه
يمكن تحس وتغسل مواعينها وتنظف وراها
اما التلفزيون
وانتي تلعبين بنتها كلميها باسلوب الاطفال
اذيتينا البارح ما خليتينا ننام واحنا ورانا دوام
والالعاب اذا خلتهم شيلوهم وخشوهم
واذا بغتهم كل وحده تقول مادري ماشفتهم عشان تصير حريصة تشيل العاب بنتها قبل لاتروح غرفتها
هي طرق خبيثة شوي
بس عشان توصلون لها اللي تبون بدون لاتجرحونها
وعسى الله يتمم عليكم المحبة ​

 

[توته الحـــلوة]

موووصج شنو السلبيه الي انتو فيهااا
الحياة تعاون
المفروظ
امج تكلمهااااااا

 

[ḟẩἡṫảṤῩ ῶỗṝḽḑ]

انا اقول كلميها واذا دشت المطبخ وحطت صحونها قوليلها غسلي صحونج مو تسكتين واجهيها اذا سويت شي ما عجبج
واذا ف ليل شغلت التيفي قومي و قوليلها روحي صالتج وليش يايه صالتنا خليها تروح صالتها
و جيه انحلت مشكلتج مع فافا

 

[فجرر]

ااااااااااب

 

[اميره1980]

الحين انتو عودتوها تنظفون وراها و هالشي مبين من زمان خوفج لو كلمتوها الحين بتقولكم منو مشيشكم علي

انتي طلعي من الموضوع و خلي امج تكلمها احسن يمكن تسمع من خالتها بس منج انتي صعبة

بس انتو ما شاء الله بيت كبير ليش مو جايبين خدامة ؟

 

[mf6nt el3lat]

صراحه قلة ادب وذووق تخلي مواعينها اللي كللت منهم مو نظاف وتجي تحطهم وتمشي وانتي من كلاامج مبين ماعندكم خدامه يعني انتو زين منكم مخلينها على راحتها ومو ملزومه تطبخ لهاا يجيها كل شيء جاهز خو نظفي مواعييينج @@

بس مدامها بنت خالتج خلاص انتي لا تكلميييينها خلي امج مدام هي خااالتها اخت امها تكلمهااا وتقولها تقط لها نغزه تفهمها ، اذا كلششش كلششش ماتفهم اذا جتت وحطتت مواعيينها قبل لا تروووح قوليييلها فلاانه ياقلبي غسلي مواعيييينج انا ايديني تعورررني وراي دراسه غسليهم ترى محد بيغسلهم
وعطيها ابتسامه واطلعي قبلها من المطبخ
ولا كلموا اخوج


والله يهديييها يارب *

 

[ريمي اميري]

,,,,,,,,,,,,,,,,,,,,,,,,,,,,, بدون ماتقولين هي تعرف انو غلط الي يصير ,,,,
انا بالراي مع اختي الي تقوول تهاوشي مع اختك بالاتفااااااااق على اساس تفهم اذا كانت فعلاااااااا ناسيه
او الطريقة الثانيه تكلمو عن الشغل انها كثير وماتلحقووون وهيك شي
بس ولله هي تستغبي لاقيتكم طيبااااااااااات فا راكبه على روسكم ..@@ ماعليش اعرف انكم تحبونها ومايصير نتكلم عنها بهطريقة بس للاسف هذي الحقيقه ,, على الاقل بسسسسسسس لو تكفيكم حوستهاااااا وصحونها وطبخهااا
او فيكم تخلونها تاخذ معكم يوم
او الحل الثاني يسوي اخوك لها فوق زي الكورنر مطبخ صغنوووووووووووط لهم فيه غسالة , ولله يعينكم حبووووووووبه

 

[الأميرة جوري]

لازم احد يكلمها امج تكلمها باسلوب..يمكن النوع اللي ماتنتبه وماتحس

 

[ابدا يالغالي مانساك]

حااسه فيجج
شوفي كلميهااا عادي وش حقه تلمحوون قولي لها دامها بنت خالتج وتمونون عليها
قولي غسليي الموواعين انا واختي نتعب من شغل المطبخ
وغير هذا بنتج لاتوصخ الصاله بالاعبهاااا خوذي العابهاا معاج
لان متعودي تكون الصاله نضيفه
لاتستحين ولا شي

 

[ربي رجوتك]

الله يعينكم الصراحه
وهى شكلها من النوع اللى يهمها نفسها وزوجها بس يعني نازله تحت علشان ماتفتح التي في فوق وتزعج اخوكم وعادي عندها تزعجكم ياربي من الاحساس , كلموها افضل من سكوتكم اللى يخليكم تشيلون عليها هذي مو على نياتها اعذريني هذي قليلة احساس وفيه فرق

 

[نونو العصله]

يختي في ناس ما ينفع معاها الطيب سبحان الله
انتم سويتو بطيبكم
والضيافه 3 ايام بس
وهي صارت فرد من العايله
ومو طيب منها انها تغسل مواعينها
غصبا عنها
منتو ملزومين فيها
مو خدم عندها
هي لو مو ساكنه عندكم قلنا ميخالف
ضيفه وتمشي
بس مقيمه عندكم
مرا اخوي قبل كانت عنندها هم نفس الشي
قطيت نغزه عليها
قلت لاختي مواعينج اذا خلصتي منها غسليها
ما وراج خدم
اختي فهمتها
بس هذيج لا اذا الطوفه سمعت هي تسمع

انا ما اشيش
بس في ناس اذا سكتي عنها تتمادى زياده

انتم بتزوجون
وبتطيح براس امج
خلي امج تكلمها
عشان ما تتعود وتمادى

 

[A L F A J R E Y]

انا اقول سوي فيلم انتي واختج جدامها انكم تتهاوشين مع اختج تقولين لها غسلي صحنج انا يا دوب اغسل صحن امي واخواني واهيا بتفهم ان حتى اهيا حالها من حال اختج لازم تغسل صحنها

بعدين وانا اختج ما منه مستحى انتوا هم الله يعينكم شايلين شغل بيتكم مو مجبورين تشيلون شغل بيتها اهيا مره متزوجه وفاهمه

 

[granted]

لا والله مو عادي وخصوصاً انكم عايشين مع بعض يعني مو يوم ولا اثنين

الله ييهديها شكلها من النوع الي طيب وايد وحاسة روحها خفيفة وماتثقل على حد على نياتها يعني:eh_s(22):
لان هالنوع اذا ضحكتي وجاملتي وسكتتي
على بالهم انج صج مو متضايقة او متثيقلتهم
يعني ياخذون الظاهر

ام الدرر فكرتها حلوة :rerrerek:
وبالنسبة لالعاب بنتها. مثلاً قوليلها انج دستي على لعبة فيهم وتعورتي
يمكن اتحس بالذنب واتحرك تلمهم
وبعد المفروض اهي تبادر بالشغل عشان تقوي علاقتها فيكم دام نفس البيت

الغريب انها متربية وياكم يعني المفروض الميانة طايحة معاها مو!


بالنسبة للتلفزيون قولي لاخوج يشتريلها ويحطة بغرفتها او بالدور الي اهم فيه
بس حلفيييه ان مايقول لها شي بهالخصوص عشان لاتاخذ موقف وتزعل

 

[لبى عيؤنكـ]

اتوقع لو تصارحينهاا بعيبوبهأ لان جي غلط
واصلن المفروض تفهم واتعرف للي اتسسويه غلط احلأأ شي بدون تلميح قوليهاا ان لازم اتساعدينا خلج ميانه وياها اهي تقرب لج وعلى قولتج على نياتهاا خلاأس صارحيهأأأ

 

[عبالي حبيبي]

امبيه شنو هالجراه لومكانها استحي من روحي شنو رفله اكل وامشي

واخزيااااه بس ماكو احساس الله يهديها

 

[اليازيه2000]

الله يهديها غلطانه ميخالف نبهوها احسن يمكن غافله عن هالشي من باب الميانه معاكم

 

[نونو العصله]

تبين الصج
الحق على اخوج
المفروض هو يعلمها و يفهمها انها تساعدكم و تنظف
هذا واجب عليها
من الادب والاحترام انها تنظف بعد بنتها
حتى بلحدايق و الشوارع المفروض الواحد ما يوصخ وراه
مو البيت
هذه الاصول اللي تعلمنا عليهابس اسمحيلي اقولج
مرت اخوج يمكن تكون طيبه بس رفله و مبهذله
سوري بس هذا الصج
ماكو احترام حتى للنايم
هذا الدور لكم وهي لها دور بروحها
والحريه لها حدود ما تعدى على غيرها
في خطوط حمر
حتى اذا رحنا زياره ليت اهلنا
نرتب و نظف