زوجــــك ( ش,ش ) ولكـــــمـو معانا ^^ نفيد ونستفيد

[اميره1980]

شنو يعني شمالي شرقي ما فهمت ؟؟
يعني اصله جذي و لا برجه و لا بيته و لا شنو ؟؟

بعدين حبيبتي ليش تفكيرج باللي يحبه الريال و بس ؟؟ مو معناته تزوجج ان يغير اطباعج
اذا في اطباع مو زينة بالزوجة تحاول تعدلها لكن اذا شغلات عادية فيج ليش تقلبين حياتج ؟؟

موفقة مقدما

 

[ماريانا]

شنو يعني شمالي شرقي ما فهمت ؟؟
يعني اصله جذي و لا برجه و لا بيته و لا شنو ؟؟

بعدين حبيبتي ليش تفكيرج باللي يحبه الريال و بس ؟؟ مو معناته تزوجج ان يغير اطباعج
اذا في اطباع مو زينة بالزوجة تحاول تعدلها لكن اذا شغلات عادية فيج ليش تقلبين حياتج ؟؟

موفقة مقدما

لا حبيبتي ليـش اغير روحي عشانه !
أنا بنهايه عايشــه ( معاه ) مو عــايشه ( له ) !!


أنــا قصدت نفهم تركيبتهم وتفكيرهم وشنو يحبون وشنو يكرهون

عشآن لما يبدر مني نصرف خاطئ أعــرف انو ردت فعلي هذي ماتناسبه

يعنـي أنا خطيبي في بوصله الخصيه نمط شخصيته شمالي شرقي
في وقت ماتغلطين بحقــه .. يحبك تصلحين غلطك من نفسك
ويكــره اسلوب التبرير والاعتذار والبكـــي !!


فهمتي علي !

آححنا نبي نفهمهم لاننا بنعيش معـآهم بسلام مو ب اختلاف ومششاكل لاسمح الله​

 

[أم حورية]

مش متقوزه حبيبتي

بس التحليل هذا يذكرني بالابراج وعلم الفلك هههههه

وصدقيني لو فهمتي زوجك وركزتي ع شو يحب وشو يكره
ماراح تهتمين بهالسوالف وتقرين عن شخصيته
لانك انتي بتكونين فاهمه ومحد قدك يعرف له

ومبرؤك الخطوبه وربي يتمم لك ع خير ي رب

نفس كلامها

 

[منال $]

قلبنا ابراج وتوقعاااااااااات
حبيبي كل رجال بيختلف عن التاني
وادا انتي بدك تفهمي خطيبك صح اسالية كل هالاسئلة

 

[ام العبدالله]

والله مو فاهمين ولا شئ .... عالعموم تسسلمي على الطرح

دمتي ولاحرمناج

 

[سندس 90]

ماشالله انتي تعرفيين كل شي عنه خلااص بعد
عموماً نصيييحه انتي مع العششره أكيييد بتعرفين بس يبيلج فطنه

 

[نجمة كويتية]

حبيبتي انا اشكرج ع الموضوع واعتقد ان التجاوب معاج يحتاج الى عضوات مثقفات في هذا المجال وردود العضوات اللي تدل على استهزاءهم فيج يدل على جهلهم للاسف وكل همهم التطنز والاستهزاء​

طيب ما عرفتوا شي لا تقعدون تستهزؤن بالبنت​

انا عن نفسي احب اتعلم عن هذا الموضوع اذا عندج معلومات اكثر يا ريتج تفيدينا وشكرا ع الموضوع الاكثر من راائع وارد اكرر موضوعج يحتاج الى مثقفات عاقلات وليس مراهقات للنقاش

من موضوعج اعتقد ان هناك اكثر من شخصية , والشخصية اللي ذكرتيها هي ش ش ممكن تقوليلي كل شخصية وصفاتها حتى اعرف صفات ازواجنا اي واحد فيهم للتعامل معهم بشكل حلو ​

 

[قمر كويتي]

كل شخص غير عن الثاني واكثر الامور الي ذكرتيها الرجل بشكل عام يحبها

 

[ليان200]

تصدقين عاد توني رايحة المكتبة ابي اشتري الكتاب بس مخلص ان شاء الله اذ قريتة ارجع ارد عليك
ولايهمك بكلام العذال

بنات ترا فية اختبارات للشخصية للذكاء موب كل شي فلك وتوقعات وحتى لمن اهي قرت عن الكتاب اكيد ماراح 2 يتشابهون مع بعض بس بتشوف صفات في زوجها وتقدر تعالجها وتغيرها وفي اشياء حلوة قبل لاتجربينها تصيرين فاهمتها موب كلشي لازم نطيح فية
نصيحة بس فية كتاب ثاني اذا بقيتي تستفيدين منة كثير اسمة الرجال من المريخ والنساء من الزهرة رهييييييييييييب حيل حتى اذا قمتي تقرين بتضحكين واذا تزوجتي بتموتين من الضحك
الكتاب حلو بس طويل حييل

 

[دلع بآبي]

اللي مستهينة في الموضوع

تأكدي بيطوفج نص عمرج

اذا مافهمتي آللي جالسة تقوله راعية الموضوع وقريتي عنه أكثر

مفيد مفيد مفييييييييييييييييد وربي يشهد تغير اسلوبي كثييير مع زوجي

وصرت افهمه أكثر بعد ماقريت عن الانماط

 

[بطوووطة$بيضة]

شمالي شرقي يعني من اي ديرة ؟

 

[afra]

شمالي شرقي وشرقي شمالي يقال انها من افضل الأنماط يبيلها شوية ثقافة من الطرف الأخر
صراحة الأنماط ابداع ومفيد في الحياة الأسرية موبس مع الزوج حتى مع المحيطين من الأقارب والأصدقاء عن جد اللي يفهم انماط البشر عن طريق البوصلة الشخصية بيكون حصل كنز وهدية من رب العالمين وهذي قناعات واللي مو عاجبته الفكرة مستحيل يتقبلها بس عني الموضوع رائع لو تتعمقون فيه بيفيدكم وايد وانا شمالية شرقية بس فيني من الشخصية الماسية مو مدح بس كل انسان يقدر يعدل في شخصيته لين يوصل للشخصية الماسية وخاصة لما تكون الكريزما تساعده وزوجي شمالي شرقي متطرف بعد الله يعين ومعرفة الأنماط ساعدتني وايد في تفادي مشاكل كانت من النوع اللي يهدم بيوت ويفكك اسربس الله كريم وخلق لنا عقول تفكر وتبدع ودايما احب اوجه شكري لكل انسانة نذرت نفسها لمساعدة الغير بدون مقابل في منتدى ناعمة او غيرها
أي سؤال حاضرين للطيبين لأني احب هذا النوع من المواضيع صدقيني حاولي تعرفين كل معلومة عن هالشمالي الشرقي لأنش إذا كنت ضعيفة قدامه راح يدوس على راسش ويمشي عليه الله لايقولها

تمنياتي لك بحياة مستقرة مليئة بالأمان والحنان

 

[afra]

الرجل الشمالي الشرقي يحب المدح كثيرا .. يعني امدحي صفاته و لا تمدحي ذاته حتى لا يصاب بالغرور ..

امدحي اهله كثيرا بما يستحقون و حاذري من الكلام عن عيوبهم .. فأهله جزء لا يتجزء من الرجل الشمالي

الشمالي الشرقي يحب الزوجه اللي تهتم كثيرا بابناءه و تراعيهم ..

يحب الترتيب و يكره الفوضى .. فاهتمي بترتيب جميع الاشياء اللي تخصه من اوراق و عطور و ملابسه ..

يحب الشمالي الشرقي المرأه ذات الشخصيه القويه .. و يعتبر الاعتذار ضعف .. فإذا اخطأتي صلحي الخطأ

دون ما تكثري من الاعتذار .. لا تكثري يا اختي من الشكوى ..

يحب الشمالي الشرقي الشعر الاسود الطويل الناعم ..

يحب المرأه المبادره في الفراش ..

يحب الشمالي الشرقي المرأه الواثقه من نفسها .. فأحيانا كثرة انتقادات الشمالي تفقد الزوجه ثقتها

بنفسها ..

الشمالي لا يحب العنيده .. لان مع الوقت راح يتعود ان يكسر رايك حتى لو كان الشي ما يستاهل ..

يحب الزوجه المطيعه .. يعني اذا ما عجبك شي قولي حاضر و اعملي اللي في راسك يعني انت و

شطارتك ..
لما يغلط واجهيه

بس أنتبهي لأسلوبك: لا تجرحي .. لا ترفعي صوتك .. لا تضعفي .. لا تنزل الدمعة ..

خليك هادية وواثقة من كلامك معك حجج واضحة وأهم شيء لاتحطي عينك بعينه كل الوقت

ولو فرضنا أنك نزاتي دموع أستمري بنفس النبرة الواثقة

ولو قال أنتي تكبري مواضيع أو حساسة بزيادة قولي لا هالموضوع فيه وفيه ولا تقولي جرحتني لأن هالكلمه لا يترجمها عقله



موضوع الشمالي طويل وشائك وعموما اغلب الصفات مشتركة وزوجة الشمالي على بالها زوجها الوحيد اللي تشوفه هي انه نحيس هههههههه بس راح تشوفيه موجود في بيوت كثيرة وبنفس الصفات الأولية مع اختلاف ثانويات بسبب اختلاف الأسر والمجتمعات

عذرا لو مداخلاتي كانت كثيرة بس حبيت اثري الموضوع اعتقد فيه حريم وايد مساكين مثلي عانوا من هالشمالي العصبي ويستاهلون الرحمة

 

[*E.B.D.A.3*]

انا زوجي اصنفه
ش،ج،ن،ع
تدرين شلون
كل الابجدية وحياتج
هههههههههههههه
لان كل يوم له مود معين ،
وماكو شي ثابت ...


شكرا حبيبتي