زوجي احسه صار مثل اخوي

[دلوعة أبوهآ]

الله يعينك

 

[Bint Derty]

الزووج الخجوووول مايبيله وحده خجوله تزييده

يعني هذا شي معرووفه اذا البنت كانت تستحي الريال يصير جريئ واذا الريال كان يستحي البنت تضطر تصير جريئه

ف انتي لا تزيدين الوضع .. لا انتي شوي شوي حاوليه تعودينه ع الجرأه

انا راذا كان بسرعه يخلص قوليله ابي بعد ماشبعت بس بدللللع حتى لو بداخلج تبطخين
اذا كان تعباان تكملون اليوم الثاني
وخلج كله مبتسبه مررررحه

لاتحسسينه ان هذا بس واجب لازم يسويه عشان يسكتج وخلاص

حسسيه الن هذي تجربه ممتعه لأقصى الحدود عشان اهوا يستمتع فيها بعد

خل يصير مداعبه وغشمره اول عشان تحسين بحنانه اكثر .. انتي لقصي فيه وشوشي له بأذونه كلام حلو بدلع
تحرشي فيه مو بس تكشخين وتقعدين ناطرته يمكن يستحي ان يبادر كل مره يبيج تشجعينه حاولي انتي تبادرين مو عيب عاادي

انتي بالتدريج ابدي تتحرشين فيه
مثلا بالسياره يسوق لمسي ايده
مو شرط وقت المعاشره .. هيئيه من قبل
لمسي ايده ومسكيه لمن تطلعون .. لمن تبين تعطينه شي لمسي ايده .. لعبي بشعره واهوا يطالع تلفزيون
لمن يبي يبدل ملابسه فجي له الزرارات بس وخل يكمل بروحه اذا يستحي
يمكن يستحي يتفصخ جدامج لأن مو واثق بنفسه او مو عاجبه جسمه
انتي لاتحرجينه ولا تعلقين على شكله او جسمه ابدا دايما مدحيه وشجعيه ان يروح نادي عشان تجدد طاقته
لا تسولفين سوالف تضيق الخلق بالفراش قبل النووم
قبل لا ينام دهني نفسج بكريمات جدااامه خل يشوفج ترفعين ملابسج وتتدهنين لا تستحييين اهوا راح يطالع
بعدين قوليله حبيبي خل ادهن جسمك بعد ,, وحطييله ودلكي جسمه وراسه بحناااان .. وبعدين لي خلصتي سوي روحج بتنامين
مو ناطره منه شي بالمقابل عشان مايحس كل شي له مقابل ولج قصد من كل حركه
حطي راسج ونامي بس لصقي جسمج بجسمه ونامي ببراااءه
طبقي هالحركات كل مره وان شالله بتشوفينه بروحه يخف المستحى الزايد عنده
لاتحسسينه انج ماراح تصك فيج الدنيا اذا يوم كان تعبان وماتمت المعاشره لا تدخلين النكد بهالموضوع
اخذي الحنان منه بطريقه ثانيه لين الله يهديه


ربي يوفقج حبيبتي ويسخره لج وانشالله يعوضج عن كل شي ياااااااارب

 

[Gatwa DaloO3a]

بقولك شي ..

الاحتمال الاول ..

هو دخل معاك وقت ولادتك ؟؟ .. لو دخل .. ترا في بععض الرجال ينقرفون وماينسون المنظر ، ويصيرون يجتنبون الجنس


..

الاحتمال الثاني ،،

حالته النفسيه سيئه ويفكر كثير لدرجة ان ماله خلق لشي ..

..

انتي اللي عليك ما تستسلمين ، يعني انواااع الاغراء والجرأه ،، خليه ما يقاومك !!

مو اذا شفتيه سكت انتي تسكتين ،، لا .. اجذبيييه ،، بالكلام ، ريحتك ، لبسك ، حركاتك ، دلعك ، صوتك !

حاولي لين ماتجيبين راسه :d .... حتى لو غصبن عنه ،، لوول


انشااااااالله يارب ان ربي يسخره لك ..

 

[Tulips]

الله يعينج .. قوليله في اختراع اسمه حبوب منع الحمل !!

 

[ثريا الكون]

شئ غريب والله مادري شقولج هل دنيا كل شئ عكس اذا ريال فحل المره بارده واذا مره حاره الريال بارد. همن حرام انتي عندج رغبة واهو ما قاعد يطفيها والله معادلة صعبه .​

بقول شغله ويمكن اول مره تنطرح بالمنتدى بس ياريت تتقبلونها كل وحده قبل الزواج عندها روتينها الخاص وهمن الريال بس في ظاهره انا اشوفها لمن البنت تتزوج اتبلش المشاكل والنفور اناا متأكده في شئ مو طبيعي قاعد يصير واهو ان الناس مو قاعده تذكر ربها وايد شلون اوكي نصلي نصوم بس يمكن الواحد يكون ملبوس (جن) وما يبين عليه الا لمن يتزوج لان اغلب المشاكل مو طبيعيه مو معقوله ماكو تفاهم وانسجام وبلاوي الجن صاروا يشاركونه بكل شئ لان قل ذكر اسم الله تخيلوا حتى بالجماع اهما يشاركونكم اي نعم لان ماكو ذكر الله قبل الجماع وكل هل كشخه والزينه ما تبون ينعجبون فيكم لان يرونكم من حيث لا ترونهم وراح اقولج قصه قريبه حيل مني ​

وحده متزوجه وقايمه بكل واجباتها وعندها ولد وبنت بس وين المشكله من تزوجت واهي كانت بالغصب تحمل لان قرينها قوي يالله يالله احملت وفوق هذا ريلهاا بطل يجامعهاا واهي ميته يقرب صووبهااا تخيلي من تكشخ واتيي عند ريلهاا يقولها بروح انام او بطني يعورني تخيلي لمن يبي يعبر ما يلصق فيها او يحوشها يقولها لو سمحتي وخري شوي واذا حس ان يبي حوشها وخر نفسه جنها فيها جرب تقولين راعي سوالف اقولج لا والله ريال مسمي ويخاف الله بس اهي فيها العله واهي تدري بس مو بيدها وحياتها شوي شوي قاعده تخترب والريال بلش يمل تخيلي صار يدش البيت يحس بخنقه وصار يطق اليهال انا ما بقولج انتي مثلهاا بس حاولي تذكرين ربج بكل شئ يمكن كان فيج شئ قبل وبالزواج او ريلج لان هذول ما يبينون الا بوقت الزواج يبلشون يشتغلون عالواحد لاحظي نص المشاكل ما دش المخ حاولي طهرين بيتج وشغلين قران ولا تقولين مالي خلق بالعكس ضغطي على نفسج وحاولي تقرين معوذات وتنفخينهم بويهج وحاولي تقرين الرقية الشرعيه بس قبل المغرب وماي مقري عليه انتي سويه بنفسج لا تطلبين من احد يسويلج اناا اول نفسيتي كانت زفت تخيلي لمن ريلي اييني كلا معصبه ومتشنجه واحس هم على قلبي بس الحين تبارك الرحمن من عرفت شنو المشكله انا نفسيتي تغيرت المشاكل خفت والضيقة الخلق راحت
اول شئ بلشي بنفسج وعقب راح اتشوفين التأثير على غيرج ريلج يمكن مافي مرض عضوي يمكن نفسي ونفسي ما ينحل بالقران واطمئنان النفس محتاجه تكون بسكينه واستقرار ​

ادري طولت بس هل نقطه البنات لازم ينتبهون عليها مو كل المشاكل مناا او ان ما نعرف اندير امورنه حاولوا كثر ما تقدرون قبل زواج ولا بعده ذكر الله ما يفارقكم​

 

[•Brown•Sugar•]

الله يصلحه ويهديه

 

[عزتي في عفتي]

حبي انتي اقعدي معه وقولي له انا اخاف يوم بعد يوم يروح الي كان بينا ليه مبعد عني وحسسيه انك مره مفتنه فيه ترا بعض الريايل يحبون يسمعون رجولتهم ومفاتنهم علي لسان حريمهم يعني تقولي له والله اني مره ذايبه فيك بس انت ليه مو معطيني حقي الشرعيه اعرف لك قصه قريتها كم يوم باحدي المنتديات وحده حكيمه عرفت ترد علي زوجها كانت حياتها كذا وتسوي له ليالي حمرا وبالاخير قبل لا يطلع قالت له وهو رايح لدوام خذه هالشريط اتسلي عليه وانت رايح لدوامك اخذه ابو الشباب وشغله اخذ وقت الشريط مافيه شي قال بقلبه يمكن علي الجهه الثانيه ونفس الحاله يوم رد لها البيت قال لها وبعصبيه بعدين اذا بغيتي تهدين اعرفي نقي الشريط العدل هذا كله مدرسه الصم مافي ولا صوت ياهل علي بالك انا قالت له حبي انتي شغلته قال ايه قالت له وتمقلت فيه عدل قال ايه نعم قالت والوجه الثاني نفس الشي تمقلت فيه عدل قال ايه نعم وش تشككني في عمري قالت له هذه هي حياتي معاك وهذه هي حياتك معي شافيه قد ايش هي صامته وبارده وانت من نفسك مليت منه في اقل من ساعه كيف وانا عايشتها معك اربع وعشرين ساعه
عقب الرجال تغير ميه وثمانين درجه انتي ابدي بعمرك >>ان الله لا يغير مافي قوم حتي يغيروا مافي انفسهم <<حياتي ابدي من نفسك حبي حالك تحببين زوجك به اتجهي لربك والله لتلاقينه عندك اسمعي ادعي لربك انه يهديه ووانتي لا تياسي ابد صلي وقومي الليل كل مارغبتي فيه تلقائيا راح ترتاحي من هالمشكله وربي يفرجها لك حياتي واذا بيطلع ودعيه احسن توديع ونفس الشي اذا رد يعني خليك بشوشه له دائما ودك تكوني انه مقصر عليك ولا مقصره عنه انتي صراحه ودك يكون معك الحق ولا هو عليك

 

[It'S Me]

ماقدر اقول غير الله يهديه ان شالله

والشي الثاني اغريه اذا ريلج ماعنده خرابيط مثل ماقلتي و زين و ملتزم صدقيني راح يحتاج حق هالشي ماعليج الا انج تبدلين جدامه تتدهنين جدامه (تحطين لوشن على جسمج) او وانتي قاعده تسبحين تقوليله يبلي فوطتي و تنشفي جدامه حاولي تجذبينه بانوثتج كلش كلش يازتلج اغنيه قومي رقصي عليها صدقيني لابد انه بيطالعج و حزتها يبيج لانه هذي رغبه مايقدر يمنعها خصوصا اذا حلاله جدامه
والله يسخره لج ان شالله

 

[دكتوراه أنوثه]

حيااااااااااااااااتي انتي صيري جريئة ............خلصي عمرج بتنطرين لي متى

 

[• JoJo •]

الله يعينك

 

[miss swan]

واااي الله يعينج انا كل مااولد يصير فيني نفسج
اخر ولاده صارحته عقب ماشاف اني ماالقيه ويه اكشخ واطلع واقط اليهال عند امي وخلاص
قام شافني متغيره سالني
جان اقطها بويهه عاد اعتذر وكان عذره اليهال وحنتهم
​

 

[جادل سبيع]

الله ايعينج حبيبتي ..
انتي خلج عادي لبسي ولا تهتمين عادي هذي بداية الزواج خصوصا اذا كنتي اول وحده ابحياته فيه حياء حبتين ازياده ومايعرف اصول الجماع والقرب وغيره..
مع الحياه بيعرف حبه حبه عادي وانتي عيشي عادي هدي اعصابج ولا تتكلمينه ومدحيه حرام يمكن حاس ابنقص او شيء ماتدرين عنه ولبسي وماعليج من اي شيء خلج كاشخه واستغفري وادعي واهتمي ابنفسج وببيتج ووكلي امرج لله لاتحسسينه بالنقص شيلي هالنضره كلش ملش خلج طبيعيه عشان لايحس انه امقصر واتزيد حالته ترى يذبح الرجال شعوره بالنقص او انه ماهو مرضي زوجته والله اتحسينه اضعيف ومكسور فيعطيج ضهره اكثر انتي تعالي ابحضنه وقوليله انج محضوضه فيه ومن هالسوالف عوديه كل ليله اتنامين ابحضنه اشويه وعقب وخري اشوي اشوي بيتعود ووخري الحزن من حياتج كلش والتفكير بالعكس بتتعبين اكثر واتحسسينه ابتعبج..
شغلي القران فالبيت وسورة البقره تطرد الشياطين استغفري وانتي عوديه ع الحب عشان يتعود وباذن الله اتكونين اسعد ..
الله ايخليلج ولدج قرة عين يارب ويرزقج واييسر امرج وايسخرلج زوجج.

 

[بنت التمايمة]

والله غريب زوجك بس يمكن علشان وضع البيبي اول الحمل فصار عنده عادي انه يجامع كل فترة

 

[كارلوفي فاري]

حبيبتي نصيييييييييييحه سويييها وبتدعيلي
خفي نفسج عليه واثقلي ان شالله لو شهر ميخالف صبري ترا زوجج مافي شي بس انا قريت من اطباء نفسيين بعض الرجال تجيهم رهبه من المراه اللي تطلب فراشها من الرجل
يعني انتي خليج مهتمه بنفسج ولبسج وعطرج بسسسسسسسسسسسسسسسسسس ابتعدي كل الابتعاااااد عن قمصان النوم المثييره اللي بمجرد ماشوفها يعرف انج تبين
خليج على بجايم ستان جنزات وبلايز مخصره تي شيرتات فساتين شيفونات دشاديش ناعمه ومرتبه يعني اللي انتي شايفته حلو ويبرز جمالج
ابتعدي كل الابتعاد عن طلب الفراش 0000 خلييج معاه ضحك وسوالف لعبي معاه العاب طبعا مو زوجيه ( ريسك- منيبولي- جنجفه ) خليج جذابه بالضحكه بالنظره 00ومع اللعب والحماس بيصير اكيد تلامس بالايد او بيلمس جسمج
هني انتي تردين له نظرته فيج البنوته الخجوله وصدقيني راح تثيرينه وترجع رغبته فيج
ترا انتي يجوز صدمتي بطلبج المباشر للعلاقه وهالشي خلى عنده نفووور منج وبعدين احترمي رغبته بانه مايحب احد يشوفه يبدل وانتي بعد خليج على اللي هو يحب ليش تسوين شي هو كارهه
ترا الحل هذا يبيله صبر وصدقيني بتلقين نتيجه وادري ماراح يتجاوب ويمكن مايطلبج للفراش لكن صدقيني شوي شوي راح تروح منه هالعقده ومع الايام راح تعرفين الطريقه اللي يحبها وناقشيه بهدوووء بعدها عن شنو بالضبط اللي يحبه بالعلاقه
ويااختى ترا الرجال قدرات وزوجج ترا من النوع اللي مو شهواني فلا تتوقعين منه اكثر من مره بالاسبوع وكيفي نفسج مع هالوضع
بس ترا هالشي يمكن انتي مو حابته بس مو احسن من الشهواني اللي لدرجه يوصل لشهوه حيوانيه ماتكفيه حتى زوجته وتلقينهم حتى الخدم يتحرشون فيهم والعياذ بالله
وعليج بالدعاء واصبري ان الله مع الصابرين
وصج نسيت شغله عليج بالاكل اللي يساعده اللي هو السمك والربيان والجرجير وبعض الاكلات اللي تنشطه
والله يوفقج

 

[اميره1980]

نـاقشـيه وخـووفيه قـووليلـه أنا ابـي حـقـي الشـرعي أذا مـوو قـادر تعطينياه

طلقنـي لأن هـذا حـق من حـقـووقي ,, يمـكن بعدهـا يـخـق ويـعـرف ويتسنـع !!!

اللــه يعينـك ان شـاءالله ويهـدي لك زوووجـك

حبيبتي انتي تبين تخربين بيت البنيه ؟؟؟ على اي شي على طول طلقني شالسالفة ؟؟


و كلامي الحين لصاحبه المشكلة اقولج كل شي بالتدريج
ترا اغلب المتزوجات لمن يبون يسوون الشيسمونه مو بصريح العبارة بس بالتحرش اول شي
لبسي حقه ملابس اغراء و حركات و سأليه شنو يحب تسويله و كثر ما تقدرين طبقي اساليب الاغراء كلها
تخيلي لو جدامج اكله انتي ما تحبينها لكن مع المقبلات و الاكلة لمن يكون شكلها حلو و مرتبه غصبا عنج راح تاكلينها و الريال جذي و حاولي لا يكون كل يوم علشان ريلج يتشوق لج و مبين ريلج ريال خجول حيييل و ابذلي جهد كبير علشان توصلين حق هدفج
موفقة

 

[كادى الحب]

اللة يسخرة لج

 

[قلبي عبدالله]

الله يهديه ويسخره لج

 

[كـ غلا ــلي]

ما بي احبطج بس انا مثل صار لي معاه 4 سنين وهندي منه ولد وضعي مثلج واردى بعد وما طحت عالسر الا قبل سنتين

طلع الحبيب مدمن لفلام اباحيه ويمارس السريه طبعا سويت سيرجات وذبحت عمري عشان اعرف اشلون اعيش حياه

طبيعيه تحلم فيها كل بنت من اول ما تتزوج وللاسف ما لقيت الحل لكن بفيدج بشغلات اذا لاحظتيها عليه بتعرفين اذا يمارس ولا

طبعا انا اللي عندي واصل لحاله الادمان بالعاده السريه :

1- ما يقرب منج الا بكل جم شهر مره او بالشهر مره تبين تعرفين ليش لانه اللي يطالع الافلام هاذي تنطبع صور البنات فيها
وطبعا ما يخفى عليكم انه هالبنات اجسامهم ومفاتنهم اوفر الصدر المشدود والموخره البيرفكت والبياض والجسم الناعم الاملس
فاهوا لو شنو مرته حتا لو ملكه جمال مقاييس الجمال عندها عاديه ما تقايش بنات الافلام فما يلتفت لمرته حتا لو الكل يتغزل
بجمالها تقولين عمي فتلاقينه كله يحط اعذار وما يبي يجامع مرته لين درجه بعضهم يقول لمرته ما اقدر شكلج يخرعني او اشوف
شي مقزز عرفي انها تصريفه لا اكثر ولا اقل والزوجه المسكينه تشك بعمرها

2- اللي يمارس السريه يتعود وانتو بكرامه علا قبضه ايده فمهبل المره حتا لو لو ما سبق لها الانجاب او حتا لو نجبت سوت تجميلي ما تونسه لنه مثل ما انتو عافين قبضه الايد اقوى

3- اللي يمارس السريه ينزل بسرعه وهالشي يصير غصبن عنه لا ارادي عشان جذي الكل يحذر من الابتعاد عن ممارستها
فالزوجه اهنيه تحس بالحرمان العاطفي وانه حاجتها ما اشبعت للحين

4- طبعا اللي يمارس السريه لي درجه الادمان مستحيل يبادر لانه مكتفي ذاتيا فالمره المسكينه اهيا الحلقه الاضعف واهيا اللي تركض
وراه وهالشي يحسسها بالذل لي ردجه تحتقر نفسها وتحس بانه كرامتها انداست وطبعا حتا لو مرته بادرت اعذاه وايده اما تعبان ولا يخاف لا تحمل المره ولا نفسيته ما تسمح ولا يحس بضيجه

5- سمه مشتركة باللي يمارسون العاده الوازع الديني عندهم ضعيف الى منعدم منهم اللي يصلي مره اي ومره لا ومنهم اللي ما يصلي خير شي فحتا لو حاجيته بالشرع والدين انتي الخسرناه لانه باختصار ما يعرف ربه .. ريلي جذي للاسف

6- يستغل الفرص عشان يشوف عسا ما طلعتي مكان ولا شي استغل الفرصه وشاف ولانه ادمان ففيلم واحد ما يكفي يظل يطالع واللي شافه من قبل فتره لين رجع يشوفه ما يعود يغريه فتلاقينه يدور عالايد والايد وطبعا الزوجه المسكينه اهيا يا دوب توها ما خذته ولا جربت حياه زوجيه من قبل فما عندها الخبرات اللي موجوده اب هالافلام فعشان جذي حتا لو تكشخت ما يشوف لانه بنات الافلام مو بس لبس حتا حركات قذره الانسان الطبيعي يترافع عنها

بالاخير الزوجه اللي مثلي ومثلج اذا تبي حياتها تمشي بتظل تسوي روحها عميه ما تطالع عشان تظل متزوجه وتحتسب الله والاجر من عنده لانه فعلا صعبه وجهاااااااااااااااد جهاد لرغباتج جهاد وانتي علا ذمه ريل او انج تنفصلين

 

[{ ليت ظني كآن صآيب }]

كلي غلااا الله يسخر لج زوجج يارب ويهديه

حاولي تشوفين له حل ؟

حرام تعيشون جذي

 

[وَرْدَة الْقُلُوْب]

لا اله الا الله
لاحول ولاقوة الا بالله العلي العظيم
تقريبا انا كنت نفس حالتج
لكن مو باول زواجنا بعد ولادة بنتي شفته تغير لما عرفت السبب
وحلينة المشكلة بهدوء
والحمدلله صارلي عشر سنين معاه
فانتي اصبري وعرفي شنو المشكلة وحليها معاه
في كثير من المشاكل تكون بين الرجل والمراة بس مو لازمينها بايدننا
ووقتها راح ترتاحين من الحالة اللي انتي عايشتها
وربي يوفقج ويوفقنا