زوجي اعترف

[قمر البيت]

رد : زوجي اعترف

الله يجزاج خير بس و الله فكرت اقوله هالكلام بس ما اقدر لما اطلع معاه عيونه تطير ع البنات و اذا طلعت فنانة يقولي يا كبر صدرها و انت صدرج صغير و انتي سمرة و يتطنز اانا انسانه حساسة و رومانسية ة المشاعر و دايم متضايق و اهو ما يحسسني بالرومانسة صار مملل مقصر من ناحية الكلام الحلو يشبع رغبته وبس ودي اهتم بنفسي لكن يقولي شعرج قصير و انا احب الشعر الطويل يحسسني انه مو عاجبه شكلي و لكن يحلف انه يحبني

 

[بروريتآ]

اي وبعدين

 

[باربيه قطوه]

هذا استعباط اكيد واحد مبييييييييييييين

 

[قمر البيت]

رد : زوجي اعترف

لا أنا وحدة الله يسامحج

 

[f@rsaq8]

صاررروخ هااا و الله مايخلص كلامة الا رااااجمة صواريخ تلعب على راسة ..

 

[خشف بدو]

انتي شنو تستهبلين ولا شسالفتج..
وين قاعدين يخليج تكلمين رفيجاته ولا يكلم رفيجاته قدامج روحي استهبلي على ناس ثانيه حمدلله والشكر

 

[wawiya]

مالوم رجلج فيج على هالاسلوب هذا اذا كنتي صج انثى

 

[ام جوري89]

الحين شفيكم ع البنت ؟ ما احس انها تجذب !

وبعدين خشف بدو من صجج ؟ الف واحد يسويها مستغربه هالشغله ليش !

حبيبتي كملي قصتج عشان نفهم !

 

[*سوسو ستار*]

حبيبتي هذا مااضي وكل ريال وعنده خرابيط قبل الزواج وخلاص هالشي انتهى الحين انتي زوجته وام عياله انتي اللي اختارج وتزوجج ويحبج لو ان يحب وحده من هالبنات اللي يعرفهم جان تزوجهم ليش تزوجج انتي انا اقول لاتسمحين له يسولف بهالامور جدامج وقوليله ان هالشي يضايقج وماتحبينه يسولف فيه وبس قفلي على الموضوع وانسيه وحاولي تهتمين بشكلج اكثر ولاتقصرين معاه لاتخلينه يحن للماضي ويرجعله خليج واثقه من نفسج مهما عييب عليج اسمعي من اذن وطلعي من الثانيه خليه يشوفج واثقه من نفسج راح تحلين بعيونه اكثر انتي نفاس او حامل ؟


ترى شي طبيعي نفسيتج تكون تعبانه ومالج خلق لشي وطبيعي انج تكرهينه عادي لاتحاتين حبوبه



والله يسخره لج ولايشوف غيرج يآآآآآآرب

 

[Čut!e Quèéи]

عادي اغلب الرياييل جذي

بس طريقة بالاعتراف مو حلوه بايخه حيل

وبعدين ترى مانقدر نحاسب ازواجنا على ماضيهم لان وقتها ما كنا بحياتهم

مثل ما احنا ما نحبهم يحاسبونا على ماضينا سواء كان عندنا شي اولا لان ما يحق له

عموما طوفي مالج شغل بالي راح و قولي له ياخي احترمني تراني مرتك مو رفيجتك تقولي جذي

احشمني ولا تتكلم عن ماضيك مابي اعرف شي منه كلش موضوع انه يتكلم جذي عن البنات هذا قليل ادب ومابي اغلط فيه عيب

و موضوع ان شكلج مو عاجبه هذا مو معناته ما يحبج لا عادي ياختي اذا يبي شعر طويل طولي شعرج و ركبي ستيشن على ما يطول

سوي له الي يحبه عشان يسوي لج الي تحبينه كل الي اقصده سهليها تسهل لا تصعبين الامور وانتو توكم متزوجين بس واضح ماعنده اسلوب كلش

 

[مدام زيزو]

رد : زوجي اعترف

تعلمي ماتذكرينه بالماضي عشان ما يحن
وكل انسان عنده ماضي وسوابق
واذا الله ستر عليه او عليج خلاص لا تفتحون الماضي وانسي وعيشي حياتج يبه
بالاخير اهو تزوجج انتي

 

[أبله كويتيه]

رد : زوجي اعترف

اهم شي


لا تتكلمين بالماضي مره ثانيه حبيبتي

اهما الماضي بس انتي الحاضر والمستقبل انشااءلله طاف طاف عشان ماتحرين روحج عالفاضي

 

[الفدنه]

حرام عليج اللي قاعد تسوينه بزوجج
اتقي الله

 

[pusy cat]

لا تسمحين له يقولج هالكلام

الله يهديج بس اذا شافج بارده جذي راح يقول هذي عادي عندها ويكمل خرابيطه ولا يعمل لج حساب

اذا فتح هالموضوع مره ثانيه طنقري عليه قوليله خلاص انا طوفتلك هالكلام جم مره بس انا ما استحمله ترضى اقولك اني كنت اطلع مع شباب ؟؟

الله يهديج انا احتريت على كلمته اشلون انتي عادي عندج !!

 

[يعني أني]

رد : زوجي اعترف

بـ صراحه انا اشوف انج انتي صغيره بالعمر هذ الواضح وزوجج بعد جذي

واكبر غلط انج سمحتي له انه يوريج سخافته

لانه بعدين راح يمارس هالسخافه جدامج ع ابو انج داريه وعارفه


واللي راح يتعب نفسيا اهو انتي بالدرجه الاولى

تصرفج غلط

حاولي تصلحين اللي سويتيه

وبنات تعلموا من تجربتها

لان هذا زوجج مو رفيجتج عشان تمونين عليه بـ هالسوالف


والله يهديكم

 

[ام جوري89]

حرام عليج اللي قاعد تسوينه بزوجج
اتقي الله

@@

شسوت المسكينه @@!

استغفرالله بس :\
​

 

[Ba$ko0oTa]

لا حول ولا قوة الا بالله
الله يكون بعونج

 

[DooLy88]

لو انا جان صج بموت يا قوا قلبج

 

[kut2101]

رد : زوجي اعترف

الله يهديه لج

 

[wa7shnii zmank]

رد : زوجي اعترف

ساكته وتسمعين كلامه ليييش !!

شلون سمحتي لنفسج ؟

المفروض فهمتيه ان اللي يقوله غلط وعيييب عشان يعرف يحترم مشاعرج

والا ساكته وتسمعين عشان ترضينه على حساب نفسج !!

الله يهديه ويسخره لج