زوجي العزيز يريدني أن أنجب طفلا...

[الجوري2008]

السلام عليكم ورحمة الله وبركاته....
موقعكم يجنن ويحسسني اني مو وحيدة في هالعالم رغم المسافات اللي بيننا (أنا من السعودية)
حبيت اشارك الحريم اللي يعانوا مثل معاناتي أنا متزوجه صار لي سنتين وشهرين عندي تكيس مبايض ومافي تبويض أصلا قال لي الدكتور العلاج يحتاج وقت وصبر لاتستعجلي على فكرة بعدي صغيرة عمري 23 لكن انا وزوجي نبغى يهال وزني 72 وطولي 170 تقريبا الدكتور يبغاني اخفف وزني على الاقل لين65 عشان يبدأ معي المنشطات لكن نحفت واجد واحس جسمي ماراح يكون حلو لو ضعفت اكثر من شديه
المهم وانا اكتب هالكلام عيوني تدمع لان زوجي :0bee2e8d89:
يفكر في الزواج مرة ثانية لكن مو الحين في المستقبل انصدمت هو يحبني واججججججججججد وقال لي مستحيل استغني عنش ويوم ثاني احسه تضايق انه صارحني بكلامه ويحاول يطيب خاطري ويقول لي انا مابي عيال الا منش بس من يومها وانا متضايقه واحس انه في اي وقت بيقول انا بتزوج
انا اتعالج ومو ساكته عن نفسي لكن هذا بيد الله مو بيدي شسوي قولوا لي

 

[سراج الليل]

الجوري يسعدني أكون أول وحده ترد عليج وحياج الله بينا ياعمري

حبيبتي المفروض زوجج مايقولج هالكلام بالذات هالفتره وهم أنا مستغربه في شكثر قعدوا على 5 و8 سنين ماحملوا حريمهم وماقالوا بيتزوجون


نصيحتي لج بهالفتره حاولي تقربين منه أكثر من قبل حالي تنسينه هالفكره تدلعي والبسي ودلعيه وهم أنتي انسي سالفة الحمل وخلي زوجج بين عيونج وقوليله هذا اختبار من الله بيشوف صبرنا على هالإبتلاء والله مايبتلي إلا الشخص اللي يحبه وقوليله في ناس مثل حالتنا والله رزقهم بس أنت اصبر وهم قوليله هالتأخير يره لنا يمكن لو الله رزقنا من البدايه يمكن يكون معاق وراح نتعذب وهو يتعذب ويمكن يكون عاصي فينا إذا كبر


عساها خره لكم

الله يرزقج بالضنى الصالح المعافى عاجل غير آجل

 

[.>حــــــــ(و)ـــراء<.]

ياعمري عسى الله يرزقكم بتوأم عاجل غير اجل يارب

و ان شاءالله يارب تحملين برمضان وتعيشين مرتاحه مع زوجج يارب

 

[شاي اخضر]

الله يرزقج ان شاء الله بعدين حبيبتي شكثر كان فيهم تكيس وحملوا بإذن الله تعالى ..

 

[كويتيه مذهله 87]

ميخالف تصبري يقلبي واستغفري اذا فتح معاج هالمووضوع قوليله لو هالشي بيدج جان من زمان حملت وعطيتك الضنى بس هالشي بيد رب العالمين ومحد يقدر يعارضه

 

[bint_looda]

عليكم بالاستغفار وقيام الليل وطلبي ربج صدقيني مايرد عبد يطلبه خايب
تأكدي ان كل شي يصيرلكم اكييف فيه خير لكم واجر الصبر عند الله عظيم
الله يرزقكم الذريه الصالحه عاجلا غير اجل ويترسون عليكم البيت يارب

 

[ياليتني....]

ان شاء الله ربي حبيبي يرزقج انتي واللي يبيه .. اللهم امين

لا تخافين حبيبتي رحمة الله واااسعه وماينسى احد

<< انا كان عندي تكيس بالمبيضين اثنيناتهم وهرمون الحليب كان عالي حييل وميلان بالرحم ولزوجه وحموضه بعد .. بس مافقدت الامل

والحمدلله والشكر ربي مانساني لاني مانسيته ... ياربي لك الحمد بعد ثلاث سنين وشوي حملت

والحين عندي بنتين وولد الله يخليهم لي وعسى يومي قبل يومهم

وعساج ان شاء الله انتي وغيرج اللي يبون تشيلونهم بين ايدينكم ويرزقكم الله سبحانه بالذريه الصالحه وتقر عيونكم بشوفتهم ... اللهم امــــــــــــــن

 

[الصابره]

الله يرزقج ان شاء الله حبوبه ولا يفكر زوجج انه يتزوج عليج كلش

اعتبري نفسج بين اهلج ولا يضيق خلقج

التكيس له علاج وكل شي بالمرأة له علاج لكن الرجل اذا كان فيه شي مافي علاج غير طفل الانابيب والحقن المجهري

فإن شاء الله كلها مسألة وقت تصبري والله بيعوضج عن قريب قولي آمين

والله يرزق الجميع

 

[الجوري2008]

تسلموا حبايبي مشكورين ماقصرتوا صراحه رفعتوا معنوياتي واجد يكفيني دعائكم الصادق اللي من قلب هذا يسوا عندي الدنيا ومافيها مشكووووووورين الحمد لله على كل حال اسعدني تفاعلكم مع موضوعي انا عارفه ان خواتي لكويتيات مستحيل بيخلوني شكرا.......

 

[فتكات بنت كيداهم]

مرحبا يالجورى ياهلا فيج وانتى انشالله بين خواتج - التكيس على المبايض علاجه بسيط تاخذين حبوب منع الحمل لمدة شهر او شهرين وتسوين بعدة سونار راح تشوفين ان التكيس صار حجمة اقل او راح وما يصير تبويض دام فية تكيس على المبيض وتسوين بعد السونار تشوفين ان التكيس راح تاخذين علاج للحمل - وانشاللة تبشرينا

على فكرة انتى قلتى ان مافى تبويض شلون الدورة تنزل ولا لأ

 

[Emanova]

هلا فيج في منتدانا ..والله هو الرزاق الكريم ....

 

[تمر حنا]

ماحبيت اطلع بدون رد والله يرزقج يارب ومشكلتج بسيطه باذن الله والله يكتب لج الحمل عن قريب

 

[الجوري2008]

حبايبي ماقصرتوا بس انا الدورة ماتجي الا بعد ماأخد الحبوب واستخدمت الدفيستون من 2 الى 3 شهور تقريبا وقال الدكتور خففي وزنش يمكن يصير في حمل بدون شيء وعلى الله

 

[أسيل]

حياااااتي انت ...................الله يكون بعونج

هذا رابط موضوع من مواضيعي انشاءالله راح يفيدج وقولي لزوجج عنه وانشاءالله يوافق عليه وتتيسر اموركم والله يرزقكم الذريه الصالحه والمعافاة وتسمعين كلمة يمه قولي آآآآآآآآآآآآمين يااااااارب انت وكل محرومه

وهذا الرابط

http://q8yat.net/showthread.php?t=165688

 

[أسيل]

واقرئي الموضوع صفحه صفحه لأن المعلومات متوزعه بالصفحات على حسب اسئلة البنات وردودي عليهم...........

وشكثر بنات حملوا هناك واوزانهم كبيره ما اعتقد الوزن مشكله لهالدرجه وحبيت اسألج وين تراجعين بالسعوديه؟؟؟

 

[الجوري2008]

في مستشفى الصادق عند أستشاري كبير وشاطر أسمه صلاح هو مصري وكبير في السن وعلى الله دعائكم يكفيني الحمدلله على كل حال

 

[أسيل]

انا اللي سمعت عنه مستشفى سعد التخصصي الدكتوره سهام العاكوم حييييييييل يمدحونها ويقولون ماشاءالله شاطره وبغيت اسألك خذيتي فكره عن موضوع بلجيكا شرايج

 

[أسيل]

عملية اطفال الانابيب كم تكلف تقريبا بالريال السعودي؟؟؟؟؟

 

[Coffee-Girl]

ياقلبي ياجوري الله يرزقج ويرزقنا بتوام المعافى وانتي لا تحاتين خلي املج برب العالمين وكثري استغفار ودعاء وانشالله

اتبشرينا انج حامل

وانصحج قبل كل شي حللي هرمونات يمكن ايكون عندج هرمون الحليب مرتفع وهذا علاج باذن لله سهل

 

[مبدعة]

اول شي انصحج فيه وانتي انشالله علاجج سهل و فرصة حملج كبيره لانح صغيره و ممكن تحملين بالتوائم بسهوله باذن الله بس سمعي هالنصيحة مني زييييييييين و طبقيها بحذافيرها

اولا : الزمي الاستغفار من اليوم على طول عسى ما تكونين ساكته و الا لسانج يستغفر بنيه الانجاب يعني خلي نية استغفارج للرزق بالذريه الصالحة

حتى وانتي رايحة الطبيب و انتي تنتظرين الموعد تدرين النطره في المستشفى ممله دائما استغفري و قولي لا اله الا انت سبحانك اني كنت من الظالمين بطريقة مستمره
ثانيا : على طول التزمي الدعاء باسم الرزاق و الوهاب .. الرزاق يرزقج الذريه الصالحه و الوهاب يهب لك الذريه الصالحة كثري منهم كثر ما تقدرين

ثالثا : التوكل على الله قبل الدكتور و خلي توكلج صادق مو تروحين الطبيب الفلاني لانه شاطر لا و 1000 لا هالفكرة شيليها من بالج لان اتكالج بالله اهو السبب الرئيسي في الرزق و ادعي دااااااائما ( اللهم ان كان في علاجي هذا خير لي فيسره لي و ان كان فيه غير ذلك فاصرفني عنه .. )
بس لو كنت من الداخل مو مقتنعه ان الله اهو اللي يكتب لج الرزق سواء عاجلا و الا اجلا ما راح ينفعج اي دعاء تدعين فيه

لازم تكونين مقتنعه اقتناع تام ان هالشي بيده سبحانه ..

انا في بداية علاجي رحت حق طبيب كل من امدحه و طيره السما و الصراحة اتكلت على الطبيب انه شاطر و كنت من اول عملية متفائلة 1000 بالمية اني حامل لكن الصدمة اني ما حملت و حسيت انها صدمة كبيرة بالنسبة لي

بعدها و بعد تفكير طوييييييييل عرفت شي و سبب رئيسي لعدم نجاجها

اكتشفت اني يوم رحت للدكتور كان اعتمادي عليه كبير صج اني كنت ادعي و استغفر بس كنت بنفس الوقت اقول لا الطبيب شاطر و يقدر و انا علاجي سهل و انا ما فيني الا شي بسيط ووو

المرة الثانية رجعت لنفس الدكتور لان الاجنة المحمده عنده فاضطريت ارجع له لكن رجعت بنفسيه ثانيه

رجعت بعد الالتزام بالاستغفار و التوكل عليه سبحانه توكل تاااااااااااااام وكنت ملتزمة بدعاء التوكل و ان كان فيه خير ييسر و ان كان في غير ذلك يصرفه عني و كنت رايحه المستشفى و انا اقول كل شي له حكمة سبحانه ان كتب لي هالمرة خير و وان ما كتب لي الحمدلله ايضا خير لي

وقت العملية قال لي الطبيب للاسف الاجنة المجمده كلهم ماتوا و ما عندح الا جنين محمد واحد !!

بالنسبة لي كانت صدمة دمعت عيني لكن رجعت في نفسي وقلت لاااااااااا انا داعيه ربي لو ما فيهم خير ما يرجعونهم لي و اكيد ربي استجاب دعائي و طلع ما فيهم خير

سوا لي العملية و رجع لي جنين واحد و رديت البيت و انا متوكله على الله سبحانه و تعالى و نفسيتي احسن من المرة الاولى

المرة الاولى كنت ما اتحرك و لا اروح وكله على السرير نفس كلام البنات لا تتحركين و لا تسوقين و لا تداومين

هالمرة عشت حياتي طبيعي كنت اسوق السياره وكنت اروح السوق و ونست نفسي عالاخر

لان الانتظار الاسبوعين بعد العملية متعب

بعد 9 ايام حسيت باشياء غريبه تحصل لي بس ما كنت متوقعه انه ممكن يكون جمل

باليوم العاشر رحت حللت دم و رديت البيت و نسيت اني حللت لان مو في بالي كلش

و ماشاء الله وماشاء الله ماشاء الله تبارك الله و الحمدلله ربي تمم لي الحمل

هني عرفت انه فعلا الاستغفار و التوكل على الله سحرررررررررر و مو اي سحر

لكن فيني ناس وايد يعتبرونه كلام فاضي اللي انا اقوله و فعلا مرة وحده قالت لي هذا تخلف علمي و ان الطب تطور

اللهم لك الحمد حمد كثيرا طيبا مباركا فيه كما ينبغي لجلال وجهك و عظييييييييم سلطانك

بالاخير اتمنى ان ربي يرزقج بالللي تتمنين و ييسر امرج و لا تعتبرينهم مشكله او عائق بالعكس الطريج جدامج طويل وانتي توج صغيره الحمدلله و بالنسبة للوزن الامر سهل لان ما تحتاجين وايد مجرد 6 كيلو خلال شهر تقدرين تقضين عليها

الله يرزق كل من يتمنى

و اسفة عالاطالة