زوجي بيعطيني 500 دينار بس بشررررررط،،،،، تعالو شوفوا الشرط

[ملااااك الروووح]

اشلونكم كويتيات وخليجيات
بنات تكفون ابي همتكم انا زوجي قالي بعطيج 500 دينار اذا




اذا




اذا




اذا
وصل وزني 55 انا الحين وزني 69 وطولي 163 يعني مليانه والحمدلله شايله الوزن بطولي وبصراحه انا احب الرشاقه بس من عقب ولادتي شهر 9 ماني قادره انزل،،،،،،،وزوجي الحين امسافر وبيجي بعد شهرين ودي اذا جا اصدمه بنيولوك وآخذ ال500 وانا فرحانه ومستانسه بجسمي ،،، وزجي قالي اشتركي بدايت سنتر يقول رفيجي ضعف عليه،،واليوم خذيت موعد عندهم،، وانا بطبعي احب رياضة المشي على الريج،،،

بس بنات عفيه ابي تجاربكم مع داينت سنتر،،،،، وادعولي اني اوصل لوزن 55 ،،، لما كنت بنت كان هذا وزني :eh_s(16)::eh_s(16):
بس الحمدلله على الصحه والعافيه
واللي تفيدني بتجربتها الله يعطيها مليون عافيه وعسى ايدينها ماتمسهم النار ،،،،، والله يوفقكم حبيباتي:aha::aha::aha::aha::aha::aha::aha::aha::aha::aha::aha::aha::aha::aha::lolo:

 

[صبرت ومل الصبر]

الله يوفقج بس ماعندي فكرة

 

[Fashion]

ما عندي اي فكره

وان شاء الله البنات يفيدونج

وفالج 500 لووووووووول

 

[عبق البنفسج]

أنا عقب ولادتي قبل سنة ونص تقريباً أو أكثر زاد وزني وايد خلال الحمال .. قبل الحمال كان وزني 58 وبالحمال زاد وزني من 27 كيلو تقريباً :eh_s(2)::eh_s(2):

عقب الأربعين قللت أكلي وفي وايد شغلات لغيتها من حياتي من البيبسي سواء الدايت أو العادي .. الكاكاو والجبس الي هو غرامي بدلتهم بكاكا الدايت وجبس لووو فات أو خالي الدسم .. .. الخبز والتوست بدلته بالتوست الأسمر .. الغدا والعشا سويته وجبة وحدة وعادي يكون فيهم عيش أو معكرونية لأني ماقمت آكل وايد
ومرتين سويت رجيم بو اسبوع قريته هني بالمنتدى .. أول مرة نزلت بالاسبوع 5 كيلو وثاني مرة عقب ماخلصت نفس الرجيم كملت اسبوع ثاني بس مانزلت غير كيلو واحد والي عرفته عقب ان هالرجيم لازم تسوينه مرة وحدة بس كل جم شهر ..
الرجيم عبارة عن يومين تفاح أخضر، يومين لبن، يومين كيوي أو اناناس وآخر يوم كيفج بس مايكون أكل فيه نشويات بنسبة لي كنت أخليه يوم فواكة على فكرة كنت ممكن انزل أكثر بس أنا خلال الاسبوع مرة كليت وجبة البحار من شرمبي :ggdw: ومرة كليت بطاط

والشي االثاني الي مستمرة فيه اشرب ماي وايد وايد وايد الصبح وانا رايحة الدوام اشرب بطلين ماي وبالدوام بعد اشرب بطلين ومرات ثلاث ولما ارد البيت واذا اطلع معاي بطل معاي

ووزني نزل شوي شوي لأني ماكنت شادة على نفسي والحين الحمد الله وزني صار أقل من قبل الحمال .. :ggdw:


انتي الحين جربي اسبوع واحد بس الرجيم الي قتلج عنه وشوووفي

 

[ملااااك الروووح]

مشكورين حبيباتي على ردودكم
والله يعطيج الف عافيه ياعبق البنفسج على شرحج الوافي

 

[مرمووور]

مااعندي فكره عنه
بس إذا تحبين الريااضه شئ حلوو
آستمري على دايت سنتر واهم شئ الرياضه
وإن شاءالله تضعفين بصحه وعاافيه

 

[مشاعل البحرين]

اما ريلج ماعنده سالفه هالرياييل هذوله لازم يعطون بطلعت الروح المفروض يعطيكي 500 دينار بدون شروط والله احنه نستاهل اكثر من كذا ع العموم اذا مقصده يعطيج دافع عشان يخف وزنج وتنتظمين ع الرياضه والرجيم هذا شي ثاني
سمحيلي بس خذتني الحميه لبنات جنسي هههههه
شوفي اتبعي نظام العشه الساعه 6 وقفلي بوزك خير شر من بعدها والصباح تريقي بدري والضحى كلي لك وجبه خفيفه والضهر تغدي بدري يعني 12 وشي والعصر كلي وجبه خفيفه والعشه مثل ماقلت لج الساعه 6وبين الوجبات مو بعدها شربي شاي اخضر 3 مرات باليوم واشربي ماي كثر ىماتقدرين وشوفي الفرق في اسبوع وربي بيفرق وزنج باذن الله هذا برنامجي الي خسسني وايد بلا رجيم بلا خرابيط
واذا تبين زياده الخير سوي رياضه مشي ساعه وانتي جوعانه كل يوم وقولي باي باي ل وزنج واهلا وسهلا ب 55 كيلو باذن الله

 

[#تولين#]

ما عندي خبر بس أحسه سهل يعني كم 14 كيلو تقدريييييين بس خلي عندج إراده وأهم شي الرياااضه وأبحثي

وفااالك 500

 

[ملااااك الروووح]

بنات تبون اصدمكم،،،،،،
انا اكثر اكلي خفايف يعني زيت وزعتر واجبان يعني العيوش والمعكرونه مااحبهم بس
مشكلتي احب الشوكولا حتى الشبس مااحبه

 

[حصه11]

جربي اسامه حمدي واتبعيه بحذافيره + امشي وااايد عشان جسمج يشد والعبي ايروبيك

 

[Tom ♥ Jerry]

،


ونااااااسه قاعد يشجعج بعد شتبين
اشتركي بدايت سنتر .، امي اشتركت و صج ضعفت .،
يعطونج وجبات بس وجباتهم تكفي يعني تشبعين عليها
و الله كنت اكل مع امي الوجبات .،
و ينوعون بالأكل يعني مآ يعلقون على نوع وآحد

مع الرياضه كل يوم و اشتركي بنآدي بعد
و آن شاء الله تضعفين
يقولون قشر القهوة يضعف وآيد
شربيه من اليوم ليه شهرين جدآم رآح تضعفين صدقيني .،
كل يوم حطي قفشتين قشر قهوة بمطآره وسط
و شربيها كلها !
تلاقينه بالحواي اخذي الي مو مطحون و آنتي طحنيه بالبيت انظف

 

[ألمـاااس]

ان شاء الله يا رب توصلين للوزن الي تحبينه

انا طولي قريب من طولج (164)

ووزني اقل بشوي من وزنج (67)

واحس وايد زين الجسم متناسق مو ضعيفه عصله لاااا

احس فيه اماكن راهيه ههههههههههههه

تمنياتي لج السعاده وفالج ال500

وووو

اب
اب اب
اب اب اب
اب اب اب اب
اب اب اب اب اب
اب اب اب اب اب اب
اب اب اب اب اب اب اب
اب اب اب اب اب اب اب اب








​

سبحااان الله وبحمدهـ .. سبحان ربي العظيم .. استغفرهـ وأتوب إليهـ
عدد خلقهـ .. ورضا نفسهـ ... وزنة عرشهـ ... ومداد كلماتهـ ..
اللهم أرحم المسلمين والمسلمات الأحياء منهم والاموات
اللهم أرزق المسلمين والمسلمات في مشارق الأرض ومغاربها
اللهم عافهم واعفو عنهم وارزقهم ما سألوا يا أرحم الرحمين
​

​

 

[ياحُبِي لِلكويت]

ماشاءالله حلووه التشجيع بس لازم أيراده واصرار منج انج تضيعفين بس حطي فبالج شويه موسيده تمنعين روحج من الاكل .. انصحج بدكتور ينظم اكلج والمهم الرياضه ,, او اذا ماتبين تروحين لدكتور الله يخلي قوقل ^-^ دشي واستفيدي من تجارب البنات ... وموفقه ياارب ان شاءالله 500 فمخبااتج والمهم صحتج

 

[لمسه ضياء]

والله زوجج غير عن الباقي


ياليتهم كلهم بنفس تفكيره يدرون الرشاقه


الله يوووفقج ​

 

[مجبورة احبك]

انتي مثلي بس انا اقل من وزنج بوايد بس عيبي قصيرة
صراحة انا اكثر شي شجعني النادي لان شي انتي دافعة له
ومجبورة انج تلتزمين فيه ترى انا مثلج العيوش والاكل الثقيل
ما احبه بس انا اتوقع من الأجبان أخذي قليلة الدسم وترى ريلج
بعد شهريين راح ييي يعني يبيله تشدين على نفسج
بس لا تاكلين شي غير وجبات الدايت سنتر والفواكه كثري منها
خاصة الكيوي والأناناس يضعفون الجسم شربيهم ثلاث مرات باليوم
راح تحسين بفرق كبير واخذي من وحدة تثقين فيها أعشاب علشان اسرع
بس اهم شي الرياضة علشان ما يترهل جسمج وبدلة السونا لانها تضاعف
نشاطج هذا احسن ريجيم سويته قبل العرس ونزلت فيه ١٣ كيلو بشهر واحد
بس واختي امتن مني مشت عليه مدة أطول خسرت ما شاء الله ٢٢ كيلو صارت منيكان
أهم شي الفاكهة والشاي الاخضر علشان يصير عندج طاقة للرياضة

 

[شوق@ذوق]

الله يضعفج من غير شر يارب وتوصلين للوزن اللى تبينه

 

[mejo]

احلى مافيه زوجك انه محمسك الله يخليه لك يارب

اهم شي خففي من اكلك امشي كثير ترا سباحه حلوه وتنحفك لو لعبتي رياضه داخل مسبح ماتحسين بتعب

اهم شي ارقصي رقص زين

 

[النــــــــــور]

انا نفسج وزني تقريبا 67 تعرفين انا كنت مشتركة في نادي فلكس:ada:
ونزلت تقريبا وزني 57كيلو بس من تركت النادي زدت ف شكل :weight_lift:
مو طبيعي حتى عن اول:krkrkr:
:bbbiu: وانا مثلج محتاجة للنصيحه بس بسأل
شنو هذا الدايت سنتر اول مرة اسمع عنه ياريت تخبروني عنه :080402ask_prv::stars::stars::stars::stars:​

 

[وهج السعودية]

انا كان وزني 66 والحين 55
كله من الصيام ... يعني ما آكل إلا وجبه وحده في اليوم !!!

 

[ملااااك الروووح]

مشكورين على كل ردودكم الحلوه
وبالنسبه لسؤالج ياالنور عن دايت سنتر هذا مركز متخصص بوجبات الرجيم وفي عندهم مختصيين
بأكل الرجيم ويتابعونج جم نقص من وزنج ، واهم اللي يوصلون الوجبات للبيت عندج واشتراكهم ب ٢٠٠ دينار بالشهر ،،،،،،، علشان جذي
قاعده اسأل عن تجارب البنات الحلوات فيه....