زوجي بيعطيني 500 دينار بس بشررررررط،،،،، تعالو شوفوا الشرط

[ملااااك الروووح]

مشكورين على الردود،،،
آنا بديت من أمس بدايت سنتر،،،وأدعوا لي بالتوفيق الله يخليكم

 

[الفدنه]

يارب تضعفين بصحه وعافيه
زوجج يونس احب اللي يحب يشوف مرته بشكل حلو ويطلب منها اشياء
معناته انتي مهمه بالنسبه له
ويحب يشوفج دايما بيرفكت <<مو مثل ما قالت الاخت التاجره الامينه
اللي يطلب من زوجته تكون على الستايل اللي يحبه معناته انه يبي يستانس معاها
والله يديم المحبه بينكم ولا يفرقكم

 

[الفدنه]

موفقه يارب
وياليت تحطين لنا يومياتج
وبالاخير جم نزلتي<<حدي تفاعلت مع الموضوع
ههههههههههههههههههههه

 

[ملح الدنيآ.]

ماعندي فكره عن دايت سنتر

بس اشتركت بدايت كير رووووووعه وصج ضعفت وكان اشتراكي بـ200 دينار

وان شاء الله تضعفين بصحه وعافيه وتاخذين الـ 500 ^_^​

 

[NOONOOO]

الي اقدر علية اهو اني ادعيلج الله يوفقج ويسر امرج حياتي

 

[][ sarah ][]

حلوووو مشجعج اشتبين بعد وفوق هذا مريحج شهرين يعني اخذي راحتتتتتج عدل
اشتركي بنادييييي سوي رياضه ثلاث ساعات ترا يضيع الوقت وماتحسين + انتي مشتركه بدايت سنتر + شوفيلج خلطه من خلطات البنات اللي تشد على تضعف
يعني استغلي سفره عدل لان هالخلطات ريحتهم مو شي شوي

 

[الدلع ذابحني]

اب
اب
اب

 

[ملااااك الروووح]

الله يوفقكم يابنات يارب،،، والله شجعتوني حيل
الله يسخرلكم ازواجكم واهل ازواجكم،،، وإللي مومتزوجه ،، الله يوفقها بالزوج الصالح ياااااارب

الحمدلله عجبني الدايت سنتر وأكلهم نظيف ولذيذ ،،، وقاعده امارس الرياضه < المشي > لاني احب هالرياضه مع رياضة الخواصر،،،، وإنشاءالله موعدي الأحد عند الإخصائيه ،،، وإنشاءالله خير،،، وراح زقولكم عن المقابله فيما بعد،،،

تدرون بنات مرات افكر لي متى واحنا نبلع لي متى ومافي حلو ماناكله لي متى ناكل وننام على طول ولارياضه وبس قاعدين والخدامات يرقصون فوقنا،،، واذا صار عندج عرس رحنا انسوي رجيم علشان يطلع جسمي حلو للناس!!! زين وانا نفسي وزوجي مابي البس شورتات بدون زوائد بالجسم ماودج تلبسين جنزات وشورتات عند زوجج وتمشين وأنتي واثقه بنفسج ،،، أحسن ماتكونين ٢٤ ساعه جدام زوجج وأنتي شافطه الكرش!!!لي متى ؟؟؟ والله انا بالدرجه الاولى نفسي تهمني يعني ابى اضعف علشان ذاتي ابي ادلع نفسي خلااااااااص دلعت جسمي وبلعت لين قلت بس الجالكسي والسنيكرز والشبس مافي شي ماجربناه،،>

ألحين وقت الجد يلا بنات تشجعوا،،،،، والله نصيحه مافي احسن من الصحه ،،، علشان لي كبرتوا ماتحتاجون أحد


يلا نضعف

 

[ملااااك الروووح]

أستغفر الله وأتوب إليه


رفع
رفع

رفع

 

[غايتي الجنة]

الدايت سنتر عجيييييييييييييب الكلل يمدحه

سمعت عن وحده كانت متيييييييييييييييييييييينه لدررجه لو تمشي خطوتين تتعبب ! شتركت بدايت سنتر وصارت وحده ثاانيه ضعفت حيييييييييييل

موفقه

 

[doudou2009]

حبيبتي اول شي واللي بيضعفج بدون حتى رياضه تقطعين هالاشياء :
المشروبات الغازيه
الخبز والعيش والمعكرونه
الككاو بس الدارك جوكلت مسموح قطعه زغيره
البطاط والوجبات السريييييييييييييييييعه


وسمعي اللي بقولج عليه:
اول اسبوعين عشان معدتج تزغز اشتغلي رجيم سوائل مسموحلج 5 مشروبات باليوم واذا يعتي خس بسسسسسسسسسس وطبعا يفضل عصاير طبيعيه عشان الفيتامينات ومايكون فيها شكر وايد
ثانس اسبوعين رجيم بروتين الحين عقب هالاسبوعين قولي دودو ماقالت شهيتج بتقل حيييل مو شوي ورجيم البروتين راح يساعدج تبنين عضل بس مو عضل مجسمه يعني لا عضل يحرق الدهون وطبعا ريوقج يكون بيض مفيوح مع جاي حليب او نسكافيه اذا حابه وغداج سدر دياي او سمج او لحم بس مشششششششششششششششششوي او سلطات سيزر وربعها كيفج والعشا يفضل تاكلين تفاحه خضرا قصصيها واكليها
جذي راح يكون مر تقريبا شهر وبتشوفين صحتج وجسمج شلون تغيرو وخلي لج يوم واحد بالاسبوع بريك بس يفضل بعد رجيم السوائل والله هالرجيم عجيب وراح يساعدج تتخلصين من السموم اللي بجسمج وينقي الدم
عقب هالشهر ردي عاد حق الخبز بس ها مو اي خبز توست اسمر وحددددددددده باليوم جبن خالي الدسم قفشتين عيش عن خاطرج وصدقيني اصلا عقب اول شهر بتلوع جبدج من الخبز والعيوش والدهون تقولين انا شلون كنت اكلهاا
ويوميا خلي عندج مطاره فيها جاي اخضر وزنجبيل وليمون وكمون صكي خشمج وبلعيها صعبه بس تسوي الهوايل ترا واذا تبين نادي روحي يوم وترك لا تجهدين نفسج واذا شلتي وزن لا تشيلين وايد ترا احنا بالديره عندنا اعتقاد غلط عبالنا اذا شلنا وزن كبير بنضعف بالعكس هاذا راح يبنيلج عضل وراح يزيد وزنج دبلات اما الوزن الزغير راح يحرك العضله الموجوده ويخليها تحرق الدهون واي سؤال حبيبتي دزيلي عالخاص لاني ماجيك عالمواضيع وايد وطلبتج تدعيلي من قلبج الله يشفيني وعسا الله يردلج ريلج سالم غانم ويعطيج بدال ال500 1000 ونصيحه اذا حسيتس نفسج خلاص مو قادره سيفي صوره كيم كارداشيان بالبكيني ابموبايلج وكل ما تيوعين شوفيها والله راح تنسد نفسج طول اليوم .

 

[الحسن الرقيق]

عاد تصدقين كنت داشه ومتوقعه شرط زوجج .. وكنت بقولج اشتركي بدايت سنتر او كالوري
جم بنت من اهلنااا اشتركوا فيييييييييهم وحيل اضعفوا ماشالله ..

 

[مها77]

حبوبه نصيحه روحي دايت سنتر
انتي نفس طريقتي بالاكل بالضبط بس الفرق انا ادمان ببسي مو كاكاو

رحت دايت سنتر والحمدالله نزل وزني وفرق جسمي واايد

مع اني ما التزمت معاهم 100%

خلي عندج اراده وروحي لهم وخلال شهرين بتقطين 14 كيلو لو التزمتي معاهم وسويتي تمارين

انا بعد ما كنت اسوي تمارين خير شر ما عندي وقت

وانصحج احجزي عند فاطمة وايد تونس

ربي ييسر امورج وتوصلين للوزن المطلوب بصحه وعافيه

 

[nado0o]

حبيبتي جربي حبوب ماغريم باور حبوب ريجيم تجيك من لبنان وتنحف وزنك من 3 الى 4 كيلوا بالاسبوع على حسب تقبل جسمك للدواء

والعلبه فيها 30 حبه تاكلينها حبه وحده باليوم والعلبه تكفيك لمده شهر

واذا حابه تقدري تسوي بحث بقوقل عن الحبوب وتشوفي تجارب البنات عليها

اذا حابه اقدر اوفرها لك من لبنان واشحنها لك بالدي اتش ال وخلال يومين توصلك ان شاءالله

وهذا ايميلي ارسليلي رساله عليه
n.a.d.o.0.o
@
hotmail.com

دمتي بخير

​

 

[مغرورهـ بـعزتي]

امممممممم بـ صرآحه مـآ عندي فكره
الله يوفقجج

 

[moon night]

واااااي بنات تجاربكم تشجع
ياااارب اضعف بعد انا بصحه وعافيه
وانشالله ياصاحبة الموضوع تضعفين بعافيه
وتاخذين ال٥٠٠ 

 

[هديتني يازمن]

موووووووووووووووووفقه

 

[الفدنه]

ناطرين تجربتج ترى ......
نبي نعرف جم نزلتي ؟؟
والله يوفقج

 

[dora1]

ايش رئيك تدشين اهنى وتشوفى منتجاتنا وتختارى اللى يتناسب معاكى علشان تبقى جميله ورشيقه وخلال 18 يوم تظهر النتيجه
http://mtgry.com/dora

 

[ملااااك الروووح]

مشكورين على ردودكم،،،

بنات بقولكم على اول لقاء لي مع إخصائية التغذيه،،،بعد ٧ أيام من بديت معاهم بدايت سنتر،، رحت وأنا واثقه من نفسي إني نازله والفضل يرجع لرب العالمين أولا وأخيرا،،،اسألتني مشيتي على الجدول قلت إي الحمدلله،،قالت مارستي الرياضه قلت إي كل يوم أمشي تقربا من نص ساعه لساعه،، ورحت وقفت على الميزان ،،،،،، والنتيجه










اني الحمدلله ولله الفضل والمنه نزلت ٤ كيلو ،،،، قولوا مشاءالله ولاحول ولاقوة إلا بالله
الحين وزني ٦٥ ماشاءالله،،الحلو بالسالفه اني ماني حارمه نفسي لان الدكاتره يقولون الحرمانبعد الجيم راح يرد الوزن الزايد بسرعه وأكثر من قبل،،، والشي الثاني الحلو بالدايت اني مجبوره آكل السلطات أنا قبل ماأحب السلطات،،بس الحين مجبوره لأن اقول حرام أنا قاطه فلوس لازم اكل السلطه،،، والله قمت اشبع بسرعه والكاكاو اللي كنت مدمنته والله ماقام يطري علي،،، لان جسمي تعودت ،،قبل كنت مثل المجنونه اذا ماكليت كاكاو انجن ههههههه والله جني مدمنة مخدرات،،استغفرالله
بس بقولكم شي مهم واجهني اول ٣ او ٤ ايام حاشني صدااااااااااع موطبيعي لما كنت اقول لزوجي يقول عادي هذا شي طبيعي بداية الرجيم،،،لان الجسم يبي سكر واذا شاف مافي سكر بعد جم يوم يروح يحرق الدهون اللي بالجسم،،،،

والله يابنات والله يشهد على كلامي أنا ماأسوي دعايه وهذا إللي صار معاي أنا عندي عيال وزخاف عليهم

وعلى فكره كنت اشرب شاي اخضر واضيف له شريحتين ليمون بالقشر وزنجبيل مطحون ودارسين وكمون اشربه مرتين او ثلاثباليوم،،،،، باقي لي الحين ١٠ كيلو وانشاءالله وبحيل الله اقضي عليهم ياااارب

وعلى فكره ان آخذ ١١٠٠ سعره حراريه اموزعينهم علي اليوم كله ،، وقلت للأخصايه ابي اقلل منهم قالت لأ انتي ماشاءالله ماشي معاج ١١٠٠ سعره حراريه ،،، الظاهر انهم ينزلون السعرات اذا شافوا الشخص ماينزل بسهوله،،،
تدرون يابنات ان وجبة ماكدونالدز وغيرها فيها ١٥٠٠ سعره وتخيلوا ريوق مطعم وغدا وعشا وجبات جم سعره حراريه فوق ال٣٠٠٠ سعره

ماأقول إلا الله يعين ويعطينا ويعطيكم الصحه والعافيه