زوجي جميل وصاحب منصب ومال لكن مشاكلنا ماتخلص

[flower RIVER]

قوة بنات فديت احلى كويتيات خواتي وتاج راسي وكحلة عيني~

بحاول اختصر:
من تزوجت من 3 سنين مايمر يوم بدون مشكلة نفسيتي تعبت وجهي ذبل من الهم ,يوم مافي احلى منا وعشره كاننا اعداء,للعلم زوجي انعرض عليه بنات كثير قبلي وفيهم والله اللي احلى مني بس نصيب والى الان مستمر مسلسل العرض لا وبدون مهر بعد وش رايكم؟ ذبحتني الغيرة والهم والتفكيرمن مسالة الزواج اولا ,الشغلة الثانية مزاجي جدا ماعرفت وش يبي للحين شخصيته عجيبه ,الشغلة الثالثه يحب يروح القهوة عندنا بالسعوديه يعني شيشه ومعسل وهالسوالف,الامر الرابع متعلق بشخصيتي انا حساسه ودمعتي تسبقني وبنفس الوقت حاره احب اخلص شغلي بسرعه وهو يماطل وبحكم اننا مانسوق مضطره انتظره لين مايروق ويوديني ~بليز مساله السواقه مابي حديطلع برا الموضوع فديتكم~


وبس لكم المايك ياعسولات

 

[الشهد كله]

حبيبتي بصراحة ماني عارفة اشتبين من الريال ؟؟؟؟؟؟؟؟؟

ليش تحسسينه بغيرتج الزايدة

ليش الهم والنكد يترس بيتج

انتي حاولي تتبعين معاه أكثر من أسلوب

يعني مرة دلعيه ، مرة طنشيه ، ومرة صيري معاه رسمية وشوفي وراح تعرفين مزاجه

وتعرفين اشلون تتعاملين معاه ....

3 سنين كافية عشان تعرفون بعض واشلون تتعاملون مع بعض .....

انتي خفي عليه شوي تلاقينه 24 مجابلج في البيت

بس دام إنه يروح يشيش يمكن عشان يمشي فيه الوقت وهو برا البيت

عشان بس يرجع اليت ينام

خففي معاه حنة ورنة ومشاكل تلاقين شغلج خالص ويوديج وين ما تبين

إذا شفتيه عصب ولا صرخ ولا حسيتي إنه يبي يبدي بمشكلة خليه وروحي غرفة ثانية

أو لا تردين عليه بس سمعي ، مو تطنيش بس عشان لا تكبر السالفة بينكم

وعسى الله يسخره لج :yaaaaaarb::yaaaaaarb::yaaaaaarb:​

 

[GOLDEN_FISH]

ليش عاد بدون مهر @@

 

[Chay7aLeeB]

انا اتفق مع الشهد كله

حياتي انتي لازم تسايسينه بكل شي والله النكد ماييب الا الهم لج قبل مايكون له اهو ... بس ميخالف حتى لو عصب لاتخلينه وتمشين انتي تقولين مزاجي يعني يمكن هالشي ينقلب ضدج حاولي تناقشينه بهودء حتى لو تخالفينه الراي مرات الواحد يضطر يمشي شي مو مقتنع فيه بس السفينه تمشي مثل مايقولون ومن يروق كلميه باللي تبينه وبيني وجهة نظرج طبعا اذا السالفه تسوى واذا لا عطيها احلى طاف

وانتي غيرتج بتاكلج زود كل ماقارنتي نفسج بغيرج .. اللي احلى والي اطول والي الي الي خليهم كلللللللللهم وره ظهرج تذكري كلهم كانوا موجودين واهو بداج عليهم خلاهم واخذج انتي عاد هني دورج تحافظين عليه وتخلينه يادهينه لاتنكتين الريال صغر كبر داخله طفل والله تخلينه مايشوف غيرج بالكلمه الطيبه ويسويلج الي تبينه عادي انتي ركدي كل تأخيره فيها خيره ماعليه

اهم شي ارد واقولج وخري عن النكد والمشاكل .. الغيره حلوه بس بحدود عاد انتي طلعي شوي وخشي الباجي بعد شتسوين

والله يوفقكم ويسخركم لبعض ويهدي سركم

 

[ريما2012]

السلام قلبي هذا اول مشاركه لي
اولي شي تسوينه خلي ثقتك فيه كبيره عاارفه ان موضوع العرض و بدون مهر وهالسوالف لقاله ادري نار بداخلك بس انتي اضحكي باستهزاء قولي لهدررجه بناتهم رخيصات ماحديبيهن وقامو يعرضونهم مافي وحده الناس تبيها احد يعرضها لاتبينين نارك وقولي اصلن واثقه انك لوتدورهالدنيا ماتلاقي احسن مني وانا واثقه فيك انك تحبني هذا اصلن موضوع يفرحني لنك تثبت انك تحبني اشغلي نفسك باي شي ان شالله الله يرزقك بالاطفال عشان تنشغلين فيهم وقوليله موكل يوم مقهي خل يوم يومين بالاسبوع الباقي ابي تكون معاي نطلع نزور اهلنا اي شي بحياتك عيشيهااا تفاءلي لاتضيقين خلك اا ذا كل يوم مشاكل شغلي سوره البقره كل يوم الصباح والمغرب وبسالله يوفقك موا شي تزعلين عليه واقري لاطلع استودعك الله زوجي يارب

 

[حلمي اكون ام Q8]

الله يعينج

مدري شقول

 

[رماد وظل]

حبيبتي بصراحة ماني عارفة اشتبين من الريال ؟؟؟؟؟؟؟؟؟​

ليش تحسسينه بغيرتج الزايدة ​

ليش الهم والنكد يترس بيتج​

انتي حاولي تتبعين معاه أكثر من أسلوب ​

يعني مرة دلعيه ، مرة طنشيه ، ومرة صيري معاه رسمية وشوفي وراح تعرفين مزاجه​

وتعرفين اشلون تتعاملين معاه ....​

3 سنين كافية عشان تعرفون بعض واشلون تتعاملون مع بعض .....​

انتي خفي عليه شوي تلاقينه 24 مجابلج في البيت ​

بس دام إنه يروح يشيش يمكن عشان يمشي فيه الوقت وهو برا البيت ​

عشان بس يرجع اليت ينام​

خففي معاه حنة ورنة ومشاكل تلاقين شغلج خالص ويوديج وين ما تبين ​

إذا شفتيه عصب ولا صرخ ولا حسيتي إنه يبي يبدي بمشكلة خليه وروحي غرفة ثانية​

أو لا تردين عليه بس سمعي ، مو تطنيش بس عشان لا تكبر السالفة بينكم​

وعسى الله يسخره لج :yaaaaaarb::yaaaaaarb::yaaaaaarb:​

معاااهااااااااااا :eh_s(7):

وأزيد عليه لاتفكرين بموضوع الزواج وتوكلي على الله .. إللي الله كاتبه بيصير ..

موووفقه ..

 

[flower RIVER]

الف شكر حبايبي ماقصرتوا كنت متردد اكتب بس ردودكم اثلجت صدري والغيره والله شي طبيعي من الللي اسمعه كلام يقهر الله يغثهم مثل ما غثوني

 

[MiSS B.K]

الله يسخره لج ان شاالله

 

[انا لحبيبي .]

حاولي تحكمي بغيرتك ، لاتخليها تزيد عن حدها لانه الشيء يلي بزيد عن حده بنقلب ضده

لاتخلي الشيطان يدخل بينكم ، ويوسوسلك

حاولي تحكمي بعصبيتك وباسلوبك ،

الله يريح بالك يارب العالمين ،ـ

 

[زوجة عزيز]

الله ايسخره لج حبيبتي يعني اهو ماشاء الله زين مافيه عيب بس انتي خففي الغيره والله يخليكم حق بعض

 

[جولينار]

انتي مسوية مشكله من لاشي

جميل وصاحب منصب ومال طيب !!


انتي حولتي هالمواصفات لنقمة مو نعمه



الزواج بيد ربي هو الحين زوجك انتي وبس

ليه تقلقين نفسك وتخافين انه يتزوج حتى وان كانو البنات يعرضون نفسهم

واثق الخطوة يمشي ملكاّ

خليك واثقه زوجك لك انتي ولا تحسسينه بغيره زايده

ريلاكس وعيشي حياتك واستعمتي فيهاااا

ولا تخلقين المشاكل وهي مو موجوده اصلا

 

[Sweetq8]

يارب مايشوف من الحريم غيرج

ولا يحب ويعشق غيرج

ويبعد عنه الحريم بالحلال والحرام

ويخليج الوحيده بحياته

بس ديري بالج اتنكدين ع الرجال

و اتفطنينه علا هالسوالف

انتي بيدج تشغلينه فيج مو بغيرج

 

[Tulips]

الله يسخره لج ..

 

[BubbLe87]

شوفي انا اللي استفدته ان ساعات الحقران يفيد يعني انا ريلي اللي ما يداني الحقران ساعات اييب معاه نتيجة خصوصا اذا كان غلطان
يعني كشتي فيه شوي و راح اييلج ايراضيج اذا ما يبي يسويلج شغلج

 

[صعب أسامح]

صج انتي شتبيييييين

صراحة لو انا من زوجج بقول نكديه وتدور المشااااكل

وبالنسبة للزواج انتي قلتي قسمه ونصييييييب

والغيره وارده بين الزوجين بس لازادت عن حدها صارت مرضضض

بعدين الرجال مايحب المرأة الحنانه والحاره علي شغلها

حاولي تعودين نفسج الغرض اللي ماشريتيه اليوم باجر عقب باجر بتلقينه بالسوق ماراح يخلص فلا تغثين نفسج علي شئ مايسوى

ويمكن زوجج مايكون كامل المواصفات مثل ماقلتي بس بعيونج لانج تحبينه حيل

 

[ام زهقانه]

ميخالف ري اهدي وتصيحتي لج اقري القران واصبري ترا القرانم يهدي ويصبر
اهو بارد وانتي حاره
الله يعين

 

[شذى الحب]

الله يهديهم