زوجي حلم أخاف اصحى مناااه……

[مسك الجود]

مرحبا بنات / قصتي قصه امانه بنات شورو على :yaaaaaarb: متزوجه صارلي ست سنين وزوجي مايجيب عيال راجعنا كذا مستشفي خاص ولما تجي حزة العمليه يتراجع ومايسويها يخاف وكل يوم اتهاوش معاه واهو يصارخ ويطلع بره وحتي دخلت أماه بالموضوع واختاه بس ماكو فايده امه تقول توكم صغار شتبون باليهال مانفعو اليهال فلان مات وخلاهم تبط جبدي/ امه الله يهديها واهو والله يابنات يقولي اذا يافلانه تبين العيال اطلقج وروحي بيت اهلج / اهو بالنسبه لي حلم طيب ويدللني مايخلي عليا قاصر حتي بطاقة البنك مالتا ماخذتها واشتري نفانيف العرس ب400 و500 دينار واثاث بيتي اغيرا مرتين في السنه هذي غير الطلعات كل يوم معاه مطاعم شاليهات فنادق وغرفة نومي كل سنه اغيرها/ عايشه ملكه من غير تاج عندا فديتا … وانا الحين محتاره وخايفه اصحي من الحلم وارجع بيت اهلي……

 

[classicyah]

لو سمحتي اختيه عندي سؤآل ،

كم وحده تستخدم هالنك ؟ ! :/

 

[ام شووووق]

مممممممممممم

خلج ملكه لاحقه عاليهال

 

[الاحساس]

اليهال اذا ما يوا الحين اييون بعدين خليج ملكة احسن

وصج ترى اليهال تربينه وتتعبين عليه ماينفعج اخر شي يخليج ويروح

ولاحقين ع اليهال

باجر تخلينه وتحسرين

 

[لا تغرك الدنيا]

الا ما يكون في حل ,, ادعي ربج الله يسر امورج ,, والي تقول لاحقه عاليهال هذي وحده شبعانه من اليهال

ما حسيتو بإحساس الحرمان ,,

الله يرزقج يآرب ,,

 

[وردة-الكويت]

ادعي ان الله يهديه ويسخره ويسوي العمليه والله يكون بعونج يارب

 

[عاشقة_الجمال]

خلج معاااااااااااااه واليهال لاحقه عليها

وما راح يحوووشج الا اللي ربج كاتبه

 

[Miss Chanel]

الله يرزقكم الذريه الصالحه يارب
ويرزق كل محرومه

 

[أنفاسي دخون]

الله يرزقكم الذرية الصالحة يا رب

 

[ذكريات]

انتي تختارين يا تكونين ام يا ملكة

 

[الأميرة الحزينة]

صج الزين ما يكمل :eh_s(10): ما الله كتبلكم حبيبتي العيال لو في نصيب بيرزقكم الله من غير هالعمليه .. ياما ناس قعدوا سنين ماعندهم عيال ومافيهم شي بس كل شي بيد الله خليج ملكه عنده وعسى الله يتمم عليكم ياارب:yaaaaaarb: لا تهدينه وتحسفين.. شدراج اللي بتاخذينه عقب بتييبين منه عيال؟؟ او بيعيشج نفس ريلج هذا ساعتها شبتسوين.. ما الومج على نفسيتج الله يلوم اللي يلومج بس صبري حبيبتي << ان الله مع الصابرين>>

 

[dectora 7elwa]

الله لا يحرم احد من الذريه
اذا يخاف من العمليه
جربي منتجات عسل العويد قريت بمقابله لهم بمجله قديمه ام عندهم علاج من العسل لعقم الرجال
وحاطين تجارب رجال استخدموه ونفعهم
يمكن الله يلطف بحالكم ويرزقكم بدون عمليه

 

[{الجارحه}]

يابيت الحلال اسكتي عنه مدامه مدللج

وادعي ربج يارزقج الذريه

 

[aṕriliå]

الله يرزقج الذرية يااااااااااااااااارب

 

[روعة]

ديري بالج على ريلج ترى هو متحسر على اليهال يمكن مثلج و اكثر وامه تقولج جذي علشان ولدها وخايفة عليه وانا مشكلتي تشبه مشكلتج صار لي 5 سنوات واخر علاج توصلنا له فيه خطر على حياة زوجي لان لازم ياخذون الخلية المكونة للحيوان المنوي من النخاع ويزرعونها مشكلته عويصة وهو حيل خايف قلت له ماله داعي تسويها الا اذا اقتنعت 100% اهم ماعلي سلامتك واذا االله كاتب لنا عيال بدون عملية ويمكن صبرنا خيرة والطب كل يوم يتطور يمكن الله يكتب لنا الذرية بدون عمليات وغيرة

انا اكثر وحدة حاسة فيج لاني فاقدة اللي انتي فاقدته بس ريلج قاعد يعوضج باللي يقدر عليه لا تتخلين عنه

 

[ام فواازي]

لج موضوع انج توج عروس وهمن لج موصوع انج متزوجه لج اكثر من 18 سنه وبجرج بالثانويه وكل مواضيعج مو كاتبه ان هالنك مشترك مادري اي واحد صحيح ولا كل هالمواضيع من خيالج الواسع واللحين متزوجه من 6سنين وزوج عقيم صراحه انتي شي

 

[دلع العتبان]

الله يرزقكم العيال يارب

 

[الدااانــــه]

الله يرزقج ياارب ويرزق كل محروومـه قولو امــين ,,​

 

[leeny]

والله انه حاس اكثر منج وميت عالياهل بس لاتلومينه خايف وترا ياما سوو العملية ومانجحت وماياباو عيال وهم ناس ماسوو ويابو والله رزقهم
ادعي ربج حبيبتي واكثري الاستغفار انتي وزوجج( لاتنسي قول الله عز وجل في محكم كتابه " فقلت استغفروا ربكم انه كان غفارا*يرسل عليكم السماء مدرارا * ويرزقكم بأموال وبنين وجعل لكم جنات ويجعل لكم انهارا")واكثري من الصدقات بنية الذرية الصالحة حتى لو كان بمبلغ زهيد وبسيط جدا يوميا مع الدعاء ، والله وحده الرازق.

 

[أم توتو]

عليج بالقران والاستغفار وعليج باللقاح حق النخيل اللي يشبه البودره ترى ممتاز والله يرزقج بالذريه الصالحه