زوجي دخل بار وتهاوشنا ..

[روجَ آحمرَ ..×]

سااامحيه
بس لا تامنينه

 

[Um Tuki]

حبيبتي لو في نيته شي غلط جان ما قال لج
بس صح كلامه هناك كل مكان فيه شرب

 

[مشاعلksa]

مشكورين بنات على ردودكم

وانا ما حققت معاه هو بروحه قالي يعني سالفه تجر سالفه وقالي انه دخل بار وانا علطول انفعلت

وانا واثقه فيه وعارفته بس شسوي ماحبيت اسمعه يقول انه راح لهالاماكن مابيه يدشها ويتعود يدشها بعدين


ابليس ما مات :bbbiu:

وش يتعود عليه اللي يسمعك يقول البارات مقطعه الديره من كثرها اعقلي رابح مع مريض مب فاضي حق الخرابيط
وتذكري هالمثل
داري شمعتك لاتنطفي

 

[Australia girl]

تبين الصج بما اني كنت مسافره مع زوجي دوله اوربيه ترا كلامه صح كل المطاعم فيها ركن للبارات وفيها تي في ومكان لطاولات المطاعم والمطاعم اللي حتا بارات عاديه مو مثل الكازينو او الملاهي اللي فيها رقص وديسكو انا اقول طوفي الموضوع باجر مايسولفلج شي حتا لو بسيط

 

[تبيني آرضى عليك]

البنااااااااااااات ماااقصروا

 

[احلا المزايين]

عفية الشااااااطرةعشان مايصارحج مرة ثانية ولا يقولج شي

 

[M!ss CoLoRz]

كلام ريلج مقنع

لو صار الكلام في ديرته معاج حق تقولين له ما لقيت غير هالمكان بس هناك لا .. اقتنعت بكلامه صراحة

 

[mrs.abk]

أختي الشباب بالخليج يروحون المقاهي يشيشوون ويطالعون مباريات ..

برا مافيه مقاهي بنفس الفكرة .. يا اما كوفي شوب عادي وغالبا بدون تلفزيونات لأنه هادي .. يا اما بارات .. والبارات موب ديسكوو

البار يبيعون فيه مشاريب ويقدمون وجبات خفيفة ويطالعون مباريات .. ما تشوفين المسلسلات .. مثلا جريس انتاتومي يطلعون الدكاترة الجراحين بعد الشغل يروحون البار يقعدون يسولفون


طبعا ما أحلل لأن دخول هالاماكن حرام .. بس لا تهولين السالفة وتسوينها مشكلة وأزمة بينج وبين زوجج اللي يعتبرج مساند نفسي له بهالغربة


بعدين ليش قاعدة هنيه؟؟ الحقيه ..! لو ما عندج شيء روحي وياه وسليه وخففي عنه

 

[hazel eyes]

يمكن داش بار مع مطعم لان هناك مايبين اذا بار للي مايعرف لان انا وزوجي تغدينا بمطعم ولما طلعنا قالولنا انه بار واحنا ولا درينا لان ماقعدنا صوب البار

 

[* Snow White *]

انتي الغلطانه،

انما الاعمال بالنيات .. لو مسوي شي غلط ولو يدري انه مسوي شي غلط ولو انه مو واثق فيج ولو انه مو واثق بنيته جان ماقالج
والحين اصلا ماراح يقولج شي بيقول شهالدعله! انما الاعمال بالنيات! شبيسوي يعني بالبار مو واثقه فيه انتي! امبيه شالناس

 

[Laidy n3ooma]

عادي انا دخلت بامريكا بار وشفت مباراه وقعدت اكل

في ناس يشربون بس ماكان في رقص


ترا هناك محد بيدري عن ريلج ولابيلتفتون له كل وحده مع البوي فرند مو مثل العرب تشوف واحد قاعد بروحه تروح اتميلح عنده

يعني ممكن يكون صاج دايما نشوف مبارايات ونشرب كوفي ولا ناكل ونطلع وفي اجانب جذي بعد مايشربون

وتقريبا اغلب الكافيهات فيها شاشات كبيره وشرب ويكون بنفس الوقت كافيه عادي واكل

حتى مكتوب برع مطعم وبار .. لان بليل ينقلب بار

 

[Patcholli]

حبيبتي في وايد محلات فاوروبا يكتبون عليها ريستورانت اند بار
وتدشينه يكون مطعم عادي بس يبيعون فيه مشروب
بس حده عادي يعني مو نفس الي فبالج بنات ووصاخه وجذي
لا عادي والله اهما اغلب المطاعم يكتبون عليها بار ويكون مطعم عادي
اللي تخافين منه النايت كلب و الكايزنوات اهناك تحصلين وصاخه صج

 

[serina]

كلام الخوات نوف الصقعبي و RowTow عين العقل.

أحييج على خوفج على زوجج بس بكل هدوء بينيله إن المؤمن اللي يخاف ربه ما يحط نفسه بموضع شبهة. البارات وضعها مختلف تماما عن وضع الجمعيات والمطاعم ومو حلوة بحق نفسه يدش أماكن الخمر ينباع فيها بشكل أساسي بس عشان يطالع مباراة. كفاية ريحة القرف اللي يشربونه الناس بتكون فايحة بالمكان ومنظر السكارى حوليه اللي يلوع الجبد. وإذا جادلج بنقطة إن حتى المطاعم والجمعيات يبيعون خمر فهميه بكل هدوء إن أبسط دليل على اختلاف البارات عن هالأماكن إن اليهال ممنوع يدشون البارات لأن الخمر هو المنتج الأساسي اللي ينباع فيها عشان جذي سموها بارات.

اللي أعرفه إذا ماني غلطانة المؤمن ما يجوز له يجالس ناس تشرب خمر حتى لو ما شرب والبارات على حد علمي قعدتها مفتوحة.

شجعيه يروح أماكن ترفه عن نفسه من غير ما يحط نفسه بموضوع شبهة وذكريه يحصن نفسه بالآيات والأدعية.

عسى الله يشافي أبوه ويحفظ لج ريلج ويردهم لكم سالمين.

 

[اميره1980]

احنا عندنا بالكويت نظام نفس البار ترا بس ما يبيعون مشروبات و خمر فيها مثل فرايديز و شيليز و غيرهم كثير

اختي ترا البار يعتبر مطعم بس هناك يبيعون فيه المشروبات الروحية حاله حال البيبسي و العصير

و مبين ريلج على نياته قالج اللي بقلبه و لو واحد ثاني بيسوي اللي يبيه و ما يقول
راضيه و خلج وياه فرفوشيه و ترا اللي فيه مكفيه لا تتعبين نفسيته زيادة و مسكين بروحه رايح علاج مع ابوه هناك و نفسيته اكس

 

[نوف الصقعبي]

اللي اعرفه ان البارات هي الوحيده اللي ايتابعون فيها مباراة

فاحسني الظن وحلفيه بابوه المريض​

من صجج

يعنى اللى يحلف لج بمه وابوه يعنى قال الصج

اختى حرام تقولين لشخص احلف بغير الله سبحانه

حراااااااااااااااااااااااااااام
وشرك بالله​