زوجي ضربني والسبب طليقته قولوا شلون اتصرف معهم

[happy january]

بصراحه طليقته ماتستحي شكو مطلقني واقعد معاه واضحك وين قاعدين !!! مسلسل فجر السعيد هذا !!!

وتتضحك وانتي موجوده لا خوش احترام ! مادري هالعالم شلون عايشه جذي !

بس بالنهايه مالج الا زوجج وبنفس الوقت لازم تحسسينه انه غلط بحقج ولا شنو يعطيني طراق على وحده قاطه وجهها وتتضحك

معاي بحجه العيال وترا مهما كان المره بشر تحس وتغار شي طبيعي والاحترام مطلوب خاصه في مثل هالمواقف !

الله يعينج !

 

[freakiya]

حلوه غيره المره على زوجها بس كل شي له حدود اهوا لو يبيها جان ما طلقها و لو بيردلها جان رد من زمانما خلاها سنتين فكري بعقلج و تركي عنج الوسواس ترا انتي قاعده تخربين بيتج بايدج خلي بينج و بين ريلج ثقه و شيلي من بالج هالسوالف و قوي علاقتج بريلج انتي جذي بتحرينها و اذا قويتي علاقتج بزوجج صدقيني لو منو تكون ماراح تقدر تاخذه منج اعتذري منه و لا تييبين سيرت طليقته لو شيصير لا تذكرينه بماضي
و را انا مثلج متزوجه مطلق و كان ماخذها عن حب و لله الحمد قدرت انسيه حتى اسمها الحين لو ششنو ما يقول اسمها حتى لو كان اسم سوق باسمها يغير اسمه لان عنده اللي تسواها هذا اللي فباله خلج شاطره و ذكيه عشان لا تخسرين ريلج​

 

[noorq8]

استغفر الله ترى حرام وعيب والمره مطلقه عندها احساس ترى وماقالت بتاخذه وماتبيه بتربي عيالها شهالناس ياربي حسبي الله ونعم الوكيل ظلم
عطيها حل مثل الناس والا ادعيلها وخلاص

وين العيب فيها !!!

الحين هذيج المطلقه تقعد وتتغشمر وتضحك مو عيب !!!


لازم توصل لها رساله ان آنا أوكي مع ريلي وتارسه عينه , يعني تفهمها المسج انه ماعاد يشتاق لج أو يفقدج وهالشي من حقها طالما ماتقدر تقولها صراحة عشان هي باللأول والأخير بنت عمه وأم عياله ويمكن والله العالم تحسفت عقب الطلاق خصوصا لو مافي عيال من الزوجه الجديده يعني أمانه حطي نفسج مكانها مو ظلم وحرام مبسطه غدا وعشا وسوالف وغشمره واضح وضوح الشمس ان نية طليقته فيها ان والشي اللي يقطع عليها فكرة الرجعه ان توصلها ر ساله ...........احنا سعداء ومتفاهمين

 

[PuPa^^SWeeT]

انا مع ام القمر

 

[أنا الثريا]

انا ماالومج

بس شنوو بايدج تسوينه ..؟ بذكائج انقذي الموقف

فكرري لو يبيها جان بهالسنتين ردها


بس انتي لاتحلينها بعينه

هو طلقها بسبب المشاكل .. واخذج عشان يعوض حياته معاها بحياه احسن

لما انتي اتهاوشين معاه .. وتجي هي ويشوفها تضحك وتكشخ

شنو بيدور براسه .. ممكن يقول المره اعقلت وبينا عيال ليش ماارجع لها

فاانتي لاتعطين مجال .. حسسيه بالفرق .. ونسيه ريحيه ضحكيه اكشخي له

خليه بس يذكر قبل يقول فرق حييل

خليه يقول انا مو مجنون ارد لطليقتي واترك هالسعاده

ترا غيرتج من حقج .. بس ماراح تفيدج بالعكس بتزيد مشكلتج

فخلي هالغيره بنفسج لاتظهرينها

وهوني ع نفسج .. لاتنسين انها بنت عمه يعني معرفتهم فيها من قبل زواجه فيها

وكونها تجي لبيتكم ياعشان عمها وقرابتهم .. يالمره صج ودها ترد له وتراويهم انها سنعه وحبوبه

فلاااتعطينها مجال

اذا جت اكشخي وتقربي من خالتج وعمج

لاتعطين لاحد مجال يقول لزوجج ردها

خلي الكل يشوفج احسن منها

صدقيني مع الايام هي بتزهق وتنشغل

والا ماتفكر تتزوج لو غيره

لو هامها العيال جان حاولت تصلح زواجها قبل لا يصير الطلاق

وزوجج انتي ماشكيتي منه الا من هالسالفه

يعني يمكن يكون الطلاق بسببها

فاانتي صيري فعلا غير طليقته

وتعايشي مع الوضع كانه ولا شي

عشان مايصير بعدين شي

وموفقه يالغلا

معااااااها 1000%:eh_s(15)::eh_s(15)::eh_s(15):

وبصراحة الله يعينج على الغيرة..بس شتسوين ماباليد حيلة
غير هالطريقة
الله يوفقك ويصد ريلج عنها:yaaaaaarb:​

 

[بخـــارى]

لاحول ولاقوة الا بالله

الله يعينج شكلها وقحه
والله يسامحه عالطق

 

[ام فتوته]

الله يعينك غيره الحريم وماتسوي بس مهما كان الوضع مايمد ايده

 

[أو عبوش]

صدقيني الطراق جااا من رده فعل الصدمه صدمتيه ماكان يفكر بشي من اللي في افكارج ابد


بنت عمه يتبرا منها ومن عياله مثلا


لا جت انتي قولي له لا تتواجد معها ولا تكلمها قدامي وخل نتفق من الاول عشان لا تعيد هالمشهد كل مره وكل مره نتهاوش خلي كل واحد يعرف شنو الشي اللي يغضب الطرف الاخر ويتحاشااااه

 

[حبيبي مالكني]

لا تبطلين عين ريلج على شي اهو يمكن غافل عنه
اهو طلقها بس اهي للحين ام عياله
ادري الغيره تذبح بس حاولي تحكمين بروحج

 

[نهال 1998]

حبيبتي هاذي بنت عمه و تجي لبيت عمها انت ايش دخلك بهالموضوع يا حبيبتي ... و لا تبين تطرديها من بيت عمها و انت ما لك حق ؟؟؟ و بعدين هي و زوجك بينهم ولاد لا تفرقينهم عن ابوهم ترى الله يغضب منك ... و غيرتك راح تنكد الوضع احسنلك تكوني طبيعية و تتعاملي مع طليقة زوجك كانها بنت عم زوجك و خلصنا .. انت عم تكبري الموضوع و هو صغير

 

[انصاريه قمره]

انتي بنيه شلي حدج تاخذين مطلق وعنده عيال بعد لو ما عنده عيال تهون ماكو شي يربطهم بس بينهم 2 واللي كاتبه ربج يصير زوجج خذاج علشان يرتاحمو علشان تنكدين عليه

 

[ღ كحلاء العين ღ]

.*

للـأمــأنــه أنتـي ألغلطـأنـه صح تغأرين بس تتهمـين زوجج شگـؤ !

جننتــيــه طلعتـيـه من طـورهـ گل شوي تـذگـرينـه فيهـأ و تلقيـنه مـو ملقيـهـأ بـأل و عـأيفهــأ ..

و أنتي غصب طيب تخلينـه مهتـم فيهـأ ..

حـبيبتـي گل هألغيره أخـذيهـأ و حـوليهـأ لنـأحيـخه أيجـأبيـه ..

و شـوفيے أغلأطهـأ و تعلميے منهـأ ..

و ألله يوفقج و يخلي لـج زوجج و عسـأه مـأ يشوف غـيـرج ..
​

 

[ملوكـه]

صراحه ماالومج يووووووووووووووم غرتي ..
تضحك معااااااه وحالتهم حاله

عاد وش هالزياره اللي طايحه فيها كل خميس وجمعه !!!!!!!

يبي عياله اهو يروح يجيبهم
مو اهيااااا !!

 

[خالف تعرف]

اكبر غلط انه مد ايده عليج لازم يعتذر
عشان يكون بينكم احترام
ثاني شي غلط يقعد معاها لان هالشي يحنن قلبه عليها
ويمكن يحبها
عشان جذي من الاساس قوليله احترمني عالاقل غلط جذي انته تبي تشوف عيالك مو تشوفها
مايصير جذي تخيلني مطلقه واقعد اسولف مع طليقي جدامك اكيد بتتظايق قدر مشاعري