زوجي طردني وأمي تقول ردي

[ريم محمد زيد]

طردني وقال برتاح من رفالتك ونفسيتك ويمكن اردك قتله دراستي قال انا مالي شغل فيك
وأمي تقول ردي بيتك عشان دراستك طيب ودي بس عفته وأخاف بعد يطردني لانه هو اتصل على اهلي ياخذوني مو عارفه شسوي وأخاف لو عطوه اهلي العين الحمره يطلق
امم اي ترا هذي 3 مره يطردني بس كل مره بالصيف مايكون بينا شي ويتركني
احسه مايبيني خلاص وبنفس الوقت مايقعد معاي بالشقه ولا يطلعني كله سهران مع ربعه لين الفجر ويرد نفسيته مو حلوه ما كاننا متزوجين شايل ايده من كل شي حتى ولده مايسال عنه 4 شهور بس ولدي يصيح يبيه وأمي تعبانه وتقول ردي لين متى يشوفني انا وأهلي مساكين ومتمسكين فيه
قولولي شسوي ارجعله طيب لو طردني
او اقعد وأخاف يطلق ودراستي وولدي الي يبي أبوه

 

[كنوشة 2009]

الي متى تذلين نفسج له وهذه ثالث مرة يطردج من البيت
وانا ما ايد الطلاق بس في حالات تستحق الطلاق مثل حالتج
ويمكن اذا شافج مو متمسك فيه يتغير والله يسهل امورج

 

[نبض قلبي M]

كلام كنوشة صح


لا تذلين نفسج له حسسيه انج مو ميته عليه وشوفي اذا ما قام يتمسك فيج

 

[Um Tuki]

عدلي نفسج

تقولين انه قال برتاح من رفالتك ونفسيتك ..

خلج بشوشه و هابة ريح .. قربي الولد من ابوه

قولي له انا مابي منك شي يا بو فلان .. بس ولدك متعلق فيك ..

مر اخذه اقعد معاه شوي

او خلي احد من اهلج يكلمه يقولون له تعال خذ ولدك يبي يشوفك ..

وانتي خلج برع الموضوع لا تكلمينه عن نفسج ابدا ابدااااااااا

عزي نفسج عشان يعزج

 

[مدّهره !]

وين أبوك وإخوانك هذا يبيله رجااال يوقف بوجهه ويكلمه

ماراح تموتين من غيره دراستك تكملينها ليش واقفه عليه ؟؟!!!


والولد 4 شهور مااتوقع لهالدرجه يتعلق باابوه أويفهم دامه بهالعمر وأنتِ تقولين مايجلس بالبيت

وشاايل إيده من كل شيء !!!

الحل رجال يكلمه ويووقف هالمهزله 3 مرات يطرد

 

[((shoOoshoOo))]

انا مادري عن ظرووفج ف بيت اهللج

بس لاتطوفين هالسالفه دخلي ابوج والله لو ان عيوب كل الدنيا فيج ماتوصل للطرد و

اذا صج مثل مايقول عدلي من نفسج

 

[رشا الهواء]

لا تذلين نفسج زوجج ردي
يستغل ظروف اهلج وطيبتهم حسبي الله ونعم الوكيل فيه
لا تردين إلا بشروط تضمن حياتج

 

[New_bride]

حبيبتي لازم تعرفين هو ليش يتصرف هالتصرفات

انا ماقدر انصحج بشي لان الموضوع احسه ناقص بالنسبه لي


بس حطي فبالج ان عندج ولد حتى لو صغير ومايفهم بيجي اليوم اللي يكبر فيه ويشوف ربعه عندهم ابهات الا هو ابوه فصوب وامه فصوب ومابيلوم حد غيرج

فكري بينج وبين نفسج شنو الاشيا السلبيه اللي فيج وفيه
والاشيا الايجابيه اللي فيج وفيه

ومن هني بتعرفين شنو اللي لازم يتغير

احنا هني فالمنتدى مابنقدر نفيدج لان اول شي مو عايشين معاج
ولا سمعنا كلام الطرف الثاني اللي هو زوجج

 

[Jana123]

اذا صج تبين زوجج تعدلي وشوفي شنو الاشياء الي يبيها خلي لسانج حلو وهابه ريح الريال يتزوج عشان يرتاح في بيته مو عشان تتدلعين بس وتطلبين لا الريال مثل الياهل اذا داريتيه يداريج والله يكتبلكم الي فيه الخير

 

[لو الف احبك]

حبيبتي لازم تعرفين هو ليش يتصرف هالتصرفات

انا ماقدر انصحج بشي لان الموضوع احسه ناقص بالنسبه لي


بس حطي فبالج ان عندج ولد حتى لو صغير ومايفهم بيجي اليوم اللي يكبر فيه ويشوف ربعه عندهم ابهات الا هو ابوه فصوب وامه فصوب ومابيلوم حد غيرج

فكري بينج وبين نفسج شنو الاشيا السلبيه اللي فيج وفيه
والاشيا الايجابيه اللي فيج وفيه

ومن هني بتعرفين شنو اللي لازم يتغير

احنا هني فالمنتدى مابنقدر نفيدج لان اول شي مو عايشين معاج
ولا سمعنا كلام الطرف الثاني اللي هو زوجج

معاج
حبيبتي صاحبة الموضوع اقري االنصايح وغيري من نفسك

 

[هيبة ملك]

اذا. هذا طبعه. ويقوله بس وقت الزعل ومو صاج. عادي. طوفي. له
دخلي احد كبير بينكم. خل يهدي. الوضع

وانت خلج عند اهلج لين. هو يجي يرجعك وقتها تفاهمي معاه

والطلاق. مو عيب اختي. اذا مافيه بوادر صلح وطلقج من نفسه خلاص. امر الله

 

[نسمة الجنوب]

عمري الجاهل ابو 4 شهور ما يستوعب الي تقولينه . اشلون 4 شهور ويبجي على ابوه ؟؟؟؟ ما تدش العقل قاعد اتبالغين .
عالعموم حلي مشاكلج معاه . وحددي اولوياتج . واصبري

 

[ريم محمد زيد]

ولدي عمره 3 سنين انا أقول 4 شهور يخليه بالسعوديه ومايسال عنه
ونا سعوديه عند اهلي قالي لو قعدتي بالكويت اذبحج وأوقف دراستك صج يقدر يوقفها ونا قالولي تاخرتي لازم تكملين ومابي اطلق

 

[bzness world]

همم الغلا ردي الكيوت واستاجري شقه وكملي دراستج او حولي دراسه للسعوديه ،،، و غير هذا اسلي نفسج شو الاسباب اللي تخليه يتصرف جي لازم فيه سبب

،،، كملي دراستج و خلي شهادتج سلاح لج ،، رياييل هالزمن ما امنهم امان ،،، وماعليج من اللي تقول ولدج بلومج ،، يعني اتوقع الولد يكبر في بيئية هدوء احسن بدل المشاكل بين الابوين مادري الى متى ننظر نظرة سلبيه للطلاق وهو مرات يكون حل و حياة افضل ،، راجعي عمرج و شوفي شو الاسباب اللي تخليه يطردج و حصلي لها حل

 

[ريتاج_90]

الصراحة زوجج مايستحي على وجهه
بِــ̯͡سّ الله يهديه ويسخره ڵــچ ياارب ويكون للاحسن
وقعدي معاه تفاهمي قولي له بينا ولد مايصير جذي

وادعي مٍـٍْ♡̨̐ـِْْنْ الله سبحانه بكل صلاه يسخره ويهديه ڵــچ
وشغلي سورة البقرة كل يوم وادعي
والله يهدي النفووووس يارب
بسس حرني شلون يطردج شي يحررر

 

[cramela]

انا ما اقول اللا الله يصبر قلبج عليه وياجرج محد يقدر ينصحج لان محد يعرف ظروفج غيرج ياقلبي وادعي تري الله سميع الدعاء واهو ينطرج ترفعين ايدج وتدعين وشي حلو منج انج متمسكه بدراستج والله يوفقج يارب

 

[ملح الكون]

!!!!!!!!!
يطردج 3 مرات !!!
ليش تردين !!!
ابوج اخوانك خوالج عمامج وين ياسنعونه ولا فرقاه عيد ليش متزوج اذا بس عند ربعه انتي شلون راضيه!!
وامج شلون تقول لج رديله !! كرامتج وين!! شلون متحملته!! وولدج باجر بيتعقد من كلام ابوه لج ..
انا رايي تطلبين الطلاق وبلعنته وغصبن عن ابوه اللي جابه يصرف على ولده واهم ماعليج راحتج

 

[Combat]

ارفعي عليه قضية احسة مو متزن ومد المسؤلية شوفي لج محامي يطلع لج حقج من حباب عيونه شنو الدنيا سايبة يطردج

 

[baa6aa]

حتى لو يطردج قعدي المكان مكانج هذا بيتج اهوة ما يبي اهوة اللي يطلع
انا مرة زايره بيتنا دق علي قالي لا تردين خلج ببيتكم مابيج
حقرته ورجعت و دزيت له مسج المكان مكاني انت ما تبي لا اتيي كيفك
لا يتعود على ان طلعتج سهله وحتى لو اهلج محد تدخل عادي انتي تكلمي تحجي ان اللي يصير غلط واهم شي غيري نفسيتج
يعني مثلا خلج طول الوقت لابسه عدل مو عشانه لا عشانج لمن تكونين قاعده وشكلج حلو انتي راح تحبين نفسج و نفسيتج بتتغير
خلي كل التغيير اللي يصير لج للاحسن مو عشانه بالعكس عشان نفسيتج وراح تشوفين الفرق

 

[# غنوجة بيبي #]

الله يصلح بينكم

كثري دعاء و استغفار

ياما هموم انفرجت بالاستغفار و الذكر