زوجي طقني مو قادره اكمل معاه افـكر بالطلاق تعباانه نفسيـاا :'(

[مزيونة الخبر]

يووة ماتستاهلين والله وزي ماقالو البنات هاذي عين بس هم انتي غلطانه الرجال مايجى بصارخ بالمسايس تاخدين كل شي امي دايم تقول كذا لكن لحظة شيطان عادي اعتبرية غلطة وعدت وبكرة طول العمر ايامكم حلوة

 

[قآنون كيفكـ!!]

حبيبتي بدوية
الله يعينج يارب
موضوعج الاول طقج ورفستية وكسرتوا بعض خلاص امسحية من ذاكرتج رديتوا لبعض وانتي مو قادرة تنسين تخافين حاسه شخصيتج راحت كسرج كلكم ماقصرتوا ببعض تعادلت الكفة
بس هني ستوب وبس
لازم تردين بدوية االلي قبل شنو زف ع الطالعه والنازله واجهية واللي مايعجبج ارفضية هذي حياة شنو تصيرين سلبية وتستسلمين واهو يالس يتفيحل عليج ايوالله
انتي اللي موقفة حياتج وباستطاعتج تردينها حتى اهو يبشوف انج سلبية ومو زي قبل بيقوم يهايط عليج وقفية عند حدة شنو زف كل يوم ع الطالعه والنازله ومتاكدة انة ع اشياء ماتسوى
انتي بس لو مرة تردين علية صج صدقني بيتراجع وبيعقل ..
الحين اقولج صراحة كانج بيبي لما اهددة ويخاف وكل ماخاف زاد تهديدي فكري شوي حبيبتي
الطق اغلب الخريم انطقوا مو انتي لااول ولااخر وحدة تنطق بس الفرق ردة الفعل ناس تصقلهم وتردهم اقوى وناس مع احترامي مثلج يضعفون وبعد يتلج الفرصة تحسسينة بضعف اللي سواه لما عاد ان ولدة يطق البيبيات المفروض رديتي انتهزي الفرص مااقول الخياه محاربة ولا من المنتصر بالنهاية لكن الموازنة ..
خذي لج ريلاكس وفكري بالاول عندج قدرة تواجهينة وتحاورون ع اي شي بحياتكم
ولا ماعندج وتظلين ضعيفة ومهزوزة ومن اي زفة تخافين وتبجين ????
احنا مانقدر نقرر عنج نعطيج حلول والقرار بيدج شوفي شنو يناسبج ويناسب طفلج ويناسب الاستمرار مع ريلج ....
بس جذي حياتج صعبة وايد يابدوية وماصعب فيها الا سلبيتج لو تعدل تضبط امورج باذن الله
++سوري حجيي مو مرتب بس من القهر منج لان زمام الامور بيدج ++

 

[طريق السعاده]

^^

تفسيرك منطقي بس اخاف تقلب السالفه مرادد يبيلها قلبها يكون جامد وتتكلم بذكاء عشان ماتصير مرادد ويزيد بالهواش والصراخ وممكن يكرر الطق لانه الحين عارف انه هالشي يهزها ..

عموما صادقه قانون كيفك الحل بيدها هي ولازم ترجع الانسانه الي اول الزواج وتنسى هالشيء او تتناساه

الي شخصيته قويه صح يجيه مطبات بحياته تهزه بس يقوم منها ويرجع قلبه صلب قوي ..

 

[سمو ذاااتي]

بدويه ليييييييش جذي

ليش تغيرتي وااااااايد

مو هاذي انتي مو هاذي بدويه المتماسكه القويه

اقولج شي ويعلم الله اني احبج بالله واعزج معزة الاخت

المشكله مو بزوجج اللحين المشكله فيج

انتي راضيه بهالشي وعاجبج هالوضع واهو استغل الفرصه وعاش الدور

نعم يزف ليش ؟؟ ويشك فيج وسامحتله ؟؟؟ يهددج وعاجبج الوضع ؟؟

انا ما اشيشج علي زوجج بس تصرفاته غلط بس الغلط الاكبر انج انتي معاونته وسامحتله علي هالشي

لي اهني وستووووووب

واخذي الكلام من وحده عاشت نفس ظروفج باختلاف بسيط

كان الكل يحسدني علي حنيته والدلع واللحين الحمدالله علي كل حال مو الاولي بس مو سيء

اهله من خذيته مايبوني واغلب مشاكلي منهم

صارلي نفس ما صارلج وقعدت 3 شهور بيت اهلي

رديت بس قبل لا ارد فهمته ان حياتي ترد مثل ماكانت وكرامتي محفوظه ما اسمحلك تكرر اهانتي ولا تجرحني ولا تسمع كلام اهلك وجذبهم فيني ومو هاذي رجوله ولا نتطلق ومابي منك شي حتي بنتك وولدك خل اهلك يربونهم الا الكرامه ربي خلقني مكرمه ومايذلني غيره سبحانه ما اسمح لاي مخلوق يهددني ويذلني التهديد بحد ذاته جريمه

اتخذي موقف بس بهدوء وجمعي كلامج ورتبيه وتمالكي اعصابج واجهيه هاذي حياه ومستقبل لي متي تاكلين بنفسج لي متي متوتره صحتج اهم ناقشيه وشوفي شنو تاليها بس بهدوووووووء وبوضوح قولي اللي بخاطرج وتبينه قولي اللي بتحملين عواقبه

وبليز بناااااات لحد يقولي تشيشينها انا اذكر لها تجربتي وتري عانيت انا ما اقول ريلي رد مثل قبل ومثل ماكنا لا بس انسان طبيعي لا يهدد ولا يشك ولا يزف

والله يهدي سركم انا ما احب اتكلم عن حياتي بس ذكرت تجربتي عشان افهمج ان كلنا نمر بهالظروف وتعدي علي خير بس اذ بتمين ساكته الامور بتصعب اكثر واكثر

 

[قآنون كيفكـ!!]

^^

تفسيرك منطقي بس اخاف تقلب السالفه مرادد يبيلها قلبها يكون جامد وتتكلم بذكاء عشان ماتصير مرادد ويزيد بالهواش والصراخ وممكن يكرر الطق لانه الحين عارف انه هالشي يهزها ..

عموما صادقه قانون كيفك الحل بيدها هي ولازم ترجع الانسانه الي اول الزواج وتنسى هالشيء او تتناساه

الي شخصيته قويه صح يجيه مطبات بحياته تهزه بس يقوم منها ويرجع قلبه صلب قوي ..

لا حبيبتي شنو يكرر الطق .. بالاول نعذرة كلهم عصبوا واهانوا بعض لكن يكررة خو السالفة لعبة يهال كل كلمة والثانية اطقج
هي وراها ظهر وبنت ريايل مو كل مرة تسلم الجرة وان سكتوا عن مرة بيقصون اليد الثانية
ماقول تناجر هي وياه ع توافه لا بس من يزف ويصارخ معليش ع شنو في اسلوب انا مو خدامة هني انا زوجة وام لطفل اذا مافي احترام ومن اول مشكلة بحياتنا مات الحب والاحترام معليش يااحاول اردة من يديد ولا ماسمح لنفسي تنهان
بدوية تحب ريلها حيل واللي اهي فية صدمة ماتخطتها خلتها عاجزة حتى عن الحجي وياه
وجوفي وصلت حياتهم للشك كلة بسبب معاند الاثنين
الريال تقبل وحجى معها بس اهي بترددها وخوفها مايدري شنو فيها عباله صد
احزمي امرج وكلمي رريلج ياتستقيم امورج يالحل الثاني
مع اني اجزم انة ريلج يبيج ومتمسك فيج حيل حتى بعد مافضحتية ردج ومشت امورة
لاتفكرين انة طقج فكري بشي حلو ايامج معاه ولادتج اي شي ايجابي وتكلمي بهدو هذا بينعكس عليج وعلى كلامج ..والله يهدي سركم يارب
ان شاء الله ماينتهي الشهر الا رادة بحياة احلى واخلى

 

[نونه المنكوشه]

بييييه لي الحين الله يسخركم لبعض لكن اذا تقدرين بالعطله اتسافرين مع اهلج سافري انتوا يبيلكم فجه وكل واحد يرتب افكاره اما اتمون مع بعض والقلوب صافيه وله كل واحد بطريج لكن لاتعيشين هالوضع حده متعب الله يعينج وايسر امرج

 

[قمرية الفيس]

عليج بالدعاء والرقية والاستغفار

 

[طريق السعاده]

الله يسخره لها ويهديه ويصلح مابينهم يارب ..

 

[عبير المسك]

... تعوذي من ابليس واللي كاتبه ربج بيصير
انتي غلطانه واهوا غلطان وبينكم ولد حرام يضيع هو رجال يعني صعبه له ان كرامته تنجرح وانج تسبينه بتقولين انا زوجته ولي حق انه يحترمني بس مهما كان ييقى رجال ويبقى زوجج وابو ولدج ولا تنسين بيوم انج كنتي تحبينه وحياتكم كانت افضل من الرائع حاولي ان الكلمه الحلوه تطلع منج المبادره تبتدي منج بيقول اي والله حست شوي فيني خليه يحس له قدر عندج ساعتها بيستحي ويرجع زوجج الاولي واذا مالقيتي استجابه من اول مره عادي حاولي ثانيه وثالثه ولا تنسين ان زوجج ممكن يكون سبب لدخولج الجنه اصبري واحتسبي وعادي حاولي تهونينها وصدقيني بتهون
واخر شي تفكرين فيه الطلاق او حاولي تستبعدينه من الخيارات كلها
والله يكتب اللي فيه الخير​

 

[سمو ذاااتي]

طمنينا عليج

 

[honey lust]

ريلج مبين عليه ريال زين بغض النظر عن سالفه الطق

و انتي مبين عليج شخصيتج قويه و متوقعه حياة مثاليه و ما تبين تضحين او تتنازلين

ترا مو كل الريايل ينفع معاهم هالنوع من الشخصيات

البنات كفوا و وفوا بس نصيحه لا تكتبين عن حياتج الخاصه اهني احس وايد بنات يعرفونج و ديربالج تكبر السالفه بينكم

دام ان ريلج يدري عن اكاونتج اهني

نصيحه اخيره تنازلي شوي و تذكري ايامج الحلوة معاه و الطلاق شي كبير اذا صار انتي اللي بتتحسفين

 

[خطاابه]

إنسي ي روحي ،
مجرد كلام ,أتى وراح ،
وباجر ,يتجدد بالمحبه ،
ادامها الله عليكِ بالحب

 

[عزوتي خمس صقور]

الله يعينج انصدمت انه الموضوع لج
الله يساعدج يارب​

 

[~حبيبة خلودي~]

الله يفرج همج يارب

 

[برنسس أوراق]

اسمحيلي اقولج انتي اللي غلطانة ليش تطولين لسانج عليه
حبيبتي مهما كان الريال ما يحب البنت تلاسنه وتسب فيه
بيقول ببيت اهلها تعودت تغلط
والطلاق مو حل
لو كل وحده بتنطق بتتطلق جان كل بنات الكويتيات مطلقات
الله يهديكم

 

[بنت شيخ]

اسمحيلي بس اناي غلطانه الرجال ما جادلينه

شفتي عصب تسكتين وتقولين ان شاء الله واذا هدا ناقشيه بالموضوع

اما تسبينه وطقينه وترفسينه هذا مو اسلوب انثى واهو اولا واخيرا رجال

شنو بنت تصارخ عليه وطقه حمدي ربج انه ما طلقج

 

[senioreta n7oola]

شي عجيب تعرضين صورج وجسمج
ولبسج بكويتيات وكاتبه قصة حياتج كلها
وخصوصا مشاكلج والكل يعرف ان ماكو
بنت كويتيه ماعندها حساب بهالموقع
ماتخافين احد يعرفج !؟
وقاعده تفضحين نفسج بهالسوالف !
البيوت اسرااااااار !
اشكي وفضفضي لرب البشر
عالم الاسرار ! محد نافعج ترى

 

[مــرح]

مو داشه بالي مشكلتج

حتئ العنوان !!!!!!

 

[فلنتينو]

شدعواااا

 

[فلنتينو]

إنسي ي روحي ،
مجرد كلام ,أتى وراح ،
وباجر ,يتجدد بالمحبه ،
ادامها الله عليكِ بالحب

ههههههههههههههههههههههههه