زوجي قاهرني شلون آخذ اللي ابيه

[jody]

طاعة الزوج واجبه:yaaaaaarb:

 

[الشوق يجيبك؟؟]

حرام عليكم هبيتو فيني
اولا احنا عندنا اجازة عشان كذا جيت لاهلي وهو اللي يبيني اروح عندهم
ثانيا مو اول مرة يسافر وماياخذني
وما اقول شي
وهالديرة يدري ان خاطري فيها بس مايبي يوديني
ثالثا زوجي كلامه لما يهاوش مثل السم يرفع الضغط وحتى لو ماابي ازعل اسلوبه يزعلني
رابعا يقولي انسي شي اسمه سفر طبعا هو بيسافر اي مكان وانا لا
وغير كذا انا اتعب معاه في كل شي يابنات طبعه جاف مايذكرني بشي في مناسبه الابالحنه وحتى طلعاتي العاديه إذا بغيت شي لي والا البيت والاالعيال مايوديني الابعد اسبوع اسبوعين
يعني مليت من ذا الاسلوب حقوقي ماآخذها الابالحنه
غير كذا يحب يجرح بالكلام وكل مانختلف على موضوع يطلع الاولي والتالي اسلوبه يرفع الضغط​

 

[الشوق يجيبك؟؟]

بعدين ياحبيباتي مشكلتي معاه موبس السفره
هي تراكمت كثيره
يعني ابي اشترك بنادي رياضي يقول لا
ابي اسوي ليزر لجسمي لا كل شي لاا
أنا ساكنه معاه منطقه مافيها اهلي واجيهم بااجازات المدارس
والله مالي علاقات باحد ماانبسط الاإذاجيت لاهلي
اقعد عنده بالشهور كل طلعاتي بالحنه لاأهل ولا صديقات
حتى إذا جيت لاهلي كل مكان اروحله لازم اكلمه وياويلي لودق علي ومارديت يدقدق على جوالات اخواني يدورني هو موشكاك بس ماادري ليه يسوي لوكنا متهاوشين يعي اروح اي مكان وانا عند اهلي بس ينكد علي
وأنا احبه على كثر مايزعلني اطيعه وارضى بسرعه ماعاد يحسب لزعلي حساب
عشان كذا قلتله ماارجع الابذا الشرط ابي ارد كرامتي اللي وابيه يعبرني
ابي تساعدوني وشلون آخذ اللي ابي بدون حنه
جربت الطريقه الي تقولها ناعمه الهاشمي بس ماحسه تفيد معاه​

 

[KOKO_284I]

المفروض انتي اتعرفين مفاتيح ريلج تتعالييله بالطيب

 

[دلوعة أبوهآ]

دامك تحبيه وتمدحي فيه
تعوذي من ابليس وآرجعي له
مع انه اسلوب زوجك صراحه مش ولآبد معاكِ
مافيه إي احترام لكِ ... << اللي فهمته من كلآمك عنه ..


بس دامك تحبيه ارجعي وطنشي السفر ..
عشآن لآيصير الطلآق وبعدها تدورين حل كيف ترجعين له ..!

 

[دلوعة أبوهآ]

قريت ردودك الأخيره ..
صراحه زوجك مقصر وآنآني
يبي يستانس ويبي كل شي له وانتي لآ
ليش مالك نفس واحاسيس مثله !!!!!


مادري شقول لكن الله يعينك عليه

 

[kookiz]

عشان سفره كل هذا وييه حمدي ربج ناس مومحصله حتى طلعه قعدي ببيتج عن حركات اليهال محد بيخسر غيرج

 

[لولو كـاتي]

حركه ان تقولينه ياتوديني او ماني راده لك صدقيني بيعاندك فيها

لان افتررضي وداك وانتي رجعتي ببيتك

تتوقعين وش بيفكر فيه ااكيد بيقول بسسسسسسس هالمره كل ماتبي شي واقول لها لا

بتقول ياتسويلي اللي ابي ولا بروح بيت هلي

فشي طبيعي يررررررفض حتى لو ناوي يوديك بيهون هههههههههههه

من جد ترا السالفه ماتسوى

دايم حطي ببالك ان غلط تخسرين غالي على شي تافهه الدنيا رايحهه

وقد تفقدين اشياء تتحسفين عليها طول عمرك

,,
باك توني اقرا ردودك االاخيره

شوفي اذا ع قولتج كله يقولج لا لازم تعرفين السبب طبعا باسلووب وبهدوء

يعني قوليله مثلا اوك على عيني وراسي انت ماتبيني اروح نادي مش رايحهه بس ممكن اعرف السبب

علشان تعرفين اللي هو مايحبه وتحاولين مره ثانيه تتحاشين الاشياء اللي تنرفزه وماتفتحين معاه مواضيع تتوقعين انه مايرضى فيها

انت افهمي زوجك وشوفي وش مايحب وليش يمنعك

وبيني له انك متغربه عن هلك حاولي تكسرين بخاطره

 

[روان المطيري]

امبييييه عقلج صغيييير @@

 

[الشوق يجيبك؟؟]

بنات شلون اسوي تعديل على مشاركتي​

 

[مطيرية والعزليه]

هههههاي الله يخليكم لبعض لا والمشكله تعليقاتج احبه وابيه واموت فيه

الله يخليكم لبعض يهدي سركم تدلعي عليه بس لاردمن السفر ردي بيتج واستقبيليه تلقينه ناسي ةتعالي بالمسايس تاخذين اللي تبينه

 

[سارة ة]

اااب

 

[الشوق يجيبك؟؟]

لولو كاتي
انا اعرف ليه كل شي لا هو تربيته غيرعني هو تربى كل شي عيب الصالون مايروحون له الا الي ماتربت والنادي نفس الشي
آآآآآآآآآآه عانيت واجد بس اشوى الصالونات اروح مايقول شي يعني هوتفكيره احسن من اهله بكثير ودايم يحاول يبين انه مختلف عنهم بس بعد هالافكار معششه بمخه
واحنا غير عنهم اهلي ماعندهم هالافكار
تخيلي ابي اروح هالنادي لي سنين معييي بدون سبب
افكار معششه بمخه
ونفس الشي احس من كلامه في رايه ان الرجال اللي يدلع زوجته ويدللها ماله شخصيه ومرته قاويته​

 

[حبيبي مالكني]

كل شي بالطيب يصير
وهالموضوع مايسوى تزعلين عشانه
حاولي معاه انه يوديج هالديره بالطيب
واذا تبين تزعلين زعلي في بيتج لا تطلعين برع وتكبرين السوالف
ولا تغربيلين ولدج وتنقلينه من مدرسه لمدرسه على حسب مزاجج ومشاكلكم العابره

 

[sh_mashael]

انت قاعده تتحدينه و الرياجيل ماينفع معاهم هالاسلوب حتى لو يحبج !!
باجر يصكج بـ وحده على راسج و راح اتغنين ياليت اللي جرا ماكان

فديتج اهم شي يسفرج بالسنه مره
و اذا على الدورات فـ اهو رايح شغل يعني مو فاضي لج

اتصدقين عاد لو اتغيرين اشوي من اسلوبج بالحنّه << يعني اتحنين على خفيف ههههههه
راح اتشوفينه اهو اللي يطلب منج اتروحين معاه اذا عنده دوره
عاد انتي حزتها قولييله مشغوله هاليومين مااقدر اسافر معاك هههههههه

 

[طموحه بزياده]

السفر حلو ومالومج اذا حنيتي عالسفره ههههه

بس صراحه اسمحيلي احس اسلوبج وياه مو شي ومخليه يعاند

 

[SWiiiRZ]

مسااافر حق دوااامه مو لعب ماراح تستانسين اصلا

 

[Patcholli]

اختي اسمحيلي واتمنى ماتزعلين برد عليج بكل صراحه بدون مجامله واضح ان طبعج تحبين الحنه والنكد ..
وواضح ان زوجج يبي يرتاح من هالوضع ويبي شوية راحة بال ونقاهه كأي انسان طبيعي ..
لكن انتي ماشاء الله عليج تهاوشتي وماتبين ترجعين واخر الموضوع تكتبين احبه عزيزتي شخصيتج فيها تضارب ..
صدقيني الريال تكسبينه بالهدوء وبكلمة حاضر ومن عيوني ..
ليش مكبره موضوع الكلمه الحلوه .. مو مشكله قوليله حاضر وعلى امرك .. وين العيب ؟؟ المهم تسافرين صح .؟ سافري معاه مره وحده وخليها على مزاجه وقولي حاضر خليه يحب يسافر معاج خليه يستمتع وتنطر السفره وياج .. لكن لما يحجزلج تذكره وفندق ويقط فلوس عشان يسفر متوقع انه بيغير جو معاج ومايلقى الا النكد والزعل اكيد راح يكره السفر معاج وراح يفضل السفر مع اصدقائه ..

 

[@ بنت قطر @]

حبوبه بقولج شي وحطيه في بالج

انا ريلي سفراته وايد بحكم الشغل في السنه 5 او 6 سفرات احيانا اروح معاه واحيانا لا بحكم شغلي

صج لين رحت معاه نستانس ونغير جو والنفسيه التغير 180 درجه

والسفره اللي ماروح معاه اعطيه مجال يتنفس ويجدد من حياته واجدد من حياتي مع اهلي وربعي هو يرتاح وانا ارتاح

قبل لايرجع استقبله احلا استقبال الورد والسويت وكم بدله يديده واتحني واصبغ شعري واتمكيج واغير الغرفه من الى تقولين

معاريس الله يحفضنا

 

[LadY BuG 80]

انتي في وازد مسكل ​