زوجي مؤ عاجبه

[بنت نصر الله]

السلام عليكم هذا اول موضوع لي اتمنى تساعدوني في حل مشكلتي زوجي مؤ عاجبنه طريقه تننظيفي للبيت ولا شكل لبسي ولا اهتمامي في نفسي قولوا لي وش اسوي ابغى انظم وقتي بدقه مع العلم ان عندي ولد عمره اربعه شهور احس صائر كل شي همجي ساغا اعطوني أرجوكم

 

[ام فواازي]

كتبي طريقتج بتنضيف البيت وبلبسج عشان نساعدج
وترى بيبي 4 شهور مو عذر للرفاله توه لا حبى ولا قعد يعني وجوده مثل عدمه مميه كل ساعتين او ثلاث ومصاصه و جم مره تبدلين حفاضه ترى مو معادله صعبه عشان تتعذرين فيه

 

[سارة ة]

اااااااب

 

[حلـم لــم يكتمل]

والله ياقلبي انا عكسج تماااااااااما
انا خدامتي صار لها فتره مسافره عندي بنت ولد والله العظيم لوتجين الحين بيتي وتشوفينه يلق لق وريحته تهبل
لا والحين زوجي صار قايلها لي مرتين ماشالله عليج شنو هالنظافه شرايج لاردت الخدامه نبيعها ونفتك من عفنها
والله العظيم ياقلبي يوم خدامتي موجوده ارض المطبخ 24 ساعه مااي والمواعين وسخين والحمام تغسل الارض وماتمسحها وبنتي لو تقعد اسبوع اذا انا مابدلت لها ماتبدلها وكلها تتأفف وتصارخ

 

[حلـم لــم يكتمل]

الحين بقول لج على طريقتي بالتنظيف وانتي قارني بيني وبين طريقتج ممكن اساعدج شويه
على الساعه 11 اقعد من النوم مع ولدي اقوم بسرعه ابدله واسوي له مميه حليب واحط له بباي وادخل المطبخ بسرعه مع اني انام ومااخلي شي بس لزوم النظافه اذا في مواعين اغسلهم وامسح الغاز وطبعا حاطه عليها قصدير عشان لاتتوسخ بسرعه وتخرب واغسل الارض وبعدين ادخل الحمام الله يعزكم انظف المغسله والبانيو واغسل الارض واطلع منه بعدين الغرف غرفه غرفه مع الخم ومسح الغبار وفي شي مهم جدا عشان الزوليه (السجاده)لاتتوسخ افرشي فوق الزوليه بطانيه خفيفه من نفس اللون للزوليه عشان لايخرب منظر الغرفه وجذيه اذا احد من العيال كب ماي او بيبسي او اي شي اغسلها وانشفها بربع ساعه
وبعدين اسوي غداي واغدي العيال واتسبح واسبحهم او ابدلهم واحط مكياج خفيف تكون الساعه (2)الظهر وانا مخلصه كل شي ونقعد كل اليوم والبيت نظيف وشحلات ريحته وفكه من نفسيه الخدامات ومشاكلهم وعفانهم وانا مرتاحه واللهجذيه حتى عيالي وزوجي مرتاحين والحمد الله

 

[درة أهل الطولات]

غيري من نفسج

 

[ليان200]

نظمي من وقتك قسمية ورتبي البيت اول باول وخلك نظيفة وطفلك نظيف دايما ولاتحملين نفسك فوق طاقتها
واذا ماعجبة قولي لة ترا ذا موب واجب علي اني اسوية ترضى انت احملك فوق طاقتك في المصاريف والشغل واذا كلش موب عاجبة خلية يساعدج مافيها شي اذا الرجال ساعد زوجتة قولي لة حلو الرجال يقدر زوجتة يعني من علامات المحبة تقدير الزوج لزوجتة
وقولي لة بعد ترا انت موب متزوج شغالة وطباخة وعارضة ازياء تمر بعض الاحيان للانسان ضروف
بعد مو من حقة ويتشرط

 

[ام كوثر2007]

شنو اللى مو عاجبه حبيبتي ... ؟

عشان البنات يفيدونج .. وكل انسااان يتغير ومو عيب انه الانسان يعترف انه فيه خطأ بس العيب لو استمر فيه وماحاول يعدل من نفسه


احنا هني كلنا خواتج قولي طريقتج بالتنظيف ولبسج وان شاءالله خواتج مهم مقصرين معاج ..

 

[simone]

قولي والخوات مابيقصرن بالحلول

 

[ليه الجفآ]

قولي لنا طريقتج بتنظيف والترتيب وطريقتج بالبس عشان نساعدج


لاتكونين من اللي اربعه وعشرين ساعه بيجامه تعفسه والشعر كشه والنفسيه براس الخشم

عساس عندي بيبي ... موعذر البنت لازم تهتم ببيتها ونظافته وتنسيقه ولازم تكون لها لمسات خاصه لها اهي فيه

سوي بيتج نظام فندقي بنظافه والترتيب عندج اغراض التنظيف الكل يعرفها نظفي خلي للبيت ريحه حلوه

سنعي عمرج بوقت دوامه او طلعته حطي خلطات تزين بشرتج البسي حلو شوفي شنو البس اللي يحبه والبسيه

فيه بنات الله يهداهم كله اربعه وعشرين ساعه بيجامه !!!!

طقت جبد الرجال يبي يشوف لبس حلو غيري .. جنزات نفانيف قصيره مو تلبسين وتكشخين لرحتي لرفايجج

جذي هم البسي له جنج بتطلعين ..

شقول مو عارفه نظامج ..

قولي لنا وونساعدج​

 

[الغدق]

قوليله شاللي مو عاجبك أسأليه شنو تحب
شنو ماتحب
وشوفي رايه وحاسه فيج البيبي أذيه
واذا انتي دوام بعد الله يعينج
بس اذا مو دوام عادي سهالات وبعد ماعندج
خدامة يعني تقدرين تاخذين راحتج باللبس
أسأليه مافيها شي

 

[جنوبية وأفتخر]

يا قلبي حاولي تسألي زوجك عن ألي يعجبة وألي ما يعجبة
بدل ما تعورين راسك ..

 

[كربون امها]

لبسج لبسي يوم دراعه كشخه ويوم بيجاما ويوم نفنوف ويوم
جينز ويوم شفاف نوعي يمكن انت ياقلبي ريلج مايحب ذوقج
سهالات شوفي من خواتج يمكن عندهم ذوق 0حاولي يكون شغلج يالصالون
حمامات مغربي وتركي وحمام زيت لشعرج مهم هذا الشي وكل مره تحتاجه بالذات المتزوجه اسخدمي لوشنات للجسم بكل انواعه خلطات للجسم دعن عود شيره او ليزرللجسم باكمله والبيبي اهتمي بالبسه وريحته واستخدميله جونسون
البيت حاولي تاجرين خدامه مره بالاسبوع تنظفين البيت كله شلون
طلعين كل اللي بالمطبخ وتنظفين الكبتات وغرف النوم من تحت الكبتات شغلج خلي كله فوق وتحت ثاني يوم يكون ماعندج شي عاد تبدئين بالتنظيف العادي اذا شقه تحتاج معقمات ديتول وكلوركس وحاولي كل شهر تيبين شركه تنظيف للشقق
تساعدج على التنظيف لان يستخدمون مواد تزيل الاوساخ والجير 0وحاولي بعد تسالينه عشان تعرفين اهو شنو يقصد انشالله افدتج

 

[رنيم الروح]

حبيبتي احنا خواتك قولي طريقتك عشان نقدر نساعدك او نعطيك افكار غير افكارك؟
وانتي ياقلبي سأليه قولي وشو الي معاجبك بالضبط

 

[* بنت المطر *]

وضحي اكثر

 

[نعوووووومه]

الزواج مايقول الا اذا شاف الشي زاد عن حده انا بقولها لج بصراحه ولاتزعلين يعني اذا شاف البيت وصخ وانتي مهمله كشختج))))اهني يتكلم الزوج اهم اهم شي بالمره واللي الزوج يعرف المره منه النظافه النظافه النظافه لازم اهتمام بالبيبي وبكشختج وبالبيت تقدرين تنظمين وقتج
وقولي لنا شلون طريقتج بالتنظيف ولبسج منشان نفيدج حبووووبه!!!

 

[love love]

عادي حبيبتي كلنا تعلمنا اشوي اشوي

انا كنت مييييح والله لا اعرف اطبخ ولاشييييي

وحمدالله الحين يهال وبدون خدامه وحمدالله اطبخ كل شي والبيت يلمع يلق وغير ريحه حلوه وبخور ماتشمييين


انا كنت مستصعبه السالفه بس طلعت سهالاااات


رتبي وقتج عدل


بس قولي شنو الي موعارفتله خل نعلمج

 

[ShEmOkH]

Up up up

 

[Mjnont '3lay]

انشاءالله البنات يفيدوونج

 

[om-3azo-83z]

وضحي اكثر...
و شوفي ريلج قعدي معاه و ساليه شنو اللي مو عاجبه و غيريه
و نظمي وقتج