زوجي مؤ عاجبه

[كليـ دلعـ]

ناطرين صاحبه الموضوع ترد!!

مع اني احس انهاا ماراح ترد!!

 

[جلكسيه اس 3]

لبسج لبسي يوم دراعه كشخه ويوم بيجاما ويوم نفنوف ويوم
جينز ويوم شفاف نوعي يمكن انت ياقلبي ريلج مايحب ذوقج
سهالات شوفي من خواتج يمكن عندهم ذوق 0حاولي يكون شغلج يالصالون
حمامات مغربي وتركي وحمام زيت لشعرج مهم هذا الشي وكل مره تحتاجه بالذات المتزوجه اسخدمي لوشنات للجسم بكل انواعه خلطات للجسم دعن عود شيره او ليزرللجسم باكمله والبيبي اهتمي بالبسه وريحته واستخدميله جونسون
البيت حاولي تاجرين خدامه مره بالاسبوع تنظفين البيت كله شلون
طلعين كل اللي بالمطبخ وتنظفين الكبتات وغرف النوم من تحت الكبتات شغلج خلي كله فوق وتحت ثاني يوم يكون ماعندج شي عاد تبدئين بالتنظيف العادي اذا شقه تحتاج معقمات ديتول وكلوركس وحاولي كل شهر تيبين شركه تنظيف للشقق
تساعدج على التنظيف لان يستخدمون مواد تزيل الاوساخ والجير 0وحاولي بعد تسالينه عشان تعرفين اهو شنو يقصد انشالله افدتج

انا معاها

 

[سكوون انثى]

وضحي آككثر حبيبتي

 

[اخت خالتهم]

شنو لبسج ؟
لبسي بجايم حلوه
لبسي رمادي
لبسي أزرق
لبسي وردي
كثري من الالوان الفاتحه
لبسي بنطرونات سوده تحلي الجسم


وانتي اساس من وين بجايمج
شوفي اوشو حلوه بجايمهم
و حتى دبنهامز .. و حتى لو تشترين تيشيرتات من h&m

انا بجايمي اقط 70 او 80 دينار عليهم يكونون 4 يمكن او 5
و اشتري بنطرونات حلوه قطن يلوق عليها أي تيشيرت

والاهم غيري بطريقة شعرج
و نظفي واهو مو موجود
مو جدامه ..
جدامه سوي روحج تعبانه من التنظيف وحطي بخور قولي توووني مخلصة

والله يهنيج يا عمري

 

[بنت نصر الله]

مشكورين خواااتي

 

[بنت نصر الله]

أنا طريقتي في التنظيف احس كل شي بسرعه بسرعه يعني أنظف التفاصيل الكبيرة يعني مثلا أنظف الغرفة بس اعدل السرير واشيل الاشياء العفسه بس يعني ما اكنس ولا أشيل غبار ولاشي واحس قرفانه من هالوضع ابغى اتغير بس أنا من النوع الكسول وأزهق بسرعه

 

[بنت نصر الله]

ولبسي أحسن عادي جداً محدد يعني مثلا يا جنز يا بجامه كذا

 

[بنت نصر الله]

وثانيا أنا توني احس حملت بسرعه وولدت خصوصا ان عمري ١٧ وطفشانه من هالروتين ابي جدول يومي واسبوعي للتظيف بالضبط وش اسوي اكون شاكره لكم

 

[بنت نصر الله]

نفسي اتفنن في اللبس في الدلع في تسريحه الشعر والمكياج بس ما اعرف

 

[sosowaty]

ااااااب

 

[بنت نصر الله]

!!!؟؟؟

 

[miss swan]

تنظيف البيت: اول شي تنظفين الاثاث القنفات وتمسحين الطاولات وتفتحين الدرايش وتخمين الارض بعدين تمسحين بديتول وماي اذا كان سراميك
الحمامات تنغسل بصابون ملابس بعدها تمسحين بماي وديتول
غرفة النوم اول شي الشراشف ابدلهم كل اسبوع اذا ماتوسخوا
عقب مااخلص اسكر الدرايش وابخر البيت ساعات ولاشموع معطره وابخر الكبتات
بالنسبه حق ولدج اول مايقعد من النوم تغسلينه ايده وريله وويهه او تسبحينه وتبدلينه وتحطينله بودره ودهنين جسمه وبعدين تعطرين ملابسه بكلونيا الاطفال
وتقريبا ثلاث الى مرتين باليوم على حسب حتى قبل لاينام والسبوح عشان البرد يوم وترك
​

 

[سندس 90]

والله ماادري شقووولج يااابنت نصر الله

 

[miss_jamsheer]

عاللبس روحي معاه السوق خل اهو ينقيلج وبس
والتنظيف حاولي ترتبين وقتج شوي وياهل 4 شهور حيل صغير مايسوي شي ولايعيق وقتج

 

[»βαzεя«]

اب اب

 

[بنت نصر الله]

مشكورين بس ولدي لازم يبغاني احمله وما يرضى يقعد بروحه عشان كذا ماعرف اشتغل زين

 

[د. فاطمة]

*أول شي ولدك لاتعودينه عالأيادي
بالبداية بتتعبين بس بعدين بترتاحين كثير
خليه بالجلاسة - المشاية - لعبة >>على حسب عمره
اول الأيام بيصيح بعدين بيتعود لأنوا غلط تعودينه عالحمال دايما
*رتبي نومة ولدج ترتاحين وايد
*كل يوم اصحي وقومي لولدج رضعيه وأكليه وخلصيه وحطيه يلعب بهالوقت قومي رتبي غرفة النوم ( رتبي السرير -شيلي الوسخ والملابس )
عودي نفسج تدخلين غرفة تخلصينها وتسكرينها وتروحين للي بعدها وآخر شي خليه المطبخ.
وارمي الملابس بالغسالة يتغسلون ويتنشفون بوقت التنظيف والطبخ.
* المطبخ عودي نفسج ماتنامين إلا الصحون كلها مغسلتها ومنشفتها ومرجعتها الدواليب عشان لما تدخلين المطبخ الظهر يكون عليج ظبخ وتنظيف خفيف بس..
* سوي حلى والحلى يكفي ويمين إلى ثلاثة وكل ماخلص سوي ترى لو عودتي نفسج من الحين على هالنظام بيمشي معج طول عمرج وبتكونين مرتاحة نفسيا وجسديا.
بكذا ماتجي نهاية الظهر قريب العصر الا مخلصة شغلج .
* روحي سبحي ولدج ونوميه نومة العصر خفيفة.
* ادخلي تسبحي انتي والبسي ملابس حلوة وكشخة مو شرط تكون اوفر .
اشتري بناطلين جنز حتى لو عادية شوفي اللي يناسب جسمج مع بلايز حلوة ومنوعة وشكلي بالملابس واشتري تنانير بعد وفساتين مابين الطويلة والقصيرة وكل مره البسي شي
وانتي وذوقج واللي تحبينه ويناسب ويعجب زوجج
* البيجامات اشتري الكيوت والحلوين والهادين اويشو أمووت فيه بيجاماته مرااا روعة وعندك لاسنزا وغيرهم ولاتكثرين خذي 5- 6 بيجامات حلوة
* شعرج سوي اللي يناسبه انتي ادرى بشكلج
* نومي ولدج قبلج بساعتين واجلسي بهالوقت مع زوجج وسولفوا واضحكوا اساليه عن يومه فضفضي له ويفضفض لج وكذا
>>للمعلومية حبيبتي تزوجت نفس عمرج والحمد لله الحين كبرت وكملت 5 سنوات وعندي ولد وان شاء الله يارب ربي يكتب لي بالحمل السليم والحياة حلوة وماشية

موفقة يارب​