زوجي مايبيني مصدومه من بعد ماكان يموت فيني ويدلعني

[كـ غلا ــلي]

من رايي بس كافي لاتدخلين اهلج وشيلي اغراضج ورجعي بيتج ولا عليج من حجي اهل ريلج حتى لو انج

ساكنه عندهم انتي خو لين رديتي بتردين بيتج شقتج اشعليج منهم ولين رديتي حسني صورتج جدام ريلج

لا تخلينه يشوف منج الا كل الخير ودامج تحبينه ولا قادره تستغنين عنه تحمليه وديري بالج تطلعين اسرا بيتج بره

ولين زعلتي زعلي بمكانج وركدي شوي الزواج يوم حلوه وعشره مر يبيله صبر وطوله بال

 

[ღ❤سـنــيـــڪـرز❤ღ]

شوفي انا احس انو لما ينقلب الحال فجائه من ابيض الى اسود معناة فيه ذنب
استغفري ربك فكري يمكن ضلمتي احد حتى لو عامل بشارع استغفري يمكن احد قريب او بعيد
واذا تعرفين الي ضلمتيه مو عيب تستسمحيمن منه او تصدقي له بضهر الغيب الله يوفقج

 

[كات 511]

ما اقول الا اتجهي لله هو بيده يقلب القلوب
انا اقول وقفي اتصالات ومسجات وانشغلي بالله عزي نفسج مصيره اذا فيه خير برد لج والدليل ماطلق الظاهر يبيها منج او يبي يعطيج درس مثل ماقلت لا تدقين ولا ترسلين مسجات راجعي نفسج وغلطاتج ولا تيأسين من رحمت الله الله سبحانه يختبر صبرج الزمي الصدقه والاستغفار وابشري بالفرج.
الله يردج لزوجج رد جميل.

 

[فراشه بيضا]

حبيبتي وانا اقرا كلامج جني والله اقرا مشكلتي اللي صارت مع زوجي بكامل تفاصيلها من ثلاث سنين ، الفرق بس اني مو قاعدة عند حمولتي وموضوعي وصل للمحاكم
سمعيني حبيبتي وياريت كل بنت تقرا كلامي تنتبه له عدل علشان لاتمر بهالموقف بحياتها الزوجية لان والله الى يومكم هذا مأثر بنفسيتي على الآخر ... اللي صار لي مع زوجي كان في بداية حياتنا الزوجية وكنت حامل ببجري... وتدرون المشاكل العادية والتافهه اللي تصير بين الزوجين مع النساة اللي لاعبة فيني لعب وتدخل الأهل من الجانبين ( اهله كان الجانب اللي يشيش واهلي كان الجانب اللي يهدي الأمور ) كان له دور كبير في تطور موضوعنا ووصل للمحاكم ... سمعوني كلكم ممنوع ممنوع ممنوع الوحده فيكم تطلع من بيت زوجها لو شنو ما يسوي حتى لو قالج طلعي ديرو بالك هذي نصيحة لوجه الله من اختك تحبكم وعانة من هالشيء الى يومكم ... الله سبحانه قال في كتابه " وقرن في بيوتكن " ... يعني الزبدة قضبي أرضج ... ادري تقولين كرامتي ومستحيل اتحمل اسلوبه وطبعه ... صبري حبيبتي والله باجر راح يعوضج على صبرج هذا ويصير زوجج ما يفارقج ويرد لج ...انتي حبيبتي تركتيه لاهله ... والله العالم شنو يقولون له وشلون انتي علاقتج معاهم من قبل... الحين بتقنعيني ان يحبج ويموت فيج وبسمع كلامج وانتي اللي صار له جم شهر معاشرج ... ولا اهله اللي عاش عمره معاهم... انتي فتحتيلهم المجال انهم يتدخلون ... حتى هو شافج هنتي عليه واهلج تدخلو حتى لو بالخير بس بينه وبين نفسه انه انفضح من المفروض تكون ستره وغطاه...اللي راح تسوينه الحين... خلج من الرسايل والمسجات والإتصالات كلها ما تنفع الحين حتى الاعتذار ماراح يقبله ... الحين تستأذنين اهلج وتطيبين خاطرهم وهم اكيد راح يتفهمون وراح يشجعونج انج تروحين بيت زوجج ... هذا زوجج اول وتالي وابو عيالج ...مالج شغل بنظرة اهله لج ولا شلون راح يتصرفون معاج ولا هو شقالهم عنج ... صدقيني انا سمعت كلام شيب شعر راسي بس صبرت والله عاني... تروحين بيتج وتنطرين زوجج وقوليله انا شاريتك وانا ظروف حمالي خلتني اتصرف جذي غصب علي وصدقني مشكلتنا ما درا عنها غير امي وابوي بس اخواني وخواتي مغبين عليهم لاني ما ارضى عليك ، واللي تبيه راح اسويه لك بس انت ترضى علي ... وها تحملي الكلام اللي يجرح ويغث طوفي والله بعينج ان شاء الله

انا مريت بنفس المشكله بالضبط
ورجعت بيتي وسويت كل شي قلتي عليه
وهم ما فاااااااااااااااد
مايبيني هذا وانا مو مسويه

 

[[ نور عيني ]]

الله يفررج همج يا رب
والله كسرتي خاطري .. =(
يا رب الله يجمعكم مع بعض من جديد ..

 

[أم راشد المطيري]

بشري اصار عليج

 

[دلوعة أبوهآ]

آلله يسخركم لبعض

 

[امانينا]

الله يعينج حياتي
كلنا صارت لنا مواقف صج ماتنسى بس تتخطينها ويمكن اتقوي العلاقه بينكم اكثر
الله يلم شملج
انا براي ادزيله مسج بدون لاتعال نتفاهم ولا نطلع
كلمتين بوفلانه انا برجع البيت عشانك وعشان بنتي وعشان الحب اللي بينا والعشره
اذا متقبل هالشي وعندك استعداد رد علي بمسج او اتصال
واذا مارديت علي انا بفهم
بس قبل لاتقرر اي شي فكر عدل هذي حياتنا
اللي كان بينا حب اذا افترقنا احنا الخسرانين لا اهلي ولا اهلك
باجر كلمن يلهى بحياته واحنا بعاد
انا متمسكه فيك وناطره الرد
واكيد تعرفين نقطة ضغف تاثر فيه
ابجذي صنتي كرامتج وحفضتي قدره
​

 

[الشيرازية]

الله يهديه لج

 

[بنات حواء2]

اكبر غلط انكم تدخلون الاهل

 

[عاشقة اسمها]

حبيبتي انتي زعلانه الحين بس عندي لج حل :
تروحين شقتكم وتسوين لكم ليلة رومنسية وتعطينه هديه وتعتذرين منه وقولي له اني اسفه اداد ازعجتك بيوم من الايام انا متحسفه ع اللي سويته واني رحت بيت اهلي ودخلته مبالموضكع بس خلينا نبدا صفحه يديده ومابتلاقي مني الا كل خير بس انت بعد راعيني مو كل شيء تسويه مشكله وتكبر السالفه عليه
ومن هالكلام الحلو وشوي شوي وبيرضى ترا مايصير اختي انتو بينكم ياهل حرام يضيع !

 

[همآليل]

الله يجمع بينكم و يهديه

 

[انثى عاشقة]

اكيد اهله مكبرين راسه
ياشين الحمولة اذا حشرو خشمهم =\
الله يعينك
ويهدي زوجك ​

 

[غنآآآتي]

الله يفرجلج ي رب ..
رايي من راي فوفو ..

 

[نـعـومـه]

كنت بقولج شناطره روحي عند زوجج بس شفت الموضوع قديم

ان شاءالله مشكلتج نحلت

 

[هذا مزاجي]

المفروض اسراركم ماطلعت برا
لا اهلج ولا اهله
الله يسخركم لبعض
طمنينا اذا رجعتي

 

[7o0o0r]

الله يعينج حبيبتي
البنات كفو ووفو والموضوع قديم
اتمنى مشكلتج انحلت وطمنينا حبيبتي

 

[جـــواهر]

واعليا اكره هالمواقف العناد والمكابر

ترااا مراح يفيدج تذكري ان فيه جاهل بالموضوع
انتي ابدي بالكلام انتي الدي بكل شي
دقي عليه قوليله يافلان خ نطلع برا نسواف
ولا روحي بيتك مافيها شي هذا بيتج وبيت ولدج

 

[نونه المنكوشه]

الله يالف مابينكم ويسخركم لبعض

 

[منووله مشعل]

والله فووفوو والبنات ماقصروووو

والله يلم شملكم وتردون مثل اول واحسن بعد