زوجي مايدري اني حامل

[ابدا يالغالي مانساك]

الله يعينج علي حالج
تبين الصراحه خاشه
حمالج عن زوجج
وبعديا تقولي اخاف من عيووووووون مرة حماااااااي

ليه يالغاليه مثل الله مارازقج بيجي هاليوم اللي بيرزق
مرة حماااااااج
ومو حلو الانسان يكون نيته جذيه صفو النيه
صفووووووووه
كلنا حريم
ونفهم لبعض

 

[sosa_23]

عيب تقولي عن حماج انه عينه حاره

يعني علشان انه محروم من الذريه صار حسود شنو هالافكار ترى حتى لقطاوه تحمل وتولد

صفي النيه واربع شهور حامل ومايدري مصيبه وتبين تعلمينه في رمضان يعني تكونين في السادس ياكبرها عند الله

معاها 100% :rerrerek:

 

[انصاريه قمره]

انا عندي لج حل وانشالله يمشي مع ريلج
قوليله فلان انا خايفه صارلي فوق الثلاث شهوور ما يتني العاده خل نروووح وجيك سوي روووحج مو داريه عن شي انا ببنتي الصغيره اسم الله عليها ما دريت اني حامل الا بالثالث لووول قلت ويه ارضع عندي مناعه 6 شهووور وانا مادري عالدنيا ترى توني قبل اقل من شهر دريت اني حامل
بس نصيحه صفي نيتتج مثل ما قلت لج بردي قبل شووي وما عليج من غيرج

 

[&&الجــــازي&&]

الله يصلح نياتنا ونيتج اعتقد البنات كفوا ووفوا هاذي مشكلت التبادل تعاملينها بالمثل انتي حسيتي في امج لما مرت اخوج ماقالتلها عن الحمل فااكيد ام زوجج بيكون شعورها نفس الشعور اتقي الله في نفسج وفي زوجج وام زوجج بكره بتكبرين وبيصير عندج مرت ولد تسوي فيج جذيه تحرمج من فرحة الحفيد

 

[إباء الروح]

اهل زوجي مثل اهل زوجك..
وانا بالنسبة لي كل مرة من الحرة اقول لحملت ماراح اقول
وطبعا في النهاية اقول في نفس اليوم اللي احلل فيه.
اخيرا
كل واحد يعمل بأصله وبقناعاته.

 

[ELFAD3Ah]

بصراحه قويه ماتقولين حق ريلج لازم يعرف

 

[أحبك أمي]

من رايي عقب ما تولدين خشي البيبي على طول لا يشوفه زوجج

اعتقد رديت على الموضوع نفسه من امس

:krkrkr::krkrkr::krkrkr:برافوا

 

[ترجمة احساس]

فشله جدام زووجج مايدري
شنو موقفج اذا عرف
الناس متخلفه اصير نفسهم يعني
الله يهديكم

 

[coralia]

غريبة على الأقل لازم زوجك يدري يمكن يزعل منك زعلة جايدة ومايسامحك ماتدرين شنو ردة فعله

 

[شقاوة أنثى]

معقوله جذي ليش زين ؟
انا اشوفه شي عادي وفرحه خلي الكل يدري والله الحافظ
والله يرزقنا ويرزق كل وحده تتمنى الضنا

 

[دلــــــــــع!]

مع إحتـرااامي،،

هذا يسموؤنه تخلف للأسف،،
ليش جذي ؟؟
ليش جذي الحرييم كل شي يخشونه عن بعض؟!!!!!
ع اساس الحسد والعين ومادري شنو!!!

وهالمره بتخشيين عن زووجج!!!!

مو هالدرجه!!
وبعدين شفيها اذا قال لأهله؟؟
مصيرج بتوولدين ويعرفون!!

واذا خايف مع عين حماج مادري منو!!
ترئ الحل مو انج تنخشيين!!
الحل انج تقرين ع نفسج وتتوكلين ع الله
هو الحافظ وهو اللي يحمييج

تقبلي مروري

 

[دلــــــــــع!]

الحامل الأجنبية:

الكل يعرف إنها حملت من أول ما تحلل عند الطبيب

وبعد فتره لما تقولها صاحبتها: ألف مبروك حبيبتي

إنتي بأي شهر ...؟؟

تقول أنا بالرابع وحجيب ولد و راح اسميه جون ..

وتولد وكل صاحباتها يزورونها و يسألوها عن الولادة

تقول: لا اطمنوا أخذت إبرة ظهر وكانت ولادة سهله ..

تطلع من المستشفىى وترتاح كم يوم و تأكل أكل صحي ..

وبعدين ترجع لحياتها الطبيعية ودوامها ..


نجي لأخواتنا الخليجيات الله يحرسهم ..

طبعا محد يعرف إنها حامل إلا لما يكبر البطن ..
وتحاول تلبس وسيع عشان توصل للسادس مادروا عنها

ولما يسألوها بأي شهر ؟؟
تقول: و الله مدري أنا حاسبه والدكتوره حاسبه والله أعلم مين الصح ..

و إذا سألوها وش بتجيبين ؟؟
تقول: مسكر رجوله الله يصلحه مايبين ..

طيب وش ودك يجيك ؟؟
ترد: اللي يجي من الله حياه الله

طيب وش تقضيتي أي لون ؟؟
تقول: لون محايد ..

وفي الشهر التاسع لما يسألونها .. وش بتجيبين ؟؟
ترد: اللي عندي رافض إني أسأل يبيها مفاجأة >>> ايه هين ..
طيب من اللي عندك ؟؟ ابوك و إلا أخوك .. وإلا السواق مثلا .. ماله اسم اللي عندك ..

و بعد الولادة إذا سألوها .. هاه تعبتي ؟؟

تقول: بغيت أمووووووووووووووت .....

وتطلع عند أهلها شهر نفاس وحلبه و مره و كل شي مخيس عند العطار بتآكله ..
و شهر فيها ضيقه .. وشهر تتصنفر وتتزين ..
ولما تطلع من النفاس .. ولدها تعبان و فيه صفار ..

وهي اللهم يا كافي لاعبه بعمرها ..
الشعر الأصفر والعدسات الرمادي وقصة الأناناس .....




هذا برودكاست وصلني،،

بس والله ما جذبواا

 

[لورا 22]

ناس واجد طايحين بهالحركه ما يعلمون احد اذا حملوا وبالطقاق حتى القطاوه تحمل وتولد مومخترعين شي
أنا اقول الا رجلج المفروض اول واحد يدري وبيني حق مرت اخوج ان الموضوع عادي مرا عند رجال شي طبيعي
انها تحمل اذا مافيها الا العافيه *