زوجي مو بالعني كللللش ابي حل انا احبه وابيه بس ...

[العقروبه]

السلام عليكم اخواتي انا عندي شكله مع زوجي حتى مو قادره انام بس ابي افضفض لكم والله قاعده اكتب لكم و دموعي ع خدي ...​

انا سالفتي بدت من سنتين انا يمكن اكون غلطت او اكون انا سبب بكرهه لي خل ابدي اقولكم السالفه و بلييز ابي حل حاولوا تساعدوني ...

في يوم كلمتني مرت حماي وقاعده تسولف عن زوجها وانه صارت بينهم مشاكل قويه وكانت بتوصل طلاق واحنا نسولف بالتليفون زليت لساني و تكلمت عن اهل ريلي و زوجي و طلعت الله يسامحها مسجله المكالمه و سمعتها حماي و اهني بدت مشاكلي مع زوجي اللي كرهني طبعا اقولك اني خذيت جزاتي و انطقيت من خالتي و بعدها بفتره من حماتي و جدام زوجي اللي ماتحرك ووقف معاهم و ظل طول هالسنتين بس يحبطني و يقط علي كلااام مثل السم في قلبي يمكن اطوف جدامه بس داخلي احس مكسور والحين وطبعا ما يساعد في مصروف حق ولده مع انه يبيني اكون بيرفكت حاطلي شروط حق المعاشره اني اكون ناعمه و بيضه و حلوه مع العلم انه شكلي بالنسبه له سحت وكلما اتقرب منه يدزني ويقولي ابي وحده حلوه وانا قاعده احاول بديت جلسه ليزر حق جسمي وباجر بركب اظافر ورموش وانشاءالله بغير قصه شعري و لونه و بسوي كيراتين مع انه ادري انه مراح يسوي لي شي لان اهو من داخله مو مشتهي وجودي وساعات احس من تصرفاته انه يبني انا اطلب الطلاق حق ما يعطيني حقوقي و يقولي انتي عصله مع العلم اني بعد الولاده نزلت 10 كيلو من المشاكل صار فيني التهاب بالمعده

 

[مكاييل]

عليك بصلاة الليل

 

[ماتغير شي]

هلا حبيبتي اول شيء مرت حماااج ماتستحي ديري بالج منها الله يكفيج شرها


من ناحية ريلج خلج واثقه من نفسج اهتمي بشكلج عشان نفسج اولآآآآ


خليه اهو اللي يقط نفسه عليج مو انتي من ناحية انه مايصرف على ولده ليش بالله !!


قعدي معاه قوليله هذا ولدك ومجبور تصرف عليه وخليه يخصص لج مبلغ معين شهريا حق ولده


الله ييسر امورج

 

[لياحه بنت لواح]

حسبي الله ونعم الوكيل
انتبهي من الحريم يخربون البيوت

وادعي ربج الله يسهل امورج ويهدي زوجج

 

[ELFAD3Ah]

انتي غلطانه بصراحه المفروض ماتتكلمين عن ريلج عند مرت حماج حتى لو موزينين اهو من حقه ياخذ موقف ويزعل حطي نفسج مكانه والي عليج تسوينه الحين تتقربين من اهله قبل لا تتقربين منه روحي طيحي على خالتج وقومي بالواجب عشان ريلج يرتاح ويغير فكرته فيج ومرت حماج حطي عليها مليون اكس لانها خبيثه وماتستحي والله يهدي سركم ويهديلج اياه يارب

 

[سماء الاحساء]

الفتنه اشد من القتل والدنيا دواره ولك يوم يا ظالم الله يعينك ويصبرك

 

[سندس 90]

عممما بعينها مرررت حماااج
انا اقوول سوي بوادر طيبه روحي عند خالتج وطيحي على راسها وقوليلها تسامحج
غيري من الجو اللي انتي عاايشه
صدقيني ياعمري الأنسان مايعيش الا نرا
فعيشيه لنفسج !!!!
عالاقل ماتتحسرين على شي
دلعي نفسج
سوي قروب مع بنات قعدتهم حلووه وحطي حدوووود
كملي دراستج اذا ليلحين مو مكملتها
ابدعي بشغلج
اهم شي ووالله انه سسحححر
التقررررب الى الله
ترا الديين بححححر بححححر كل يوم دشي النت او اشتري كتب تعلمي فيها عن الدين وقصص وعبر وحكم ولله بتصير الدنيا بعينج ولا شي
من ناحية الشكل
ترا هذي اسخف نقطه
الحين دشي قسم العناية والمكياج والعطور
والله انا ماكنت اعرررف ولا شي الحييين خبببره ماشالله
سوي واستمري وسويه لنفسج " لانه شعور حلو لما تلقين تظرات معجبين من الناس حولج واطالعين نفسج بالمنظره تريح اعصابج "
رياضه حمية غذائيه تقشير كريمات وخلطات مغربي نفخ خدود تنظيف وتبيض اسنان صبغ شعر قص كيراتين تغذيه بتطلعييين ققققممممر
ولا تقطين نفسج على زوجج لأنج بتتعبين
اكششخي واسكتي كأنه مو موجود والله بيستخف بيقول في نفسه " شفيها ماتبيني " وتعرفين الرياييل " كللل ممنوووع مرغووووب "
طولت عليج بس حبيت اساعدج لو بشي بسيط وابي اذا استفدي تدعين لي
ربي يسعدج ويفررج همج

 

[خالتي قموش]

حسبي الله على مرت حماج
الله يمهل ولا يهمل
حريم الحموى ما احب اقرب صوبهم
حيايا
وانت سوي اللي عليج
و ادعي الله يسخره لج
ويحليج بعينه
توكلي على الله

 

[وردة وطني]

اللي فات مات مع انج خطيت خطاء يكتب لج نقطه سوداء عند حمولتج بس ربج مايضيع حقج بتشوفين حقج بالدنيا قبل الاخره الزوووج يبيله صبر
اشياء دايم انصح فيه لاني شفت مفعوله
اولا تركبين رموش واضافر : لاطاعه مخلوق بمعصيه خالق وربج ماراح يوفقج ابدي حياتج بانه الشي اللي بتسوينه حرام اولا يعني اتقي الله عشان ربج يعفو عنج
زووجج حاولي تسمنين ترئ الرجال بعضهم يكرهون العصلاء اسمني لازم يكون لاجسمج ملامح وجهج يكون متروس
استخدمي مرطبات اهتمي بااضافرج بنضافتهم وعنايه بهم والمنتدئ نصايحه حيل حلوه للبشره والشعر ادخلي القسم مال الشعر والبشره
النعومه مهمه لزوج اهم من كل شي حاولي يكون اسلوبج لطيف وراقي وهاادئ لاتكثرين سوالف ابعدي عنه وانتي بكامل زينتج صدي عنه وصدقيني بيركض وراج
والاهم من ذلك كله
الاستغفار والصدقه صلاةة الليل قراءه البقره والله لاتشوفين سحر حلال عن تجربه شخصيه
ابتعدي عن حماتج وتحسبي عليه وصيري مع ام زوجج طيبه وخلوقه راح تغيرين اللي براسهم لاصار اسلوبج تغير للا احسن
والله يوفقج حبيبتي

 

[∫ ∫ ∫ ∫ جــوان ∫ ∫ ∫ ∫]

حبيبتى المشكله مو بشكلج

المشكله بشخصيتج ولا اشلون تسكتين عن مرت حماج وحماتج وخالتج شكو اطقج وعلى فكره الرجال يحب المره الى لها شخصيه قويه ما يحب الضعيفه المنكسره

 

[أم دوينة]

:/

نعم ؟؟

انطقيتي من خالتج وحماتج وانتي ساكته؟

وخير ياطير تحجيتي عنهم على اساس انهم ملائكة ما يطرونج الا بالخير .!! وربج بيحاسبج على غيبتج لهم مب اهمه يطقونج ليش ياية من الشارع انتي !!! ريلج ما يستحي الي واقف ويطالع

وبعدين شحقه قاطة روحج عليه جذي وجنج مسوية منكر .. وتحجيتي في هله شصار يعني ؟ حجي في قلبج وقلتيه ! كفرتي ؟ جان قلتي له هذا رايي وحرة فيه ومحد له حق يحاسبني ولا انت يازوجي العزيز !!

حقريه وايد نزلتي نفسج له وعامليه مثل ما يعاملج عشان يحس

اي والله ما تسوى عليج جم كلمة قلتيها طقوج وبهدلوج وانتي ساكتة بعد :/

استغفرالله الله يعينج بس

 

[منال $]

الله يهديكي من البداية انتي غلطااااانة كيف تتكلمي عن زوجك واهلة ومع مين مع مرت حماكي

عا كل حال الي صار صار
لازم تعذري لام زوجك واهلة ولزوجك شخصيا وتحاول ترقعي غلطتك الي عملتيها

 

[mrs.abk]

ما شاء الله البنات كفو ووفو

أختي حتى المسجون له فترة عقاب تنتهي .. شو هالخطأ اللي صار لج سنتين وزود تتعاقبين عليه ..

أنا أقول أختي طلعي نفسج من هالسجن .. انتي تهتمين بنفسج هالأيام وهذا حلو .. بس اهتمي علشان نفسج إنتي موب علشان أي شخص ثاني ..

ركزي على هواية تشغلج .. وبخصوص أهل زوجج ما أعتقد يحتاج تعتذرين .. ليش الإنسان كم مرة يتعاقب .. وهو خذوا حقهم بإيدهم انتهى موضوع الاعتذار .. عليج بس بالمعاملة الطيبة لهم ..

زوجج لو موب بالعج كان طلقج وخلاص .. أما كونج على ذمته فمعناته إنه حاب يعاقبج للأبد .. طلعي من عقابه .. وحسسيه إنج ما عدتي مهتمة .. ولو ناقشج قولي له م أعتقد يحتاج أتعاقب طول عمري .. خذوا حقهم بإيدهم وإنت حقرتني سنتين وانتهى السجن اللي لازم أتعاقب فيه ..


الله يفرج همج غاليتي

 

[معي احلى]

لو تجلسي معه جلسه صفاء وتعتذري تقولي له انه غلطه وندمتي عليها وماكررتيها .

ويفتح مع صفحة جديده ..



وبالنسبة لمرة حماك (الله لاوفقه لادنيا ولا اخره ) . اعتقد علمتك درس للعمر كله فما اظن راح تكرري الغلط وتكلميها مره ثانيه .. << وخذي حذرك من اي واحده كثيرات والله تضحك بوجهك ومايعلم ايش في بقلوبهن الا الذي خلقهن ..

 

[manoooram]

انتي غلطتي بكلامج عنهم وماكان له داعي
والله يغفر لج وان شالله ما تعودينها
وسالفة الكلام والشكوى عند الكل تلقينها
لحد يقول ما أشكي ولا أقول خلنكون واقعيين بعيد عن المثالية الزائفة

ومرت حماج حسابها عند رب العالمين بحركتها القذرة
قليلة أدب وتربية
وسالفة التسجيل موضة للأسف ما تلقينها الا عند الناس الهابطة

رب العالمين يسامح وهم ما يسامحون
ومثل ما قالت وحده من الخوات حتى السجين له مدة عقوبه محددة ويطلقون سراحه
كم مرة بتتعاقبين ؟!
سنتين مو شويه يعني عمر واذا طول هالوقت قلبهم منقبض
فاسمحيلي اختي براحتهم ما تقدرين تجبر عيال الناس ان تلين قلوبهم وتهدى نفوسهم
اذا هم ما اسمحو لنفسهم يخطون الخطوة الاولى بالسماع و السماح


وبعدين حبيبتي شنو يطقونج وين قاعدين !!
وانتي ساكته !! ليش ما تدافعين عن نفسج ؟!!
فوق هذا صدمتيني صراحة بسالفة ان تنطقين وزوجج يتفرج
مع العلم انج غلطانه يزعل منج وما ينلام معاه حق بس سنتين طاف على الموضوع
والمفروض يتخذ موقف ويحاول يهدي الأمور ويصلح
مو يسكت ويطالع بعيونه


اللي عليج الحين ان تحاولين تطيبين خاطر خالتج وزوجج حبيبتي
وبس هذا أهم شي

 

[M!SS.LOBY]

الله يصبرج ويفرج همك
بس مو معقووله هالسالفه الشبه عاديه تسوي خلاف وحقد وكراهيه لمدة سنتين عشان جم كلمه مو معقووله لا وبعد خالتج ام ريلج عاقبتج وحماتج عاقبتج وكل هذا شايف عمره ريلج ولا يدزج بعد وحاط شروط للجماع بسم عليه اشفيه القمر ما يعطي ويهه ماالت .
لا حبيبتي السالفه اكبرت وسبب لج نفسيه واحباط لا ياقلبي كلمي أبوج او أخوج يكلمه ويقعد معاه ويحط له حدود حق هالسالفه ويقول له بنتنا مو رخيصه للهدرجه كل من ياء طق وكفخ خير ان شاءالله وين قاعدين .
وانتى الله يهداج صابره عليه ليش شوفي عمرج عليه مو تركضين وراه صدقيني الريال يحب المرأه العنيده والمغروره و المتكبره عليه .
والحمدالله شفيج انتى مو ناقصج شئ يقعد يهبط من معنوياتج لا ياقلبي زعلى وكبريه وعرضيها عشان يحترم نفسه اهو واهله ومرت حماج حسبي الله ونعم الوكيل عليهم .
الله ينصرج عليهم يارب

 

[نوف الصقعبي]

حسبنا الله ونعم الوكيل ألف مره على مرت حماج

الفتنه أشد من القتل

وين بتروح من عقاب رب العالمين

حطي فبالج هالشغله ان رب العالمين راح ينتقم من فعلتها
لأن الفتنه أشد أشد من القتل

الله يخرب بيتها مثل ماخربت بيتج
ويذوقها من نفس الكاس اللى سقته لج​

 

[manoooram]

حبيبتي سوري توني اثبت ان في شروط للمعاشرة وما يصرف على ولدج

شنو شروط للمعاشرة ! أول مرة أسمع بهالشي صراحه
أقل ما فيها ذوقيا عيب عليه يتعامل معاج جذي ويتكلم بهالطريقة
يدزج ويقول أبي وحده حلوة .. نعم ان شالله
يا الله شنو هو من انسان عديم احساس
بس اختي نصيحه ماله داعي تروحين تركبين رموش حرام وتخسرين نفسج
وانتي عارفه ان ماكو فايده ولا راح تحصلين نتيجة ترضيه

وولده متكفل بمصاريفه هذي ما فيها روح وتعال قلبي

انا اعتذر اذا كان اسلوبي شوي ناشف
بس ما أدري اختي انتي ما تشوفين ان الموضوع صار ماصخ وان يتحجج ؟!
هالشي مو واضح لج اختي ولا انتي تدرين وتتغاضين عن هالشي ؟
حبيبتي خلاص الموضوع خذا أكبر من حاصله وانتهى
وزوجج ابتدا يعذرب فيج وغير ان ما عاد يحترم ويشيل نفسه عنكم
نصيحة اختي
انا ما أوزج بس عزي نفسج وحفظي كرامتج
حقريه وتعاملي معاه باللي يرضي ربج ونفسج بس

 

[Perfume]

انا مع ام دوينة
شكو يطقونج !!
يعني لو سمعتيهم مرة يحشون فيج
من حقج تطقينهم !
بيسمحون لج تمدين يدج عليهم !
ريلج غريب بصراحة
عذاب سنتين على هالسالفة
ومرت حماج جليلة حيا
وحماج ماعنده سالفة نقل الموضوع لريلج
المفروض يشرشح مرته اللي مسجلة المكالمة
والمفروض ريلج يقول لاخوه عيب اللي سوته مرتك
وبينه وبينج يهاوشج ويعاتبج مو مشكلة لانج غلطتي بعد
مو يوصلون السالفة لحمولتج
ويطقونج بعد !!
وهالعذاب كله عشان هالموضوع!
يعني لو اهما حاشين فيج
عادي عنده تعاملينه بنفس معاملته !

 

[حبيبي مالكني]

الله يكون بعونج عورتي قلبي
عليج بالدعاء
الله يسخره لج
انتي غلطتي بس موذاك الغلط الي يخليه يسوي فيج جذيه
الله يعينج ويسخره لج