زوجي مو بالعني كللللش ابي حل انا احبه وابيه بس ...

[jooosy]

انتي غلطتي اوكي هذي خلصنا منها .. في شي اسمه اقعد اتفاهم مع ريلي وام ريلي .. في شي اسمه اعتذار وطاح الحطب..
بس تووصل لي مرحلة الطق
لا عاد اسمحيلي اشلون رظيتي على نفسج ابهالشي
ومن منو مرت حمااااج وريلج قاعد يشوف وصاف معاهم بعد 
شي غريب والله
انتي ماعندج كرامه ولا حشيمه عندهم والا حاطينج مطقاقه حقهم
وين قاعدين مايستحون
وريلج انتي زوووجته و ام ولده اشلون رضاها عليج وعلا نفسه ابهالشي
ابصراحه مايستحون
لو شنو يصير ماتوصل مرحلة الطق
سنتين وانتي صابره بعد
الله يعينج والله

 

[ناتشوو]

بصراحة
اهلج وين؟
احس في شي قوي
مانعج تروحين او تستعينين فيهم؟


شنو هالشي القوي اللي قلتيه بحق حمولتج
اللي سنتين طق وقلة ادب

وزوجج غريب
اللي مايبي يعيش معاج ولا طلقج
في شغلات ماانذكرت والله اعلم


تدكرت
وحدة
زوجها
سمعها تحش بأهله
وكان جاي معصب لها ويهاوش
بس ردت عليه بقوة
قالت خير ياطير
عاد
اخاف صايدني اغازل
كيفي بسولف وافضفص لاختي
وصج طخ



ونصيحة للجميع
لا تتعمقين
بعلاقتج بالحمولة
ولا تقاطعين
حتى لو كانو بيت عمج
خلي سوالفج عامة
وحريم الحموان
بعد
واصليهم
بالمناسبات
وجبيهم لي انعزمتي
بس مو لدرجة صداقة
متى بتدرون الاهل هم ؛خوات واخوان وام وابو
هم اللي يتحملونكم ويسامحونكم
ويبون لكم الخير بلا مقابل
لكن بقية الناس خاصة بالعلاقات النسائية
ان وجبتيهم يحبونج
وان قصرتي صرتي اردى الناس
هذا مو لان الناس ردية بس طبيعة البشر

 

[♥MaSteRiyA♥]

وين بتروح من رب العالمين
صبري... والله يعوضج حبيبتي​

 

[Vous jamais]

الله يفرج عليج

المشكلة مو بشكلج لأنه لما خطبج شايفج و مقتنع

المشكلة أنه اخذ موقف من كلامج

حاولي تتكلمين معاه و تتعذرين له

بس ما تسمحين لحد يمد ايدج عليج

 

[PuPa^^SWeeT]

شنو تنطقين



شنو النوع الكلام اللي اثار حفيظتهم



و طقوج عليه




و شنو الكلام اللي قلتييه وو للحين ريلج زعلان




حبيبتي للحين اتقولين كانت تشتكي من مشكلة




لا حبيبتي هذي عقرب رمل



و عيشة جذي لا والله محد يرضا فيها



يبيج تطلبين الطلاق طلبي



علشان حقووقج ماتاخذينها



لا والله تاخذينها و غصبن علييه بعد





كنتي واقعة بفخ ياقلبي



و لو ريلج ما استوعب انه فخ



ماراح اترد حياتكم لمجرااااها




ابتعدي عنه شوي و عزي روحج

 

[Patcholli]

واي اخترعت حتى لو متكلمه عنهم يزعلون منج يقاطعونج بس ماتوصل للطق
امبيه شالمجرمين ؟؟!!

ريه وسكينه ولا حموات ؟؟

حسبي الله ونعم الوكيل علي مرت حماج اولشي وعلى اهل ريلج هاذا مو اسلوب ولا طريقه بالتعامل
حتى لوكنتي غلطانه من راسج لي ريلج المفروض مايطقون ..!!

مادري شقولج والله اخترعت وانصدمت من هالناس

 

[فدوتك عمري]

صراحه حماتك ماتستحي ونمامه تنقل الكلام بين الناس عليك بسورة البقره والدعاء والله يهديه لك

 

[زوجة عزيز]

حتى لو شقلتي عنهم مالهم اي حق يطقونج !!! وريلج اشلون مايصرف على ولدج اتقولين انتي السبب الا اهو يبيها من الله خذها حجه عشان يسوي سوالفه مايصرف ويقول يبي وحده حلوه اشكره يقطها في ويهج جذي يعني انتي تكلمتي على نيتج وحسبي الله عليها ماقصرت فيج سمعت اهل زوجج الظاهر اهي متعمده تبي تسحب منج كلام عنهم وتبي تخرب علاقتكم تحسبي عليها ليل ونهار وثاني شي ريلج لازم يصرف عليج وعلى والولد واهتمي بشكلج اكثر والله يوفقج

 

[هيبة ملك]

اذا. انت. متاكدة. انه. يبيج. اصبري. عليه. واذا. والله. مايبيج. ليش. تضيعين. عمرج. مع. واحد مايبيج. وقاعد يجرح فيج ويحقرج. وبعد الاهل. مو بالعينج. حبيبتي. اهم. شي. كرامتج

 

[اميره^_^بحلآها]

حسبي الله ونعمه الوكيل ب مرت حماج الي ماتستحي و انتي غلطانهه بصراحهه المفروض ماتتكلمين عن زوجج عند هل اشكال ..~
و بعدين ليشش إنشالله مايصرف عا ولدهه ؟؟ إنشالله يبيج إنتي الي تصرفين ؟؟..~ زوجج مافيهه خير صراحهه ..~ و بعدين حبيبتي إنتي لاا تركضين وراهه ..~

 

[Frawla90]

كلام الاخت سندس90 عيين العقل .. شوفي نفسج واهتمي بمظهرج عشانج اولاً و صراحه انتي ما سويتي هالشي الكبيييير اللي يخلي ريلج سنتين ما يحاجيج اوكي غلطتي بس العقاب مبالغ فيه صراحه ،، ما عليج منه سوي اللي عليج وهو انج تعتذرين لخالتج واذا ما قبلت اعتذارج طنشي وعيشي لنفسج وولدج و نصيحة مني احقريه ولا تعطينه اي اهميه وخلي اولى اهتماماتج ولدج ونفسج وراااحتج وطبعا هذا كله تسوينه مع تقربج لربج وملازمة الاستغفار وكوني واثقه من نفسج ثقه عمياا وربج كريم

 

[عمرها السعودية]

حسبي الله عليها الله لايوفقها جعل حوبتك ماتتعداها جد حريم الحمى عقااااااارب

يحببون روحهم عند اهل رجالهم ويخلون الكرة والضغينة لحريم حمواهم الله يبلاها

مثل مابلاك بس تحسبي عليها قهرتني صراحة وزوجك دام ماسامحك للحين عذريني

ياقلبي بس شكلة طمسك من قاموس حياتة شكلة حقود والله العالم والحقود لاتفكرين

تعيشين معة مثل باقي الناس والله يعينك ياقلبي

 

[رنيم الروح]

حبيبتي انتي ماتبين لارموش ولا اظافر وبعدين هالاشياء حرام
انتي تحتاجين للثقه واثبات الشخصيه لانهم اهم شي قبل الشكل
واذا على زوجك طنشي ولا تركضين وراه بتتعبين اهتمي بنفسك وبشخصيتك واذا شاف التغيير راح يرجعلك

 

[سمراء كويتية]

انتي الظاهر على نياتج و طيبه والي بقلبج على لسانج وثقتج بالناس سريعه لمن تدخلين على حموله المفروض تكونين حذره من الكل لمن تعرفينهم عدل و حتى اذا احد تكلم جدامج ماتردين قولي الله يهدي الجميع
وبعدين مرت حماج عقرب رمل ووحده ما ورد عليها تربيه انسانه مريضه استغلتج وانتي وثقتي فيها
وحتى لو صار الي صار خالتج تنكسر ايدها ما تمد ايدها عليج لا اهي ولا بناتها
العقاب يكون من الزوج بالكلام بالزعل وخلصنا شنو سالفة سنتين شايل بقلبه حشى بعير
اكره شي لمن الواحد يستغل طيبة الي جدامه
وبعدين اذا تبين تتعدلين لازم يكون لنفسج وبطلي تقرب منه خل يولي خليج قويه وغيري من شخصيتج
خليج حازمه معاه مشكله صارت و خلصت شنو تبي بالضبط ؟؟؟ لي متى يعني الواحد يعيش بضيم
يكون بعلمج واايد نفس حالتج بس مافي خاله طقت الجنه
وين اهلج ؟؟ خليهم اهما عزوتج والله يكون بعونج

 

[Tom ♥ Jerry]

,


مو صج مشكلتج !
الله يكون في عونج يارب
و بيني و بينج ريلج مآ ينلآم ترا محد يحب يسمع كلام مو زين عن اهله
صج حركه مرت حماج مو حلوة .,، بس مآ ينلآم ريلج ليه عصب عليج
بس سالفه انه خآلتج تمد ايدها عليج قوية !
سالفتج كلها قووووية :/

 

[يارب يطيب عبود]

انا ماودي اشيشك بس تصرفك مع المشكلة كان سلبي وهذا الي خلاه يتمادا
اللي فات خليه وغيري من اسلوبك وطريقة تعاملك معه ,,, اسلوبك مو شكلك
يعني اللي فهمت منك انك كل مرا تعرضين نفسك عليه وهو يردك بحجة انه يبي وحده حلوه وانتي تسكتين وتحاولين تغيرين بشكلك عشان تعجبينه ,,, قمة السلبية
اولا انك تعرضين نفسك عليه اكبر خطا وأنا أقصد اللي مثل وضعك بس لو ما كان بينكم مشاكل عادي
ثانيا اهويردك ويبي وحده حلوه مايبيك كلميه وقوليله ماتبيني ليه مخليني عندك عشان اكنس واغسل واطبخ وانظف لك اسمح لي انا مو خدامه ولا تكبيرين السالفه مرا تروحين لهلك ومن هالكلام بس احقريه ولا تكلمينه
ثالثا انتي اكشخي كل يوم بس عشانك انتي مو عشانه
رابعا اسوي الحرام عشان ارضيه لا يخسى وشلون ربي يوفقني وانا اعصيه
خامسا لا تسمحين لا اي احد يمد يده عليك مين ما كان يكون


وقبل لا تسوين شي فكري بالنتايج وهل ينفع مع زوجك او لا

 

[!amorra!]

واي شالحقد اللي فيهم خلاص السالفه من سنتين

وشنو يمدون ايدهم عليج عبالهم ياييبينج من مكتب خدم...!


حبيبتي انتي اللي قويتيهم عليج

مفروض لما يبطلون معاج السالفه تكسرينهم وتقولين اعوذ بالله من الحقد انا غلطت واعترفت اني غلطانه وهذا مايعطيكم الحق انكم تتعاملون بطريقه بايخه معاي الله اعلم انتوا شتقولون عني من وراي لو نبي نفتح مواضيع فانتوا مو مقصرين

وانا ماطلعت من بيت اهلي الى لناس اجاويد يقدرون مرت ولدهم لكن بتصرفاتكم هذي انتوا ناوين على خراب بيتي وانا ماني محللتكم وبذمتكم

وبس خل يفضونها سيره سالفتج بتصير نفس حرب البسوس 40 سنه!!


خليج قويه لا يستضعفونج

 

[سمو الغلآ]

انتي اللحين بتتغيرين بس تغضبين ربج ليش

بتركيب الاظافر والرموش ترا حراام تعتبر توصيل ....

اهتمي بنفسج لبسج نظافتج عطورج

صبغي شعرج باللي يلوق لج وسوي كراتين بس بمكان معروف بخري شعرج
وحطي خمريات..

شقتج غيري فيهاا وخلي دايما ريحتهاا بخور وفواحات

وعلييج بالا استغفااار نصيحه لوجه الله دشي قوقل واقري قصص الناس مع الا استغفار
وادعي ربج يسخره لج ..


والله يسخر قلبه لج

 

[نهى الأحمد]

انتي غلطتي بكلامج عنهم وماكان له داعي
والله يغفر لج وان شالله ما تعودينها
وسالفة الكلام والشكوى عند الكل تلقينها
لحد يقول ما أشكي ولا أقول خلنكون واقعيين بعيد عن المثالية الزائفة

ومرت حماج حسابها عند رب العالمين بحركتها القذرة
قليلة أدب وتربية
وسالفة التسجيل موضة للأسف ما تلقينها الا عند الناس الهابطة

رب العالمين يسامح وهم ما يسامحون
ومثل ما قالت وحده من الخوات حتى السجين له مدة عقوبه محددة ويطلقون سراحه
كم مرة بتتعاقبين ؟!
سنتين مو شويه يعني عمر واذا طول هالوقت قلبهم منقبض
فاسمحيلي اختي براحتهم ما تقدرين تجبر عيال الناس ان تلين قلوبهم وتهدى نفوسهم
اذا هم ما اسمحو لنفسهم يخطون الخطوة الاولى بالسماع و السماح


وبعدين حبيبتي شنو يطقونج وين قاعدين !!
وانتي ساكته !! ليش ما تدافعين عن نفسج ؟!!
فوق هذا صدمتيني صراحة بسالفة ان تنطقين وزوجج يتفرج
مع العلم انج غلطانه يزعل منج وما ينلام معاه حق بس سنتين طاف على الموضوع
والمفروض يتخذ موقف ويحاول يهدي الأمور ويصلح
مو يسكت ويطالع بعيونه


اللي عليج الحين ان تحاولين تطيبين خاطر خالتج وزوجج حبيبتي
وبس هذا أهم شي

كلامج عين العقل حبيبتي منمن

:eh_s(15)::eh_s(15)::eh_s(15):

 

[عزيز قلبي]

نعم ؟؟

انطقيتي من خالتج وحماتج وانتي ساكته؟

وخير ياطير تحجيتي عنهم على اساس انهم ملائكة ما يطرونج الا بالخير .!! وربج بيحاسبج على غيبتج لهم مب اهمه يطقونج ليش ياية من الشارع انتي !!! ريلج ما يستحي الي واقف ويطالع

وبعدين شحقه قاطة روحج عليه جذي وجنج مسوية منكر .. وتحجيتي في هله شصار يعني ؟ حجي في قلبج وقلتيه ! كفرتي ؟ جان قلتي له هذا رايي وحرة فيه ومحد له حق يحاسبني ولا انت يازوجي العزيز !!

حقريه وايد نزلتي نفسج له وعامليه مثل ما يعاملج عشان يحس

اي والله ما تسوى عليج جم كلمة قلتيها طقوج وبهدلوج وانتي ساكتة بعد :/

استغفرالله الله يعينج بس


كفوا والله معاها مئه بالمئه