زوجي والبي بي .. !! ومريومة :)

[هنــآتـي]

السسسلام عليكم..

شلونكم بنات ..
عندي مشكلة وابيكم تساعدوني بحلهاا.. ابي افكاركم شنو ممكن اسوي مع هالمواقف ؟؟

زوجي حبوب وطيوووب حييل مو مقصر معاي بشششي ويحبببني واغلب الاوقات مايطلع يقعد عندي وتكانه حييل ومؤدب ويستحي حييل من الحريم.. انا صارلي تقريبا 8 شهور متزوجة ..
رجلي اول ماخذيتة كان فونه بيبي عقب عرسنا بفتره بسيطة باعه واستخدم جهاز قديم.. مره كنت العب بالقديم مسجات وهيك واروح اخر ششي بالمسجات ولا في مسجات من رقم مو كويتي.. تاريخها 2009 !! ولا بنت اسمها ريم .. تقول حبي وقلبي ومشتاقتلك ودير بالك على نفسك ومااقدر استحمل اقعد بدونك ومن هالسوالف .. ولكنتها يابنات مو كويتية ماعرفت اميز شنو هي ..وهو قريت له مسج واحد .. اسمحيلي مارديت عليج كنت مشغول ..

المهم واجهته قالي هذا قدييم ومو مالي يمكن مال اخوي .. وشوفي المسجات قديمة حيل .. طبعا اخوه شبابي وعلية حركات صدددقققتتتته بسسرعه يابنات لانه مو ممكن اشك فيييييييييييييييه !!!!!!!!
المهم هم قبل فتره رد وشرا بي بي .. ومحرص عليه وحاط له قفل وقبل لايحط القفل كل ماجيت العب بفونه ياخذة يضيع السالفه يسوي اي شي يلهيني .. وانا وياه بينا ثقه يعني عشششششتووووووووو ..

المهم ماحطيت ابالي ابد .. قلت مايبيني اقرا برودكاست الشباب وجذي ..
هم .. لاحظت الحبيبي كثررت انتظاراته وطبعا عندة خطين ولا تسألوني ليش !! لاني ماادري ..
سألته بدايه العرس قال واحد للدوام و واحد للاهل ..

وتوني استوعب ان عادي !! ربع الدوام يدقون عالفونين !! والاهل يدقون عالفونين !!

المهم حط قفل و قلت له ليشش تحط ؟ وانت خاش شي ؟ ومن هالكلام .. لين علمني على الرمز ..

ذاك اليوم وافتح فونه ولا بنت تدزله ويينك ويينك تأخرت طولت .. وتسويله نداء ..

من غبائي ماميزت انها بنت وهم ماحطيت ابالي هههههههههههههههههههه لووول لاني بالاصل مو ذاك الزود مع البيبي يعني ماافهم له حيييييل ..

مساع ولا اشوف اسمها موجوده بالبرود كاسست المحادثات و .. المسسن .. واسمها مكتوب .. مريومة
طبعا رجلي تو نام .. واخذ البيبي واحورف فيه .. ولا تقوله ويينك ويينك ومسجات غززل ودازتله اغنيه .. وطبعا مبين التويتر من بغداد !!

وامس واحنا طالعين دق عليه رقم من برا الكويت وسكره مارد .. قلت رد ؟؟ قال لا مابي هذا واحد من الشباب ..
طبعا هو دايم يرد عالشباب اذا دقوو مايحطه سايلنت !!

ادري مستغربين ليش انا مو متضايقه .. !"؟
لانه مو مقصر معاي ؟؟ يمكن حزت بخاطري ششوي بسس .. بسس ماعورتني بقلبي ؟؟ لان عمري ماحطيت ابالي انه راعي خرابيط .. ومدلعني حييل يابنات فيه رومانسيى العالم كلها .. معقوله انا وياها بقلبه ؟ احس انه كاسر فيها ؟.. يعني ينام بدون مايعلمها .. وهي تظل تنادية .. مادري شتنصحوني فيه ؟؟ اواجهه ؟ بيطلعلي عذر نفس هذيج المره ؟.. ولا انطر شوي لين اصيد شي اقوى ؟

 

[Miss McDonald]

رد : زوجي والبي بي .. !! ومريومة

.



وعليكم السلآم , !


الخيآنة مرة بكل حآلاتهآ ,
بس يمكن اهوآ عآدي يضيف بنات وشباب ..,
موشرط تربطه علاقه فيهآ



الله يهديه يآرب =(

 

[tmtmt]

مادري شقولج الصراحه
دامج مو متضايقه من الموضوع طوفيع ولا ادوريله على حل!

 

[tmtmt]

مادري شقولج الصراحه
دامج مو متضايقه من الموضوع طوفيع ولا ادوريله على حل!

 

[اكسبلانكا]

وساكته وعادي عندج !!
والله زين

 

[ابدا يالغالي مانساك]

رد : زوجي والبي بي .. !! ومريومة

سمعي حبوبه شكلج ماشالله عليج عقلج جبير مو نفس الحريم اللي تحن لين كره بنفسه
شوفي لاتقوووووووليله ولا شي وخليج دااايم وياااه ولهيه وعيشه عالم ثاني دامج تقولين رومنسي مثلا تدلعيله ولبسيله وسويله مفاجات وحفلات بيناتكم ترا موبينساها الا بينسا جد جده اووووووووووووووووكي وهذا شباب واغلب الشباب جذيه من منهم من التلفونات اللي الحين طلعت الله ياخذ الغرب مثل بلاك بيري واي فون وغيره وانتي رافجيه ولاتشككينه بنفسه وخلي ثقته قويه لاتهزينه جدامج وان شالله يغير تلفوووووووونه ويكون افضل بعد والله يسخره لج ومايشووووووف غيرج والله يبعد عنا البنات الفصع مو غايتهم الا يخربون بيوت الازواج وقري سؤرة البقرة وكثري من الاستغفار وربي يوفقج ويستر عليج :bye22:

 

[احلى ديما]

رد : زوجي والبي بي .. !! ومريومة

والله عليج قلب!!! لوانا جان علوم لوووووووووووووول

 

[Vaniela]

الله يعينج شكلج تحبين تنبشين ,,
نا اول ماتزوجت وحده نصحتني قالت لي اذا تبين حياتج تستمر مع ريلج تحملي تنبشين وراه ..
مثلا ريلج اللحين كامل مكمل ماشاءالله مب مقصر معاج بولا شي شله تنبشين .. سووووسه
اخبر اغلب الحريم يحذرون مواجهه الريال عشان ما يسويها جدامهم ..
موضوعج يحير والله لا يحطنا فيه انشاءالله ..
بس دامه ما صار شي وحليو عندج انصحج طوفي .يمكن علاقه قديمه.. ويمكن بس جي ربع مب شرط حب ولا خربطه .. لانه لو مب شاريج وباغيج ويحبج ما سواج يا دهينه لا تنكتين ..
سكتي وطوفي وعيشيه بشك و هو بيهون من نفسه .. وشوفي راي البنات ترى خبرتي مب ذاك الزود

 

[غــلآ]

رد : زوجي والبي بي .. !! ومريومة

نفس رايي شموخ المحبه

 

[đeɱɛɼɑ™]

وَعليكُم السَلام ورحمة الله وبَركاته

نَصيحة تِقربي أكثر من ريلج ، الرَيال سبحان الله يِقدر يحب أكثر من وَحدة الشَرع حَلل أربَع

حَاولي تَجذبينه صوبِج و تَلهينه فييييج إنتي كُوني ذَكيــــــة وحَذرة عَشان ما يِنجِرف اكثر لَها

حتى لو فرضنا ان ضايفها كـ تَسلية ممكن مع الوقت تتطَور هـَ العَلاقة فَ انتي تِلاحِقي عَـ الوَضع وتِصرفي

شَغلي كيـــــــــــــــد ْ النِسا !

​

 

[لمسه حزن]

رد : زوجي والبي بي .. !! ومريومة

الله يكون بعوننج
ويسخره لج

 

[مس لوتس]

عجبا،،؟؟!!
هذا غلط وحرام حتى لو قالج ضايف بنات وسولف وماتربطني فيهم علاقه الحرام حرام حتئ لو مجرد سوالف عاديه حرصي ع زوجج وشوفي شناقصه منج يمكن هو كامله صفاته بالنسبه لج بس انتي هل كامله صفاتج بالنسبه له ؟؟؟

 

[قمرساطع من حلاه]

الله يخليه لج ويكفيه شر البناات اللي مايخافوون الله
انتبهي لرجااالج حبيبتي ودلعيه قد ماااتقدرين
خليه ماايشوووف غيرج

 

[ELFAD3Ah]

رد : زوجي والبي بي .. !! ومريومة

الله يهديه

 

[هنــآتـي]

رد : زوجي والبي بي .. !! ومريومة

ضحكتووني بنااات ..

مشكورين بنات وماقصرتو ..

ميس : ياعمري انتي .. هالموضوع فتحناه بدايه العرس يقولي البنات الي عندي من المنتدى و المقاطع الي يسويه ياليوتيوب يضيفونه وقلتله اني مااحب هالشي ومسحنااا كل البنات انا وياه .. يعني عارف رايي ووجهة نظري ودايم يقولي ان ماعنده بنات .. طبعا مو تحقيق لا تجي مع السوالف والغشمرة

تمتم : شوفي اكيد بتحز بخاطري بس لما اقولج اني مو متضايق اني مستغربه من نفسي اني ماهولت الموضوع وعصبت وقعدت ابجي فاهتني ؟ يعني لما اكون شايفه اشياء تشككني جان تضايقت لاني عرفت السبب بس مو ملاحظه شي من تصرفاته ؟؟ يعني مو متغير معاي وهيكي

اكسبلانا : اكيد مو عادي ؟ لا جان ماشفتيني كتبت موضوع وادور حل !!

شموخ المحبة .. ياقلبي انتي .. انا وياه مو بس زوج وزوجه ؟ بالعكس حييل قريبه منه ومياانه مو طبيعيه جني رفيجه وصديقته وحبيبته وامه كله بوقت واحد ولعب ووناسسة .. يعني مو مخلية شي بخاطره..وكل هالاشياء حركات ومفاجات اسويهاا .. والحب نعششق بعض ومشكووررة ياحووبي

احلى ديما : شو بدي اعمول ؟ اكفخ نفسي ؟ ولا الطم ؟ لوووووووووووووول

فانيلا : ردج عجبني هههههههههه بس لازم الفضوول يذبح احب اشوف شيسوي بس مو لدرجه كونان يعني

 

[هنــآتـي]

رد : زوجي والبي بي .. !! ومريومة

بالعكسسسسسسسس يابنات مسويته يادهيينه لاتنكتيييييين ومدلعته حييييييييييييييل وفوق الحيييييييل عشان جذي منجن علي ومايفاررق البييت بسبتي ويمووووووت فيني حتى لارحت لاهلي متفقين اناام يقول اوكي من ارووح ششوي ويمر ياخذني ويتشهق بأسسمي عند اهلة ؟.؟ لوول خالتي تقول شمسويتله انتي ساحرته ؟ اقولها لا السحر الحلال ههههههههه .. مرت حماي تقولي رجلج ماكان يقعد بالبيت كله عند بالديوانيات والمخيماات .. بوضح لكم الصوره يعني .. وهو اكيد قاعد يعاملني بالمثل واكيد مرتاح معاي ولا جان ماقابلني اربعه بأربعه.. عشن جذي اقولكم مستغربه ان هالتصرف يطلع منه .. !!

 

[بنكيه]

عادي انسيها وخلي حياتج حلوه خصوصا انه مو مقصر

 

[om Firas]

الله يهديه

 

[زينبو]

رد : زوجي والبي بي .. !! ومريومة

المشكله الكل الحين بايده بي بي واي فون واكيد اي احد بيضيفه بيضيف مايقول لا شنو ماكانت نيته فشالحل يعني مادري وانا بعد ماعرفله وايد فماقدر افيدج بس خلج جذي صابرة والله دام ماعندج دليل كافي احس كل الرياييل جذي يضيفون ما ادري

 

[اسيل الصمت]

رد : زوجي والبي بي .. !! ومريومة

اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،