رد : زوجي والبي بي .. !! ومريومة 
اولا حرام الاخت اللي قالت كذبي بالحلم وقولي تحلمت بعقربه سوداء
هذا الشي حرام واللي يكذب بالحلم ما يدخل الجنه بالاخره الا ان ينضم شعيرتين وهالشي اكيد صعب ومستحيل معناها عقاب الكاذب بالحلم ان يهوي في نار جهنم
حبيبتي الحلم بما انه يفسر بتفسيرات معينه فانه يعتبر رؤيا لابد من تصديقها وبالتالي حرم الكذب فيها
وبالنسبه لمشكلة الاخت
حبيبتي حاولي شوي شوي تقنعينه يشيل ال بي بي والخط الثاني تغانمي الفرصه دام الحين يحبج ويسمع كلامج
وقبل لا تغوية بنت الحرام وتسحبه باي طريقة كانت انا كبر امج ما ابي اخرعج بس مرت علي سوالف حريم نامو على ودانهم وقالو مانبي نفتش ما نبي نفتح مواضيع واخرتها خلو المجال لبنات الحرام وخذو ازواجهم وكاهم مقطوطين ببيوت اهلهم والا متزوج عليها
عموما اسمعي نصيحتي القلب بيد الرحمن يقلبه كيفما شاء يعني اول شيء اتجهي لربج وادعيله
ثاني شي دام يحبج ودام انتي تعرفين ان اللي يحب شخص الحين ممكن يكرهه باكر وعشان جذي سمي القلب بالقلب لانه متقلب فبالتالي اغتنمي حبه لج وتقربي منه واطلبي منه الغاء خطة الثاني والتخلص من البي بي وشراء جهاز عادي ’ زوجج يا بنتي عنده استعداد للانحراف وما يقدر يضبط حاله والا ليش رجع اشترى بي بي مرة ثانيه
وبوطبيع ما ييوز من طبعه ونداء لكن جميعا لا تهملون ازواجكم احتووهم ولا تامنين للرجال وحبه ( يا مأمنه للرجاله يا مأمنه للميه في الغربال)
لازم حل سريع الان لاتتركي الحبل على الغارب فتجربه بنت الحرام عنج
النساء لهن كيد ما يعرفه الا اللي جربه اعرف وحده ايام دراستي بالجامعه حبت واحد معيد واهو متزوج واعرف زوجته واهلها من بعيد والكل يعرف انه يموت بالتراب اللي تمشي عليه وكل شهر سفره وما يمشي معاها الا ماسك ايدها وقبل على ايامنا عيب هالشغله والبنت اللي اعرفها وهي صديقتي حاولت تستدرجه وحبته وهو ما عطاها ويهه وكنت متاكدة ما راح يحبها لانه يموت بزوجته وبعد انقطاع علاقتي فيها لمدة 3 سنين تفاجأت ان الرجل تزوجها وزوجته من الصدمه طلبت الطلاق عبالها بيهون لانها تدري بغلاتها فصدمها وطلقها , المره للحين تبكي تقول كنت اتوقع تتحرر فلسطين بس ما كنت اتوقع فلان عنده خرابيط ويحب وحده ثانيه وانا ما ادري ونايمه وغافله وما كنت متوقعه يستغني عني
وشكرااا انا كبر امكم ومريت بخبرات اكثر منكم واللي اكبر منك بيوم اعلم منك بسنه وشكرا
