زوجي والتويتر

[sh&t&m]

مرحبا بنات شلونكم
بصراحه انا متضايقه ومالقيت غيركم تعطوني النصيحه ريلي علي في اتويتر يدخل وكل ماسألته قالي يتكلمون عن امور السياسه وانا هم هذا الي سمعته عن تويتر وبعدين رحن ودخلت عن ملفه لقيته كله بناااات اهما ضايفينا واهوا اهم ضايفهم وطلع مايتكلم معاهم في امور السياسه بس لالالالالا يتكلم في امور ثانيه وضحك وسولف مع بعض ورحت وتهاوشت انا وياااه علي هذي السالفه وقااام يعطيني الف عذر وعذر وبعدها دخلت ولقيته حاذف البنات الي اهوا ضايفهم وبعد فتره يرجع ويضيف بنات ثاني مره ويقعد يتكلم اهوا ويااااهم وانا احس اني تعبت وهم فوق هذا تغير علي وموعاااارفه شنو اسوي ولي يعافيكم فيدوني

 

[Mednight Rain]

الله يعينج ويهديه .

 

[بيبي سبايس]

عادي حبيبتي لاتقهرين نفسج انا مريت نفس حالتج تدرين شسويت نزلت نفس البرنامج وضفته وضفت شباب بعد ما اهوا استحي وحذفه مني ومنه بينيله ان اللي تسويه اقدر اسويه

 

[الأميرة جوري]

طااااااااااااااااف ....ودوم الرياييل يتعذرون مستحيل يعتررررررررررف

 

[بنت السنآفي]

الله يهديييه

 

[ليتني ألمحك]

الله يعينج

 

[FeShinGoOo]

يبطون جبدي الي يسون هالحركات ..

ريال طول بعرض فاتح بيت وعندك مره وعيال وحياه الف واحد غيرك يتمناها بدال لاتجابل مرتك وبيتك وتقضي وقتك معاهم مطيح مع هالخيس اللي اتطيح معاه ومع 10 غيره ومابقى واحد مو داير عليها

الصراحه شي يغث واهو المفروض يحترم مشاعرج ويحطلج اعتبار وبعدين قوليله حط نفسك مكاني ترضى اسوي سواتك واتظحك من شباب ..؟؟ شنو بتكون ردة فعله ..؟؟
وترى الدنيا دواره مثل مايسوي فبنات الناس بيه من يسوي فبناتهوخواته خل يدير باله بس

 

[توتا حمرا]

الله يعينج ادعي ان الله يهديه
هالشي ماراح يتركه الا اذا اقتنع من نفسه ان اللي يسويه غلط

 

[حايره ومسايره]

بيني له انك مو مهتمه ....وطنشيه وانشغلي باي شي ثاني مثل ماهو غامض ويخفي عنك بيني انك انت غامضه وعندك اشياء تخصك مثلا الجوال حطي لك رقم سري ..او امسكي الجوال وكانك جالسه تشوفين حاجه ولاجاجنبك سوي نفسه تسكرينه يعني اثيري فضووله حسسيه بنفس الاحساس اللي يحسسك فيه بيني له انك مو مهتمه ابدا صدقي بتشوفيه هو اللي يفتش وراك يبغي يعرف وش عندك او بالاب توب لاجا جنبك سكري الصفحه مجرد انك تحسسينه بيعرف غلطه ومسئله انه تغير اكيد بيتغير يعني هو يشوفك انك تفتشي من وراه فبياخذ حذره انتي لاتفتشي صحيح انك تنقهرين لكن جد من داخلك طنشي يوم يومين ثلاثه شوفي وش نهايتها معاه وغيري من اسلووبك خلك في اثاره يعني ماسكه الجوال وضحكي كانو فيه شي عندك مثلي عليه ..ولاجا سكريه هو عاد بيموت على مايعرف وش يضحكك يعني خلك في اثاره معاك بتشوفينه هو اللي يفتش وراك

 

[| تفاصيل |]

حبيبتي تويتر هبه
وحتى لو خلاه بيرد له لان منتشر حيل وعندالكل

الفي لج قصه عن زوج رفيجتج قصت عليه بنت في تويتر وصورت الرسايل وانشرتهم
او اطلعت واحد من ربعه بيسوي فيه دقه

ومثل ماقالت وحده من الخوات سوي لج اكاونت
وقوليله كل ماضفت بنت بضيف ولد
لان انا عندي مشاعر نفسك وابيك اتحس

الله يسخره لج

 

[نور خانوم]

الريال الكويتي يهب بالشغله ويتركها بالتويتر ولا فيس بوك ولا اي برنامج ثاني .. طنشي ولاتسوين من الحبه اوبه

واهوا من نفسه راح يترك هسوالف

 

[Pupiipop]

نفس ماقلوا البنات.. سوي نفسه و ضيفي شباب حتى لو ماتكلمينهم بس جذي عشان تنبط جبده​

 

[granted]

شوفي وايد شباب ضايفين بنات بتويتر وكله سوالف ويقولون اسماء زوجاتهم يعني معترفين انهم متزوجين مواي بنت تسولف ويا ريلج يعني راسمه عليه ولا تبي تحتك اكو بعضهم عادي اهي ماعندها مشكله بها الشي

خلاص استوعبي وحطي براسج انه موممكن تكممين ريلج لو يبي يسوي شوي غلط بيسويها بالشارع مو قدامج
الحين بتويتر تقريبا تحت نظرج لاتخربين الثقه الي بينكم بهاالسوالف ريلج عنده عقل ويدري ان هالفئات الي يقطون روحهم على الشباب مو مخليه ريال يعتب عليها




نصيحتي لاتخربين بينج وبين ريلج بهالموضوع التافه وخلج راكزه:rerrerek:
وخل اهو يضيفيج وسولفي وياه وردي عليه بتويتاته يعني جذي عشان تكونين انتي صمام الامام موجوده وقت اللزوم لو جفتي وحد زودتها ومصختها تحطين اصابعج ببعينها:rgewrg:

الله يوفقج

 

[amwaj]

والله انا رايي لا تكبرين الموضوع ولا شي.. مو معنى انه ضاف بنت يعني اهو على علاقه معاها.. توتير مكان لتبادل الأفكار وعادي الاغلبيه يضفون الناس من الجنسين الي يعجبهم طرحهم وفكرهم بغض النظر عن جنس الي جدامهم.. وترا الي بيخربط ما راح يوقف على توتير..واسلوب الرقيب هذا الي تتبعنيه معاه صدقيني مراح ايب نتيجه بالعكس راح يكرهه فيج واحتمال يعطيه مبرر للخيانه بدعوة انج نكديه حسب تفكيره.. فرايي تجاهلي الموضوع واذا تقدرين ولج قدره التحمل انج تراقبين من بعيد لبعيد بدون مواجهه هذا افضل عشان اذ كان في شي جايد اهني تتكلمين مو على اقل شي تواجهينه وتبينين انه مو عاجبج.. وسامحيني على اطاله وتقبلي رايي...امواج

 

[المسكـ]

تدرون انا شسويت
مره كان بيشبك من تويتر وجكيت رقمه السري<< عيون صقر لوول
ودخلت نكه ومسحت جم بنت كان ظايفهم
طبعا يوم درا اني انا اللي مسحتهم ويهه قام يقط الوان درا اني دريت
بدون هواش ولا مشاكل
بس بعدين بلليل قتله انت راح تذبحني وتذبح الياهل اللي ببطني من القهر << كان معاي نزيف
قال ليش قتله جذي وجذي شفت قال اسف والله ماعيدها
عاد سوويت لي اكاونت وبين مده ومده ادش اجيك الحمدلله لليلحين ماكو شي
طبعا حتى برامج الجات اللي بالايفون عسى ماشفت برنامج مسحته من عرجه لووول ويدري اني مسحته ما يرد يحطه
لاني هددته قتله راح تندم على اللي تسويه ومثل ماتسوي اسوي سواتك واردى وجدام عينك واخلي سمعتك بالتراب مو انا شرفك وعرضك ؟ انت بعد شرفي وماحب بنات شوارع يمسونك << طبعا داش تويتر باسمه الصجي مو نك نيم للاسف
انا عندي لو انهم يخربطون بنك نيم محد يعرفه احسن من اساميهم
ودايما ادعيله بالهدايه ياقلبي
ولاتحلين مشاكلج بالصراخ والبجي والتهديد والوعيد ترا راح يدخل من اذن ويطلع من الثانيه
الاسلوب الاستفزازي احسن

 

[@ DLOO3TAH@]

الله يعينج

 

[ليمونة وزيتونه]

الله يهديج طنشي ولاتسمعين كلام البنات تقول
لج ضيفي شباب ومن هالكلام يمكن ريلج يقلبها ع
راسج طنشي وسوي نفسج مو هامج لا هو ولت برامجه
راح ينقهر اكبر شي يهز الريال اذا حقرته مرته
والله يسخره لج

 

[Tulips]

شوفي وايد شباب ضايفين بنات بتويتر وكله سوالف ويقولون اسماء زوجاتهم يعني معترفين انهم متزوجين مواي بنت تسولف ويا ريلج يعني راسمه عليه ولا تبي تحتك اكو بعضهم عادي اهي ماعندها مشكله بها الشي

خلاص استوعبي وحطي براسج انه موممكن تكممين ريلج لو يبي يسوي شوي غلط بيسويها بالشارع مو قدامج
الحين بتويتر تقريبا تحت نظرج لاتخربين الثقه الي بينكم بهاالسوالف ريلج عنده عقل ويدري ان هالفئات الي يقطون روحهم على الشباب مو مخليه ريال يعتب عليها




نصيحتي لاتخربين بينج وبين ريلج بهالموضوع التافه وخلج راكزه:rerrerek:
وخل اهو يضيفيج وسولفي وياه وردي عليه بتويتاته يعني جذي عشان تكونين انتي صمام الامام موجوده وقت اللزوم لو جفتي وحد زودتها ومصختها تحطين اصابعج ببعينها:rgewrg:

الله يوفقج

معاها 100%

الحريم مخترعين من التويتر على الفاضي .. انتي اشتركي فيه وشوفي الوضع بنفسج

مو شرط يسولف مع البنات يعني راح يخونج ..

لاتخلين برنامج يخرب حياتج .. واهو كله على بعضه مجرد هبه وراح تنتهي

 

[كـ غلا ــلي]

والله انا رايي لا تكبرين الموضوع ولا شي.. مو معنى انه ضاف بنت يعني اهو على علاقه معاها.. توتير مكان لتبادل الأفكار وعادي الاغلبيه يضفون الناس من الجنسين الي يعجبهم طرحهم وفكرهم بغض النظر عن جنس الي جدامهم.. وترا الي بيخربط ما راح يوقف على توتير..واسلوب الرقيب هذا الي تتبعنيه معاه صدقيني مراح ايب نتيجه بالعكس راح يكرهه فيج واحتمال يعطيه مبرر للخيانه بدعوة انج نكديه حسب تفكيره.. فرايي تجاهلي الموضوع واذا تقدرين ولج قدره التحمل انج تراقبين من بعيد لبعيد بدون مواجهه هذا افضل عشان اذ كان في شي جايد اهني تتكلمين مو على اقل شي تواجهينه وتبينين انه مو عاجبج.. وسامحيني على اطاله وتقبلي رايي...امواج

وانا بعد من رايها لا تكبرين الموضوع ولا تنبيهنه بشي اهوا يمكن مو باله وغافل عنه

والشي الثاني اللي بنبهج عليه الريال بالذات مو زين تعاندينه يعاندج بزود و تاخذين الموضوع

انه اهوا ضاف بنات اقوم اضيف شباب بغرض انج بتقهرينه انتي لين دخلتي سوي فلو حق

اللي تعجبج افكاره وحتى لو تبعتي شباب تبعي اللي موضوع مستواه زين مو واحد مراهق

يخربط بالحجي ولا يصير ريلج محور اهتمامج لين درجه تخليج تدورين المشاكل شغلي عمرج يشي

 

[om al ghaleen]

حبيبتي انتي فاهمه التوتير غلط
اهو برنامج عآم فيه بنات عوايل وفيه شباب
وفيه دكاتره ومهندسين ومحامين ونواب وممثلين "

يعني حسب استخدام الشخص نفسه اذا اهو يخاف الله
ماراح يسوي شي غلط
تأكدي الحين الوضع مو مثل قبل
والبرنامج هذا فيه نقااشات
يعني انا وخواتي واخوي وأبوي وخالي
ع فكره كلنا كبار وفاهمين بس نستخدمه للاخبار
والسوالف العاديه اما سوالف الحرام والغزل هذي لا
والحمدالله البرنامج صارلي فيه تقريبا سنه مراقبته مافيه اي غلط
وسجلت فيه من شهر والوضع اوكي
تطمني تطمني ولاتحاتين اللي براسه شر مايخاف احد
ولاتخربين بيتج علشان برنامج ولا سالفه كلم فلانه وعلانه انا متزوجه وضايفه د عبدالله المطوع ود فوزيه الدريع بس مااكلمهم ولا لي شغل فيهم اللهم اتابع كتاباتهم "


\\