زوجي والتويتر

[ضحاوي الديره]

عادي حبيبتي لاتقهرين نفسج انا مريت نفس حالتج تدرين شسويت نزلت نفس البرنامج وضفته وضفت شباب بعد ما اهوا استحي وحذفه مني ومنه بينيله ان اللي تسويه اقدر اسويه

عجبتيني :eh_s(15):

 

[ضحاوي الديره]

ويييييييييع مادري شنو شايفين بهالتويتر !!!

 

[sh&t&m]

الله يجزاكم خير حبايبي والله يهديه وانا رااااح اطنشه ولا راااح افكر بحاول اللهي نفسي في اي شي ثاني والله كريم

 

[PuPa^^SWeeT]

لا تسمعيين كلام اللي اتقولج ضيفي شباااب

ماتدريين نوعية ريلج


لو بتسويينها ممكن ريلج يطلقج ولا يسوي شي


انا اللي اقدر اقووله لج طنشيييييه اهوو و النت و كل شي يتعلق فييه

اذا اهيي بس هبة

بيطخ و بايي يدورج و يقووولج وينج ماتقعدين وياي ما تطلعين وياااي



الريال مايبي بعد المرة اربع و عشرين ساعة ويااااه

 

[G!RLooNa]

بنات ترا تويتر اهوا جذي

مو اظافه لا تسوين فولو حق اللي يعجبج كلامه مثلا ولا احد مشهور مو يعني كل اللي مسويتلهم فولو قاعدين نلعب و نخربط لا!

يعني اذا سوالفهم مو شلونج حبيبتي و شسويتي اليوم و جذي عادي انا اشوف اصلا تويتر ما انحط حق السوالف لا احط اي شي يعجبني شعر نكت حكم نقاش عن مواضيع ظاهره الاضرابات مثلا و جذي

 

[فيروز خانوم]

مالت عليهم بصراحه تافهين على هالتويتر اغلبهم مو كلهم طبعا المشكله يدرون ان الناس تشوف وعادي طايحين له مغازل
بس الطامه البنات اللي مسجلين بتويتر وبالقاب جنسيه حاطين صورهم بلبس فاضح ويصورون بغرفهم ياربي الله يستر ليش يعني الله ساتر عليكم ليش تفضحون نفسكم

 

[غارقة بأحزانها]

ايوه فيروز خانوم صح كلامج حتى الشباب استغفر الله
مصورين الشسمة مالهم وحاطينه ذاك اليووم انصدمت حدي
شهالمستوى قعدت اقرى السوالف امبيه ماصدقت ان إحنا بالكويت
دعااااارة

 

[شادن33]

عادي حبيبتي لاتقهرين نفسج انا مريت نفس حالتج تدرين شسويت نزلت نفس البرنامج وضفته وضفت شباب بعد ما اهوا استحي وحذفه مني ومنه بينيله ان اللي تسويه اقدر اسويه

لاحول ولا قوه الا بالله لا ياماما لاتسوين جذي

 

[شادن33]

بنات ترا تويتر اهوا جذي

مو اظافه لا تسوين فولو حق اللي يعجبج كلامه مثلا ولا احد مشهور مو يعني كل اللي مسويتلهم فولو قاعدين نلعب و نخربط لا!

يعني اذا سوالفهم مو شلونج حبيبتي و شسويتي اليوم و جذي عادي انا اشوف اصلا تويتر ما انحط حق السوالف لا احط اي شي يعجبني شعر نكت حكم نقاش عن مواضيع ظاهره الاضرابات مثلا و جذي

صح كلامها ريلي مشترك بتويتر وكله ايرويني المواضيع اللي تعجبه يرد

 

[OM BARAK]

سويلج اكاونت بتويتر و قوليله ترى سويتلي اكاونت و ضيفيه

اذا قال شي قوليله مو انت تقول مافيها شي ؟ عادي مافيها شي. و سولفي و ضيفي أوادم

عطيه فتره و اهو من نفسه بتلاقينه تخف ايده عن الموقع ​

 

[هذا مزاجي]

طنشي واهو بنفسه بيترك هالسواالف
الله يسخره لج

 

[رمانه كويتيه]

الله يعينج والله انا ريلي حتى الوتس اب حاذفه مايبيه يقول كله تطنز ونكت انا فاضى الحمدالله