زوجي وداني بيت اهلي بسبت حبوب وشكله بينهي الي بينا

[أعرفك نفسي]

اهو عصبي صح وهو اللي بلش بالغلط
بس بصراحه لسانج طويل عليه ، الريال يتحمل كل شي الا لسان مرته

وبتلنسبة للحبوب كنتي تقدرين تقولين حبوب لوعه ، عوار بطن فيتامينات او اي شي
الله يهديكم ويصلح اللي بينكم

 

[شذا الياسمين]

ايش صار عليج ياقلبي ..
الله يسخركم لبعض يارب ..

 

[الريم اللعوب]

بنات حبوبات خلاص الحين الي صار صار والمره تهاوشت اهي وزوجها
يعني مايفيد الندم
حبيت اقولك انتي ادرى بزوجك اذا تحسي انا اتصالك بيفيد اتصلي عليه
واحتسبي الاجرعندالله تعالى
الله يهدي بالكم الحين ياعمري حنا رمضان شهر المغفره والمحبه والموده تزيد
حاولي تروحي بيتكم يوم يكون اهو فيه ودقي الباب ولا فتح قوليله اشتقت لبيتي
وخلاص اتوقع بتصير الا مور تمام
موفقه

 

[DaShTeYa_Q8]

لسانج طويل وايد
ماينفع مع الريال جذي عبالج بتكسبينه ؟؟
احترميه عالاقل

 

[مسك وطيب]

الناس رمضااان وخير وانتوا استقبلتوه بهواش

عسى الله يهديكم يارب

اول حل ,,, تقربي لربنا سبحانه صلي وادعي بسجودج صدقيني كل ماقويتي علاقتج بربج راح تمشي حياتج مثل ماتبين

وطوالة اللسان خليها عنج ,,, اتصلي عليه وتعذري منه مهما كان هو زوجج وانتي الغلطانه

الله يجمعكم عن قررريب يارب

 

[Mrs_Orchidia]

امبيه لأ لأ!! اسلوبج


اختي الكبيرة ما اخليها تحاجيني بهالاسلوب .. و اهي اختي ؟! الميانة طايحة بيناا!

شلون بريلج؟

بعدين الريال سألج شنو الحبوب .. قولي
عادي
صح احراج بس ميخالف

لو اهو ياكل حبوب من غير ما يقولج تسكتين؟ بتدشين بخشمه لما يقولج


انتي غلطانه و الريل ما سوى شي

 

[BeNt PaRiS]

الغلط منج مو منه

و تقبلي مروري و احترامي

 

[عاشقة هواك]

الله يعينج بس أنتو الاثنين غلطانين وان شاء الله تردون حق بعض

انا وياها :rerrerek:

 

[شوق&حنين]

الله يهديكم اختي ويصلحكم

بس صراحة انتي حيل قوية شلون تغلطين عالريال مهما كان ما تغلطين عليه جذي

انا استغرب من الحرمة اللي تغلط عالريال حتى لو موزوجها احس المرة راقية بانوثتها ما تتلفظ بالاغلاط

 

[ماني من الناس]

انا احس ان اهو استفزج بأسلوبه وتحقيقاته يعني حبوب شنو بعد اكيد حبوب لانج تعبانه يعني ليش يسوي كل هالفلم عشان حبوب مو من صجه اكيد ؟؟؟؟؟؟؟؟؟


وانا مثلج ماحب احد يقط علي كلام بايخ ماقدر اسكت عن حقي

اهو ليش متوتر جذيه وعصبي خل اهو بعد يعدل سلوكه

مو بكل شي تطلع الزوجه غلطانه انا شايفه انه اهو اللي بدى بالغلط

 

[7bebt 3bod]

انتي الغلطااانه والغلط راكبج من راسج لي ريوولج حبيبتي هذا زوجج ومن حقه يعرف ما فيها شي عادي جان قلتي حبوب حق الغازات ما اظن فيها شي غلط !!
وبعدين شلون تقولين تحبينه وانتي تطولين لسانج عليه!!
حبيبتي هذا (زووجج) جنتج ونارج والله اذا ما كان راضي عليج ما تشمين ريحة الجنة راجعي نفسج ولسانج

 

[zain-alq8]

الله يهداج الريال دم ضروسه المراه الي لسانها طويل وترادد ...يقلل من انوثتج

وترا انتي الي بدييتي ليش ماثلتي شنو هذا بطريقه حلوه

 

[dantella]

انتي الغلطااانه والغلط راكبج من راسج لي ريوولج حبيبتي هذا زوجج ومن حقه يعرف ما فيها شي عادي جان قلتي حبوب حق الغازات ما اظن فيها شي غلط !!
وبعدين شلون تقولين تحبينه وانتي تطولين لسانج عليه!!
حبيبتي هذا (زووجج) جنتج ونارج والله اذا ما كان راضي عليج ما تشمين ريحة الجنة راجعي نفسج ولسانج

غريب التبجيل بالزوج بهالدرجه يعني اهو كان قليل ادب وتصرف طبيعي منها بالاخير اهي بشر
وبعدين انا كنت احسب ان الوالدين اهم جنتي وناري موزوجي مع احترامي يعني

 

[dantella]

انا ودي افهم الرياييل لي قعدو مع بعض يقولون عن زوجاتهم لالالالالالالا هذي زوجتك جنتك ونارك؟ ولا بس احنا يالحريم؟

 

[Miss sensitive]

اللي بقوله قالوه قبلي

 

[أم علي الرفاعي]

انا بقول الصراحة
والصراحة ما تزعّل مو ؟؟!!

انتي تبين الصج عشان تحلين المشكلة

((((انتي الغلطانة))))

يعني بتقنعيني انج استحيتي تقوليله
انها حبوب غازات
وما استحيتي تطولين لسانج لي هالدرجة ؟؟!!!

يعني صج صج على قولة ريلج
((واحد من الربع)) !!!!!!

شنو هذا ؟؟!

ريلي واستحي منه .. شلون وليش ؟؟!!

شوفي حبيبتي
الانسان الغامض ترى محّد يحبه
ومو مريح كلش

وبالذات مع الريل
خلي كل شي واااضح جدامه

على قولة المثل :
لاتبوق ولا تخاف

شنو يعني
حبوب غازات

واذا ما صدق
الله يخلي الصيدلية
مجرد تليفون ويعطيه اسم الحبوب
والصيدلاني يقوله حق شنو

ترى بسيطة ,,

كبري عقلج وخليج أأدب من جذي
وأهدى وأذرب ..

مو كل ما قاللي كلمة رديتها بعشرة !!

يعني يسويلي حركات
أسويله أكثر؟؟ !! شنو شطارة يعني ؟؟!!

شوفي وين وصلتي >> بيت أهلج


دقي واعتذري
ولا تخربين بيتج بيدج

((وقصري لسانج ))

وكسري الشرررررررررررر !!!!!!

البنت كل ما طال لسانها>>
كل ما فقدت انوثتها !!

سكتي مرة ومرتين وثلاث
وشوفي شلون بتكسرين خاطره
وايي بعينه انج ما رديتي ,,

جربي وماراح تندمين

والله يصلحكم ان شالله

 

[سيلينا]

انزين ليش ماقلتي له شنو الحبوب مو شرط تقولين تفصيل قولي للمعده وبس

بصراااحه سويتيها سالفه من ولا شي !!

وحيل حيل حيل تراددين ترى لي سكتي ما راددتي مو معناته هل شي يقلل من قدرج!
لي هدى الوضع تقدرين توقفينه عند حده بس مو المرادد هو الي يحفظ قدرج انتي تقدرين تستوعبينه لي عصب
وبس يهدى الموضوع تتشرهين عليه وتبينين له انج ما تحبين هالاسلوب اشوي اشوي تفهون بعض

 

[انوار87]

لما قالتج شنو هالحبوب جان قلتي فيتامينات لان احس شعري يحت و اضافري مادري شلون و على طول غيرتي السالفه

 

[miss.Al-Qattan]

حبيبتي انتي عارفه من الاول ان انتي الي لسانج طويل
سألج وتهربتي
يمكن لعب الفار بعبه ( على قولتهم)
بس انتي تماديتي بالحجي
لو ريلي
جان طلعني بفنااااقر وطراااقااات على هالاسلوب
شلون تقولين اذلف
والحين اقولك انت شنووو
ويالله يالله

يعني لو احد ثاني جان قالج طقيني بالجوتي احسن

انتي الغلطانه اكثر
يمكن اهوه لج عليه لان عصب
بس انتي طينتيييييهااااا

 

[دنيا رديه]

والله تبين الصج انتي واهو غلطاااانين