زوجي وداني لبيت اهلي والمشكله كلها عشان حبوب اكلتهم :(

[حبيبي مالكني]

الله يهديكم كبرتوا سالفه صغيره
مدام شفتيه شد ليش ما رخيتي
اهو اللحين معصب خليع يهدى وبعدين راضيه
والله يهدي سركم

 

[PuPa^^SWeeT]

جان قلتيله حبوب لأنه بطني يعورني

اتراددينه و اتقوله انته روح روح و مادري شنو


انتي كبرتي السالفة مو اهو

اهو ماوداج علشان الحبوب وداج لأنج اتراددين و خليتيه يشب نار

و شنو يعني جارية يعصب و يهدي ليش اتراددين و اتزيدين يعني اللي يسكتون عن رياييلهم جواري ؟؟؟

لا اللي يسكتون عنهم حزة الغضب احكم منهم مافيه


و اقوا منهم مافيه بس ماسكين نفسهم لأنهم ماينزلون نفسهم لمستوا المرادد


يعني الحيين انتي اللي طلعتي غلطانة و اقلبت السالفة عليج


والريال ريال لازم تمسكين نفسج جدامه

ادري شديت عليج


بس سالفة اتحطين راسج براسه انتي اللي بتخسرين

زين ريلج مسك اعصابه ماطقج ولا شي



الحين لأنج انتي الغلطانة مضطرة اتدقين عليه و تعترفين انج فعلا راددتيه بس قوليله لأنه بطنج يعورج وايد و ماتبين اتقولين وانج ماخذة الحبوب علشان يخف العوار و الغازات


كلنا ناخذ ادوية مانبي رياييلنا يعرفون حق شنو

حبوب فحم ولا ملينات ولا ولا بس لما يسالونه سيدة بطني يعورني وهذا مسكن خاص فيها


عرفتي

 

[مجنونه هواهـ]

حبوبه الريال ما يحب يتكلم والمره تعطيه ظهره وتطلع
2 ما يحب احد يرد عليه جان جلستي وياه بنفس المكان وساكته وما تدرين ولا شي بعد ما يهاوشج قولي له هاي حبوب عواء البطن او مشاكل المعده هو بيفهم وماكو شي اسمه ما اقدر انحي نفسي لازم ارد عليه هاي زوجج انتي الغلطانه وهو الغلطان خذ الحبوب على اساس منع حمل وفكر انو انتي ما تبين تيبين عيال كلميه وروحي له لحد البيت لا تستني يجيج لانك الغلط الاكبر منج والله يهنيج ويهني

 

[PuPa^^SWeeT]

شوفي
انا مع طليقي كان يعصب ويتعدى حدوده مرات يكون توه قاعد من النوم والا جاي من بره ويدور حجه يتهاوش عليها وككنت اسكت حتى سب كان يسب ابوي ويسبني من دون وجه حق ولا عذر له

وندمت حيييييييييييييل اني كنت اسكت

لان بالاخير سكاتي خلاني انزل من عينه وما يحترمني وصار عادي عنده سبتي وسبة الجلب وحده
لان تمادى علي وكنت اسكت وما وقفته عند حده ورديت

هذا اكثر شي ندمانه عليه الحين
اني كنت اكتم بقلبي وما اتكلم
ليما جا يوم وانفجرت
وخلاص صرت بعد ما اتحمل منه نص كلمه تأذيني ولسانه خلاص تعود حيل زفر معاي حتى اخر اتصال قال جبت وجبت للشقه وهو طاردني وقايل بسافر وبطلق وسواالف ماصخه لابوي قلت كلمة وحده غريبه وقال انتي ماتستاهلين مو كفو غلطان الي دقيت مان روحه علي الاخ شايف نفسه وصك انا كنت اقصد من كلمة غريبه انه طاردني ويقول جبت وجبت وانا مليت من التطريد وكله روحي لاهلج نامي عندهم وكله يبيني عندهم والشقه يبيها فاضيه ليش مدري
فخلاص عقب سنتين من الذل والاهانه قلت انسحب وبسكات وخليت ابوي يحاجي ويحل الموضوع ومابي منه لا كلمه ولا اتصال ولا مسج

ترا الانسان طاقه ومن حقها صاحبة الموضوع ترد بس يكون الرد معقول مافيه قلة ادب او مساس بكرامته لانها بنت حموله مو من الشارع فلازم عادي تناقش زوجها ما انكر انه كلامها الاخير بالسياره فيه تعدي وانه غلط ترد اي حركه يسويها نفس الشي
ومو كل مره المفروض ترد
ترد بالموقف اللي يستاهل الرد فقط واللي مايستاهل لا ترد عادي ممكن تسكب مثل ما قلتي بردج

حبيبتي فرق بين اللي اتقولينه واللي اهي اتقوله


اهيا اللي بدت تستفزه اول شي حبوب ماتبي اتقوله خير ياطير انزين اوكي تدري انه عصب وتضايق اتغير المود


لا خلته و راحت ولما قالها ليش اتروحين قامت اترادد


؟؟؟ و كاهي اببيت اهلها حبيبتي يعني لسانها ماقواها بالعكس صار نقطة ضدها


حبيبتي فرق بين انج تسكتين عن عصيبته و تسكتين عن الغلط وانه يغلط عليج


اهوا ماغلط عليها اهيا اغلطت عليه

 

[عروساا]

شوفى حبيبتى
الحياة الزوجية ممكن تستمر بدون حب وممكن تستمر بدون فلوس وممكن تستمر حتى بدون عيال
لكن
لا يمكن تستمر بدون احترام

والزوج مهما كان له قيمته واحترامه
حتى لو عصب فيه مليون طريقة اتخلينه يتحسف بدون طولة لسان

وبعدين انتى لما اتطولين لسانج على زوجج تعطينه انطباع ان اهلج نفس الطريقة وتسيئين لهم

لان ببساطة الريال ممكن يطلقج ويتزوج ما يرده شئ


نصيحة
عاملي زوجج مثل الضيف بالضبط
تكسبينه العمر كله

وربى يصلح الحال

:eh_s(7):

 

[النجاح هدفي]

الله يهديه ويسخره لج يااارب العالمين

 

[^_^ حوراء ^_^]

لسانج قصريه يا ماما

هاذا ريلج مو اصغر عيالج ..!!


مادري شلون اتقولين اتحبينه و تكلمينه بهالطريقه

اهوه لي عصب معذور بس انتي مو معذوره ..!


كسري الشر و دقي عليه و اعتذري و قوليله ان هالحبوب للغازات و انا كنت منحرجه اقولك واذا مو مصدق اخذ الحبوب ودهم للصيدليه واسأل عنهم

 

[miss_Ba6oOo6a]

الصراحه مبين عمرج صغيير موعارفه تتصرفين لان الغلط كله منج وشنو يعني حبوب غازات قوليله حبوب معده
وخلصنا الريال مايحب الجذب والمرادد

 

[om MaRyooM]

لاحول ولاقوة الا بالله



انتي زدتي الطين بلة اختي


ماكان المفروظ تعاندين .. جان صارحتيه وكان الله غفورا رحيما



واذا زوجج عصبي يعني بتحلين الموضوع بطولة اللسان !!!!!!!!!!!!

انا اقول ردي لبيتج والدنيا رمضان مايسوى عشان شي تافه جذي يصير وقوليله الصج

 

[جذابه بنت ذيابه]

اقوله الصج واريح عمري يمكن اهو عباله حبوب منع حمل


انتي وزوجج نفسي انا وزوجي عصبيين حيل


الله يهديكم ويهدينااا


الحين انتي اليوم كله لا ترسلين له مسجات ولا شي
باجر قبل الفطور ارسلي له اشتقت لك ومن هالكلام اللي يطيب الخاطر

 

[Om Ali 86]

حبيبتي اهوا لسانه طويل و انتي لسانج أطول
ماله داعي الكلام اللي رديتي عليه فيه

قوليله حبوب شنو و انتهى الموضوع .. و اذا شفتيه معصب على اقل سبب و متنرفز حاولي تلطفين الجو ان انج تتجنبينه
مو تقعدين تلاسنينه ...
يعني سوري اسلوبج كلش مافيه ذرابه

 

[أحبج يمه]

اللي آنا اشوفه إنج انتي غلطانة لان مافي ريال يرضى ان اي مرة تطول لسانها عليه أو ترادده وبعدين السالفة جدا عادية يعني جان قلتي له بطني يعورني وهاذي حبووب حق البطن وبجذي ما تكوونين لا جذبتي ولا انحرجتي خو بطنج يعورج عادي

ولا تنسين ان الرياييل كلهم يحبوون ان المرة تكوون ضعيفة جدامهم واهم اللي يفرضون شخصيتهم وانتي المفروض لمن تشوفينه معصب حييل امشي عنه أو طالعيه لمن تدمع عيونج وامشي عنه صدقيني راح ينكسر خاطره وايي يراضيج
والله يصلح بينكم حبيبتي

 

[يا كويتنا]

اسلوبج كله علط بغلط الوحده ما ترادد زوجها بهالطريقه


جان عادي رديتي عليه بشكل طبيعي


انتي غلطانه صبري جم يوم وتالي دقي اعتذري

 

[G!RLooNa]

قاهره عذالي متى تطلقتي!