زوجي وعلاقته السابقه

[ryoonah]

مو من صجها رفيجتج خل تبجي معاها بعد

 

[Al lolo]

الله يكون بعونها لو انا مكانها اقلبها على راسها

 

[رآآحٺ آيآمڪْـ]

آلله يعينههم َ آثنينتهم َ
وحدهه تحبهه وآلثآنيهه زوجتهه َ :-
مدرى شقولج َ بس عطيهآ طآف

 

[om Firas]

خلى توقفها عند حدها بلا تعاطفتة معهاىبلا بطيخ
بطت جبدي رفيجتدة ريلها استغفرالله اللي استحو ماتوا

 

[انتثارات]

وشفيكم هبيتوا جذي بالبنت والله اهوا الحقير شنو لعبه بنات الناس هذي حق وقت التسليه واذا بتزوج اخذ غيرها مغلفه بجيسها على قولتهم
هدي اعصابج اكيد فتره وتعدي اكيد ما بتم طول العمر دام مكتفيه بنظره مع انها خبله مثل هذا الواحد يعطيه استغفر الله بيي يوم تتزوج وتنسى المسكينه وبيظل لج الزوج الحنون

الله يهدي الجميع

 

[..~Goolz]

اهم شي ما تقولي لريلج الي دار بينج وبينها >ترى راح يحن للماااضي



طنشي ولو تقدرين تنقلين من بيتج يكون افضل ..


مصيرها راح تتزوج وتنسى

 

[روان المطيري]

لا غلطانه اختي جان اعتذرتي لها وبستي راسها ومره ثانيه لا تخلينها تقعد بسيارتها بالشارع لا عيب دخليها بيتج واذا بغيتي نوميها بينج وبينه , ولاجان طقيتيها بجيه معاها @@!

انتي مفروض دقين عليها تغسلين شراعها مو تفاهمين معاها وقوليلها اذا ما تسنعتي وبعدتي عن زوجي لي كلام ثاني ما اهلج يعني انتي اشناطره زوجج يتعلق فيها وتاخذه منج ! لا تغرج الدمعتين هذي لو تخاف ربها جان بعدت عن زوجج ومو تلحقه من مكان لي مكان هالجلبه *,


حبيبتي ديري بالج ولازم تحطين حد للموضوع هذا وبعدي زوجج عنه عشان لا تحطينها فباله*


والله يوفقج

 

[q8dvd2000]

والله حبيبتي مشكله من الاساس من ريلج ليش لعب بمشاعرها وقص عليها ترا بنات حطوا نفسكم مكان بنت اكيد كان سنين واهو واعدها بشي وبعدين غدر شنو البنات لعبه عنده في بنات تحب من قلب وتخلص ليش ما حس فيها حاقرها علي باله يتوفق بحياته عساها حوبتها تبين فيه وايد شباب يخربون حياه البنت ويعيسون بوهم الحب وبعدها يسحب عليها وبنات اللي يقولون فضحيها خافوا الله اهو اللي مفروض يتعاقب يلعب يلعب وبعدها يبي وحده غير اللي سنين تنتظره صج ريال حقير بنات لعبه عنده لو اخته مارضي احد يستغل مشاعرها

معاهاااااااا
مو معقوووله البنت تسوي كل هذا لو ريلج ماكان معشمها والا كان بعلاقه حب معاهاااااا

بصراحه كسرت خاطري البنت وااااااااايد
الله يمسح على قلبها ولو كانت مظلومه الله ياخذ حقها من اللي ظلمها وكسر قلبها

 

[الملازم أيمي]

:
:

يمكن كلامي يزعل البعض منكم

ويمكن بعضكم ما يعجبه بالاساس ..
بس خلنا نكون واقعين

اكثركم صار في صف الزوج .. وسبيتوا البنت !!
ما الومكم شي يقهر فعلا لما وحده تبجي لانها تحب زوجج

بس خل نفتح الجرووح شوي
يا صاحبة المشكله .. ريلج كان على علاقه معاها
ودرجة الحب الي وصلت فيها اكيد من وعود ومن كلام ريلج كان يقول لها
شي طبيعي البنت بتحبه .. ولا ليش بتبجي عليه ..
الحب .. شي جدا جدا صعب
وخصوصا اذا حبيتي شخص من كل قلبج
والله ثم والله .. حتى لو ما تكلمينه .. وتدرين ان متزوج .. مجرد انج اجوفينه ترتاحين
انا ما اشجع اي احد على هاي الشي لا والله

بس ياليت الريايل ما يلعبون في مشاعر البنات
.. شلي يخليها اتيي عند باب بيته تنطره ! ! شلي يخليها تشهق وتصيح وبتموت !
مو كل من يقدر ينسى .. والبعض صعب عليه ينسى

ما اشجعها ابدا انها اتيي توقف عند باب بيته
بس خليت روحي مكانها .. وانقص علي ؟. عشمني بالحب .. وتركني وهجر ..

لو انا مكانها اكيد بموت قهر .. مو لان تزوج لا ابدا .. لان لعب بمشاعري .. غدر فيني

اهيا تبجي عليه حبا فيه .. واهو يسبها جدامج ويقول خلها تولي ! تناقض فعلا



المهم .. الحل يا صاحبة الموضوع
ما بقولج روحي كلميها .. او زفي ريلج
خلاص ماضي وانتهى .. لا تفتحين لج ابواب
ادعي ربج يبعدنها عنكم .. ربج الوحيد اهو الحل .. الي ما يخذلج
وباجر اكيد بييها النصيب .. وبتروح في حال نصيبها


لحد يلعب بمشاعر احد .. ترى اقسم بالي رفع السبع سماوات الحب مو شي سهل
ولا في يدنا نحب او ما نحب !
ما انصح بالعلاقات ابدا .. بس هم ما انصح احد يوهم احد بانه يحب
وفجاءه بيوم وليله .. اهو في حضن غيرها

ترى الدنيا دواره . . باجر بينلعب في مشاعر بنته !
وبحس بالجرح شلون يألم


موفقه حياتي .. واتمنى لج حياه سعيده

:
:

الملازم ., كانت هنا

 

[هاديه احمد]

^
^
صصح السانك خيتووو

وحسبي الله ونعم الوكيل على كل شخص يلعب بمشاعر بنات الناس ومايخاف ربه فيهم !
يا ظالم وين بتروح من دين تدان!

 

[تباعدناااا]

مدري ليه كسرت خاطري والله الحب بلوى
ودي اقول خل تنطشها بس اخاف زوجها يحن لهاا
ماقول الا الله يعين صاحبتك ويعين البنت ذيك قولي لصاحبتك تلزم الدعاء والله كريم

 

[حبك من الله]

الحل بيد زوجج

اهوه اللي بيوقفها عند حدهاااااااااااا

اهوه مستانس على شوفتها

شنو مينونه

ارد وأقولج الحل بيد زوجج


وبذيك الساعه ماراح تشوفينهاااا خير شر

 

[ثريا الكون]

والله ماحط بذمتي بس شكله ريلج مسوي شئ فيها ولا ليش متعلقه فيه هل كثررر. ساعات الرياييل يعشمون البنات وبالاخر يجذبوون عليهم انا من رايي كلمي ريلج ولا تلومين البنت شوفي اهو شنو مجذب وشنو مبدع مع هل البنت الي مو راضيه تنساه اناا هذا راييي ليش الغلط عالبنت ؟؟؟؟ انا من راييي نمسك اساس المشكله واهو ريلج لان بيده ان يحل الموضوع من الاخر

 

[نونه المنكوشه]

مادرى ليش اكسرة خاطرى طنشيها ومردها بتمل

 

[مـزآج ــــية]

هدديها انج بتعلمين اهلها
و اذ

 

[~ كرز ~]

اذا شفتيها قولي لها ترا و الله افضحج و اييب لج الشرطة او اقول حق اهلج

 

[~✿ ارتـِوآآآء روح !]

رِدٌ صآحِبَةة آِلمًشُكككلُةِ
___________________________________

يعطيكم العافيه بنات ماتقصرون من شفت ردودكم امس تشجعت اروح عند اهلها
واليوم الصبح رحت بيتهم قويت قلبي ماتوقعت هالشي بيطلع مني اني اروح المهم من قهري وغيرتي رحت
طقيت بابهم ولا تطلع لي الخدامه قلت لها وين ماما كبير ولا تقول موجوده قلت لها روحي قولي لها في مرة يبي انتي
وراحت والمرة هلت ورحبت فيني وكبيرة حييل بالسن
قلت لها السالفه من اولها لي اخرها قالت لي احنا عارفين هالسالفه وزوجج من تركها البنت صارت فيها حاله نفسيه
يعني امها تدري بسالفتها مع زوجي
المهم ولا تطلع لي اختها ولا تقول لي معليش اعذرها واحنا بقد مانقدر قاعدين ننسيها هالماضي
والبنت تاخذ علاجات وجلسات نفسيه وورتني ملفاتها واوراقها انها تعالج يعني الام والخوات مامنهم رجا الكل يعرف بحالتها وسالفتها
شتنصحوني فيه اوصل السالفه لاخوها شجعتوني اوقفها عند حدها
شنو رايكم ابي ارتاح منها

 

[ام كوثر2007]

رِدٌ صآحِبَةة آِلمًشُكككلُةِ
___________________________________

يعطيكم العافيه بنات ماتقصرون من شفت ردودكم امس تشجعت اروح عند اهلها
واليوم الصبح رحت بيتهم قويت قلبي ماتوقعت هالشي بيطلع مني اني اروح المهم من قهري وغيرتي رحت
طقيت بابهم ولا تطلع لي الخدامه قلت لها وين ماما كبير ولا تقول موجوده قلت لها روحي قولي لها في مرة يبي انتي
وراحت والمرة هلت ورحبت فيني وكبيرة حييل بالسن
قلت لها السالفه من اولها لي اخرها قالت لي احنا عارفين هالسالفه وزوجج من تركها البنت صارت فيها حاله نفسيه
يعني امها تدري بسالفتها مع زوجي
المهم ولا تطلع لي اختها ولا تقول لي معليش اعذرها واحنا بقد مانقدر قاعدين ننسيها هالماضي
والبنت تاخذ علاجات وجلسات نفسيه وورتني ملفاتها واوراقها انها تعالج يعني الام والخوات مامنهم رجا الكل يعرف بحالتها وسالفتها
شتنصحوني فيه اوصل السالفه لاخوها شجعتوني اوقفها عند حدها
شنو رايكم ابي ارتاح منها

عيل حبيبتي دام هذا رد اهل البنت ما اقول الا حسبنا الله ونعم الوكيل بريلج اللى وصلها هالمواصيل .. وصدقيني بيييله يوووم يشوفها بأهل بيته .. لانه اللى صاير اكبر من المشكله نفسها

هذى واصله مرحله الينون .. والسبب منو .. السبب واحد ضيع لها سنين عمرها واخرتها تطقها زواجه من وحده لا يعرفها ولا تعرفه .. وخلاها ..

انا اللى رشحت لج انج تروحين بيت اهلها وتكلمينهم لكن عقب هالرد صراحه ..

اقولج خافي علي ريلج وعيالج من الحوووبه ..


لا حول ولا قوه الا بالله العلي العظيم ..
​

 

[dubai girl]

وي حرام عليه حسبي الله عليه وعلى كل واحد لعب على بنات الناس
الحين يقول مريضه الحين يقول انها مينونه .. ماعليه استانس الحين
بس صدقني دعوة المظلوم مابينها وبين الله حجاب ،،
لو مكانج بيطيح من عيني لان مب ريال ماوفاء للبنت الي حبته

تاثرت والله
الله يهديها ويشفيها

 

[mi corazon]

الله يعينج

كنت كاتبه رد ومسحته لما قريت انج رحتيلهم


الله يهدي ريلج

بنات الناس مو لحمه يعلجها ويقطها

الله يرزقها بولد الحلال اللي يهدي سرها


وانتي ادعي ربج يستر عليج وعلى بيتج ويهدي زوجج وادعي للبنت الله يعوضها ويحفظج من حوبتها

وحسج تقولين الموضوع لريلج ياخذها حجه ياخذ البنيه

خو يقلبون فجأة فاعلي خير هالريايل


عليج بالدعاء وحاولي انج تكونين حكيمه بتصرفاتج بهالموضوع