زوجي وموضوع الخدامه

[كويتية منسية]

السلام عليكم

اذا انتي مقتنعة انه عادي دفعي وساعديه

بس تبين راي ولا يهونون العضوات

انا اقول هذي بداية حق اللي ياي

الا وهو كل مرة بيقولج دفعي هالمرة

وهذا النص بالنص ليما يتعود وتلقين نفسج كله على راسج
اسمحولي هذا راي ووجهة نظري

دمتي بود اختي الغالية

 

[معلمة شيسمونه]

شوفي ادري الموضوع ينرفز صح

ويقهر لانج بتحسين انج مسؤوله عن نفسج

بس انتي شوفي وضعه يسمح ؟؟
هو هم عنده التزامات

اقولج شغله
انا حاليا بشتري راوتر فيفا
وقلت له يكنسل الايقو
وقسمت ثمن الراوتر بيننا انا وياه
هو يدفع 8 وانا ادفع 10
دينارين زياده علشان بحطها بجنطتي لوووووووووول فدفعت ثمن الجنطه

لاني ادري انه التزاماته حدها حدها
والله كافي بس اغراض الجميعه رايح راد رايح راد

احسه مسكين ما يبقى عنده الا دنانير


وترى اختي وزوجها جذي
زوجها ما يسوق فطلب له سايق وهو تكفل فيه طلبه ومعاشه
وهي تبي خدامه طلبت لنفسها خدامه وتكفلت فيها الطلب ومعاشها

والسايق والخدامه اثنينهم لهـــــــــم بس شالوا عن بعض

 

[ام^يوسفاني]

وشنو المشكله تدفعين للخدامه اذا انتي موظفه ،؟؟
مادامه طيب وكريم معاج .. لاتصيرين انانيه .. الحياه الزوجيه مشاركه لاتخلين بينج وبين زوجج حدي وحدك ماحب
هالطبع كللللللللش
الله يهديج

مو عيب ولا غلط تساعدين زوجج يمكن ظروفة ما تساعده

 

[القلب الطيب]

عادي ما فيها شي لا تكبري الموضوع
والله يهديكم لبعض ​

 

[بطوووطة$بيضة]

اذا اهوا ماعنده انتي دفعي

بس اذا عنده من الناحية الشرعية الريال ملزوم اييب خدامة

 

[Mjnont '3lay]

بالأول الله يبعد عنكم الشيطــــان .... فديتج من كلامج علاقتكم مع بعض حلوووة وعسي الله يخليه لج ولا يجوف غيرج بس بقول لج شئ وهذا شئ تعلمته من امي وأبوووي ^^ فديتهم عسي الله يبـاارك بعمرهم وربي مااراح أجوف شرات حبهم لبعضهم رغم الظروف الي كانت والحمدلله صبرو وصبرنا ونلنا الي كنا نتمناااه ..
رغم أن خوات أمي كل وحده عندها خدامه بس أمي عمرها ماتذمرت و كانت تعرف بظروف أبوي وعمرها ماطلبت خدامه فديييت طبااااخ أمي ...كنا نحن بنتاها ونساعدها والله من وانا عمري 10 بديت الشغل .. الحمدلله عمرنا ماتذمرنا ... وأبوي مايحب الأكل الا من أيد أمي قال لها بجيب لج خدامه بشرط ماأبيها تطبخ .. (( يعني للتنظيف بس ))..
وخلاصه الموضوع حبيت أقول لج وأنصحج لا تخربين علاقتكم دامها حلوه بسبب صغير وماله داعي اصلن تكبرينه .. ياااما بنات أطلقو بهالسبب يا أتيب لي خدامه أو توديني بيت أهلى ؟؟..!! ((والله لا يجيب هالشئ بينج وبينه )).. والله نصيحه بلا خدامه وبلا هم ....الخدم والعيااااذ بالله منهم والله يفكنا منهم ومن شرهم بعضهم خبيثااااااات .. يعني خلي ريلج بعيونج وأنتي الي أخدميه لا تخلين غيرج يخدمه ....

حاولي تشيلين كل شئ بنفسج أهو يوم بيجوف وضعج وبنفسه بيب لج خدامه ... يعني لا تصرين عليه ...

بس ماخبرتينا أذا كان عندج عيال أو توج متزوجه .. لأن الي توهم متزوجين يدلعون أسمحيلي ماأعرف وضعج بالضبط بس حبيت أنصحج ^^

معاها :eh_s(15):
وانا ماعندي خدامه واساسا ماابي خدم كلش ماحب لانهم وصخين ولسانهم طويل ومالهم امان وعينهم وصخه وانا صراحه وحده حاره ودمي حار كلش ما اتحمل وحده تراددني علطول اعصب ويرتفع ضغطي والحين حياتي من دون الخدم رااااااااااااحه بس اكيد ما استغنى عن الخدم بارت تايم
وحتى لو انتي موظفه تقدرين تمشين حياتج بدون خدامه بس المسأله يبيلها تفكير وتنسيق وقت وبس وامورج تكون فوق التمام بس اذا مصره عالخدامه جيبيها بفلوسج ترى اهي رح تخدمج وتخدم بيتج يعني مملكتج الخاصه وبصراحه الخدم الحين حيل غاليين مو مثل قبل والرجال بيلحق على شنو ولا شنو يعني لازم تتعاونين معاه شوي مايصير تقولين هالكلام يطيح من عيني وهالكلام
موفقه يارب :eh_s(17):

 

[Morena]

حبيبتي حسب ظروفه الماديه اذا تسمح انا افضل اهوا يدفع لانه البيت مو بيتج بروحج اهي تساعدج او تقولين له انا معاك نتقاسم يعني مثلا الخادمه عليج واهوا عليه امور ثانيه المشاركه مو عيب هذي الحياة

 

[طموحه بزياده]

الخدامه لج مو له


لا تخربين على روحج عشان سالفه منو اللي بيدفع

اشتري راحتج الخدااااااااااااامه نعمه

 

[.. روحي تحبه ..]

..

دام إنه زين معاج ومايقصر خلاص ريحي عمرج ودفعي لها

..

 

[modern]

وين المشكلة!!! الخدامة لراحتك وما فيها شي يمكن ما عنده

 

[الرروح44]

حبيبتي الا هم معاش خدامة مايسوى لازم تساعدينة شدعوة كل اهووووو لازم الغالية تساعدينة بأمر في البيت وراتب الشغالة مقدور علية

 

[أحـلام * ورديـة]

اذا كان ما يقدر عشان ظروفه الماليه

ساعديه حبيبتي مافيها شي

عشان راحتج

 

[نونه المنكوشه]

هذا ريلج حبيبج وهو كل شي بحياتج لازم تقدرين ظروفه وتساعدينه وفلوسه وفلوسج ما في فرق الحياة تشارك

صح كلامج برافووو عليج :eh_s(15):

 

[Cute mama]

انا اشوف من حق المره انه زوجها ايبلها خدامه اذا ظروفه كانت تسمح
مو عيب اذا ريلج محتاج وخذا منج فلوس هذا ريلج فلوسكم وحده
بس الوضع غير اذا عنده ومستكثر عليج خدامه​

 

[english muffin]

ما اصدق في حريم لحين يفكرون هالتفكير
خو ريلج ومب مقصر معاج بشي وماعتقد بخل منه مجرد انه يمكن ماعنده المبلغ وطلب مساعدتج